KwongYuetTing's Profile

話說最近發現六両三開左觀塘店，出埋火鍋套餐好似幾吸引咁，呢晚趁男朋友收工就捉左佢陪我去試，野食水準仍然咁高質，性價比好高，新店裝修仲花左唔小心思，牆身有靚靚油畫，又掛上燈籠，幾有台灣特色，仲要坐得好舒服。❀一人一鍋超值套餐❀可以自選肉類，會再有丸子拼盤、雜菜盤+主食。肉類揀左美國Prime牛頸脊，有適量油花，肉質鮮嫩爽滑，牛肉味濃郁，薄薄地咁好快淥熟。雜菜盤有粟米、蕃茄、金針菇等等，令到個湯底特別鮮甜。另外仲加左蛋餃，肉餡用上新鮮豬肉包，好有鮮味，餃子皮加入蛋汁，蛋味香濃。❀紅燒牛肉麵❀湯頭味道濃郁，牛肉大大塊又軟腍，煮到好入味，面條都幾有咬口，呢個面嘅份量都幾多，食完都飽飽地。❀皮蛋豆腐❀有少少溏心嘅皮蛋配上凍豆腐，再淋上甜甜地嘅台式醬汁及木魚片，係好好味嘅消暑小食。❀鹹酥雞❀細細粒咁樣，炸漿唔係好厚，食落好香口又惹味。❀桂蜜躺雪山❀跟餐加$28就可以食到，見平平地就試吓，芋圓夠晒Q彈又煙韌，仙草滑溜，配埋甜甜地嘅紅豆，正。❀台式飲品❀飲品可以揀甜度同埋走冰，款式都幾多，冬瓜茶同埋杞子桂花物都係甜甜地咁。…Read More

間唔中都會想食下放題，呢日咁岩同男友去開新都城果邊，順手搵左呢間火鍋放題店醫肚，估唔到野食都好多選擇，而且質素都幾好味，唔怪得平日晚市都咁多客人😙⁂⁂⁂美國IBP牛板腱⁂⁂⁂❀湯底❀-長野蘋果湯底-骨膠原啫喱雞白湯湯底揀左呢兩款，長野蘋果湯底好清甜，可以突出肉類嘅鮮味；雞白湯味道會比較濃郁，仲有滿滿嘅骨膠原🥰❀牛肉類❀我地主攻牛板腱、牛肩肉&牛舌，切到薄到透透地咁，所以好快熟，我地用溫泉蛋既蛋汁點住牛肉食，蛋汁令到牛肉軟嫩可口，好惹味。❀手握壽司❀壽司都係大路款，比較欣賞係8點左右先會出壽司，可以保持壽司嘅新鮮度，當中三文魚、火炙三文魚係我嘅心水，三文魚肉質細嫩鮮美；火灸三文魚就會有魚油香味😋❀蔬菜類❀菇類及蔬菜類款式都幾齊全，我將粟米加落湯底度，之後再煮其他菜都有一陣天然甜味😝而南瓜煮到腍之後，食落甜甜地都幾好味。其他野食方面，餐廳仲會有餃子、午餐肉、腸仔、丸類等，比較特別係有爆谷食，仲有得自己枝雪糕，有得玩又有得食幾開心🥳…Read More

最近返工升左職，男朋友話同我小小地慶祝下，就揀左呢間靚靚既Cafe食dinner，野食質素相當唔錯，價錢合理，重點推薦開心果巴斯克芝士蛋糕🥰❀椰椰麻麻燒牛扒❀牛扒點左七成熟，肉質粉嫩又冇筋，入口juicy，點少少醬汁酸酸辣辣咁幾開胃，仲有好豐富既配菜，當中薯蓉綿滑之餘，又有少少薯粒，好夠口感。❀明太子蟹肉野菌意大利麵❀超多明太子+蟹肉鋪面，望落已經覺得好足料，意粉汁好creamy，帶有少少菇菌香氣，份量比較多，好彩有男朋友清碟😝❀開心果巴斯克芝士蛋糕❀呢期開心果好興😂就打算試試佢，估唔到開心果味好出，食落微甜又有少少濕潤，面頭既開心果醬好出色。❀牛油果楓糖奶昔❀呢杯有少少似沙冰咁，建議餐廳比個匙羹當甜品咁食，牛油果味幾濃好fresh，甜甜地，好岩夏天飲！…Read More

