chris3501's Profile

千其唔好叫炸雞，成碟炸雞比啲雞頸位, 雞腳位，8-10舊肉，試左得一舊有肉正常，其實唔係無肉就頸位腳位，叫甜辣炸雞，個汁係咕嚕肉既茄汁底, 炸粉超厚，反映完話再炸返幾舊出黎，都仲食到頸位，其他野就正常，牛骨煲，海鮮煎餅都好食既…Read More

係FB 見到有人介紹話任食牛頸脊，又包前菜雞煲，4位仲送埋酸菜魚，就搵老友去試下先，第一次walk in 無位，所以記得訂枱先好去，因為鋪面唔大，大慨5-6張4至6人枱，同兩張2人枱，無位有啲要坐鋪外就無冷氣。$218 任食雞煲牛頸脊已經好抵食，開五至十點，無限時任食仲包左海皇瑤柱花膠羹，蒜蓉粉絲蒸聖子👍🏻👍🏻👍🏻串燒西班牙黑豚肉（任食）👍招牌大亂斗惹味雞煲（任食）👍精選湯底：（番茄薯仔海味湯、360牛乳豬骨湯、芫茜皮蛋百福豆腐湯、重慶麻辣湯）手切牛頸脊（任食）👍👍👍除左以上，仲有芝士牛丸、年糕丸、沙律丸、芝士腸、午餐肉、蔬菜籃係跟一碟牛肉一次上晒比你先。仲有張紙仔比你剔叫其他野： 有牛柏葉，魷魚，鵝腸，雞子，3種餃，炸魚皮，炸響鈴等等食左第一輪上嘅野，我地加左鵝腸雞子同炸魚皮，其他無試已經飽晒。任食類就無海鮮食，不過淨食牛都回晒本啦！飲品任飲：道地解茶，無糖可樂，五花茶、可樂，雪碧，芬達飽到上心口埋單仲話有甜品送椰汁雪燕凍奶，$218無加一仲要服務幾好，怕飲品唔夠凍仲問要唔要冰底，今餐真係好滿足唯一不足就係喺熟食街市入面，鋪面唔大同坐圓櫈無咁舒服。…Read More

食過好多間燒肉放題，依間雖然唔係最好食，但性價比都好高！環境就一般啦，燈光暗暗地，地板就油油地痴痴立立，塊鐵板都唔係平時燒烤用開嗰啲款，睇得出間野都有啲舊式，不過食物質素以$188 黎講都幾高質依度放題只有汽水任飲，雪糕就桶裝自己裝嗰啲（得2隻味），選擇少啲啦！依間放題除左燒肉仲有其他熟食，所以都算幾多選擇，不過得兩個亞姐落單，就無咩服務可然喇！ 不過無睇到其他食評話黑面嘅😂標榜係韓牛，我地就唔太識分，但上碟就唔係雪到硬一硬，係解過凍先拎出黎，燒一燒就食得，抵，牛肉類只有牛仔骨有醃過，都好淋好入味，雞肉都醃得出色，唔想食太多燒肉，仲叫左幾款熟食，熟食正正常常，上枱都係熱辣辣幾好佢嘅帶子，魷魚同蝦都好鮮味，平時出面食帶子魷魚都無咩味，依度嗰啲好帶鮮味，都叫左兩轉.不過有度唔好就係佢啲份量同寫紙仔係會有出入嘅，肉類似係你寫1，佢就出2-3片，帶子我寫6，佢就出4咁囉！不過有時幫襯下啲小店都好過成日幫襯啲大集團，以下圖片係食左兩次夾埋影到嘅！…Read More

今次因為有app 5折優惠，加上睇OpenRice 評價唔錯，就試一試啦！一上到去，鋪面一睇望晒，比想像中細，第一枱客安排我地坐窗邊高座，想轉位話full booking...到離座全程有張4人座無人坐，另一張4人枱都係坐3個人，可能我哋係有5折優惠所以安排我地坐窗邊啦！一開始得我地一枱人都唔覺熱，坐坐下食埋野人開始入座就覺得熱，窗邊位感受唔到有冷氣，食用時間75分鐘QR code 落單，最低消費每人140蚊5折優惠唔係所有都得，我地叫左個南瓜車意粉就無折.雞翼得4隻，如果用正價7x 就唔會食地獄泡谷雞，都係細細碟，鍾意辣嘅我覺得幾好食沙律就夠晒大碟，菜都新鮮嘅食物擺盤係靚嘅，除咗南瓜意粉個味道有啲淡之外，南瓜意粉個量都好多，但$198南瓜意粉加兩隻蝦少少菇菌類，就唔係好值得叫，係擺盤靚可以下呃like，其他食物味道都唔錯，但老實講，無5折我唔會再幫襯喇！…Read More

