Yellow Tomato's Profile

作為街坊上星期路過見到新開，店舖裝修幾光猛，望吓個餐牌又好似幾吸引，再睇咗幾個食評諗住可以一試，咁啱今日OT夜咗放工就諗住試吓，兩個人，叫咗咖喱牛坑腩飯、腩汁蘿蔔同醉雞，仲加咗$ 5轉雞髀添，牛坑腩係ok嘅，可惜個咖喱汁味道非常淡薄冇內涵兼且上枱嗰陣唔熱，失敗！個腩汁蘿蔔都係唔熱，失敗！但係個醉雞竟然係熱嘅，啲肉即刻靭哂，同埋$50 嚟講都幾細碟下，真係失敗中嘅失敗，食完極度失望，啱啱開張其實仲有漫漫長路，希望可以改善一下食物質素。…Read More

網上見到呢間餐廳，裝修好似幾靚，食物望落都好似幾吸引，諗住去幫襯一下，去到嘅時候店員話樓上因為冷氣壞咗，座位唔開放，亦都冇任何手工啤酒供應，樓下係高枱高櫈，張櫈極度唔舒服，點咗呢個日式咖喱豬扒飯，選擇咗辛口咖喱，上枱嘅時候充滿期待，點知一咬入口嘅時候，真係爭啲咬唔開，肉質極度堅硬，而且肉味偏鹹，質感亦都怪怪的，花咗好多時間先至將成份豬扒食完，咖喱味道亦都好一般，食完個口攰到呢…已經冇心情再食份蓮藕漬物，因為落差好大所以好失望。…Read More

大坑新開西班牙餐廳，我自己本身都好鍾意食西班牙菜，見啲食評好似OK所以想試一試，打去book枱嗰陣時已經覺得聽電話嗰位女士冇語氣冇尾音同冇禮貌，咁唔緊要嘅，有啲人講電話就係咁，可能真人又冇事呢，之後再打電話去改booking，都係同一個人聽，都係咁冇禮貌，然後我決定用返佢嘅語氣同佢對話，而佢竟然俾我嘅語氣嚇窒咗，喂，禮貌嘅一面鏡嚟嘅啫，到到今日終於可以親身去睇吓呢間嘢係乜嘢一回事，講真，嘢食同價錢係OK嘅，如果嘢食同佢嘅服務比較，就係天堂與地獄，你完全要放低自己嘅身段，當自己係去乞食咁，嘢食係要自己剔嘅，但係佢有另外一張過咗膠嘅special menu，我俾張剔咗嘅嘢食紙佢，再話加多兩樣special menu嘅嘢食，呢位女士同我講「自己寫落去。」Exact wording冇多冇少無添加，問佢有冇酒，「我哋冇酒牌，要飲自己買。」，唔緊要，朋友即刻去咗買酒，返到嚟我問呢位女士唔該有冇杯呀？「要幾多個？」之前掟兩個紙杯俾我哋，埋單嗰陣只收現金，俾錢嗰位竟然留低咗$25係嗰個收銀兜嗰度，我同另外嘅friend碌大隻眼望住，一齊話真係sorry，呢個冇服務同冇禮貌嘅程度真係$25都唔應該俾。我好想講，你講唔想做嘅話咁就不如返屋企hea唔好做啦咁難為你。…Read More

由新開業到現在已經幫襯了這間餐廳4次，每一次都覺得食物有水準而且還一直保持得很好，店員也比一般食店有禮，所以一直不明白為甚麼評語這樣差，所以特別幫他們平反一下是日下午致電book位，因為晚上有舞火龍活動，所以特別要求安排窗邊位置，雖然餐廳位置跟綄紗街有一點距離，但火龍隊伍還是會經過餐廳，因為餐廳是免開瓶費的，所以當晚我們先到餐廳放下一樽酒，然後行到安庶庇街看一看火龍上香再回到餐廳開始用餐，一共點了4個菜式，每一道菜式都好有水準，特別是Hamachi ceviche的調味非常出色，另外主菜的牛扒實在太好味，牛扒有牛味，質感好鬆軟，泰式醬汁也很點題，可惜肚子再放不下多一碟，不然我一定會encore！菜式是一碟一碟上菜的，不會擔心食得太急，也是一個傾計的好地方。…Read More

