joeylaihy's Profile

行完山後⛰️，好肚餓，經過呢間米線店，好想食，咁我哋就排隊啦🤣～點咗：🐥炸雞中翼、🥒手拍青瓜我哋兩個都鍾意食雞翼，雞翼炸得金黃香脆，入口甜甜地，口感似蜜糖雞翼。青瓜則伴以炒香嘅蒜蓉，清新爽口。🐂牛腩小鍋紅薯粉加蘿白🌼飲凍菊花蜜朋友要酸辣， 小辣🌶️，湯底酸辣平衡，牛腩炆得又香又腍。蘿白大大件，好清甜。配料豐富有芽菜、酸菜、韭菜、蔥、莞茜等，小店好慷慨，每一啖米線都食到配菜，好滋味。菊花蜜冰凍解渴。🍲豬扒小鍋紅薯粉🥛飲凍豆漿我就要麻辣，大辣🌶️🌶️🌶️，一樣有豐富配料，紅薯粉口感爽滑柔韌，吸收咗濃郁麻香嘅湯底，食得好滋味，豬扒香口，成碗食晒🍜😋!…Read More

移咗民嘅舊同學返香港探親，佢話最難忘就系香港嘅美食，約咗我嚟呢間食避風塘炒蟹嘅老字號餐廳。我哋兩個真系好耐冇嚟，我哋一邊食一邊傾偈，坐咗成三個鐘😆。🥢油鹽水浸蜆$108上湯帶著濃濃嘅胡椒味，蜆肉及粉絲盡吸上湯嘅精華，咸鮮清香，系我鐘意嘅味道。🦀肉蟹$788避風塘煮法，成座山嘅香蒜，睇到都開心🤣，蟹肉飽滿，蒜香濃郁，我將啲蒜蓉鋪喺蟹肉上面，食到舔舔脷。最好就系店員會幫客人拆肉，實在太好😀。🦞喜記椒鹽富貴蝦$488巨型嘅瀨尿蝦，蝦肉肥厚，仲有好多蝦膏，椒鹽又香又惹味。🥬蒜茸時蔬（$78）：菜心新鮮，簡單清炒，清新爽口。最後餐廳仲送咗番薯糖水。呢餐食得好開心。…Read More

周末同朋友行街，突然間落毛毛雨🌧️，咁就係附近搵嘢食，避一避雨，見到呢間牛腩麵檔好多人，入去試吓。店員服務周到，問我哋，靚女食啲乜哈🤣~我點咗：🐂崩沙牛腩河拼牛根河🍋凍檸茶🥬腐乳通菜湯底清香，味道適中；崩沙腩呢個部位嘅牛腩肥瘦相間，爽口甘香，牛味香濃；牛筋都幾軟焾，而且仲好入味。朋友就點咗：🦪蠔仔肉碎墨魚鬚泡飯☕️熱奶茶🥬菜心全走蠔仔肉碎拼墨鬚泡飯，份量勁大🤭，魚湯底加上蠔仔、墨鬚、肉碎，味道鮮甜，湯底帶有胡椒香味。米飯吸收咗湯嘅精華，加埋鮮味嘅蠔仔，爽脆嘅墨鬚，口感特別好😋。熱奶茶香滑。朋友特意點菜心，要求全走，將菜心放埋落去泡飯一齊食，吸收湯底精華，係佢鍾意嘅味道。…Read More

靚女同事👩‍💼鍾意食大閘蟹，又鐘意打邊爐🦀🍲，佢上網搵到呢間做緊放題，一take過有齊大閘蟹、海鮮火鍋🍲。即刻約埋我放工一齊嚟。餐廳位置夠晒方便，喺荔枝角地鐵站一出，行1分鐘就到。一踏入餐廳，已經聞到濃郁嘅海鮮及大閘蟹嘅香味。我哋一邊吹水一邊食，真係乜嘢工作壓力都冇晒～🌿除咗大閘蟹放題，真係食齊海、陸、空哈😋，有雞煲🐥、海鮮蒸鍋、火鍋🍲、雞翼放題、炸物同串燒，啱晒心多多嘅我。海鮮都有不少選擇，有大蝦🦐、貴妃蚌、帶子、廣島蠔🦪及扇貝等等。一路打邊爐，一路食大閘蟹，真係好爽🌿🤭，呢餐真係大滿足。…Read More

