cyprus's Profile

呢間野只可以去試下就算今晚叫左1. 水煮魚2. 七味雞軟骨3. 咕嚕肉4. 土豆絲1. 水煮魚上枱無煙, 食落只係叫少少熱, 未試過食水煮未食到一半已經凍晒！2. 呢個係好味既, 但唔係好熱!3. 以為係熱既, 但其實又係凍既4. 呢個最正常…Read More

學完車....大隻佬車我返屋企...途中就落大雨喇....唔想周圍行...求其入左呢間食....開頭見到D 相覺得應該都好味...就是但啦...店入面小妹妹既服務態度好好, 推薦我食口水雞,我都諗唔到食乜....就口水雞薯粉麻少辣...大隻佬就要 金錢肚豬頸肉酸辣油麵....大隻佬既麵黎到, 試左少少湯, 其實無乜酸辣味, 湯味好淡...豬頸肉同平日食開燒豬頸肉果D 好唔同..好似得塊豬皮咁樣....肥淋淋既感覺....無咬口呀..到我既口水雞黎到....我既習慣係飲左個湯再食麵....飲個湯....又係無乜味.....最重要係....連D 紅薯粉都無味....感覺係...清水煮完個薯粉.....再放湯...薯粉完全吸收唔到湯既味道....大家响同一個碗, 但各不相干既感覺....同平日食開既 譚仔,雲貴川果D 味道差好遠...樓下既食家講得無錯....食開果D...真係食唔到呢間....由於個湯真係無乜味...我筆左好多口水雞既辣油落碗薯粉度....快快食完就算....不過不得不提,隻雞都滑,唔太肥. 呢個值得一讚,....後記: 大隻佬食完呢個粉...返屋企疴左好幾次呀....仲疴足2日....…Read More

]我都叫做羽既小蕃薯....有事無事都會去羽食.....今次見旺角開多左一間分店....諗死分店咁新...應該無乜人知....唔洗o係花園街果邊等餐死....所以早早同埋幾個朋友食個飯...吹下水....開下至8會咁....去到坐低.....o係鋪頭最角落o係廚房入口既卡位.....諗住可以望下窗外既境都幾好呀.....點知....真係唔多好呀.... 完全無人睇到你.....你舉手咩.....d 伙計好似賽馬帶左眼罩咁..目不斜視.....個個都係有事無事......o係你隔離"攝"一聲衝入廚房.....大大力咁撥塊布.....慌死人唔知佢入廚房咁.....入一入....即刻轉彎出返黎.....但都係睇你唔到..... 坐左10分鐘...唔會有人倒茶.....最後舉手舉到fans 叫偶像咁先有人理.....真係唔明....點解間鋪無只係得10張卡位有人....都可以唔見晒d waiter.....呢度唔單止係waiter唔見.....野食都係......要乜...近一半都無......是晚食左...1. 帶子壽司x 4 ....同往日食開既分店比....呢間唔知點解細隻d....同埋無咁鮮甜.....不過都ok..因為係我既至愛...所以encore 左 1次....2. 皇帝蟹柳 ....呢個咸左少少.....同埋又係比其他分店既蟹柳散d.....3. 芥苿八爪魚 ....呢個係最有驚喜....抵讚....好耐之前食過幾間...包括o係city super買過...我都覺得唔好食....呢間入到口喎....食落有d又辣又攻鼻既wasabi味..但又唔會搶左八爪魚既味道...幾好~~~唔係因為有個朋友鍾意食....我自己一個係絕對唔會叫....真係多謝朋友m....令我去羽....又可以食多味!!!4. 帶子裙邊 ....呢個都好好味.....帶子裙邊又厚, 又彈牙!!仲有好多.....無影相唔記得喇.....呢間野.....叫咩無咩....要海膽無海膽...要可樂餅無可樂餅.....要劍魚無劍魚.....最後埋單....都真係好慎重咁check 左一次單先比錢....如果呢度都仲係咁既服務...應該都唔會再黎.....…Read More

