lht14's Profile

今晚做嘢雖然做到有少少夜，遲咗走，但係收工行過嚟黃埔呢一間日本餐廳，食返餐，叫做小小的慶功，可算是生活中的小確幸。先來一碗熱騰騰嘅茶碗蒸，上面仲有少少芫荽，好啱我胃口！點左牛肉飯主要材料牛肉、洋蔥，看似好簡單，食落去味道卻係有點喜出望外牛肉嘅牛味好出，洋蔥亦都好甜，，送飯好滋味，白飯亦都煮得幾好，好香，幾好咬口。整體感覺不錯啊，食物美味，而且環境乾淨舒適。可惜今日等上菜嘅時間耐，唔知係咪因為市況復甦左，人手分配未完全配合到。…Read More

好開心，同事話上次幫佢手，今日會請我食lunch答謝我呀佢約咗我厚福街嗰度等，然後入去呢間鋪嘅時候，見到個名我仲以為同漢堡包有關係，真係大鄉里！我哋叫咗個兩人套餐ver.3芝士蛋蒜和牛漢堡扒（中）雖然只係中碼漢堡扒……但係佢嘅體積都比我想像中大！自己煎漢堡扒呢個體驗都幾得意， size自己決定，幾多成熟又可以自己掌握，即煎即食，肉香味四溢。值得一提嘅就係，店員服務好好呀，好細心咁樣問我哋有冇食過，仲示範俾我睇點樣煎。中途仲幫我哋換過個個熱石月見味噌牛丼飯真係有啲內疚自己咁眼闊肚窄，個飯超巨型，上面嘅牛肉有好多，仲有不少菇類，好豐富好足料，撈埋蛋黃一齊食幾香架。跟餐嘅嘢飲我就揀咗津路…Read More

同好多香港人一樣，疫情影響之下，社交活動，食飯聚會嘅頻率都會大大量下降，有時喺屋企留得來，又真係好鬱悶嘅....今個weekend 有姊妹約我出去high，我當然零思考想衝過去！難可以同朋友相聚一下又食下好西,算係我哋兩個嘅小小聖誕慶祝活動雖然唔係去酒店食，但呢個地方都係好靚坐得好舒服嘅，好有style 嘅裝修。我哋兩個叫咗Premium Afternoon Tea Set ,事關冇食lunch過來覺得比較肚餓啦，看圖premium 大份好多大咁有mini burger 啊！肚餓都打鼓嘅我，見到雙眼發亮，細細個漢堡包仔，但係片牛肉一啲都唔馬虎！仲有春卷 蝦多士 scone 炸番薯粒粒  仲有兩串macaron 乘着「仙氣」出場！打卡好物！蛋糕都好多款 蛋卷一共有四件，大家可以試晒兩隻味，朱古力味上面嗰款仲有片黑松露，幾fancy 抺茶流心餅 抹茶味好濃有兩個玻璃樽在旁邊，原來係乳酪，下面嗰層原來係奇亞子，好健康啊一場嚟到加錢都想試吓佢個特飲！Sunburn 果汁嘅甜味同青檸薄荷嘅清新好平衡，話梅令酸味的後勁更强！好開胃的飲品…Read More

九龍城食泰國嘢就去得多，今次同同事過嚟啟德嗰邊做嘢，提早完成，大家都咁岩冇嘢做於是決定先飲杯嘢happy hour 輕鬆一陣先回家，估唔到呢度都搵到一個幾chill嘅餐廳！雖然餐廳外嘅景色係一個建築中的樓盤，但係裏面嘅裝修都唔錯，而且又幾新淨，幾有氣氛。可能去到嘅時間比較早，出邊仲有啲外國人坐喺度一齊飲嘢，好有渡假feel。好開心！好耐冇飲過Leffe，而且夠大杯，去到嘅時間仲可以享受Happy Hour價錢新西蘭白酒煮青口 海蜆啲蜆幾大隻，煮得幾香。韓式雞翼本身見到啲雞翼以為乾爭爭，鞋霎霎，原來幾脆皮！而且個韓式醬汁，好惹味，少少辣，相信怕辣嘅人都接受到嘅，我同事仲好鍾意Prosciutto e funghi pizza 有得揀厚批定薄批 水牛芝士都幾夠份量，而且好多火箭菜，好啱食！我好鍾意！ …Read More

