amyymlui's Profile

同老best響觀塘搵食，知道APM開左綠茶～～ 就即管去試吓！去到餐廳門口已經覺得好靚好清新，用好多綠色植物做擺設～～ 而餐廳入面既燈都係塔既形狀，非常別致！一行3人叫左5樣食物：雪菜酸湯魚片（湯品味道剛剛好！魚片爽口嫩滑）面餅醬香五花肉（最愛這個菜式！用餅皮卷住醬香五花肉，一啲都唔油，好好味）葱香脆皮烤鴨（鴨烤到好脆但入口唔會變乾柴）脆皮牛腩（用咗秘製酸醋做醬汁，外面有層薄薄既脆漿包住，口感唔錯） 冬菜包（以為會好咸，但食落味道又岩岩好）仲有3款甜品：西湖雷峰塔（用淮山同奶做既奶凍塔）江南綠茶餅 （呢個非常好味！餡料用左芋泥餡，香脆軟糯於一身）茶香奶凍（即係crème brûlée～～但用左茉莉花茶做奶凍好清新，上枱前先燒脆個焦糖面，掂呀！）…Read More

相約左好耐冇見既朋友一齊去晚飯，見到Flames既環境同地點都非常方便，而且訂座有折，所以決定一試🤩本身當日訂枱只有1730既選擇（但我哋相約1630😂）覺得早少少去餐廳仍然會安排到位置俾我哋，所以繼續booking～～ 當日1630左右去到，原來係餐廳中場休息既時間（營業時間並沒有註明😛）眼見職員都在場內坐著休息，膽粗粗走去問經理可唔可以提早安排位置俾我哋先坐低傾偈😝 （絕對唔會點餐阻住佢哋休息）最終成功了！就是這樣，我哋就沉浸於美酒佳餚中渡過了這一個夜晚了😚😚…Read More

20/6/2023 好開心既一個晚上！今晚食既呢間私房菜： 八分廚，每樣菜式都好岩食🤤🤤如果一定要揀一款，我個人特別喜歡菊花松子魚，炸過既魚外層脆卜卜，但魚肉仍然可以好juicy，醬汁酸酸甜甜好岩夏天食😋😋 大廚精心製作每道菜式，更加會預先詢問大家既口味（濃味 vs 清淡）為客人帶來獨特得黎又會岩口味嘅菜式😎😎，唔怪之得我encore左幾次啦🤭前菜：泡椒魚皮（魚皮爽脆，混合埋皮蛋、海蜇再配上一個微辣醬汁，絕對係一個涼拌前菜佳品！）湯：八寶素湯（雖然係齋湯，但都係非常清甜！飲完覺得暑氣全消👍👍）主菜：百花釀蟹鉗（功夫菜，口感彈牙，配上新鮮沙律菜以及有胡麻醬 or 甜酸醬選擇，使蟹鉗既油膩熱氣感覺大大減低）富貴烤雙方（非常精緻嘅菜式，出面食過都只係會有刈包拌以蜜味金華火腿～～但大廚將這名菜重現眼前！她將腐皮逐塊炸到鬆脆，再加埋刈包及蜜味金華火腿，層次感立刻提升🤩🤩）花甲蟹肉蒸蛋缽（大大隻花甲鮮甜肉爽，而且清潔乾淨冇沙👍👍 蟹肉混入水蛋當中非常鮮甜，立馬將蒸得嫩滑無比既水蛋增加鮮味）菊花松子魚（上面已經介紹咗）八分啤酒鴨（經過煮完既啤酒只留下香味，多食2件鴨都唔會醉～～）順德生菜包（同平時食開既生菜包有好大分別！餡料部分竟然加入左蜆仔肉，配以韭菜肉碎，鮮味突出）酸菜魚鍋巴（依據我們既嗜辣程度製作出黎既酸菜魚，非常合口味呀！鍋巴好脆略帶咸香，好味😋😋）甜品：椰汁斑蘭涼粉（全新製作，斑蘭味香氣十足，與椰汁簡直係絕配！而且顏色非常吸睛👍👍）#八分廚#好味私房菜#誠意推介…Read More