約咗個喺外國返嚟嘅朋友諗住搵過坐得舒服又傾到計嘅地方，係openrice見到佢嘅環境都唔錯，仲用openrice做booking，book嗰陣request咗想坐窗邊位，3:15pm去到，成間餐廳得一枱客，但係個侍應就帶到我哋去一個好逼夾嘅窗邊位，同唯一嘅嗰枱客根本係黐住坐，我哋就同個侍應講，可唔可以坐另外一邊望到海嘅窗口位，但係侍應就話嗰邊有人book咗，咁我哋就話一係坐冇海景嘅普通卡位都可以，其實我哋只係想搵一個靜啲嘅位傾計，待應又話夜D會有其他客坐（已反眼），我哋話其實我哋5點會走，唔會坐到晚飯時段，之後個侍應就帶到我哋去一個窗邊位，我哋都覺得有少少奇怪，又話有人book咗嘅，咁唔緊要啦，反正結果都有一個又靜又望到海景嘅位...到到食物方面，Booking嗰陣時已經pre-order咗一個afternoon tea set，個外觀都唔錯，但係食落就真係每一樣嘢都唔好食，鹹點基本上全部都係普通到爆嘅食物，甜點真係甜到喊，個綠茶mousse根本上係好似食緊一𡙡𡙡奶油咁樣，我放棄咗，之後有一支表面上鋪左一啲杏仁同埋蜜糖碎嘅條狀物體，我哋仲以為會好好食，點知一食落口，係鹹嘅，仲要係好難食，啲杏仁好似有一陣噏味，然之後我完全分析唔到嗰舊嘢係乜嘢嚟，唯有叫侍應過嚟問一問，佢同我講係鴨肝雪條，凍食應該會好食啲，但係佢放低呢盆野嗰陣時完全冇介紹過上邊嘅嘢，結果我哋都係放棄咗無食，幾靜同坐得幾舒服都無用，真心難食到無下次...同埋食到尾我哋發現其實成間餐廳只係得四枱客，唔明點解之前一定要我哋坐喺個咁迫嘅位囉。…Read More

一行3人去試新嘢，朋友book咗位食lunch所以唔洗等，可能咁啱雜誌介紹，Weekend都幾full，打開餐牌，好多唔同組合嘅天婦羅set，around $200-$250一個set唔算平，3個人都Order咗五代目天丼，一等.....就等咗30分鐘，追完Order，再等多10分鐘，因為等咗total 40分鐘，結果相機無得食先，因為我餓到要即刻食，第一啖入口已經有D失望，D天婦羅唔太熱，粉漿好厚，又唔鬆化，D魚同鰻魚嘅texture仲要有D霉霉地，講真平時買D冰鮮魚都無咁霉，結果喺Quota嘅嘢真係唔好㗰之下，我決定刮走晒隻蝦D炸粉漿同放棄一半嘅魚同鰻魚... 同埋真係無下次。…Read More

之前嚟過幾次晚飯，發現質素唔及之前，已經成年無嚟，今日約咗朋友食午飯，諗住食lunch set應該穩陣啲，叫咗個＄148嘅銀鱈魚餐，前菜有蒸旦，沙律同湯，唔錯嘅，點知一上個前菜我即刻呆咗，都未嚟得切反應，我個friend就細細聲問個waiter：「咦...舊魚會唔會細咗D呢...」，而waiter亦好肯定咁答：「我哋呢度D魚係咁嘅size，同埋係分兩舊上嘅。」喺呢一刻我除咗自責自己唔應該俾多次機會呢間嘢之餘我都唔知講咩嘢好嘞⋯⋯…Read More