呢個疫症陰影籠罩的年代出街食嘢，其實都有點忐忑，係可見嘅條件之下，富記食嘢都算係令我幾安心首先，我叫嘅粉絲蜆肉粉絲鍋，佢係會用一個發泡膠碗，上面仲有一層錫紙形成一個碗型裝着食物，使用一次性的食具，感覺上幾衛生，起碼可以減低交叉感染的機會當時食嘢唔多人，店員即使閑着，都係會戴住口罩好啦講返食物個方面，我可以話係一試愛上，個湯底惹味，蒜味都好濃，粉絲彈牙，啲餸又足料 蜆雖然唔係隻隻都出晒沙，不過隻隻都開晒口，煮熟晒， 我叫嘅係蜆肉粉絲鍋，加$6加送，我揀加肥牛，蜆肉都有十隻八隻架，肥牛五六片或更多，$46我覺得係好抵有時12點幾上到嚟，想幫襯佢已經關左門，今日偷聽到店員之間嘅對話先知道原來佢哋12點就關門，希望可以趕得切嘅話多啲上嚟再幫襯…Read More

Such a rainy day but I forgot my umbrella. On the way to the restaurant that I was about to see my friend , I relied on my luck that it wouldn’t rain but it did rained finally. Yes got wet but settled down in a peaceful environment of Oyster Fuzions was sort of relief for me.And I found out it’s actually the place I had my birthday meal three or four years ago. We started by having some toast. Sea urchin and crab meat toast. Crab meat is just an unbeatable ingredient. While I prefer the urchin be raw on the toast? Roasted sucking pig has okay crispy skin. There are three choices of sauce. And surprisingly I didn’t find the apple sauce we used to match with pork. But the barbecue sauce is fine too we liked it the most among three. The sausage sampler is relatively huge than what we expected .Aglio Olio Spaghetti was more spicy than I thought but I could handled that well. That’s also my favorite dish of the night. …Read More

呢頭多韓國餐廳就當然啦，不過呢一間我哋就冇試過，經過親都有人排隊，好似好正咁喎。今晚我哋早收工，一於就過來試吓， 當時未多人，一嚟到就攞到位。裝修係前衛而且簡單格調，位置都坐得幾舒服。不過音樂大聲左少少，傾計冇咁方便打開餐牌先發現，裏面冇平時食開嘅韓國燒肉呀、飯卷嗰啲。原來係新式韓食不過湯嘅種類都有好多可以揀，只係天氣熱，我哋唔想飲湯，反而想試吓佢嘅餃子，同埋石頭飯煎龍蝦大餃子芝士焗龍蝦就食得多，原來龍蝦都可以做餃子！上碟嘅時候已經見到餃子上面有幾粒蔥粒，之後發現原來蔥粒下面係蝦膏/蟹膏，幾細緻喎，而且咬到嗰個位，特別好味。食落啲餡料又唔係好食到龍蝦味，不過都算係一隻幾好食嘅煎餃子，因為外皮夠香脆，裏面仲有韓式粉絲添！都幾夠味。炒豬肉石鍋芝士拌飯足料又齊全，材料都切得幾細，最讚賞就係佢面頭嘅大量紫菜，真係大量！呢一個紫菜嘅份量令呢個石頭鍋飯更加好味，雖然我哋冇落到辣醬，但係都已經夠味。中間仲有份量適中的芝士，又唔會太多令到個飯太黏，或者口感太溜。其實好耐都冇食石頭飯，今晚呢個石頭飯比到一個好滿足嘅感覺餃子王 …Read More