同閨蜜喺銅鑼灣shopping🛍️後，買咗好多秋裝😆，大家都一袋二袋，佢即刻上網揀個舒適嘅地方食飯試吓呢間先。餐廳以白色配上淺紫色為主裝修，坐位舒適。我哋點咗個套餐，因為有我鍾意食嘅大閘蟹🦀，大閘蟹都幾多膏，最主要係可以無限追加🦀🦀😋。🥢鵝掌扣鮑魚，炆得非常嫩滑入味。🦢片皮鴨都唔錯，入口富油香，肥瘦均勻。🥬菜心新鮮，以上湯、蝦乾烹煮，簡單好味。我哋一路傾一路點嘢食，兩個都食得好飽飽🤰🤭。店員親切有禮，仲有不停幫我哋加茶，結帳嗰陣仲介紹有四間VIP房，等我下次帶埋屋企人同埋啲小朋友一齊嚟食大閘蟹～～🦀🦀🦀…Read More

放工過嚟灣仔與舊同事食飯，佢鐘意呢間樓上日式居酒屋🏮，她說這裡裝修有點像日式家庭般，很舒服，氣氛輕鬆～一坐低，先點2杯酒精Happy 吓先哈😆～，用QR code 落車，好方便。🥃Hightball 威士忌梳打$58 x 2Hightball 威士忌與梳打水完美調配，加入冰塊🧊，帶點微細氣泡🫧，口感十分清爽，飲一啖，很舒壓～🍋柚子風辛子明太子（北海道）$65略燒過嘅明太子很甘香，送酒一流😋。🍣彩虹壽司卷$138以赤身、鯛魚、三文魚、帆立貝、赤貝及池魚做出不同顏色嘅刺身做成嘅彩虹壽司卷，味道各有特式；我特別鍾意池魚，很鮮甜。🐠本鮪壽司 5點盛 $178🦪九州日之雪花蠔（2隻）$98🐟三文魚腩刺身$72🫧山葵柚子漬水母刺身$98✨活赤貝刺身$168賣相已令人垂诞三尺嘅刺身盤，用料新鲜，甜度亦足；我特別鐘意水母刺身，以山葵柚子漬一齊食，好鮮甜好爽口😋，真係唔係好多地方有得食。🐣鹽燒半切雞皮餃子串（2串）$58🐓汁燒雞爽肉串（2串）$55最後仲點咗啲串燒用嚟送酒，以雞皮取代餃子皮，外皮燒得金黃酥脆，雞皮油香十足，餡料亦都好飽滿，有雞肉、蔬菜、香菇🍄‍🟫等，好惹味。汁燒雞爽肉串則口感彈牙。…Read More

約咗靚女朋友👱🏻‍♀️喺北角食飯，佢帶咗我嚟呢間閩南菜餐廳，原因之一係有卡位🤭，啱晒我哋兩個慢慢吹水哈😆～店員有禮，招呼亦周到。⚪️芋圓（四粒）$40呢個即點即做，熱辣辣，外皮以薯粉和芋頭絲做成，面層灑上微甜嘅花生碎，咬落去軟糯又彈牙，口感特別好；裡面係五香肉絲、紅蘿蔔絲🥕及蝦米🦐等，味道好豐富，水準很高😋。🐟馬鮫魚羹$45馬鮫魚及白蘿蔔煮成湯， 灑上蔥花🌱，十分鮮味。🐖滷水豬腩肉$20呢個份量 ，只買$20 ，真係好抵食。✨凉拌海蜇$78清涼爽口帶麻油香，啱晒夏天食。🥗蟹籽沙律$78朋友好鍾意食蟹籽沙律，見到即刻點，蔬菜🥒🥕新鮮加脆卜卜蟹籽、沙律汁，清爽開胃。🐷糖醋排骨$120炸得酥脆嘅排骨，以鎮江醋及蒜蓉快手收汁，咬落去充滿蒜香🧄及醋香，外脆內嫩，實在要讚一讚👍。🥢炒米粉$45師傅不單只用心，而且沒有吝嗇材料，以魷魚🦑、韭菜、魚片、紅蘿蔔🥕、椰菜、五花腩粒、蛋碎、冬菇絲、香蔥等，炒得香口，每一啖都食到豐富嘅材料，好味呀～～😋…Read More

