hkpandasfood的個人專頁

最近親戚喺外國返嚟，佢哋好想食韓燒，一路做緊research嘅時候搵到Running燒。咁啱仲要做緊優惠，只要身份證有一個8😆就會有9折，有四個8就半價🥳仲要外國身份證都得㗎😜大家唔好錯過啊❗️餐廳環境不錯，感覺令人置身於韓國燒肉店😝整體肉類質素都唔錯，我哋叫咗腸仔豬頸肉牛扒等等，每款嘅調味都唔一樣，感覺冇咁單一。另外其實小食選擇都多，炸餃子我encore咗多次🤩大隻又足料，上枱仲熱辣辣脆卜卜。其實價錢都幾合理，尤其有優惠嘅時候食就更加抵…查看更多

係香港食烤魚多數都係單點，今次黎食一間可以任食烤魚既餐廳🍴食完烤魚仲可以加湯打邊爐🍲性價比高！ 佢個餐仲包左個海鮮拼盤，份量多有好多款海鮮，包串蝦、蜆、蠔、鮑魚，自己最鐘意蜆肉，大大粒清甜冇沙，調味餐廳用左蒜幾惹味，中間仲放左啲好入味既麵同薯仔🥔入味又好食 烤魚試左兩款味，金湯酸菜同麻辣各有特色，但好好味🤤湯底濃，魚大大條夠厚肉，重點係冇咩骨幾好食 之後用番同一個鍋加湯打邊爐🍲估唔到任食都幾多野食，有多款蔬菜丸類，仲可以用手機落牛肉，水準都好高唔似係平時cheap cheap放題果種 野飲拎左啲冷泡茶，清新解膩…查看更多

好耐冇去過馬鞍山食野，今次黎試呢間既lunch都有好多選擇，Menu有飯有濛粉，仲有啲走fusion 風格既野食😀價錢唔貴味道都有驚喜泰式燒雞扒飯配蔥油汁 Weekday$83Weekend$95 (有餐湯）見隔離枱都有叫就試下，燒雞扒大大塊外皮燒至香脆，肉質都好嫩滑😋另外個蔥油汁好香，配飯一流，如果唔食白飯可轉沙律+$15，感覺更加fresh香草醬鮮蝦意大利粉$80另外叫左個fusion啲既野食😊鮮蝦大大隻幾彈牙🤤個香草醬好濃郁惹味，意大利粉煮得剛剛好，值得一試另外午餐仲可以+$15 追加小食今次叫左個素菜春卷（兩條）外皮香脆，素菜餡份量多不會太油，值得一試…查看更多

前排跟朋友帶路去左食越南菜，朋友話呢間好地道，自己比較少食，呢度選擇都好多，值得try try!越式香茅燒雞 今次叫左半隻同朋友share，雞肉加入香茅調味料蘸製，燒得剛剛好，外脆內嫩，啖啖似大滿足，可以配上清新醬汁一齊食，十分惹味Sen 特式法包見倒好多人黎食都有叫! 法包大大個外皮酥脆，加入豐富的內餡包括焗豬肉、扎肉、肉鬆、青瓜同酸菜，打卡一流，入口會先食倒滿滿肉香，之後係肉鬆味，最後再有酸菜有助解膩，必食!小食拼盤 拼盤真是豐盛有鮮蝦豬肉捲、墨魚餅同鮮蝦米紙捲。蝦肉捲蝦肉彈牙，墨魚餅爽口有咬口，鮮蝦米紙捲好fresh，味道酸酸甜甜好開胃，呢個都推介。…查看更多

跟朋友去咗呢間舖頭食點心，都有啲意外驚喜。我哋一共叫咗七款野，因為我好鍾意食蝦，所以好多款都係用蝦整，例如龍餃子裏面有蝦餃，仲有鮮蝦腐皮卷同埋蝦多士。我覺得佢用嘅蝦都幾爽口彈牙，整體質素唔錯。朋友大讚個馬拉糕好食，我食咗少少，覺得味道幾得意。擔擔面都唔錯，佢俾我哋自己加啲醬汁落去，咁樣其實幾方便，因為我有陣時食嘢唔鍾意太濃味，咁樣嘅話我可以放少啲醬。最正都係嗰個口水汁龍脷魚腸粉，邊度估到腸粉裏面可以加龍脷魚，仲要同口水汁咁夾，好食到我覺得我可以再食多一碟。整體嚟講我係幾滿意呢間嘢嘅質素，有機會下次會再嚟。…查看更多

