coco.chak's Profile

好耐冇食過咁好食嘅酸辣粉，軟硬適中，配料好好味，花生又香趣，老闆又會問我有冇配料唔鍾意落，其實我好鍾意芫荽，我揀咗幾款不同嘅配菜，木耳，牛肚，蓮藕，雞肉絲都好好味，過開嚟石門一定要試吓❣️❣️❣️真心推介，堅好味…Read More

如果食晚餐就只是第二次，之前下午茶過嚟都淨係食疏附你班cake，班cake就冇乜特別要評論，因為大家都知味道是怎麼樣的，不過呢兩次晚飯就有驚喜，上次食蕃茄肉醬意粉，我覺得係至今喺香港食過最好食嘅🤭🤭係有啲誇張，但係估唔到佢超多蕃茄粒，同埋一啲都唔鹹，然後啲意粉好彈牙，佢啲餸係多過啲飯，今次叫黑松露蘑菇意粉一樣，蘑菇和意粉的比例 1:1 ，唔錯，另外個咖喱雞配薄餅，始終係日式咖喱甜甜地，配上熱香餅，有趣的配搭， 都幾好味，全部吃光光佢啲飲品都整得幾靚嘅，我見好多女仔都叫飲品再加疏附你班cake，呢間我都會再去…Read More

呢間野叫「飲茶」，好似好多女仔都係度打個卡咁，就即管試吓嗰啲點心，個樣係幾有趣同埋佢願意花心機去整個佈置，個雀籠及成個設計係的而且確幾令人賞心悅目，不過價錢絕對唔係平，如果你趕時間就唔好選擇呢啲餐廳因為慢慢坐慢慢食先好，有啲食物我已經唔記得叫咩名啊，不過都係主打，所有食物質素都唔錯，不過兩個人速食，食咗三百幾蚊，可以試下，下次如果有機會再去，就要慢慢食，欣賞下佢嘅設計，啲點心好多唔同顏色，不妨試吓佢d包點及小菜。…Read More

諗住簡簡單單咁食個晚飯，要喺新城市揀一間餐廳冇乜人排隊，可能依家個位置比較入，所以唔算多人，入座率八成左右，跟住睇真d ，好似係主打星加坡菜，睇吓餐牌，非常有趣的餐牌名稱，（生死戀= 新鮮魚清蒸鹹魚）美祿哥斯拉，聽個名就知道邪惡大家得閒可以去試吓，味道有驚喜喎，條魚都幾新鮮跟住佢個蛋黃軟殼蟹，真心覺得幾好味，唔多油又脆香新鮮，只要你冇喉嚨痛都可以食下，炒貴叼不妨可以叫佢少鹽因為佢都偏鹹，兩個人食都幾飽，質素唔錯，下次可以再去。…Read More

好似呢幾年都冇乜食粥底火鍋，趁天氣仲係凍凍地，同事約埋一齊去打邊爐，可以揀五款海鮮，八款配料，最後食埋粥，正，佢哋嘅店員都幾醒目，地方就算清潔，應該有的火鍋醬料都應有該有，我印象中，佢飲品通常係膠樽一支裝俾你選擇，雖然我想飲正宗嘅酸梅湯雖，但好似都冇。我覺得蝦，蟹其他海鮮都唔錯，跟住佢嗰啲手打丸啊同埋肥牛值得推介，西班牙黑毛豬有啲驚喜，不過多寶魚有少少泥味，如果下次再去，我地應該唔會再叫。不過絕對值得再去一10個8個同事一起去打邊爐，真是一個好地方…Read More

難得好吃的上海菜龍門客棧喺麗豪酒店一樓，我哋都係機緣巧合之下因為去酒店食自助餐，經過呢間野覺得個門口好別字所以就幾個月之前決定過嚟試吓，果然有驚喜，陳醋肉超好食，你可以將佢對比出邊嗰啲什麼王x沙及翡翠xxxx籠包，不過萬事比較大碟所以早前是早前佢嘅中午行政套餐，超抵食$128一位/ 不過當然有加一同埋茶介，但佢可以揀四款唔同嘅點心亦都有前菜又有唔同嘅湯俾你選擇仲有個主食，最後仲有甜品，即使我同一個大胃王朋友去食，佢都覺得好飽。前日中午去食一個試咗一個新嘅點心「灌湯牛肉包」，好好味，反而蝦餃燒賣就對於我來講一般般，因為都係嗰種味道，難得沙田有一間與此雅緻有上海菜食的地方，很感動，不過我懷疑其實佢係上海+渝菜，因為佢啲水煮牛肉都整得幾好食。…Read More