呢晚去咗觀塘行街，順手就同男朋友試咗呢間打卡Cafe，餐廳裝修好靚有唔少打卡位，而且野食都幾出色，甜品仲有crepes食，好正😙❀餐湯❀餐湯係忌廉蘑菇湯，飲落幾香濃，仲有好多蘑菇粒粒。❀香煎帶子配海膽意大利飯❀帶子用牛油煎到金黃色，大大粒，食落香口又鮮甜，再加入海膽，連埋Risotto一齊煮，飯粒軟腍兼且吸汁力強，味道唔錯！❀法式油封鴨髀配橙酒汁❀油封鴨髀係用低火慢煮，所以入口個皮脆脆地，肉質嫩滑，味道濃香，重點價錢唔太貴，推薦試下😋❀香蕉榛子朱古力忌廉Crepes❀賣相精緻啱哂打卡，Crepes好軟身，包住幼滑嘅朱古力忌廉，面頭仲有香蕉片+ 榛子醬，味道唔太甜，但好邪惡😣❀檸檬茶及檸檬水❀跟餐嘅飲品，個杯幾靚，清清地飲黎解膩都好。…Read More

成日去九龍城都係食泰國菜，估唔到呢度原來有好高質既日本野，見男朋友呢晚神神祕祕咁帶我黎，原來佢book左呢間餐廳慶祝拍拖紀念日，有龍蝦、海膽、和牛、刺身等等食，海鮮同魚生都好新鮮又鮮甜，環境仲要坐得好舒適，岩哂慶生/紀念日🥰⁂⁂⁂⁂櫻套餐⁂⁂⁂⁂❀刺身五點❀有三文魚、三文魚腩、海膽、八爪魚同埋帶子，海膽呈現鮮黃，入口軟滑即溶，帶有啖啖的海水鮮味，又唔腥；三文魚腩魚油十足，肉質柔軟；北海道帶子鮮甜味美。❀壽司三貫❀有帶子、蝦、油甘魚壽司，煮熟既明蝦紅白對比分明，望落好吸引，食落都好厚肉；油甘魚肉質幼滑細膩，魚味較淡，食落淡淡甘甜。❀燒肉❀有A5和牛肉眼、西冷及背峰，和牛肉眼油花較豐富；西冷就係極少運動到既部位，所以肉質相當鮮嫩；背峰油脂花紋分布均勻，肉質滑嫩；每款部位都各有特色。❀和食❀和牛炒飯炒到粒粒分明又夠乾身，配上和牛食落油香四溫。❀燒物、吸物及甜品❀燒物係燒大蝦，食落啖啖肉，之後可以飲埋湯+食雪糕。⁂⁂⁂⁂⁂⁂⁂⁂⁂⁂⁂⁂❀澳洲龍蝦兩食❀因為想試龍蝦，所以櫻我地點左一人份😂龍蝦兩食本身係刺身+龍蝦湯，我地加左少少錢轉龍蝦粥。龍蝦好生猛，一上枱仲係咁郁，搞到我好驚，係咁we嘩鬼叫，但係刺身食落肉質爽口清甜，仲要切到好薄透透地咁。食完刺身侍應會拎龍蝦頭煲龍蝦粥，個粥煮到好軟綿，仲好有鮮味。❀牛肉野菜鍋❀本身驚唔夠飽叫，結果係太飽😅但係呢款好抵食，牛肉好有牛味，配上好多野菜+菇，湯底清甜，份量好多。❀蟹味噌甲羅燒❀食日本野一定要點既甲羅燒，蟹膏味道濃郁鹹香，夾埋脆卜卜多士食好正😋餐廳依家仲有得抽獎，可以玩個大轉盤，我抽中左赤貝，味道都唔錯😆…Read More

