MomoWong1011的个人专页

小野人，一間主打燒烤的小店，位於將軍澳澳南。每逢假日晚餐時段走過都座無虛席，今日終於有機會可以試到這間小店的菜色。這邊可以給大家推薦幾款食物：Q彈小豬頸肉 6串/$48這款烤豬頸肉的醬汁非常特別，不是普通的蜜糖燒烤汁，有點像酸梅汁。是最推薦嘗試的菜色，油香而不膩。烤小牛肉 5串/$48蜜糖辣粉烤牛肉串，是另一款極推薦的菜色。性價比非常高，牛柳粒入口即溶。Q彈大魷魚 1串/$45烤魷魚的性價比很高，到其他燒烤店絕對不能用同樣的價錢買到烤魷魚。魷魚新鮮彈牙，即使我燒魷魚的時間用多了，也依舊覺得魷魚多汁。烤台灣小香腸 2串/$36烤台灣小香腸是一個安全的選擇。台灣香腸的肉中有肥肉，烤的味油脂味很是香濃。烤脆雞皮 2串/$28烤脆雞皮是薯片，香脆可口。雞皮應該有經過一輪油炸，再串起來烤。蒜蓉烤茄子 1份/$48吃烤茄子基本上是很穩定的選擇，茄子多汁，和蒜蓉有共鳴感。森林元氣水果茶 （大杯） 1杯/$48份量很多，的確是很大杯。水果種類多，吃辣味燒烤是需要這種大杯又解辣的飲品。其實還有多叫其他食物，但最推薦的就是以上的食物。…查看更多

今日放假終於可以約下朋友出街食嘢！聽到人介紹呢間燒烤都唔錯，一於試吓😝😋1. 烤大扇貝 $32/一個 一嚟到就試咗佢嘅扇貝，烤得啱啱好，配上啲蒜頭、辣椒同埋啲醬汁，係幾惹味。2. 甜麻雜貝 $88/一盒 貝殼煲有啲海鮮，貝類同青口，加啲麻辣汁，入邊嘅貝殼同青口吸曬麻辣汁，係少啲可以食到嘅配搭👍。3. 娃娃菜粉絲 $34/一盒 粉絲入味，啲調味都啱啱好，係幾好食既配搭。😋😋4. 雞軟骨 $22/一串 雞軟骨食落幾脆口，而且調味都啱啱好唔會太鹹或者太濃味。5. 燒茄子 $42/一碟 燒茄子都幾香，啲茄子燒得剛好，入口即化，每一口都可以拉出條條燒茄子絲，好好味👍。6. 卜卜蜆肉煲 $56/一盒 味道唔錯，啲蜆肉煮得啱啱好，肉質嫩滑，有海鮮味。7. 燒多春魚 $20/一條 味道唔錯😋。8. 燒翠肉瓜 $18/一串 必叫，每一啖都好多汁噴出嚟，juicy得嚟都好香👍～9. 炸魷魚鬚 $38/一盒 唔算好大條嘅魷魚鬚，但係鍾意佢嘅香味，同埋食落去每一啖都好脆。10. 炸饅頭 $18/一個 食落去驚為天人😋😋，佢嘅外皮炸得好脆，但係入邊仲係保持住柔軟，加埋啲煉奶食落好夾，嚟呢度必定要嗌嘅其中一樣！呢度菜式係比較特別，每款菜都有獨特風味同口感。服務員態度好好，好友善，俾人感覺好似喺屋企咁舒服。如果你想食好味嘅燒烤，間餐廳絕對係一個值得試下嘅地方。燒多春魚口感好好，啲魚肉燒得剛剛好，…查看更多

上戶酒場九龍城龍翔閣地下A鋪活榮螺刺身 原隻 488上菜嘅時候比呢個刺身嚇咗嚇，好大舊。 螺肉切片後鮮甜爽脆，我覺得好似好爽口嘅赤貝咁。鹽燒吞拿魚腩筋 128呢個魚腩燒完之後陣魚油味好香，口感係煙韌，另外燒到個魚皮好脆，口感好豐富。可惜係我唔飲酒，相信呢個配酒一定好出色。上戶刺身壽司盛 268午市套餐，好豐盛。兩塊三文魚厚切，油甘魚，鯛魚，赤蝦，帆立貝，鰻魚各一。應有盡有。黑豚五花腩飯 118午市套餐，主食抵食之選。最後係飽到食唔曬。黑豚肉嗰陣油脂味好香濃。小結：呢間鋪嘅小菜好適合配酒。今次我係食午市，相信晚市可以飲酒一定更加出色…查看更多