呢排成日落雨，趁好天氣🌞閨蜜話過嚟大埔玩🚴，見到呢間新餐廳，有卡位，坐得舒服，唔錯喎；店員亦都招呼周到。我哋點咗：🐷洋風咖哩珍寶豬扒飯$60大大塊豬扒，外邊煎得金黃香口，入邊啲肉幾Juicy，份量都幾大，食完真係充滿晒能量去玩哈～🐥脆皮芝麻雞翼$52我哋仲加咗個小食，雞翼外脆肉嫩，仲有芝麻增加香口。🐟浦燒鰻魚珍珠飯配仙台手打豬肉丸湯$78閨蜜就點咗個鰻魚飯，鰻魚幾厚身，配埋甜甜地嘅浦燒汁及珍珠飯，好有風味🎏～🍈加$10添食大大哈蜜瓜加$10就有大大塊嘅蜜瓜，蜜瓜當造，好甜，消暑一流～…Read More

放咗工，同事仔約我一齊食晚飯，佢哋鍾意呢間，因為有專人燒埋比我哋食哈～🥚蟹肉玉子燒$65浜燒要時間，所以我哋先點個玉子燒，一邊食一邊傾吓計。玉子燒口感溫熱，咬落去，很嫩滑的玉子，加埋蟹肉，很有🎏風味。再飲返啖冰凍🧊嘅「🌿烏龍茶$28 」，好爽。🍣自慢焱丸號$258十分豐盛，有吞拿魚腩蓉、海膽、蟹肉、三文魚籽等等，啱晒心多多嘅我，刺身新鮮，配以紫菜卷，實在大滿足。🥢鮑魚殼燒2隻$136、🌊帶子磯燒$68、✨松葉蟹膏帆立殼燒$80店員在旁幫我哋燒海鮮時，已經香噴噴，令人垂涎三呎，鮑魚都幾大隻，肉質彈牙爽滑。然後就食帶子，很鮮甜。最後，松葉蟹膏帆立殼燒，這個味道較濃郁惹味，因為加咗松葉蟹膏。…Read More

Happy Friday🎉同班同事一齊去食好嘢，慰勞辛勤工作後的自己哈🤭～這日式餐廳呈L型，十多個坐位，今晚滿晒，好彩訂咗位。廚師👨‍🍳健談，每道菜呈現客人前也會介紹，這晚氣氛感唔錯，美酒佳餚下，大家都好開心。🐙八爪魚切薄片，啫喱海膽八爪魚爽口，配以香滑嘅海膽啫喱，好清新嘅前菜。✨北海道紫海膽廚師先讓我哋看一看原隻嘅紫海膽，然後就為我哋加入甜蝦、三文魚籽、法國🇫🇷魚子醬及金箔✨，魚子粒粒飽滿，配以入口溶化嘅海膽，食完感覺幸福😆。🐙新鮮水八爪魚第一次食水八爪魚刺身，好爽口、鮮甜帶清香。🌊九州白象拔輕灑少許岩鹽，已經好好食，口感爽脆。🦪兵庫県室津蠔十分肥美， 十分吸引🤩，配以晶瑩通透✨嘅高湯啫喱，口感creamy。🐋鮟鱇魚肝鮟鱇魚肝切碎，加入脆口嘅漬黃蘿蔔，可減少油膩感，配以鱈魚乾脆片一齊食，口感特別好。🥢磯煮鮑魚呢個係餐廳嘅招牌菜，用醬汁及昆布醃製後，慢煮，肉質鮮嫩彈牙，配以鮑魚肝醬，味道濃郁豐富。🐟吞拿魚腦天腦天係吞拿魚額頭位置部位，屬稀少部份，每條魚最多只有約1kg；師傅用火槍輕燒魚肉，令油脂溶化後，魚味更甘香濃郁，再加一片中拖羅，用紫菜包住食。🐟燒右口魚燒過嘅右口魚，口感香軟，配以脆口嘅櫻花蝦用紫菜包煮食，富層次感。🐟燒吞拿魚下顎配南瓜湯球🎃南瓜湯球🎃係這餐廳嘅「份子料理」，一咬落去， 卜一聲💫，滿口香甜嘅南瓜湯，有趣～燒吞拿魚下顎，都係稀少部位，富油脂，以岩鹽及黑椒燒烹煮，富魚香。🍣兵庫県金目鯛壽司、煙燻深海池魚壽司、梳子魚壽司及厚岸海膽壽司刺身新鮮，甜度亦足，配埋日本珍珠米，好美味；我特別鐘意金目鯛，金目鯛係貴價魚之一，肉質細緻鮮美，呢餐大滿足😆最後仲有🍜魚湯烏冬及🍰紅酒櫻桃千層蛋糕。這晚好滿意，大家過咗一個好開心嘅Friday Night🥳。…Read More