今晚真係幾開心，屋企冇煮飯，諗住食自己，但係偶然之下同兩個同事放工後都冇嘢搞，相請不如偶遇，就去附近食嘢今日都算準時收工，來返呢間the right place enjoy happy hour.鮮蟹肉、煙肉、海膽汁。扭捲粉伴鮮海膽食到幾多蟹肉，醬汁個味都幾開胃，而且啲粉幾高質，食落原來幾有咬口酥炸軟殼蟹芝士漢堡配香芒沙沙（伴薯條）鬆軟嘅黑色漢堡包包面底下，有一層莎莎醬，然後大大隻軟殼蟹，真係幾特色。而且隻軟殼蟹裏面都幾多肉，我身邊嘅同事十分之巧手，將呢個咁巨型嘅漢堡包，都可以分成幾份，大家share食都好方便My cup of tea 睇呢個造型以為去咗品茗吧其實茶壺中承載着嘅唔係茶，係烈酒！十分之有創意的cocktail , 凍嗰一杯係甜味比較出嘅，熱個杯就係酒味比較濃烈... 一冷一熱 ，連味道都係相對的。…Read More

食廚師發板的壽司餐廳，越開越多，可謂係壽司界百花齊放的景象今日同個同事開來呢邊做嘢，就試吓呢一間銅鑼灣新開的omakase 到達時店內少人，幾寧靜舒適的感覺。Sushi omakase Set 包括左沙律、前菜、蒸蛋、壽司(12貫)、湯、咖啡或甜品 才$380 間八，用了酸汁，感覺清新而且幾開胃魷魚，口感滑滑的，上面仲塗左少少wasabi同豉油，對味蕾小小的刺激。金目鯛腩位，上面黑色一點點原來係日本竹炭鹽，帶出了魚香味。赤貝，厚肉的，夠哂爽口鮮甜！醋漬小肌魚，第一次試咁樣食小肌。蝦，都算幾多肉北海道馬糞海膽正呀正呀！最甜的海膽深海池魚，上有少許薑蓉帶子，上了柚子汁，清新得來又鮮甜。三文魚子，都幾飽滿。鰤魚，上面交錯的切坑，令到醬油能夠充分留在這片厚厚的魚肉上大拖羅，第一次聽見魚肉都可以熟成，師傅話呢個拖羅熟成左三日，魚味更出。本來拖羅就已經係好肥美而且香溜的代表，再要加上佢嘅肉味更出，真係完美啊整體來說，我覺得今日食的壽司，都係傾向大size，同厚肉師傅製造好認真，做壽司期間雖然都有同我地傾計，但係都係有關壽司的，而且每次我哋將壽司放入口，佢都定睛看着我哋嘅反應，睇嚟佢好重視客人嘅感覺…Read More

Lunch hour 去咗尖沙咀uniqlo 買兩件恤衫， 順便同個同事喺美麗華食埋lunch之前行開呢頭都唔過呢個角落有呢間餐廳，可能係新開？好似都有一排冇食韓國嘢，而且見呢度裝修都幾靚，地方闊落。新派韓食都幾有創意，煮法味道都好破格，之前一直都好少試，今日開了眼界。大醬蕃茄八爪魚見到菜式真身的一刻都幾感動，因為都係少有嘅真身靚過上鏡的。雖然份量唔係大，不過後表面上看都見到好多餸，而味道就辣辣地的，意粉嘅口感都幾好。蜜糖柚子花園好開胃的一個沙律，仲有好多合桃夠晒健康！醬汁係甜甜的，好健康唔油膩烤三文魚薄餅（番茄醬底） 連Pizza都有得食！三文魚焗都好香，個邊邊都幾脆。係lunch set嘅其中一個，本身見到九吋， expect係細細地，但係出到嚟又好似幾夠食喎秘製青口鍋呢個真係超正！ 冇諗過海鮮都咁出色，果汁好滑，好濃郁。而且仲係用咗藍青口，青口肉特別滑。…Read More

