丸丸's Profile

冇得返鄉下，都要食好西！其實本身book咗上年去日本，而我嘅to eat list上面，係有吉列牛扒㗎。。。。。不過而家咁邊有得飛啫😔 好彩早幾日碌IG見到，原來香港都有得食 #吉列牛扒！ 仲係可以石燒添！即刻book位啦仲講！今次去 銅鑼灣 嘅 日本野 食日本野～ 入到門口已經好有日本feel~ 傳統嘅燈籠同埋木系嘅裝潢, 好似去咗溫泉旅館咁, 侍應安排我地坐响卡位~~ 好闊落呀menu選擇都唔小ga~ 我千挑萬選後就揀咗以下5樣野食~海葡萄角切魚生沙律和風雜海鮮炒烏冬 配 鹽燒原隻虎蝦石燒吉列牛小排炭燒京蔥脆味雞軟骨首先上枱嘅就係海葡萄角切魚生沙律~ 其實我都係第一次食海葡萄咋~ 原來同蟹籽一樣係脆卜卜, 咬開後好鮮~ 大家要試吓啊~~ 魚生份量都唔小啊~ 食完沙律都好滿足喇~~之後就到我最期待嘅石燒吉列牛小排就出場喇~ 望住個石燒爐已經好有feel喇~ 你會見到有舊牛脂肪, 一開波就放佢上去燒就啱喇~~ 咁樣一陣啲牛牛就唔會痴住塊石板喇~ 吉列牛小排只係炸到個衣痴實件牛, 牛牛仲未熟ga~ 自己燒到啱心水嘅熟度再食~ 記得點埋wasabi+鹽呀!!! 完全將味道提升到另一個層次~!!當我玩緊我嘅石燒吉列牛小排時, 老公嘅和風雜海鮮炒烏冬 配 鹽燒原隻虎蝦都到喇~~ 隻蝦好大隻呀~ 成隻手掌咁長~ 而海鮮炒烏冬都好多海鮮配料, 個汁仲好正~~~ 我都偷咗幾條~ 仲有唔好漏咗脆味雞軟骨呀~~ 平時食都係炸完再落味粉撈, 呢個係醃完再炸, 非常酥脆~~ 真係送酒一流呀~! 仲有炭燒京蔥, 將蔥嘅甜味帶晒出嚟~ 正呀~~埋單都係5百零蚊～ 抵食之選👍🏻👍🏻…Read More

街坊gp內聞名已久嘅後街扒房, 經過過N次, 今次早3星期book, 終於入到嚟喇~~~登記咗之後, 咩都唔駛講, 飲啦XD 老闆奉上welcome wine 澳洲白酒~ 我地先飲為敬喇~Menu好簡單, 套餐一個~ 除咗set定咗嘅餐前小食外, 仲可以自選升級沙律, 加starter同埋appetizer, 主菜9選1, 牛, 豬, 羊都有, 總有一款啱你口味~ 另外仲有幾款side dish比你揀返~ 得2頁嘅menu看似冇咩選擇, 實質上千變萬化! 包你每次都有驚喜!先上枱嘅, 係沙律, 老公係caesar salad, 我加錢upgrade咗做牛油果大蝦沙律, 而事實亦証明, 我呢個upgrade絕對唔會後悔!嗱, 我想講個caesar salad係已經好正, 爽脆沙律菜配埋特調salad dressing, 以caesar salad嚟講已經勁好食, 但係我嘅牛油果大蝦沙律, 係另一個層次嘅好食XD 底層係牛油果蓉+蕃茄粒打成嘅醬, 上面配上大蝦, 大蝦嘅鮮甜同埋牛油果互相配合, 食到 停唔到口~~墨西哥脆片配埋特調醬汁，食吓一塊食吓又一塊，唔覺唔覺就食晒🤣🤣吖。。。。。。appertizer platter每次都唔同款㗎～ 今日有紅菜頭，脆脆kale, 中間跖記得咗🤣，露筍同亞枝竹～ 第一次食亞枝竹，感覺有啲似西蘭花～ 老闆今日心情靚～ 送咗日式帶子配香檳泡泡比每一枱客～ 帶子煮到啱啱熟，配埋香檳泡泡，感覺好清新👍🏻是日餐湯係甘筍忌廉湯，厚厚嘅texture, 飲完好滿足主菜嚟喇～～～～呢個係我揀嘅USDA Brandt Beef Prime Holstein Chunk Short Rib🤤🤤🤤至愛short rib呀～～ 油花又靚，又香又軟🤤🤤 咪睇佢好似細細件，我食咗一半已經飽到裂開～～ 外層烤到脆卜卜，而且每一啖都好juicy, 好香牛味🤤諗起又想食🤤🤤碟嘅右邊仲比咗幾款唔同嘅醬汁我點，而最特別嘅就係wasabi! 係估佢唔到地夾㗎👍🏻👍🏻老公叫咗USDA Brandt Beef Prime Flank Steak，係每隻牛得2-3kg嘅肉，油花雖然冇Short Rib咁多，但牛味極濃，我地加咗牛骨髓做side dish, 本身以為會好漏，但食落又唔覺，而且仲好夾添～～本身仲想食甜品，但生酮中嘅我咁食法已經爆晒碳🤣 仲要飽到上心口～ 所以今餐相識周年飯就咁作結啦我地都好_鐘意香港呀💛…Read More

