LTP613's Profile

今天星期日諗住同屋企人一起去試下旺角的愛膳煲仔飯，因為見佢在旺角新開左幾間新舖頭，外面望入去d野食好似好有鑊氣。我地叫左一個四寶煲仔飯，一碟涼拌蒿荀同一個湯。本身對個煲仔飯好有期望，話晒係餐廳主打。點知食落去發覺食材好唔新鮮，唔夠熱，唔好味。涼拌蒿荀細碟到只有手掌心咁大（$20）。煲仔飯同其他港式煲仔飯冇得比。好唔好食，好失望。應該唔會再有下次。希望餐廳會改善食物質素，客戶才會再來幫襯，長做長有。…Read More

第一次食加東，原本對佢個喇沙乜期望。點知又有驚喜。個喇沙湯底足料，有炸魚條，豆卜，芽菜，有2隻蝦。蝦肉已去殼，食落仲係新鮮的~ (好難得)。個午餐送飲品，叫了杯熱茶，雖然係茶包茶，但係飲落都ok~…Read More

今次係我第一次來呢一間明星食晚飯。之前食過咁多間明星都冇事，從來冇食過一間明星好似係呢一間服務態度咁差。入坐時知客態度都幾好，因為人多要求轉大枱都很快幫手安排。但到落單時就開始嚟料。話說我地一枱人好快手寫低想叫的菜式，打算方便侍應落單。點知A侍應叫我地俾number佢，話會覆單保證唔會落錯單。好，我地惟有再抄低每一款菜式的number啦。萬想不到都係會落錯/漏單。我地有8人，叫了 2 set 4 人湯，佢就落了1 set。 我地講 number 2 佢就聽錯number 4。好彩落單後另一位侍應發現唔夠湯分，我地先再叫1 set 4人湯。原先落錯單的A侍應仲大大聲話佢冇落錯單，係我地叫漏咗之後先加單。真係要俾個叻佢。件事仲未完㗎。我地飲完第一煲湯食完d餸後，問B侍應可否幫手分第2煲湯。B侍應好快拎了碗來分湯，點知A侍應又出現了...... A侍應叫B侍應收碗唔好幫我地分湯。原因係分了第一煲湯唔可以幫我地分第2煲湯，仲拋低一句 '踩佢都傻!'。我問，邊個講踩佢都傻? 幾位侍應馬上走人，翹埋雙手望住我地自己分湯。分分下仲有位侍應行過嚟執枱。最後簽單仲精彩。埋單時簽卡的人走了去廁所，然後C侍應放低張單話轉頭返來。當佢返來攞返我地簽好張的單，佢突然就起枝筆，掟落張枱度。我地問，乜支筆係簽卡的當事人嗎？C侍應頭也不回就走咗喇。我想講，我地係過嚟食飯，唔係嚟鬥氣㗎。你唔鐘意份工，都唔好累你的同事同酒樓的聲譽呀。題外話，佢d碗碟隻隻都崩口嘅? 換下新碗碟好貴咩?結論，下次我寧願行遠少少都唔會嚟食飯。請我都唔想嚟，多謝晒!!#生日，擺酒，喜慶，謝師宴，春茗都唔好去何文田明星。費事未食飯已經搞到一肚氣。…Read More