📍一休居食屋山東街38號廣場1樓牛肉壽喜燒 $65抵食之選，鍾意壽喜燒汁嘅推薦order呢個，份量適中，就算一個人食曬都仲有胃容量裝其他食物。餐廳另外有一個和牛壽喜燒應該仲正，不過我想食多幾款食物所以無叫到。帶子牛油燒 $68鐵板燒鐵板上，5-6粒大大粒嘅帶子，煎到好香，好適合第一道菜就食呢個開開胃。極上和牛卷 $78牛油果夾和牛，油脂感十足。日本室津蠔+赤貝刺身 $68+46兩粒大大粒又juicy嘅生蠔，另外有一個香甜果味豐富嘅赤貝。雜錦天婦羅 $68最正係呢個天婦羅，全種類蔬菜加炸蝦。南瓜係最正嘅選擇。三文魚海膽飯 $98主食，三文魚刺身配海膽絕配。小結抵食，日式餐廳，菜色種類應有盡有。…查看更多

Chilli lime📍 Chilli Lime (將軍澳)將軍澳澳南海岸唐俊街23號MONTEREY Place地下G07號舖🐔泰式青咖喱（雞肉）($128)雞肉份量多又嫩，另外呢個青咖喱嘅辣度有根據香港人口味調整過。泰國青咖喱一般係辣到噴火，但呢個青咖喱用椰漿中和番啲辣度，容易入口得黎又有少少辣過下癮。🦑馬來炒面($128)呢個炒面主要係食個辣汁，入面有魷魚同埋硬豆腐，面底係類似車仔面嘅油面。油面類夾秘製辣汁，真係好快就清曬成碟。🌶泰式辣椒膏炒蜆($128)炒蜆大大粒，辣醬炒都唔會覆蓋本身隻蜆嘅鮮味。火候夠，連配菜洋蔥都炒到好香。🍌香蕉麥餅($32)呢個香蕉麥餅好有feel，會諗起去泰國旅行街邊賣嗰啲香蕉餅。呢個真係必點，又平又大份，最出色係佢少油，唔會油膩。🥛Vanilla shake($52)食泰國菜叫奶製飲品解辣是常識吧。小結：鋪位於將軍澳南，極近海傍位置。鋪面裝修有泰國chill vibe。泰國菜fresh不油膩，辣度適當。…查看更多

Chef’s stage kitchen📍將軍澳唐俊街12號天晉匯地下G03號舖Lunch set menu🍝雞肉蘑菇青豆及松露忌廉汁寬蛋麵（$98）意粉軟硬度適中，寬蛋麵好掛汁。上菜嘅時候已經聞到好香濃嘅蘑菇同松露味，鍾意菇菌類嘅話一定覺得呢個好正。雞肉份量都非常足夠，基本上係一啖肉一啖意粉。🐟香煎盲鰽魚伴露絲瑪莉烤薯仔，法國豆及半乾蕃茄配白酒汁（$138）呢道菜好出色，腌製嘅鰽魚帶出鹹香味，魚皮煎到好香脆，伴佐白酒汁帶有甜味嘅烤薯仔。魚扒份量大，滑身，生熟度啱啱好。Lunch set 配牛角包青蘋果沙律，伴蕃茄湯。另外再有兩個餐飲都好有特色。（$28）冰磚鴛鴦，冰磚由特濃咖啡製成，奶茶底有原味/焦糖/榛子味揀。菠蘿斑斕葉奶昔，呢杯飲品偏甜，好得意嘅係飲落好似芋頭味雪糕咁，類似泰式飲品咁。小結：好欣賞呢間餐廳嘅食物，餐牌好清楚例明每道菜入面有咩食材。另外餐廳環境好靚，座位闊落，好乾淨，連餐具都好有心思。…查看更多