呢間德美我又係幫襯過好多次，每次質素也不錯，好穩定，搬咗嚟沙田幾年，最感動嘅係搵到呢間好食嘅日本料理，啲職員都幾醒目，夜晚長期都有人排隊，所以入邊啲師傅同埋職員做嘢都要好有效率。如果講最好食嘅食物，就係不同時節嘅刺身壽司同埋鹽燒三文魚頭，都值得推介，我最鍾意叫原版海膽，因為佢啲海膽好新鮮好甜，暫時未食過難食嘅刺身壽司，早前我食咗去中午嘅定食，不過唔記得影晒成個飯出嚟，因為我集中食咗鹽燒三文魚頭同埋一版海膽，你中午食嘅時候就會有湯同埋茶碗蒸，茶碗蒸味道可以湯就一般，通常我都係夜晚去有時會一家人一齊去咁就可以買好多唔同嘅食物，不過一定要訂位，因為一定爆埸，下次再影多d 美食照片…Read More

上星期六夜晚去咗呢間越南野，已經係第二次，總括嚟講，佢所有粉面都好大碗，如果兩個女三個女仔去食可以叫兩碗粉再加一個小食，同埋佢都比較平民價錢，所以長期都好多人排隊，我地叫咗佢嗰個番茄蟹膏蝦丸扎肉河粉+順化湯粉（入邊有牛腩扎肉扎蹄及牛丸），我已經叫咗小粉，但都係好多，味道OK，我最鍾意食佢嘅泰式鳳爪，好多洋蔥芹菜啲鳳爪酸酸甜甜，好好味，我見呢間餐廳係OpenRice好多人都係給予好評，真心覺得冇花冇假，同埋啲夥計好醒目，難得不錯的越南連鎖食店☺️唔知佢啲飯好唔好食下次有機會試吓佢嗰啲豬頸肉或者香茅豬扒飯…Read More

值得推介的小店東坡肉刀削麵今次淨係影低東坡肉刀削麵，東坡肉口感好好肉質比較彈牙，不過就唔係好肥美嗰一類型，所以油份唔算好高，配上清淡嘅湯底及刀削麵加少量生菜，一個女仔絕對夠飽。呢間東北小店我都食過好多次，真心覺得幾好味，不過就唔好期望可以坐好耐，因為佢空間有限所以位置比較擠迫，好適合速食，我最鍾意佢嘅羊肉水餃，不過由於太肚餓，所以唔記得咗影相，佢其他水餃都唔錯，仲有去「手抓」羊肉都好好味，原汁原味，配上蒜蓉及醬汁，我諗天氣凍啲仲好，其他麻辣小配菜，我最鍾意海蜇拼青瓜絲，同埋嗰個冷麵都好正，下次有機會影低佢再post …Read More

諗住食個簡簡單單嘅晚餐，就去咗一粥麵，應該啱啱開始有得食煲仔飯，咁就叫咗個最經典嘅鳳爪排骨煲仔飯和蝦仁炒蛋配赤小豆粉葛湯，點知🤯 都唔知係食緊排骨飯定係排骨粥，入邊啲米完全唔乾身，一坺嘢，仲有啲排骨唔夠新鮮，肉身有啲「梅」，入邊兩條菜心尾部黑蚊蚊，鳳爪冇話好唔好話唔好，求其飽肚就算😭😖 蝦仁炒蛋不過不失，起碼雞蛋都算滑，因為我只係試咗一粒蝦仁冇評價，但係唔知點解有一灘水係個碟，都明白嘅，連鎖快餐店也不能期待什麼，赤小豆湯不過不失，不過完全唔熱，希望下次佢會好啲😂…Read More