琴晚睇電視...見到麥記賣廣告....有板燒雞腿蛋漢堡....有新野...梗係要試下啦.....唔試尤自可.....一試就幾把火....原來個包有菜.....但d 菜唔o係個包入面....係o係個盒...同個包底....o係個盒見到果d 都仲好d....o係個包底果d....黃到霉菜咁...成個包.....真係"禮"手掉入去.....咁"那西"既麥記...都真係第一次食到....早知慳返$ 3 去 burger king 食好過=.='…Read More

明皇...係一間幫襯左好多年既迴轉壽司店.....不過最近幾次去...都覺得大不如前....唔係想性別歧視果2位女師傅....但係....佢地真係唔多得....舊師傅唔知係咪走晒....我去果日得返全新人....感覺唔多好....莫說食物質素.....今次食左個新製品......會解體之三文魚蛋.,....唔可以話好食...只可以話幾得意係女師傅心血來潮之作......今次只有個炸雞翼炒律仍舊好味......食過呢次......睇黎都會有好耐....好耐唔會再去......我唔想再食擦子膠壽司飯...>.< (尤其係做刺身壽司果位師傅仔...佢果d...簡直係咬彈彈波咁)…Read More

第一次食呢間一品香....見大肚既首領夫人話想食....我地呢d 做細既....梗係要赴湯蹈火啦....我地要泊車...遲左到一品香.....一黎到見到首領攞住餐牌好苦惱咁....再問我地想食乜....我地都無所謂.....一行8人(7大1未出世)......食乜都得啦!!!最後首領叫客飯.....因為....我叫10個客飯都唔洗500蚊....佢個6-8人餐....得7個送1個飯....要580!!!!! >.< 搞錯....叫左....1. 小籠包2. 酸辣湯3. 招牌麵.....客飯叫左1. 回鍋肉2. 麻婆豆腐3. 蝦仁炒蛋4. 洋蔥炒牛肉5. 紅燒獅子頭 x2 <----就係佢 1送2食.....畢生難忘呀.....6. 津白xx我地叫完第一round....d 野唔洗15分鐘就到......侍應仲攞左好多個飯黎.....我地以為係佢地隨手送黎.....所以要人頭飯就算......開頭食既時候都覺得幾好....到佢個招牌麵黎到....真係O 咀呀.....同我o係街邊食既車仔麵...完全無分別.....但貴左1/3....只係立立什什既野....再加隻煎蛋o係頂......第一次食紅燒獅子頭....發現d 汁係甜架!!! good....我鍾意....之後攞d 汁黎撈飯.....食下食下....大家覺得唔夠食.....因為覺得個獅子頭好味....所以返兜一次.....第二round 唔知點解等10年都唔到....正當想催單既時候....佢就到喇....朋友見我咁鍾意食獅子頭d 汁.....即刻夾條吸滿晒汁既菜比我食.....嘔.......一食落去....即刻吐返出黎呀.....喊到阿媽都唔認得呀.......點解同一個送.....可以完全唔同味......真係第一次食到呢d 咁特別既送......服務就好似之前既食友所講咁....真係無乜特別唔會再黎.....…Read More

聽左咁多次....都只係知道呢間餅店叫做ABC.....原來佢有中文名架!!!! 因為朋友去中環秘撈....所以特登去買一盒比我!!!仲要排左好耐隊先有得買!!!!" 就係呢份誠意, 打動左我屋企幾個人" (就係.....我.....同埋我.....仲有我)....鳥結糖真係幾煙靭..又好夠奶味!!!雖然真係唔及以前食過既好味!!但係朋友既誠意搭夠!!!…Read More