拍拖日～ 梗係要食好啲！今次揀咗銅鑼灣嘅Mini Friday~ 响銅鑼灣廣場二期，地鐵站一出行幾步就到～ 好方便～Menu選擇都好多，有散叫又有set dinner, 都係2百零蚊有交易，區內嚟講真係好經濟實惠～一坐低就送上墨西哥脆片同埋點醬～我一早梗係上嚟做定功課啦～ 幾大都落咗最吸睛嘅 芒果黑松露鮮蝦沙律 同埋 火焰脆燒德國咸豬手, 另外仲叫咗一個 香烤美式BBQ豬肋骨，另外叫咗 水牛城雞翼 仲有我為佢而嚟嘅 時代抗翼 - 黃到金雞翼💛好快就上咗跟餐嘅 沙律 同 南瓜忌廉湯沙律菜都好新鮮啊～ 仲有爆珠珠～～ 好正呀！！！然後再嚟嘅，就係 芒果黑松露鮮蝦沙律👍🏻👍🏻👍🏻 座住响冰，咁夢幻咁上枱，唔係間間餐廳做到㗎～ 仲有呀～ 冰底賣晒就冇，記得一坐低就order咗先呀知冇！食完沙律就到小食喇～ 先嚟嘅，係時代抗翼 - 黃同金雞翼香脆嘅雞翼由咸蛋黃包住，每一啖都充滿住咸香酥脆！當然唔小得佢嘅好朋友，水牛城雞翼啦～ 一碟有6隻，我為咗影相靚啲，強生將黃到金雞翼放咗落去🤣老公話好似前年去美國出trip時食嘅口味呀👍🏻👍🏻食完前菜，就到主菜（嚟到呢一刻，我地已經飽咗7成。。。。。。痴線㗎前菜同小食嘅嘅份量都咁慷慨）先上枱嘅，係我揀嘅火焰脆燒德國咸豬手上枱後淋啲酒落去，再即場點火🤩🤩🤩正到爆呀～～ 影完相之後，侍應哥哥就拎返入廚房，切好先再上枱～我想講，佢個皮係脆到食薯片咁樣！！！！！！！！我都算食得多德國咸豬手，但薄脆到呢個程度，真係第一次！！！（我地食唔晒打包咗半隻走，第二晚氣炸返，同堂食一樣咁脆！）做乜要pack走半隻豬手？因為我地仲有份香烤美式BBQ豬肋骨嚟緊呀🤣咪睇佢好似好細份咁，厚肉到爆！！！！！而且bbq汁有好香嘅煙薰味，睇得出廚師較個醬嘅功力👍🏻👍🏻而且火喉都控制得好好，成件ribs都好juicy, 唔會乾真真硬柴柴👍🏻👍🏻最後我地跟餐要咗甜品（加$1咋唔係唔食呀？）同埋一杯熱咖啡～ 臨走之前，記得去門口打吓咭呀～～ 520～ 13～14💛…Read More