差不多成半年無食過燒肉餐廳，今日決定同朋友近近地係樓下搵間韓燒鋪頭，發現popcorn開咗呢間running燒，好似幾抵食，環境都唔錯。決定揀258蚊一位110分鐘任食嘅plan。用QR code點菜都幾方便，肉類種類都夠，淨係牛肉都五花八門，今餐主要係叫咗肥牛卷、雪花牛仔肉、西施牛肉。最好食係西施牛，燒出黎完整一片，意想不到係入口即溶，另外叫咗五花腩同埋豬頸肉，呢兩款菜係韓燒必點。多汁juicy，都翻點咗幾輪。菜bar入面都都有必要嘅生菜同埋泡菜，包住啲肉類黎食先係傳統嘅韓式燒肉。菜bar都有燒烤菇、青椒、金菇牛油粟米呢啲絕佳配搭。另外有叫其他嘅海鮮類，有扇貝、帶子同埋生蠔，貝殼類食物夾埋芝士一齊燒真係無敵。韓式燒肉店除咗燒烤類食品，仲有主食類，我地叫咗一個水冷面同埋一份辛辣面。另外配菜類都有好多選擇，有中式湯水/糖水。甜品都有幾款特色野，木糠布甸、法式迷你忌廉tart等。雪糕就有dreyer低卡雪條，食完燒肉整一條可以解膩。對於呢間韓燒店整理評價好好，店內仲要有近期最紅嘅香港明星，mirror嘅音樂。連送餐嘅機器人都係播mirror成員嘅歌，鏡粉絕對要黎呢間餐廳。…查看更多

今日係港島區搵到呢間酸菜魚，經過鋪面都聞到酸辣嘅味道，刺激味蕾。呢間餐廳係港島區黎講幾抵食，一個餐大約50蚊，另外加一個小食都只係22蚊。咁我就叫咗兩個套餐加兩個小食，套餐分別係酸菜魚、水煮牛肉薯粉，小食就係口水雞同埋麻辣雲耳青瓜。餐廳主要都係做外賣自取，不過如果想即時食嘅話都可以去商場一樓搵位置坐低。等候時間都好快，差唔多10分鐘左右已經準備好。最想講就係個水煮牛肉，牛肉入口即溶，另外牛肉好入味，可能係因為牛肉表面嘅脂肪好掛花椒辣油嘅味道。之後佢個酸菜魚，我覺得係相對較清淡少少，因為另外嗰三道菜都係辣油做底。小食方面就好出色，口水雞起曬骨，辣油入面好似有少少沙茶醬嘅味，辣得黎有啲香味。另外青瓜好清甜，辣油入面好似都加咗少量醋，酸酸甜甜好開胃。…查看更多

今日有朋友約我黎到黃大仙呢邊食飯，話有一間日本餐廳幾好食。和氣食堂無論由餐廳名定係餐廳裝修佈置都好有新式日本餐廳嘅感覺, 好多日本figures.我同Fd兩個人叫咗差唔多6-7樣野，食到好飽。有一款菜式非常特別，叫白咖喱烏冬。咁我一開頭以為白咖喱咪姐係甜甜地嘅咖喱，點知原來誤會咗。面頭望落白色嘅野應該係由一種薯類嘅菜磨成粉，加入cream咁，我唔能夠肯定入面係乜，但真係好特別，同烏冬好夾。另外食日本野，咁一定要叫下刺身，咁我地就叫咗三點刺，三樣都係自己鍾意食嘅野，有三文魚、池魚同埋海蝦。另外有一款炸物都好特別，叫做電擊雞翼，佢係一款凍嘅炸物，最最最神奇嘅係凍咗會唔油膩，同埋完全接受到呢種炸物。最後就叫咗個抹茶芭菲。呢餐真係有齊日式野最應該有嘅元素，而且價錢實惠。…查看更多

今日黎到荃灣嘅愉景新城，先知到呢個商場主打嘅主題係小朋友。鳥山名呢間日本餐廳環境好闊落，仲有設置小朋友玩嘅地方。鳥山名嘅菜式應有盡有，無論係刺身手卷，炸物串燒，定係火鍋。咁我同朋友鄭就叫咗一個安格斯牛肉火鍋，另外叫咗幾款唔同嘅壽司。有海膽，大拖羅，帆立貝，三文魚腩，甜蝦，左口魚背，赤貝同埋要另外叫嘅鰻魚玉子反卷。壽司一定要推介嘅就係三文魚腩，有種彈牙嘅感覺，另外汁燒左口魚背都係必食之選，馬冀海膽嘅鮮甜真係一流，我平時就唔係話咁鍾意食海膽，但呢個真係可以一試。最後主食牛肉火鍋就夠甜，壽喜燒鍋底就配咩都好食。…查看更多