疫情開始好轉，加上中秋假期，難得假期都有六折優惠，馬上訂座試一試。一黎到，其實似食緊西餐咁，只是要剔紙落order叫食物，全程唔駛離開個座位，都食得幾舒服一開始會先上海鲜拼盘連刺身，面包都係按人數俾，無得refill 嘅，前菜冷盘，湯品同甜品任叫任食，主菜自選兩款，基本上食完都夠晒飽肚食物質素中上水平，略嫌蟹腳還有少許雪味，青口本身淡味，主菜豬扒質感偏實，其他還是不錯的…Read More

晚市主餐牌可以用openrice 現金卷，75蚊當100蚊用免加一，食物質素高，有機會會再黎食叫左個拼盘， 松子魚， 小籠包，炸饅頭同高力豆沙， 全部都好好味，上菜快，兩個人食埋單先340（用劵後），抵食…Read More

同事食過介紹, 於是夜晚成班同事收工去左梅窩試下, 一試有驚喜真心第一次食意大利菜, 正唔正宗就唔知喇, 不過又真係幾好食, 而且又唔貴一行七人點左1) 三文魚沙律 x 12) PIZZA X 2 3) PASTA X 4 4) 牛扒x15) 羊架x16) 紅酒x17) 甜品 tirimisu餐廳門口, 沿碼頭行3分鐘就到達, 空間不大, 但環境不錯, 光顧的大多是外籍人士, 平日都坐滿人, 如果假期去最好BOOK 位.好大個pizza, 好脆好香, 叫左兩種口味, 一個唔記得影份量都幾足, 薯條都好好味肉醬意粉牛扒好juicy, 正!好味, 之後encore 叫多碟D 雞都幾滑, 唔錯…Read More

以前食過好多次....都覺得好好味....細過食到大...好耐無食過...特登過黎食..叫左酸辣湯, 小籠包 , 回鍋肉, 糖醋魚, 牛腩煲, 干扁四季豆 同埋上海粗炒.除左酸辣湯OK 之外...其他野完成唔得...小籠包無汁, 糖醋魚居然係用吉列魚柳做...干扁四季豆勁油, 上海粗炒無味.牛腩煲D牛腩少得可憐, 成煲只有3舊牛腩+DD 肉碎, 我地'了'比個侍應睇....之後換過 (其實只係再可左D肉碎), 仲少過叫碗牛腩面..味道完成唔得...加上只得一杯茶, 飲完只加過一次茶 . 食物同服務完全唔得...…Read More

今日去左金蘭花食午餐..之前未食過...諗住試下..叫左炒金邊炒, 濕炒河...加半隻燒雞...炒金邊炒無味道...濕炒河都ok..不過d 菜生生地...最差就燒雞...明明半隻...但上台完全無半隻...數埋都係得十件,仲要係細件...其中5件係背部無肉o個D 位, 隻脾完全比唔足..雞胸完全唔見晒...$58..食骨..得2件有D肉食下.仲要唔係燒係炸GE, 勁干又乜味都無. 去KFC 買2件雞仲多肉同好食過佢...以後都唔再黎食...搵苯..…Read More

一直都有食開午餐...因為款式多...味道都ok特別係d燒味唔錯, 值得一試它的叉燒, 勁淋..坐位又大, 卡位又有獨立電視..不過服務就麻麻..…Read More

因為無帶電話, 所以無影相...頭盤：磨菇焗田螺好好味..有4個, 伴埋薯蓉..正...主菜 : 肉眼扒意大利粉肉眼超勁林.....但意大利粉就硬左d..但都ok.甜品 : 提子味雜果o者喱仲有飲品如果食飯時候有2個鐘就可以慢慢食...…Read More

昨天食完. 今日寫下食評先.原本諗住食竹屋...因時段唔o岩. 所以轉左食金葉子..因為媽咪係泰國人..所以可以話係經常食泰國菜, 但任飲任食都係第一次..講返正題先...大部份d味道都好正宗..唔會覺得因為任飲任食而令d質素下降...今次2個人食...覺得係超抵食...兩個人加埋先$293左右...食左十幾樣野, 覺得好大食tim..有木瓜沙律, 炒蜆, 蝦餅,青芒伴魚鬆, 冬陰公, 咖哩炒蝦, 紅酒汁羊扒,柚子沙律 ,飛天通菜 ,串燒, 豬頸肉, 蒜茸包, 龍眼冰, 青檸梳打.必食 - 蝦餅, 熱辣辣青芒伴魚鬆冬陰公 --不過d蝦差d, 同咖哩炒蝦唔同咖哩炒蝦紅酒汁羊扒差 -柚子沙律 --入口好澀飛天通菜 --黎多左一碟, 第一碟好老, 第二碟好d串燒 ---好干..總括來說, 係好抵食..下次會再試其他野...…Read More

因為o係新蒲崗返工, 所以好多時都會去依間食午餐.值得一讚ge 係d前菜好好味, 三文魚次次都好新鮮,好厚身, d 飯用上日本珍珠米,半透明,好有飯香, 好黏身. 比一般日本料理食ge 飯好好多.吉列豬扒好脆, 雞扒就好大件.$35 好抵食. 難怪次次食都咁多人.…Read More