12月16日 星期二因為狂歡三寶無晒糧既原故....我要特登行返黎呢頭買貓糧....咁o岩見到阿師傅好趕咁話....小心....熱辣辣新鮮出爐雞批.....見到有人排隊....我都唔知係咪買雞批....咁即刻閃入寵物店...除手攞起一包....快快比錢.....快快閃出去買....連shop keeper 找左幾錢比我...都唔理...求其放入銀包...儲埋分....即閃......找多找少錢事少....食唔到好野事大.....出到黎發現....雞批仲o係度....勁開心呀~~~叫左2個雞批.....跟住見到個拿破崙又好似幾好味....好似幾好味....即係可以收歸國有....呵呵....買完加埋只係$17...抵呀....1. 拿破崙--> 真係覺得佢幾特別....上下2層係用蛋白糖加杏仁做成....中間果層係牛油曲奇...蛋白糖口感煙un....牛油曲奇感覺就好似食緊麥維他牛油曲奇條咁....真係好好味....不過我唔太鍾意d杏仁味..2. 雞批---->放左好耐....都仲暖架....果然係新鮮出壚....因為趕住去整眼睫毛....唔可以一買到即食...結果放左佢大半個鐘先食得....但係攞出黎仲係暖架...入面有冬菇,洋蔥, 雞絲....都幾好味....最好味都係個牛油皮....正....有下次..…Read More

星期6學車...當然要食飽飽先上路啦~~~見咁耐以黎都無黎過呢間野食....所以要試下..今日食左1.午餐B---西班牙牛柳飯2. 奶油豬呢度D waiter好搞笑...問我地食乜之後....就走左去....連個牛柳都無問我地要意粉定係飯....等左一陣....佢地上左個飯....先問我地要乜湯.....同飲乜.....呢個有點搞笑....我地飲左個紅湯....不過.......好咸.....初初入落口有陣辣辣地既味道....但之後只係咸....同埋無乜料o係入面..個飯....我個人覺得ok....d肉有少少茄汁味...但阿b話唔ok ....西班牙牛柳....得茄汁味..無乜驚喜...其實o係茶記食野....太驚喜會有d 擔心....食到咁上下....我好想食既奶油豬終於到喇.....11蚊...都好大個呀....係我最鍾意食既法包....圓法包開邊.....搽上大量牛油 & 練奶....好好味呀~~下次一定要再黎食~~~p.s. 相片後補點解比ok ... 因為綜合所有野...呢間野只係值ok....如果再黎..都可能只會食個奶油豬...…Read More

星期4約埋同事去買christmas party既大禮....由7點行到10點半....攰到腳仔軟呀~~~媽媽shirley~~就話去打邊爐~~~一諗就諗到黎正冬打~~~我未試過....完全無意見...梗係等佢地話事啦~~~我地一行6人~~~一入門口....waiter好有禮貌問我地坐邊...又問我地要唔要野飲.....倒豉油等等....都真係照顧周到....見我地話凍...仲好自動咁話幫我地教細少少d 冷氣....good~~~好欣賞佢地既貼心關愛....但係諗住食食下會熱....所以就叫唔好閂喇....我地既決定都係明智既~~~今日食左好多野~~~湯底 : 清湯+芫西皮蛋餸1. 花膠 2. 芥辣花枝丸拼芝士蝦丸 3. 肥牛. 4. 金菇, 秀珍菇,西洋菜. 竹笙 5. 豬潤 6. 貴妃蚌,珊瑚蚌,生蠔 7. 鮮蝦雲吞,水餃 8.炸腐皮 9.鱔片 10.無糖水西瓜汁,柑桔蜜以上食物全部都好好味~~~全部都好新鮮.....最好味道係d 雲吞 & 炸腐皮....同平日o係行食到果d 唔多相似....呢間既雲吞真係有好多蝦....而且蝦係新鮮爽口.....炸腐皮比往日食開既炸枝竹口感更好.....上碟點個錦繡雲吞食....鬆化無比....放湯亦得....放入湯....搖2下....口感好到難以形容...真係好好味~~~仲好欣賞呢度既西瓜汁...無落糖水....完全係西瓜自己既清甜味道...同o係稻x & 明x 飲到既完全係2回事~~~抵讚!!6個人咁樣食一餐...仲要個個都飽到行唔郁~~~都唔過千...我覺得好值呀~~~…Read More