上個月月尾諗緊同個女仔friend 慶祝生日，實在太耐冇打邊爐，於是就想OpenRice睇吓有咩好建議，大圍火鍋係其中一個推介，原來禮拜一同禮拜二如果用OpenRice做預約有七五折，咁就一於試吓啦，佢亦都唔收切餅費啊朋友買咗個細細地嘅蛋糕，夥計幫我地收埋好叫咗佢最出名嘅手切肥牛大碟，揀咗胡椒豬肚湯底同埋蕃茄薯仔湯底，仲有一對魚皮餃，手打三色丸，我覺得佢啲牛肉係好食嘅，不過如果可以大碟啲就好啦，因為所有份量偏小，三色手打丸都唔錯，都幾彈牙，佢所有嘅蔬菜同埋菇類都好新鮮同埋洗得幾乾淨，加上夥計服務效率都幾快，佢個牛筋竹蓆水都幾好飲，清甜，下次可以再去食👻…Read More

兩個星期前，諗住想食返個正宗嘅越南河粉，所以就揀咗呢間餐廳，之前打電話黎book，不過因為交通問題，我哋遲咗15分鐘佢就取消咗啦，之前食過幾次晚市及兩次午餐，味道還算不錯今，次就晏晝過嚟食，滿心歡喜諗住食佢個中午set ，原來佢星期六日係冇㗎，只可以散叫 A la Ca ，用餐時間限制左90分鐘。咁我就簡單叫咗個豬手河粉，諗住骨膠原多啲，老友就叫咗個生熟牛肉湯河，如果問味道好唔好，就勉勉強強過得去，唔算差嘅，不過就真係平日食有套餐即係抵啲，我覺得佢環境都幾靚㗎，同埋唔算太嘈，如果想傾計來啲就要揀平日夜晚👻👻…Read More

早兩個星期，食完中午飯，本來諗緊求其搵間咖啡店坐下，見到佢呢間野難得唔需要排隊，而且裝修非常有英國特色，唔需要排隊，但其實佢係一間星加坡專係飲茶嘅地方淨係打開個餐牌，都有差唔多200種茶可以選擇，花多眼亂，我朋友問佢邊種係冇咖啡因，佢介紹咗非洲茶俾我哋，佢有10幾種非洲茶可以選擇，然後我好想食佢啲蛋糕，就選擇左佢兩款招牌蛋糕同埋鬆餅，佢有個住家製嘅將佢點啲鬆餅好好味，如果三個女仔去食，可以叫兩款不同嘅茶再加三款不同嘅蛋糕，大家分享試一試也不錯　…Read More

琴晚諗唔到食乜嘢，就試吓用一個新嘅外賣送遞app, 試咗呢間餐廳，佢講明最出名係食牛腩牛雜，咁我就試咗個咖喱牛腩飯，老公就叫咗個四寶飯，30分鐘之後送到家裏，非常準時，不過太肚餓，所以唔記得咗影返張靚相，當外賣送來的時候，白飯和餸菜是分開的，幾好，有用分格物料分開，白飯熱辣辣，不過牛腩肥瘦唔算好均勻，下次要食下佢嘅牛筋先，可以直接去佢門市度試吓，不過老公話佢個四寶飯幾好味，所以佢全部食晒，我食咗一件白切雞，味道不錯，所下次可以再試其他，…Read More

因為近來睇左一套韓劇叫做「一起吃飯吧」，不停介紹韓國美食，正當諗緊星期二夜晚有咩地方好嘢食，就諗起不如食泡菜同埋韓牛，其實成個沙田都冇乜邊間韓國嘢特別好食，炑八算是質素不錯，而且星期二冇咩人，招呼周到，食物也好快送上，正，今次都係叫咗平特最鍾意嘅特選牛肋骨肉+薄切豬腩肉+泡菜豬肉鍋+菠蘿梳打，今次我覺得泡菜豬肉鍋真係好好食，再配上白飯，酸酸甜甜好開胃熱辣辣，豬腩肉配上蒜頭一起吃，牛肋骨汁燒軟林林好好味，下次都係盡量揀星期一至五去，咁就可以食得舒適…Read More