今次呢間燒肉店幾得意，啲套餐名幾有詩意，又雨又雲咁，而我就㨂咗個叫做雨既套餐，因為可以試晒全部野，咩都可以食到。最緊要係社交平台訂位有優惠，更加吸引咗我。同埋呢，因為佢可以包埋其他套餐既野食，一樣可以任食哈根達師！一共超過百款野可以任食，我覺得呢個價錢選擇都好多，而且都有啲貴價嘢，好似鮑魚呀比目魚咁。其實佢仲有A5可以食，雖然唔係任食，不過2個人分享一塊已經超滿足，脂肪分布好靚，好好食！另外，牛既種類都唔少，除咗一口牛，又有和牛西冷，牛板鍵等，加加埋埋都成廿幾款，比想像中多。我覺得整體味道都唔錯，可能因為好多野都啱我食，熟食選擇都吸引，估唔到佢會有蝦多士。如果說中意熟食既話，呢間都應該滿足到你。…查看更多

好耐以前飲過一杯，不過我記得個味道有啲怪，因為個店員都唔推薦呢隻口味，不過我覺得就真係普通。不過咁今次呢一杯有啲驚喜！佢叫做麻糬芋泥茉莉鮮奶綠。我覺得佢真係好煙韌，麻糬煙煙韌韌好好食。另外芋泥本身都甜甜地，奶香味好夠，上面仲有少少cream，不過我竹覺得如果飲一杯嘅話都卡路里幾高🤣🤣其實我覺得實在太好飲，因為我覺得啲芋圓都冇呢啲麻薯好食，100%會encore！我覺得冬天飲呢個好幸福，大家記得到時買！…查看更多

其實好耐之前買，不過真係我食過最難食嘅撻，我真係冇諗過可以咁難食，仲以為開咗實體店應該唔錯，但真係證明唔係間間網店都可以支持。訂咗泰式凍奶凍慕絲撻，2分係畀個撻皮。佢好厚實好脆，不過冇咩牛油香。我唔明點解放咗室溫個半鐘仲有冰🙃，一小塊冰！我唔知泰奶凍去咗邊，完全冇奶凍質地，亦都唔係好食得出泰奶味，同最上面嗰層係類似啫喱嘅物體，有冰感，我唔知食緊咩。簡單而言：呢個失望，一定唔推薦買呢個另一個Nutella Cheese，好食過另外一個！佢起碼有Nutella味，咁呢個食唔出冰感了，入面慕絲都幾滑。如果要買嘅話，我會推薦呢個…查看更多

其實人哋手撕雞最出名㗎，不過唔知點解食完我好掛住個海蜇。今次揀咗呢個海蜇無骨刀削雞腸粉，都要40幾蚊。其實腸粉都幾滑，而且雞肉都好嫩滑，不過好坦白講海蜇同埋雞肉份量好少，得表面嗰一層，我覺得佢如果多啲我會開心啲，因為依家食兩啖就冇晒。好食係好食，不過海蜇同雞肉份量太少，咁就收四十幾偏貴。可能因為喺尖沙咀掛，佢嗰個位以前有好多遊客，不過依家都係自己人幫襯多。佢其實咁樣配一個腸粉都真係食一餐夠飽，細食人比較啱.…查看更多