因為上次考試失敗...我呢個反應遲鈍既人又要再學車....因為未夠鐘...所以就同左阿b去食飯....之前食左譚仔...今次唔想再食...結果就黎左期待己久既維記...今日食左好多野...所以都唔好食咁多....只係叫左1. 潤牛米--$232.牛肉麵--$213.奶油多--$8一黎就黎左潤牛米先...一見到個樣...我同阿B 都一齊講....果然係其貌不揚.....我先試個湯....都OK 喎....佢個湯幾甜....有少少豬潤既腥味....而豬潤又唔會話熟到硬....依然係軟硬適中....唔好理佢既外表...只係食佢既內涵都OK呀...到個牛肉麵黎左...我又試左個湯....佢個湯..比較甜...有種似曾相識既感覺...諗左一陣...我終於諗到佢似咩野....原來係媽咪麵既湯粉味.....食食下我頂唔順個陣腥味.....要落辣椒油.....都食左半碗..最後阿B 幫我包底.....因為.....我真係唔食豬內臟架.....為左一試大家都讚既東東...所以幾大就幾大....燒賣就燒賣.....最後叫多個份奶油多....我食左一半....阿B 食左一半....不過都真係幾飽......味精湯....果然係最好味 & 吸引的....弊處係....我呢晚飲左1支水....呢度既衛生情況真係...唔多好....我未食己經見到有隻曱甴O係度行黎行去...但我都明o係呢個區...要消滅所有曱甴係無可能...有機會都會再黎!!!…Read More

08年11月見到呢間餐廳都開左一段時間....諗唔到食乜...所以黎試下....入到餐廳...覺得呢度d 裝修都幾好...以白色為主...感覺好舒服...坐低之後....waiter攞左一個menu比我地...餐廳果時得2個waiter(1男1女)...我地諗住叫野.....但係......無人理我地.....個男waiter 直行直過咁入左廚房....過左一陣...隔離枱點野....我地順便叫埋個女waiter寫單...望無佢....佢又回頭望個男waiter......感覺上....佢好似唔想落單咁....又過左一陣....隔離叫既野黎左....女waiter同隔離枱講...咖哩牛腩飯.....但我地2枱....4對眼....都見住果塊係豬扒.....個食客都問左個waiter 3次....你覺得呢個真係咖哩牛腩飯??....佢都仲要答係.....最後食客A 叫佢攞去問廚房......結果....可想而知.....到我既紅湯黎到....男Waiter 順便送埋蒜茸包過黎..話白湯要等...就試左個紅湯先....都幾好味呀~~有好多菜....又唔會好淡....過左一陣...個白湯就黎......但送左過隔離枱.......個食客B 話佢知己經飲左....但女waiter都仲係蒙剩剩咁......最後都送到過黎.......送到上枱....覺得好利害呀...佢個白湯係有酥皮o係面架....我好開心呀~~因為我好鍾意食有酥皮既野....但係.....呢塊酥皮.....濕到好似未焗熟咁.....no good主菜1. 紐西蘭牛柳 配 洋蔥汁2. 焗芝士白汁海鮮飯1. 牛柳都幾好味....但係個汁比較淡 & 稀....食唔到有洋蔥味2. 真係有好多海鮮....龍脷魚,蝦,青口,墨魚仔.....都係果句....d 汁太淡& 稀....d汁焗完出黎都無收水...最重要係....唔知點解個青口殼會粉碎左一半o係個飯度....我差d 咬崩牙呀...食到一半...全部飯都要"梅"清楚先敢咬.....我地點餐後....老闆出鋪.....遇見佢既朋友....老闆好用心咁解釋點解佢由開中餐鋪頭變西餐鋪頭....仲有佢地鋪頭最出名既食品"dianna"同埋"查理斯".....但點解呢度d waiter乜都唔介紹....掉低餐牌就閃左去.....我同阿b都覺得....呢度d waiter好似係自家人....全部都係柴娃娃玩開鋪頭遊戲咁......好多野都大安旨意...唔多理....唔係無服務.....只係少左份呢個feel既西餐廳獨有既嚴謹態度....可能真係出黎做野無耐既後生仔....少左d 經驗.....希望假如我會再食既時候...會見到佢地有進步....overall 黎講....當試新野ok.....都希望店主會上黎open rice 睇下....改善一下....新餐廳應多問食客意見....咁先會越做越好....如果唔係...開o係呢d 地方....一陣又執笠....因為o係呢頭.....佢開呢個價....我可以有更好既選擇!!!PS. 相片後補…Read More