煮咗2個幾月，晚市終於開返喇！🎉🎊 即刻又掉低米同老公出去拍拖先～ 🥳本身想入大坑，但搭到落天后又唔想過馬路，同埋諗起之前做過團購嘅一間西餐廳，其實响炮台山過去近啲，不如一路拍拖行過去都好快到啫～望望個menu都好多選擇，全部都可以揀配咩意粉，我地一人揀咗個意粉，另外叫咗個海鮮拼盤做前菜，等咗十分鐘度就有野食喇😋前菜Hot Antipasto用秘制嘅汁煮成嘅海鮮拼盤，包括一隻grill過嘅大蝦，青口，魷魚圈，帶子同埋海量嘅蜆帶子2邊輕輕煎過，中間保持濕潤，係刺身級數㗎～ 秘制醬汁有檸檬嘅清香，同時帶出食材嘅鮮味同小小海水味👍🏻性價比好高呀！大家嚟到一定要叫！我就叫咗招牌菜之一嘅海膽蟹肉意粉雖然睇menu時覺得有小小貴，但一見到實物就覺得好抵喇！！！！！勁慷慨嘅海膽山呀～～ 再加埋蟹肉意粉，啲蟹肉多到每一啖都有一大梳放入口～🤩 意粉煮得啱啱好～ al dente~ 其實我本身唔係太鐘意食意粉，但今次真係比佢擊倒～ 配埋個汁，蟹肉同海膽，此刻無價😋老公就叫咗烤大蝦意粉3隻大蝦grill到脆卜卜之餘又保留晒肉汁～ 加埋香料真係不得了呀！而闊麵又掛晒汁上去，非常惹味～ 食得咁開心，梗要嚟個甜品啦～ 老闆特制tiramisu~ 咪睇佢大大件，食落一啲都唔漏㗎～ 冇平時响街嗰啲咁creamy, 加埋咖啡嘅香味，為今晚嘅晚餐劃位完美句號😋埋單時間～ 多謝老公😘…Read More

足足半年冇同老公拍過拖，趁疫情緩和咗啲，一於拍吓拖啦～ 早排有街坊介紹💛codfather💛有海鮮，又有生蠔，就book位喇～ openrice book 仲有8折～ 我地叫咗一個set dinner, 另外要咗個oyster sampler set, 有一杯餐酒加3隻法國生蠔，另外再叫咗招牌煮青口同埋一份pan seared seafood，2個人嚟講真係飽到裂開3款唔同嘅法國蠔，我食咗其中2款，偏creamy~ 我就好鐘意食完生蠔，就上咗跟餐嘅周打湯，好滑，好香海鮮同椒味跟住就到我好期待嘅青口😍好大份，好好味～ 啲汁好香濃，而青口亦非常鮮嫩，唔覺唔覺就清晒成碟，本身不停提自己唔好食晒啲包，仲有2個main couse未上，但個汁實在太吸引～ 只可以講係欲罷不能食完青口就到pan seared seafood, 老實講，一上枱時見到個樣有小小失望，因為個樣似中式炒海鮮，但點知一食落口就知要打頭！超級好食！🤤🤤🤤 用牛油蒜蓉再加小小檸檬同香草煮成，好香，一碟入面有帶子，蟹鉗，大蝦，青口，蜆，魚塊，所有海鮮都煮到啱啱好，墊底嘅薯蓉索晒啲汁，平時我好抗拒薯蓉，但今日食吓食吓都ko咗一半！🤣 因為真係太好味喇～食咗一半，waitress就問我地想西冷幾時上，反正都食咗一半，即刻上埋都ok啦～ 西冷我地要求medium, 當然完全做到要求啦～ 配埋紅酒汁，真係勁juicy, 牛味好香濃，清枱之後真係飽到郁唔到喇最後點小得甜品～ chocolate browine，唔係淨係跟餐先有㗎～ 我同老公都有得食～ 埋單折完$888 以今晚嘅質素，值呀～ …Read More