周不時都會同男朋友去搵好嘢食，最近見到網上面有人推介呢間海膽當飯店，就揀咗嗰日夜晚同男朋友一齊食。我地揀左2個丼飯再加d刺身同小食。海膽丼：海膽份量十足，望到都覺得新鮮，食落好清甜，又夠creamy，撈埋飯食好好味。松葉蟹雙重丼：肉質呈一梳梳的形態，軟滑綿密多汁，蟹膏甘香濃郁，重點價錢都唔貴三文魚刺身：三文魚條紋清晰，肉質細嫩鮮美。油甘魚刺身：口感幼滑細膩，味道鮮甜，食落淡淡甘甜。倍化帶子吞海膽：帶子經過微微火炙，有少少炭火香氣，配上海膽融融地既口感，食落更可以突顯海膽鮮甜味道。鮟鱇魚肝：口感綿密滑順，油脂柔嫩香醇。沙律及餐湯：跟餐送既，沙律菜好新鮮，又有粟米+蕃茄仔，幾豐富。麵豉湯飲完成個身暖笠笠。…Read More

最近同fd子行左大圍新開既圍方商場，入面既商舖都幾多，仲有唔同種類既餐廳，呢晚我地就試左呢間海鮮西餐，估唔到裝修好靚之餘，野食味道都唔錯，食得好開心😀❀ Seafood Combo A ❀有好多款海鮮可以揀，我地揀左鮑魚、蝦、墨魚仔，估唔到又好足料🤩鮑魚有成4隻、蝦都有10隻，鮑魚大大隻又彈牙；蝦好鮮甜，墨魚仔都幾爽口，配菜仲有薯仔+腸仔，所以食完都飽飽地～❀海膽帶子闊條麵❀有成個壺仔既海膽汁可以自己揀淋幾多，我就淋哂，覺得好邪惡😣海膽汁令到闊條麵好creamy，食落又不失咬口，唔錯！❀招牌手工蟹肉漢堡❀蟹肉漢堡扒成塊由蟹肉整成，再壓到實一實，食落啖啖蟹肉，充滿鮮味，好好食；薯條炸到金黃香脆，唔洗點茄汁就咁食都OK!❀美式蘋果批配雪糕❀蘋果金寶一上枱已經好香牛油味，將雪糕搽上去，撈埋黎食，味道甜甜地咁又有少少肉桂味，好味之餘，影相都好好睇。…Read More

呢晚同男朋友去完新城市睇戲，就順手響附近搵野食醫肚，試左呢間天天海南雞既沙田分店，野食大大份又好味，估唔到除左海南雞好食之外，甜品都咁出色，推薦可以去食下😙❀天天海南雞❀雞肉採用文昌雞，半肥瘦咁，入口嫩滑又juicy，點少少薑蓉、黑醬油或者酸辣醬都好好食。❀肉骨茶❀肉骨茶個湯藥材味偏重，味道幾清甜，排骨大大塊好多肉，煮到好腍好入味，仲有好多其他配菜例如：豬肚、腐竹等，好豐富，食到好飽。❀食神魚籽菠蘿海鮮炒飯❀炒飯炒到粒粒分明，有蝦仁粒、魷魚+蟹籽等，份量較多，建議2個人share。❀椰奶炸龜苓膏❀最有驚喜反而係呢個，椰奶好香又甜甜地，中和左龜苓膏既苦澀味。…Read More