其實呢家我見佢長期都要排隊，可能因為近地鐵站而且又唔貴，所以都好多人食。咁既然佢三文治咁出名就一定要試吓牛油果碎蛋三文治。佢餡料好飽滿，沙律蛋好多醬汁。不過如果牛油果再多啲更好，雖則食一件已經飽肚了。但我最鍾意都係台式香酥蛋餅，我覺得一定要揀咗拉絲芝士同埋火腿！我好欣賞佢火腿有煎過，配搭埋塊餅皮（好酥！），十分之邪惡但真係好好食其他評價：地鐵站一出黎就見到，好易搵，絕對可以再去食，佢招牌係芋泥肉鬆…查看更多

之前一直都食開，不過都係食原味西瓜蛋糕，不過食得多都會覺得嫌，所以間唔中都會試吓其他口味，不過其實好多都正過西瓜蛋糕。叱款菠蘿芝士蛋糕既菠蘿乾好特別幾好食，我覺得佢嘅忌廉芝士好幼滑，好creamy!佢中間仲夾咗菠蘿粒，成份蛋糕拎上手都幾有份量。另一款係芒果柚子蛋糕，我覺得佢好食過西瓜蛋糕，可能因為我鍾意食芒果掛。我覺得佢呢個比較清新又唔漏，成個蛋糕好實。佢中間夾咗竹炭蛋糕，同埋唔會太甜果肉又多，呢個想再食。…查看更多

今次叫咗兩個午市套餐食，一個係上海粗炒套餐，另一個係糖醋脆黃魚菜飯。佢每一份套餐可以揀小食，我一款揀咗花雕醉雞翼，我覺得佢好入味而且酒味好夠，凍啲會更加好食。另外一款小食叫咗生煎包，有肉汁而且個底剪得好脆。主食係粗炒，份量好多好濃味，我習慣咗配豆瓣醬，加咗豆瓣醬食好正。另一款係糖醋脆黃魚菜飯，糖醋黃魚無骨，炸粉好薄好多肉，好正。飲品揀咗熱豆漿，都係加兩蚊，今次係外賣自取，留意番外賣都要加返$3，因為佢都有幾個盒，不過整體都抵食既。…查看更多

呢間本身有食過佢嘅叉燒，我覺得係好食嘅，所以呢就試埋佢其他產品，但價錢又真係有啲貴。其實唔知點解石門啲嘢我覺得係偏貴㗎，咁樣食一碗粥同埋炸兩，都要成$60 ，但係其實佢間舖頭又唔係喺啲中心地帶嘅位置，真係諗明點解要賣到咁貴。講返正題，今次揀咗鮮鯇魚片粥配蔥花蝦米炸兩，我覺得炸兩保持到脆口。另外佢嘅魚片粥好綿，魚片份量都夠，可惜多魚骨，食嗰陣時要小心啲。真係冇諗過依家食粥都唔平，但炸兩真心好食，下次單叫炸兩算。…查看更多

之前一直見好多人話呢間好好食，但係位置實在有啲遠，所以一直都冇去試。不過今次喺大圍嗰邊食飯，所以決定買個外賣返屋企試吓。咁我覺得如果要食掛就一定要食例牌手撕雞，話明係例牌應該唔會中伏。我覺得佢雞肉都夠嫩滑，調味唔錯仲有芝麻香。不過最大問題係下面有一大舊骨，本身都覺得幾抵食，但係咁大舊骨又真係覺得有啲唔值。同埋我比較唔明既係，點解我明明叫唔辣，最後食落去會辣辣地？其實我就食得辣嘅，但係我覺得好似俾佢呃咗咁。…查看更多

無意中路過，估唔到而家仲喺到，其實我之前以為佢已經執咗。叫咗個外賣打包試吓，點知佢當咗堂食，但我同佢講返之後，啲店員都好好人咁幫我轉返做外賣。今次叫咗個鴛鴦雙拼，一款係白汁碎蛋，一款係白汁吞拿魚。法包外脆內軟，餡料好多鋪滿晒成個面，仲配咗生菜同埋蕃茄。我覺得兩款都好好食喎，不過價錢上有少貴，但係味道好食嘅，所以我都叫幾滿意。另外我個杯飲品揀咗錫蘭奶茶，其實都幾有茶香，不過可惜俾我倒瀉咗半杯，有啲可惜。…查看更多