食咗N次，終於記得相機食先～ 每次幫襯都覺得老闆同老闆娘好有guts, 只開12-3，而且仲勁黃～ 🖐🏻👆🏻黃金週點可以唔懲罰你～ 我最喜愛的海鮮喇沙材料分別有螄蚶，海蝦同魚蛋，麵底係油麵溝米粉滿滿一碗，聞到都流晒口水，記住將湯倒落麵之前要先攪勻呀～ 等啲蝦米辣椒撈返晒入個湯度喇沙湯底非常香濃，仲好香椰味～ 每次食完都忍唔住飲晒啲湯隻隻螄蚶都肥嘟嘟🤩🤩🤩 同埋食咗咁多次，每次都非常新鮮！！！其實好想試埋肉骨茶，但淨係食喇沙已經飽到裂開～ 老老實實，成個menu都想試晒佢呀🤩🤩🤩🤩…Read More

自從1月尾食完團年飯之後，足足3個幾月冇出過街食飯，樓下新開咗春水堂，視察咗環境，防疫措施都唔錯，就過咗嚟食呢餐開年飯喇Menu選擇都幾多，足足2頁飲品，仲有前菜，主菜，但飯類只有5款定食，湯麵同拌麵就有成十幾款～ 我揀咗🍜牛骨濃湯牛肉麵，老公同老爺奶奶分便揀咗🍱慢煮豬手便當，🍱蒲燒鯛魚便當，🍱鹽酥雞翼魯肉便當，另外再叫咗一個滷香拼盤，麻辣青瓜，鹽酥杏鮑菇，茶香肉燥娃娃菜，一場嚟到，梗係要飲埋珠珠茶茶啦～ 老公叫咗珍珠鐵觀音奶茶，我繼續飲我至愛嘅珍珠茉香奶茶🥤落單時話要等15-20分鐘，但唔駛5分鐘我碗牛骨濃湯牛肉麵就出場嚕～一上枱已經聞到好香嘅牛肉味，湯底好濃味但一啲都唔漏，牛𦟌炆到淋晒，就咁用湯匙就可以壓開幾件，唯一不足係啲麵淋咗啲，如果可以彈牙返小小就perfect跟住就上咗阿仔至愛嘅鹽酥杏鮑菇，香酥嘅外層加埋多汁嘅杏鮑菇，食到停唔到口然後就到呢個麻辣青瓜，落單時已經講明係固定辣度，唔食得辣就最好唔好試，結果由嗜辣嘅老公挑機，入口唔辣，但𡁻到尾嗰幾吓後勁就嚟料🔥🔥🔥🔥🔥🔥🔥茶香肉燥娃娃菜 - 老實講係有啲失望，因為碟菜一上枱已經明顯見到係唔新鮮，同埋好老，𡁻極都有渣，不過之後大家嘅便當都有菜，呢碟只係食咗一半就冇人再掂佢滷香拼盤 - 由牛筋，牛腸同牛肚組成，配埋芽菜墊底索晒啲滷汁，真心正牛筋炆到淋晒，入口即溶，仲好勁香料味，但絕對唔係死咸牛肚就比較爽口，同埋切得比較幼細，唔會𡁻到天光都未𡁻完老公的鹽酥雞翼魯肉便當 - 有成半盒都係菜真係好驚喜～ 而且便當嘅菜比我地叫嗰碟娃娃菜新鮮好多！劫咗老公隻鹽酥雞翼，外層酥脆就唔在講，但啲肉竟然係甜甜地！好有驚喜老爺的慢煮豬手便當- 豬手好淋好入味，基本上唔駛點咬已經啜到啲肉出嚟，個個都打劫老爺啲豬手，但劫完都仲有好多～ 份量非常慷慨珍珠茉香奶茶 - 放上枱已經成陣茉莉花味湧埋嚟，一啜入口好似啜咗個花海咁💐 珍珠比平時响街飲嘅細小小，好煙靱老公嘅珍珠鐵觀音奶茶 - 茶底繼續香滑，但對比我杯茉莉花，梗係爭啲啦～～最後再叫咗甜品 - 鐵觀音珍珠吐司，係香港限定嘅甜品～ 厚厚嘅吐司配埋鐵觀音雪糕同厚厚忌廉，鐵觀音雪糕好香濃，亦好香茶味，奶味偏小，配埋吐司食簡直冇得彈飽到裂開呀～～ 今晚又要跑2個鐘先得🏃🏻‍♀️…Read More