放假同男朋友去海港城Shopping，發現左ocio 居然響果度有分店，就順手去試試佢，覺得海港城店裝修最靚，空間感好足，窗邊位仲可以睇住海景食😆❀是日餐湯❀呢款係跟餐嘅南瓜湯，飲落甜甜地，比我地食野前先暖下個胃。❀安格斯牛肉煙火腿煎蛋芝士漢堡❀個煎蛋巨吸引，仲要係流心蛋，一咬落去蛋汁流哂出黎，令到成個包都好有蛋香味。安格斯牛肉漢堡幾juicy，牛肉味濃，不過個包好厚，一啖咬唔哂要分開咬😂❀煙三文魚全日早餐❀成日去cafe都會心思思想食all day breakfast，見煙三文魚好靚咁就try try，煙三文魚整成玫瑰花形，入口軟嫩又鹹鹹地；牛角包好香牛油味，兼且好軟熟；炒蛋煮到岩岩好，夠哂滑溜。❀餐茶❀蜜桃紅茶有少微甜，好香桃味；香草洋甘菊茶溫和清甜，飲完幾潤喉。…Read More

早排碌IG發現咗呢間星夜酒吧，呢晚就約咗朋友仔一齊去試，上層有個180°巨型屏幕可以睇到星空景緻，座位闊落坐得好舒服，靜靜地吹一晚水都OK，而且野食味道都唔錯🥰❀軟殼蟹柚子沙律❀軟殼蟹炸到好酥脆，食到入面有蟹膏，配上酸酸甜甜帶點微辣嘅柚子沙律，惹味得黎又夠哂開胃。❀生蝦刺身❀每次食泰國野都要點😝海蝦冰鎮後，肉質緊緻又有彈性，味道鮮甜兼有口感。❀冬陰功卡邦尼意粉❀估唔到冬陰功醬汁同卡邦尼意粉幾夾，意粉好有咬口又掛汁，冬陰功汁酸酸辣辣咁，撈埋蛋汁食好香口，虎蝦大大隻又彈牙，唔錯！❀芒果斑蘭糯米飯❀芒果糯米飯幾靚，食落甜甜地，加咗斑蘭落去，同椰奶香味配合得相得益彰，重點食完都唔會好膩。…Read More

耐唔耐就想食麻辣風雲，見佢最近出咗個好得意嘅擎天麵，呢晚就約咗朋友仔試試佢😋❀酸菜魚❀酸菜魚一如既往地嫩滑無骨，魚肉份量多，3個人食都覺得好夠，紅薯粉煮到Q彈滑溜，豆卜好吸湯，酸酸辣辣咁好惹味。❀炸饅頭❀每次黎到都會點，炸饅頭外脆內軟又唔油膩，點少少煉奶食都好好味。❀風雲擎天麵❀個麵打卡一流，店員好好咁等我哋影哂相再剪麵，之後淋上酸酸甜甜嘅醬汁，令到啲麵一半脆一半腍咁，大蝦肉質鮮甜緊實，唔錯。❀蒜泥白肉❀超多蒜泥，食落滿滿蒜香味，完全唔覺得肥膩，想encore多碟。❀椰汁冰、鮮芒椰果玉露及烏龍茶❀椰汁冰好有椰香味；芒果玉露甜甜地，加埋椰果幾好咬；烏龍茶就可以消滯解膩。…Read More

趁細佬放假同佢去食好西，揀左呢間A5熊本黑樺牛放題，和牛質素好好，上菜速度快，2人同行仲送埋海鮮拼盤，食左2個鐘，食到好飽大滿足😋❀黑樺牧場精選盛合層架❀有和牛、五花腩+蝦滑及墨魚滑，款款都試少少，打卡幾靚。❀海鮮頭盤❀有超多蠔+海蝦，靚仔店員會用鐵板燒焗方式煮好，因為用上清酒調味，食落鮮甜得黎又帶有酒香。⁂⁂⁂日本黑樺牛火鍋放題⁂⁂⁂我哋揀左壽喜燒湯底，有超多蔬菜、豆腐+菇菇，味道甜甜地咁，感覺好健康😆❀玉子後腰肉❀將蛋汁同牛肉撈勻，食落牛肉好嫩滑，亦都突顯牛肉嘅鮮味。❀特上霜降小排❀油花分佈均勻呈雪花狀，入口有豐富嘅牛肉油脂香氣。❀千本筋❀係牛嘅超稀有部位，雖然有好多細筋，但食落軟嫩，又有少少咬口咁。❀牛頸脊❀食火鍋必點嘅牛肉部位，有適量油花，肉質鮮嫩爽滑，牛肉味濃郁，A5和牛特別好食😝❀和尚頭❀第一次食和尚頭，都係牛嘅稀有部位之一，脂肪比較少，肉味幾香濃。❀鬼馬油炸鬼❀即係蝦多士，新鮮熱辣炸起，食落外脆內軟，蝦味幾重。…Read More