周日與朋友嚟咗荔枝角成衣👗👚批發中心買完衫，微雨中周圍行吓覓食，見到呢間居酒屋，好多人，入嚟試吓先～餐廳內氣氛感很好，不少開心歡笑聲，仲聽咗分別兩枱Happy birthday 慶祝🎂 🎶，我哋兩個坐喺吧枱，可以一邊食，一邊欣賞廚師嘅手藝。✨金龍珠海膽吞拿魚蓉卷$158這個是店員推介的，我見差唔多每台都有點呢個，以海膽、吞拿魚蓉、漬過嘅蛋黃及珍珠米以紫菜卷成，蛋黃顏色亮麗，為這卷物賣相加了不少分，口感富層次感。🍣粟米脆餅壽司 · 角切魚生三文魚籽$168造型有趣，微辣香脆嘅粟米脆餅，配埋牛油果🥑及三文魚、三文魚籽一齊食，很fusion 菜的感覺。🐟柚子汁油甘魚雜菜沙律$88肥美甘甜嘅油甘魚，配以沙律菜及酸酸甜甜嘅柚子沙律汁，很開胃的頭盤。🐂壽喜燒和牛鍋$480牛肉雪花紋理分佈均勻，即灼即食，牛味香濃，美味大滿足。大大鍋嘅壽喜燒鍋配料都好豐富，有煙韌嘅年糕福袋、豆腐、冬菇、鴻喜菇、蔬菜及芋絲等；一邊嘆一邊飲啖酸爽清新嘅「🍏蘋果乳酸梳打$38」，好爽😆。下雨天，食完這豐富嘅鍋物，又暖心又暖胃🫶🏻…Read More

平時嚟Tokio Joe都係與同事食午餐，晚餐都係第一次食，同事說趕完個project，今晚要特賞一下哈～呢間餐廳喺蘭桂坊已經好耐，與店員姐姐閑談間，她說已經29年了～晚上氣氛感很好，大家放工想輕鬆吓，聽到不少歡笑聲，令人很放鬆，我哋選咗JOE'S TASTING MENU嚐味盛宴，每位$1180。🍅前菜：日式漬蕃茄及海膽伴北海道蟹肉新鮮紅卜卜嘅蕃茄，配以日式沙律汁。 海膽伴北海道蟹肉用匙羹盛上，鮮甜嘅海膽及海膽蟹肉一齊，好鮮味。🐟刺身：內有拖羅、吞拿魚腩刺身、漬鮑魚、油甘魚、迷你吞拿魚沙律、鰻魚。刺身新鮮，甜度亦足，那肥美甘香的拖羅在口中慢慢融化，感覺幸福🥰。🍣壽司：北海道海膽 、深海池魚 、火炙北海道帶子、吞拿魚蓉脆脆及炸軟殼蟹卷。壽司中我特別喜歡北海道海膽，入口即化嘅海膽很甘香；仲有吞拿魚蓉脆脆壽司，微微辣，脆脆哋，口感好得意。✨天婦羅：辣三文魚，比目魚天婦羅做得好輕身酥脆。🐟銀鱈魚西京燒我哋唔想食牛，想食魚，店員幫我哋改為銀鱈魚西京燒。銀鱈魚外面燒到微微金黃，魚肉富油香很軟滑，帶有淡淡味噌的甘甜味。🦞龍蝦湯稻庭烏冬呢個係這裡嘅招牌菜式之一，幼身的稻庭烏冬好滑，而且非常掛汁，個龍蝦湯湯好鮮味好香濃，仲有隻花竹蝦天婦羅，每次食都比100分🤭。🍦京都抹茶雪糕配時令水果🍉抹茶雪糕內有粒粒紅豆🫘，抹茶味突出又帶回甘，質地creamy，甜度恰到好處，配以蜜瓜、西瓜及提子，呢餐好滿意❤️。…Read More