煮足2個月，偷懶是常識吧～ 今晚就叫pizza啦～ 老公話想食辣肉腸批，其餘我自己決定6點响ubereat揀咗大胃A餐，有一個普通批，2個主食，3罐汽水或湯我地㨂咗🍕薄辣肉腸批🍝露筍蘑菇長通粉🍗炸雞3件🥤汽水3罐食開都知外賣係要早啲嗌，因為呢間真係好爆～～ 結果7:45終於送到嚟～ 由於好肚餓所以相機搶唔到食頭啖湯🤣薄辣肉腸批，芝士比得十分慷慨～ 辣肉腸雖然一件得一片，但都好夠味～ 重點係非常薄脆～👍🏻👍🏻👍🏻 唔會食到成咀都係油每次都被秒殺的炸雞～ 唔會有雪味，仲炸到好脆好juicy💦好好味～ 係連肉都好味，唔係得層皮有味露筍蘑菇長通粉露筍比阿仔秒殺，如果可以多幾條更好…Read More

度度都確診，街都唔敢出，日日煮都唔係辦法，叫外賣就最好喇～～ 今日叫咗呢個 火炙芝士辣肉腸熱狗套餐 同埋 美國洋蔥圈熱狗套餐跟餐可以揀2款小食，或1小食1飲品～ 今次我地揀咗配細薯條同汽水火炙芝士辣肉腸熱狗上面啲芝士嚟到屋企仲溶溶地，醬汁酸酸辣辣好開胃👍🏻👍🏻 薯條送到嚟依然脆卜卜熱辣辣～ 仲有佢地嘅點醬千島醬+ 茄汁，以前會淋埋上薯條，而家另上超抵讚～ 因為咁樣就唔會浸淋啲薯條喇仲有美國洋蔥圈熱狗套餐，嚟到先醒起唔記得加芝士，失策🤦🏻‍♀️下次記住先賣相好得意～ 洋蔥圈係洋蔥泥組成，唔會咬唔斷，不過冇加芝士嘅情況下仲有脆口洋蔥圈，就有點乾（牛油果醬係我自己整，唔係店舖提供）…Read More

去接放學時行過呢間茶記，見西多雞髀茶連飲品都唔駛$40，諗住試吓啦，點知好伏:(入到去冇咩人，啲侍應都唔多郁咁，自己坐底咗再問佢地拎餐牌，都等咗一陣先有人理叫完個餐之後10分鐘度就上餐，西多都幾鬆軟，但隻雞髀啲肉唔知點解好散，切開上髀時成隻都散咗，同埋味道偏甜，好怪咁最慘係一路食一路勁多蚊螆同烏蠅不停飛嚟飛去，坐咗半個鐘基本上比蚊螆+烏蠅撞咗面同手十幾次，仲衰過食大排檔下次都係唔好貪平，食完唔飽仲成日覺得有蚊螆烏蠅褸住個人…Read More