發覺拍拖真係洗多左錢，有時都會同男朋友食平少少，最近就試左呢間刀削麵店，估唔到價錢實惠之餘，食物質素都唔錯，仲要好大份，我地兩個都食到超飽😂❀醉雞刀削麵❀醉雞份量較多，仲有一隻溏心蛋，雞件冰冰涼涼又充滿濃郁酒香，肉質偏緊實，但味道都唔錯。刀削麵揀左涼拌，好多芝麻醬+青瓜絲，麵條切得好薄，幾有咬口。❀豬軟骨刀削麵❀呢個刀削麵都係揀咗涼拌，豬軟骨雖然唔係招牌菜，但都煮到好腍好入味，食完之後覺得充滿滿滿嘅骨膠原🥰❀麻辣金錢肚❀另加嘅小食，份量多到好似座小山咁，金錢肚食落麻辣鮮香，配埋刀削麵一齊食都幾夾。❀阿華田脆脆及凍菜蜜❀阿華田面頭有超多阿華田粉，但係味道又唔會話好甜；凍菜蜜就有淡淡嘅蜜糖甜味，唔錯！…Read More

周不時都會同男朋友周圍行商場，呢次就黎到大埔玩，睇完戲行左一陣街就搵野食醫肚，見呢間拉麵店野食幾吸引，一於試試佢先😯❀胡麻沙律❀沙律菜新鮮清甜，份量唔會太多岩岩好。❀直源醬油吉列豬扒沾麵❀吉列豬扒炸粉好薄，呈金黃色，炸到外脆肉嫩，豬味較重，湯頭味道幾濃，麵條清爽分明。❀炸物盛拉麵❀有炸蝦、炸魚餅+炸墨魚仔，可以樣樣試少少，炸到幾香口，拉麵麵條較為彈牙，掛汁力唔錯。❀餃子五件❀煎餃子，平平地咁味道都Ok。❀綠茶蕨餅及櫻花福餅❀綠茶蕨餅綠茶味幾出，食落好煙韌，淋上黑糖漿甜甜地咁幾好味😋櫻花福餅賣相精緻，裡面係微甜既豆蓉。❀菠蘿乳酸梳打及雜果賓治❀兩杯味道都係酸酸甜甜，自己幾鍾意菠蘿乳酸梳打。…Read More

呢期努力見朋友仔，揀左呢間火鍋放題試試佢，皆因有得任食日本黑毛和牛，仲有生蠔、刺身、海鮮、燒物+炸物等等，好多款式，味道都唔錯。我地揀左壽喜燒湯底，清清地咁，淥完d野食都係甜甜地。❀A4日本和牛❀日本和牛切到好薄身，望到有大理石咁嘅油花紋，入口滿口油脂香，好似入口即溶咁🥺❀M5澳洲和牛❀澳洲和牛肉質細嫩，脂肪含量較高，口感香甜多汁。❀美國黑豚片❀黑豚肉纖維細緻，比較柔嫩，帶有較強甜味，唔錯。❀刺身拼盤❀甜蝦大大隻，肉質細綿，味道甜美；三文魚口感豐腴，點少少豉油都好好味；赤貝食落肉質爽厚，鮮味十足。❀天婦羅❀天婦羅炸到香酥鬆脆，炸蝦厚身，肉身彈嫩，食左好多隻都唔覺油膩。❀炸饅頭❀好少放題有炸饅頭，外層炸到金黃香脆，點少少煉奶食，好滿足😋…Read More