aptvmpjwgyzw's Profile

岩岩發現這間店～本身幾年前日日都會黎呢棟野（原身2樓是台灣101），現在已變成充滿日本氣息既居酒屋，岩岩由日本返黎，仲未能忘記日本既味道，所以入左去一試。午市好抵食😃壽喜燒湯底非常清甜，我好中意飲埋湯底，$58就有壽喜燒+飯+湯+沙律+小甜點，好抵👍🏻👍🏻晚市去食戈陣刺身壽司有85折，仲有啲特價壽司，叫左一堆都唔錯幾好食，不過比較細舊飯。店員服務態度不錯，有禮貌，經理主動問客人覺得好不好吃，我最看重呢樣👍🏻之前有間鋪頭幫襯左幾年但服務態度越黎越差，以後會轉黎呢邊食日本野🤪🤪…Read More

我係2019年開始幫襯呢間野，咁多年間都起碼幫襯左佢20-30次，食物其實普普，貪佢無乜人，可以慢慢嘆。點知 今日去幫襯吓佢，照平常咁點餐，到我地就黎食曬啲野時，發現有兩碟壽司未到（都等左30分鐘）咪開聲問吓，個職員一臉不爽咁幫我地跟進，隔左陣 佢攞左一碟我爭既野比我，仲好不爽咁話：「我明明兩樣一齊上左比你」，但真係冇囉，我地冇見過個樣野出現，食過仲洗追你咩？ 但佢都係一臉不相信同不爽，當我地係犯咁，跟住等左陣，明明追佢兩碟，仲有一碟未有，我地本身都比佢搞到無曬心情，個碟都想又佢，但係比左錢又廢事改單，跟住咪追佢，佢又話：吓頭先咪比左你囉。咁第2碟無黎到咪又要追佢，佢又比一堆說話我聽，好似我地食左但又呃多幾舊壽司食咁，我真係未試過去餐廳食野會咁囉。 食到我係想周圍搵cctv去證明，我最憎人屈我架啦，最後埋單我係想哭囉，唔明白點解比錢買難受。P.s. 一開始已經有碟野係我地既 但佢上左比隔離枱 疫情關係 我都冇話佢直接比返去錯左人地枱既野我 都唔知有冇人地既口水。我自問比較林善既人 睇落都好恰可能係咁啦，大家如果真係要去，要小心一位女職員，好識屈客人同埋冇乜禮貌，我建議 要拍住片黎食。。先唔會有機會比佢屈你。不過我都唔會再去架啦 好失望 本身都冇乜客架啦 仲請啲咁既人做野。。枉我幫襯你咁多次🥲仲post 社交媒體網站介紹朋友去 好失望囉 …Read More