成日嚟食早餐，都比下午茶menu嘅流心朱古力西多誘惑著我，但下午茶時間基本上係冇可能鼠到出嚟食呀😖 今日趁住米豬返學校玩，就算得一個鐘都唔可以錯過呢個機會💪🏻💪🏻💪🏻個patpat都未坐落就落咗單🤣 等咗5分鐘度，呢個史上暥邪惡下午茶終於出現！朱古力夾心，再加鍊奶，牛油同朱古力粉！身為一個朱古力控, 見到D朱古力醬不停咁响西多中間流出嚟, 真係開心到癲咗~!!最癲係....... 我一D都唔覺得漏!! 以一件西多嚟計, 我唔覺得佢油不停流出的朱古力溶岩, 直至我成晒成件西多, 都依然成碟都係朱古力醬~!! …Read More

湊完仔返學，梗係同其他媽咪一齊食早餐啦～ 行咗落呢間試吓，唔好成日食連鎖店吖嘛～ 同學仔媽咪介紹大家嚟呢度～因為佢個奶油豬好得㗎～我今日食C餐，配炸魚柳，炒蛋，熱茶走魚柳size比想像中慷慨～ 加埋炒蛋～ 又係一個good morning雖然係炸魚柳，但係唔係好油㗎咋，好邪惡呀～ 但最邪惡係個脆豬！！！！！！！平時响連鎖嗰啲食脆豬，例牌括損個咀，但係呢個係 超。鬆。軟 㗎！！！！！！！！搞到而家差唔多日日都嚟食，就快變肥婆喇🤣仲有杯茶走，都係呢啲茶記先夠滑～…Read More

晚飯食得多，早餐真係第一次～ 都係行過見到先試吓咋～ 除咗和食，仲有洋食～ 牛角包，all day breakfast都有～ 啱晒咩都想試吓嘅我～而且價錢比隔離間茶記平，又坐得舒服，變咗我湊完仔返學之後嘅早餐飯堂🍱由於長期唔臭米氣，我梗係食返洋食啦～ 呢度係先去cashier買飛，之後有個訊號機，拎住部機去想坐嘅位，個餐就會有侍應送到埋位～今日食魚柳，炒蛋，沙律配多士，飲凍柚子蜜其中一個嚟呢度食嘅原因，就係有沙律～～ 唔駛一食就炸魚柳同炒蛋咁油膩（但都叫得呢啲炸物又油咩膩呢🤣）🥬沙律菜都幾新鮮，配芝麻醬，可以多返幾條菜就好喇～🍳炒蛋…Read More

又偷偷地同老公去拍拖，梗係揀啲帶住米豬食唔到嘅野啦～ 近近地，就落銅鑼灣食個和牛放題啦🤩睇見門口張poster都興奮呀！！！！好快就埋位～ 用平版電腦落單，唔駛掀紙仔掀到厭世👍🏻坐低一陣，就上咗海鮮拼盤，同埋我最期待嘅和牛喇～海鮮拼盤有鮑魚，扇貝，青口，大蝦同我最愛嘅甲羅燒扇貝同鮑魚仲預先幫你搽咗牛油，唔怕燒到乾真真～和牛有7款，而且仲可以無限添加～🤩有3款A4, 4款A5，另外仲有一口和牛～ A4嘅牛肩胛油香得嚟牛味易好濃，我encore咗幾次啊～ 鐘意食油花嘅，我絕對推薦你食牛三角～ A5更加唔駛講啦～ 雖然未講得上入口即溶，但的確比平時响連鎖餐廳食嗰啲高幾班，肉味非常濃郁個人推介A5和牛薄裙肉，同埋A5和牛貝身肉，呢2種响出面都小見啲，薄裙肉軟淋，貝身肉就煙靭啲～除咗日常燒肉醬汁外，尚鮮另外提供咗即磨岩鹽同黑椒比大家選擇, 我就揀咗燒完擰幾粒岩鹽上去, 保留肉質原味~店員好細心, 教我地點燒d海鮮, 鮑魚响佢地悉心指導下燒到啱啱好~~  仲有我最愛ge甲羅燒~~ 好好味呀~~ 差D點咗碗白飯嚟撈ga na~!!舖滿個爐最開心~! 一路燒聞住牛gee香味~~ 真係好正~~ 除咗燒肉, 仲有壽司同刺身ga~~ 質素都唔錯ga~今次D貝類好多都好厚肉~~ 好鮮甜~另外再叫咗幾round肉~ 今次嚟ge係牛舌同胸腹肉, 都一樣咁好味啊~~當然唔小得炸物啦~~ 不過食完幾round燒肉已經覺得好熱氣, 就冇叫好多了~~ 不過熱氣唔緊要~~ 無限量添飲ga~~ 除咗啤酒汽水外, 仲有菊花茶同蔗汁呀~!! 同埋無限movenpick雪糕~~ 不過呢個要向店員order, 部平板冇得叫ga…Read More