放咗工，能夠與好友享受一頓美味的晚餐，傾吓計，我覺得好舒壓的🌿。 今晚放工過咗嚟搵老友👱🏻‍♀️食飯，係佢屋企附近嘅意大利餐廳，這餐廳佈置有點像歐洲溫馨家庭的，帶點親切～🐟煙三文魚蕃茄香草包$68烤過嘅香草包，散發着淡淡的蒜香，鋪上蕃茄🍅莎莎及煙三文魚，口感頗豐富。🐣燒法國雞胸$268餐廳選用咗法國🇫🇷春雞，配以巨型秋葵🤭及薯蓉，雞肉熟度恰到好處，肉質細嫩，我平時唔食雞皮，但這燒春雞的皮卻非常透薄鮮嫩，沒有肥膩感，仲燒得幾香。🍝清炒蒜片辣椒意粉$128以蒜片🧄、橄欖油、辣椒🌶️等配料烹煮意粉，蒜片嘅香氣融入係橄欖油及意粉中，每一啖都非常惹味香。🍏蘋果批配紐西蘭雪糕$78即點即焗，以新鮮蘋果🍏製造，所以味道清新香甜，外皮酥脆，伴以紐西蘭雲呢拿雪糕🍦，每一啖都好滋味；食完再飲杯🍋熱檸檬水，這晚餐很滿意❤️。…Read More

同朋友做完運動🏋️‍♀️，係K11 後面街覓食，因為那裡有好多餐廳選擇，我哋見到呢間日式餐廳幾有趣，試吓先～沿着樓梯上兩邊有不少日本懷舊圖片，坐位分為餐枱座，仲有榻榻米，播放著日本歌曲🎵，充滿氣氛感～🍍冰菠蘿梳打$68夠哂冰凍🧊，好清新，有得飲有得食🍍🤭。🥒京都味噌青瓜$45新鮮脆卜卜嘅青瓜沾上烤過嘅味噌一齊食，簡單好味😋。🍣三文魚層層疊$138店員送上枱後，會用火槍做一層火炙🔥，令到口感帶點焦香；層層疊底層係紫菜飯卷，中間係肥美三文魚🐟，上層係芝士及白汁，並以蟹籽和香蔥點綴，富味道層次感。🥢清酒煮白蛤鍋$108幽幽嘅清酒香，撲鼻而來，蜆肉豐滿脹卜卜，味道清甜。🐟迷の刀 五雕刺身盛合$328賣相精緻，包括牡丹蝦、帶子、油甘魚、吞拿魚及三文魚，刺身好新鮮，甜度亦足。…Read More

與朋友shopping 🛍️後，又赲又餓😆，想搵間餐廳坐得舒服，見到呢間潮洲菜館唔錯，係門口睇完餐牌都幾好，入去試吓先～～🍋話梅涼瓜$88冰涼脆口嘅涼瓜，入口酸甜鹹甘，很開胃的頭盤。🦢獅頭鵝件$298餐廳選用獅頭鵝，鵝肉肉質鬆軟，鵝味濃郁，再以祕製嘅鹵水汁浸泡，好入味。🐓碧綠川椒雞$188以炸脆咗嘅珍珠葉作伴碟，雞肉口感嫩滑中帶香、濃、麻的川椒味道。🌶️川味花膠豆腐$188這個川味豆腐，中辣度，配料應該加入咗黃豆醬、豆瓣醬、辣椒等烹飪而成，醬香濃郁，豆腐口感非常鮮香嫩滑，送飯一流外，加入花膠，啖啖骨膠原，特別好食😋～～🥢蜆肉鵝肝炒飯$228這個炒飯係店員介紹的，炒飯炒得乾身粒粒分明，以鵝肝粒、蜆肉、菜粒等炒得都幾香口。要讚一讚，這裏的店員溫文細心，在沒有打攪我與閨蜜傾談下，安靜幫我哋換新碟、加茶等服務。…Read More