想同小朋友去呢間餐廳嘅主要係因為知道呢度可以近距離接觸貓仔咁耐冇來估唔到呢度裝修擺設已經唔同咗，你入到去首先係見到一大片花海 氣氛好春天氣息，而且俾人一種好溫馨好舒服嘅感覺即使餐廳嘅面積唔係超大，都留咗一個好大嘅貓籠位置出來，可見佢哋係幾咁錫貓貓餐具都好高貴同場見到一家大細來食嘢，又見到三五知己坐埋一台慶祝生日的，看來呢個地方都幾適合各種形式嘅餐敍本身心大心細，三個小食定係五個小食的「自選小食拼盤」，但係由於呢樣又想食嗰樣又想試，最後都敵不過誘惑，一次過點左五個小食拼盤，價錢好抵玩，只需要$300 有找如果本身揀咗三個小食嘅小食拼盤，就會叫多個主食，但係兩個人，五個小食都真係好夠，而且有一蚊嘅小食優惠仲可以試多款添！ 香草牛油焗帆立貝焗得幾香，調味幾夠，本身個帶子都幾鮮甜嘅日本紅蟹忌廉流心薯餅芝士忌廉煙肉藍青口醬爆雞翼雜小丸子燴分別有龍蝦丸、牛丸同埋芝心丸，當然我覺得係呢個高溫烹調之下，芝心丸顯得比較突出，因為軟軟的芝士心一口咬下去就會湧出來薯絲蝦第一次食呢個小食！都幾特別，薯條就食得多，但係呢個小食用薯條絲去捆住一隻蝦炸，味道同口感都好正嘢飲好似有啲新嘢喎，試咗佢嘅天然手工水果茶系列 食完野等緊甜品嘅時候，我哋就可以過去睇吓貓貓，雖然係依舊嘅高冷，但係成身毛毛的、胖胖的身軀，真係好可愛！ 之後食埋個雪糕對對碰不貴的甜品，但係裝飾得好有心機…Read More

老公星期六都要加班返工，我同仔又冇乜嘢做，於是我去佢公司附近搵佢食嘢帶咗我哋去附近呢個幾有格調嘅餐廳，樓底幾高，縱然今日太陽都幾猛，又有落地玻璃，但係冷氣都好夠，坐得幾舒服嘅Weekly lunch menu 有八款選擇，都算幾多正宗印尼炒飯配燒汁雞串爸爸係無飯不歡，叫咗個印尼炒飯，仲有兩小串雞肉同一隻煎蛋做餸，都唔錯。蒜香明太子蟹肉意粉今次呢個明太子真係好發揮到佢嘅味道，因為整個意粉除咗有滑滑嘅忌廉汁，仲均勻使大量比呢個明太子包圍着，幾夠味，上面仲有鮮甜嘅蟹肉，呢個意粉真係幾好味，$68我覺得係好抵嘅價錢，不過就係可能因為成本控制，我覺得個份量有啲小嘅，可以多幾啖意粉會夠飽啲。韓國啤酒做緊特價！ 十幾蚊一支，真係仲抵飲過七仔，我叫咗Max啤酒送我個意粉，味道好夾。店員服務都幾好，幫我將支啤酒倒入個玻璃杯，真係講究棉花糖朱古力，由於跟餐叫特飲有半價，所以都幾抵，意想不到咁靚咁可愛啊！上面係用咗嘅棉花糖，仲有好多朱古力粉，啊仔勁鍾意為咗迎合兒子嘅口味，又點可以唔叫香口嘅炸魚薯條呢，比我想像中高質！ 魚柳外脆內軟芝士焗肉丸餐具都幾有藝術氣息整體來說對呢間餐廳都好滿意，希望遲啲再有機會來搵爸爸食嘢啦…Read More