結婚5周年，掉低阿仔比奶奶🤫我地去拍拖💖當初揀餐廳都三心兩意㗎，係呢度同鬼佬名廚之爭，但睇comment話鬼佬名廚book咗7點幾都要8:30先有得食，唔符合我地趕住返去湊仔嘅時間，就book咗呢度喇叫咗2個6 course tasting menu, 再加2杯香檳🥂平時我唔飲酒的，但結婚週年飲小小慶祝吓啦～頭盤係愛爾蘭（左）同法國（右）生蠔，一向嗜蠔嘅我地就覺得有小小失望，因為啲蠔只係微冷，不過都好鮮味，配紅酒醋就好好味喇本身tasting menu係香煎鵝肝，但基於人道理由，我地都盡量避免食鵝肝，餐廳好細心，知道我地唔食鵝肝，就幫我地安排轉其他食物，轉咗ham and melon同埋焗田螺Ham比平時食開嘅偏咸，但由於廚師很慷慨比咗好多我，配搭嘅哈蜜瓜份量就唔係好足夠焗田螺係喜出望外地鮮嫩，仲好好肉地～ 而且配埋特製嘅香草蒜蓉牛油，搞到我想追加一份～ 忌廉白蘭地龍蝦湯～ 超級好飲！廚師推埋架餐車去你個位度，即煎龍蝦再煮埋個湯，勁勁勁濃龍蝦味！而且湯本身非常濃厚，加埋龍蝦肉仲有場蘭地嘅香味，真係好想再飲呀🤤🤤主菜本身係香煎野生太平洋多寶魚，但server話今日多寶魚唔係咁靚，幫我地upgrade咗做sea bass, 配籚筍黑松露忌廉汁魚身滑溜，但魚皮略欠香脆，反而配菜籚筍令我覺得好驚喜～ 好爽脆，加埋黑松露忌廉汁，正～～食完魚，來一杯檸檬雪葩清一清喉嚨～酸酸甜甜，正好為下一道主菜 - 牛柳 醒一醒胃套餐本身有法式黑胡椒牛柳，server話可以加$140 upgrade做slow cook肉眼，慢煮6個鐘再grill，為咗2樣都有得試，就upgrade咗其中一份牛喇～法式黑胡椒牛柳，竟然有小小呈❤️形～ 成件同黑胡椒cover晒，對於唔食辣嘅我嚟講就太辣喇～ 即刻同老公交換😝 薯蓉超滑，不過牛油味過盛，食咗幾啖就放棄咗慢煮肉眼 配蘆筍同gravy, 仲有唔記得叫咩名嘅包🤣肉味比黑胡椒肉眼濃，而且仲有grill嘅獨特香味都有配薯蓉㗎～ 仲有個爐仔慶住～ 幾時食都暖笠笠（但牛油味著實太勁，食咗2啖就放棄咗）甜品時間～ 我地都揀咗橙酒梳乎厘配金萬利橙酒汁同朱古力干邑汁～訂位時講咗係慶祝結婚週年，所以上枱時其中一份甜品就有朱古力牌同蠟燭～ 橙酒梳乎厘好香甜，一路食一路即場有歌手响我地隔離唱歌比我地聽，老公都一齊唱，好冧呀～🥰最後就係餐廳送嘅甜品～ 呍呢嗱雪糕朱古力波波～ 成晚都响好舒服好浪漫嘅氣氛下食飯～…Read More