Joelle Lam's Profile

唔係講笑，短短2個星期就忍唔住口，就約夠8人食盡鋪頭上既味食。拿拿淋入鋪頭，再次俾員工既溫馨提示包住了🤭🤭每位員工有自己既次序講解上菜尢其有個男員工真係好有禮貌👍👍👍加上特別小食酥炸魷魚鬚，真係好食到呢！魷魚唔難咬，又彈牙，又有鮮味。出面既炸粉唔似酒樓果啲多粉到要咬出黎唔食🥰🥰今次叫左個象拔蚌4人餐象拔蚌超級新鮮又夠甜，唔洗加豉油芥末都已經好足夠，分量真係好夠4人食。乾煱上既海鮮又另外一番風味，都好夠鮮甜美。手打雙丸又彈牙👍，唔痴牙🦷，夠新鮮。最後既黑琢肉放上煱上涮2野就食得，薄得黎又好有肉味，真係食到😋😋。最後重要關鍵出場，就係因為它而來斧頭扒50-60安士5成熟，好嫩肉，夠肉汁，乜野配醬都唔洗加，連埋包肥膏真係不得了。食到個個都話好滿足，好幸福😄😄一定會有下次。…Read More

今晚去食個叫做＜8星海鮮御宴＞，真係估唔到咁大盤，真係超好食😍。叫左個海鮮湯底唔🌶煱，海鮮超新鮮，好有海水味道，啲湯仲好超甜冇味精，真係好正黎形容。所有海鮮煮得太耐又唔鞋同唔韌，仲好入味🥰🥰由打電話☎️查詢，改由📲Whatsapp 聯絡，查詢過程都好貼心及溫柔提醒。落單，訂位都講解得好清楚，服務員工態度都好體貼及溫柔耐性。一坐底就好清楚講解清洗餐具，醬汁分配，上菜時間，煮發時間，及開餐進食，每一個步驟都講得好細緻，仲有提醒你（安心出行）時間要增加添👍👍👍食到尾聲都唔覺得有飽意，就叫左個＜美國極品(安格斯)手切手黎試下。我地用左最尾果轉火煱煲滾左去就熄火，再加(安格斯)牛放入去慢慢卿熟，入口唔會太韌，又有新鮮牛味，的確唔錯😋😋而且再加多樣＜滑雞件>，用超級慢火慢慢煮熟件雞，入口超滑唔鞋，真係超好食🤗🤗最後個餐係包左雪糕，佢哋採用於Gelato呢個品牌，的確味道好入味，超好食。…Read More

第一次係呢間BAR食Lunch Buffet，的確好有新鮮感。無諗過泰式都會有Buffet，老闆真係識做生意，又好人，服務員個個都好有禮貌，好鐘意個環境同服務員，的確好有質素既餐廳!!!比個讚你地~~~環境唔算太陰，D野食真的唔錯...就係D野食好好食既關係，忘記影相......哈哈哈哈!!!首先Lunch Buffet D野食真係好好食，尤其係泰式豬手，D肉又嫩，個皮又脆又夠熱，好多公司同事都讚不絕口，加上仲有個冇骨海南雞，肉又嫩又滑，真係啖啖肉，好味未~~~而仲有個泰式拼盤D蝦餅同魚餅夠熱，個皮炸得好靚好吸引，仲有個冬陰公湯的確夠鮮甜夠辣，一個字"正"呀!!!仲有仲有，平時食泰式點都會叫下D串燒食既，咁我地又點少得串燒呢，D牛肉真係燒得夠嫩，肉質唔硬口，豬肉又夠爽口，加埋D汁又唔洗講喇，又係好好味^^.....還有還有個柚子沙律，柚子D肉好大粒又多汁，酸酸甜甜的確好開胃，耶汁糕又清甜好食，食哂人地間鋪D甜品仲話想打包個耶汁糕添.......之於最後飲品叫左杯熱咖啡都唔錯，好有咖啡香味又好味!!!!…Read More