今日同朋友特意過黎旺角食番餐泰國野，上年嘅呢啲時間都係黎呢間阿來泰式。呢間鋪頭嘅野食真係又大碟又好味，真係好有泰式風味。今次無叫到套餐，但可以講佢嘅二人餐無論係BCD邊一款都好抵食，同埋真係會食唔曬嗰隻。印象中上次啲野食多到張檯放唔曬。今次選擇咗散叫野食係恐試多啲唔同嘅野。有鮮蝦炒金邊粉，必定要叫嘅豬脾，泰式生蝦刺身，生菜包炒肉碎同埋汁燒魷魚筒。豬脾真係食過番尋味，無論係泰式醬定係燒汁都好正。生蝦刺身又真係好味道，但會辣嘅。另外金邊粉真係好似係泰國道地嘅小炒。好肯定咁講，呢個餐廳真係食到好飽，絕對飽住走。…查看更多

與朋友慶生所以選擇黎左呢間韓燒試下 。位置都算方便，附近就有地鐵站同巴士站。餐廳裝修都十分韓風🇰🇷我地揀左套餐烤肉，烤肉黎之前，會上配菜，配菜同醬料配搭不錯，酸酸甜甜，份量又足，款式又多，又開胃，系香港都可以試到唔同韓國特別小菜👍烤肉款式多，包住自製醬料同生菜，好食👍食完烤肉之後仲可以試下個爐邊蛋，有泡菜同無泡菜兩種味道選擇🍳套餐有埋部隊鍋，有埋芝士，芝士同年糕片既配搭唔錯。仲有豬肉，腸仔同午餐肉。材料款式多又好食🍜飲品方面叫左一壺石榴果醋，多到兩個人都飲唔曬🍹好香好香石榴味，果醋酸度適中，酸酸甜甜，都幾適合唔系好飲得酸既朋友架🥂…查看更多

之前食過plato cafe嘅油麻地分店 心郁郁想試埋新嘅佐敦分店 佐敦分店裝修都係文青style 好有特色牆上有段字 好有意境講起野食 我地叫左1個二人晚餐set 好抵食 前菜有parma ham加蜜瓜有4塊 份量算多我地仲額外叫多左個鵝肝多士塊鵝肝已經可以稱之做扒2個人分每人都食到好多啖超級滿足！2個前菜就一定唔夠喉 所以大愛海鮮嘅我仲叫埋蜆 蜆雖然唔算好大隻 但隻隻鮮甜 好有海水味到主菜有西冷牛扒份量足 好厚仲有煙三文魚忌廉意粉忌廉味夠曬濃成碟都好濃 唔係淨係得頭幾啖有味飲品黎講 Oreo迷必叫oreo奶昔！！！味道似係麥旋風溶左嘅感覺但又唔會甜到漏…查看更多

約咗朋友諗住係港島收工食個晚飯，黎到灣仔附近，見到有間小店係食和牛越南湯河。心諗，乜真係有人用日式和牛溝落啲越南湯河度架。入座後如期叫咗一碗和牛湯河，另外幫朋友叫咗一個大滿足全配料。因為店員推介入面其中一樣食材，真係估唔到係好好食。呢樣野就係牛丸，和牛係如期之內嘅好味，令人最驚喜一定係粒牛丸，完全無渣，入面仲有啲脂肪粒，咬起上黎牛味十足，媲美星爺嘅爆漿瀨尿牛丸。另外，個河粉都係一絕，唔知係咪手打河粉，因為真係好彈牙，唔似平時出面食嘅河粉一咬就碎曬。呢間鋪真係貨真價實，用料好，絕對無味精。所以晚講黎食都坐無虛席。…查看更多

呦呦鹿鳴布丁燒，呢個名幾吸引。布丁就大部份人都會食過啦，但布丁燒就未必啦。最特別嘅伙呢間小鋪會有極多不同口味嘅布丁，凍嘅熱嘅又有。入面有幾個口味都幾特別，有關烘培茶類嘅味道，有椰香味，抹茶味，傳統焦糖味，甚至有應該係季節限定嘅口味、有豆腐味等。我買咗兩個布丁，一凍一熱，分別係椰香味同埋一個叫earl grey嘅味道。椰香味布丁嘅甜，我覺得比傳統焦糖口味嘅布丁好，唔會太漏。再加上椰香嘅感覺幾令人上癮，食完一啖再一啖。另外earl grey嘅味道就好似日式烘培茶嘅味道，少少苦，好香，應該係唔少人都鍾意嘅。…查看更多