講落好似好耐都冇去棉登徑嗰頭飲嘢，呢度已經轉左一番新景象，今晚嚟到呢一間環境幾舒適嘅酒吧餐廳，算係發掘左一個新嘅飲食好去處一入到去殷勤又醒目嘅事已經招呼我哋左一張大大嘅梳化位，地方好新，而且嘢飲同埋嘢食都係幾有特色嘅green ball開頭係比較重嘅啤酒味，飲到一半之後淡淡的茶香開始發揮出來令人感動嘅係，中間嘅冰球都係用呢個飲料而不是水做的，所以杯嘢飲唔會越飲越淡Smoke in the eye 係真係出煙架！緃使呢一抺清煙已經散去，飲品都係帶有少少煙味，幾特別高身又輕佻嘅cocktail 杯之中，原來盛載着極之豐富嘅材料，吞拿魚他他醬汁十分之特別，喺出邊係未食過嘅，上面仲有濃郁嘅海膽襯着，有啲日式嘅味道。香煎鱸魚同埋柚子沙律魚皮煎得幾香脆，至於柚子沙律十分之開胃的味道同魚味好襯低溫慢煮牛叉燒配米形粉精彩到極致嘅黯然銷魂飯 ，首先佢用上我喜歡嘅牛肉作為叉燒 ，箇中牛肉嘅香味令到呢個叉燒味更加特別，米形粉比起傳統嘅飯更加滑身，仲有埋嫩口嘅菜心。杯甜豉油，仲可以用dropper 加入去準確地掌握自己落幾多醬汁，真係好細緻。朱古力布朗尼蛋糕布朗尼蛋糕上面有厚厚嘅mousse ，仲有少少麥片碎，好靚的一個甜品…Read More

難得星期六晏晝，約到媽媽食晏，大家又唔趕住返工，可以舒舒服服食餐飯，就過嚟九龍城食佢最鍾意嘅泰國菜小曼谷好似都幾多分店，之前同同事食過另外一間都唔錯，呢一間裏面嘅格調雖然係比較平民路線，但係都有梳化位，而且大致都乾淨舒服，門口仲有個坐車影相位小曼谷炒飯呢度都有蛋包飯食！大大片蛋包住香香嘅炒飯，蛋又香，啲飯又香，好好味。泰皇咖喱炒大蜆啲蜆都幾乾淨，咖喱幾厚身幾滑。泰式炸芝士蝦丸蝦丸炸得甘香，已經好吸引，裏面仲有芝士流出來，呢個小食真係勁邪惡椰青…Read More

之前經過呢度，都係週末晏晝附近的Cafe飲下下午茶，食晚飯真係未試過，街名好浪漫，分別係日月星而今晚食嘅壽司店就係鮨月，簡單，亦都呼應呢個地點店舖面積唔係好大，但係小店就係可以俾人一種親切舒服嘅感覺 ，坐低之後到首先看到一水缸細細的蟹，看着一隻隻，腳步緩慢，但係亦依然奮力向上爬嘅小蟹，比起一缸金魚更加耐看旁邊有啲寫咗魚名嘅木牌，不單止係裝飾，仲起了實際嘅作用，列出了當日有咩魚食，有邊啲魚已經賣晒赤羽太 x 日本青森河蟹真係冇諗到，頭先第一時間吸引到我注意的，馬上就派上用場，成為我口中美饌，在一片片赤羽太刺身之中，兩隻小蟹，活成為左一片如畫的景象，就好似緩浪之中，兩隻小蟹向前走厚岸蠔鮮甜，又夠厚肉，亦不乏蠔味秋刀魚魚味甚濃拖羅大拖羅用鯊魚皮磨出的芥末特別香特別細冰頭漬 酸酸的，口感亦都好爽連子鯛(冇相）蝶魚石首一絲不苟！海膽赤蝦加水雲、海鹽味道很有層次，環環相扣金星豚厚厚的豚肉，十分之彈牙，最正係那個醬汁軟骨餃子好欣賞呢味餃子，裏面嘅軟骨，令到呢個餃子更加有咬口，而且煎得好香燒白鱔真係意想不到，今晚可以食到燒白鱔天婦羅之中有目光魚！和歌山富有柿明太子泡菜烏冬味道濃郁…Read More