11月15日 晴今日非常開心呀....約埋朋友仔4個人一齊去ocean park...去玩去癲之後....梗係要食返餐好架啦~~~4個人叫左4樣野.....正!!!1. 怪味牛柳飯2. 焗芝士白汁海鮮飯3. 奇趣豬扒飯4. 焗意大利蕃茄包食評1. 牛柳生熟度適中, 唔會話太熟變硬. 怪味....原來係青椒....我呢d 唔食青椒既小朋友....食左一粒牛肉....就無再食lu~~~不過味道ok....2. 都ok 好味呀.....芝士好香....又好有芝士味~~都有好多既海鮮!!!3. 奇趣豬扒始終如一, 好味道...(呢間比另一間既豬扒好味, 墨魚又唔會同豬分開,抵讚)4. 超級好味, 麵包係我既至愛, 而且蕃茄醬加埋芝士~~~好有食pizza 既feel呀~~比起上次食既南瓜汁....呢個更好食...同個包 & 芝士更 match~~~呢度好多人好迫, 不過d waiter好抵讚, 爽手之餘又唔會成日黎煩你...仲幾好傾架...不過可能我地坐最入果張枱...間唔中都有d 蚊仔飛黎飛去~~~…Read More

今日阿吉又出左去~~~我地當試新野啦~~~今日食沙嗲王~~~~勁開心呀~~~餐廳既裝修好特別....有唔同既海盜裝飾....令人好想係咁影相~!~~~是日餐單1. 白咖哩豬扒飯餐 + 珍珠奶茶 (包 甜品: 芒果布甸) $43 + 32. 沙嗲牛肉粉絲 $36評語.1. 好味,但係勁多味精,....豬扒好鬆軟, 唔會話好硬, 不過都係同白咖哩分開煮...臨上枱先放埋一齊, 送既芒果布甸真係......勁難食呀....比用布甸粉就咁開既布甸更難食....2. 沙嗲真係好好味, 但都係好咸.食完大家其實都真係要飲返好多水...…Read More

因為阿吉同sales 返左大陸~~~得返我同sally食~~~所以可以出去遠d搵下野食!!!! 咁耐以黎都成日聽話峰壽司好好食~~~但真係等唔到咁多張枱....所以今日黎呢間開左無耐....又唔多人既分店試下~~~好開心好興奮咁走左入鋪頭....第一樣野係影相.....今日呢個lunch 食左好多呀~~~仲去左隔離買紅豆糕諗住返大陸食...1. 蟹棒壽司 ----- 好好味, 好新鮮呀....上面既沙律醬好足夠.2.三文魚壽司 -----一開頭以為上面果d 係蘿蔔絲,原來係洋蔥,魚同洋蔥都好新鮮呀3. 峰玉子壽司 -----呢個好特別呀. 細細舊飯包o係個蛋入面, 上到枱仲暖暖地!!! good4. 劍魚腩壽司---- sally 好鍾意食呢個....不過佢話和 x 亭好味d......我唔太鍾意....no comment5. 左口魚壽司----同上6. xx 腐皮壽司----有隻炸蝦架!!!!好味呀!!!! ,,勁想食多舊....不過己經好飽...7. 大鰻魚壽司----勁大塊鰻魚呀~~~真係好好味8. 吞拿魚小卷 ----呢個都好好味......吞拿魚茸加左d蔥包o係少少酸既飯入面...好味呀!!!總之一句~~~~可以encore 再encore~~~…Read More