九月頭黎過一次, 但係冇開到, 有D無奈, 平日都唔開。兩個星期後咁岩做完野又經過, 但見到有街坊同個唔知老細定伙計嗌交, 又話咩野間食肆有牌照問題（唔知果個係咪附近既街坊）, 大家互相指罵, 惡言相向。我當時心諗: 姑勿論邊個岩邊個唔岩, 間食肆D人咁唔禮貌鬧人, 即刻失唔少分, 先唔講D野食好唔好食, 人品最緊要。最後我果日都冇入到去。但係前日, 係我同事話想試下, 咁最後我地都真係入左去試下。間野好迫, 張抬有D油積湯積, 唔係好乾淨, 第一印象同感覺係千其唔好帶女朋友黎食。試左土豆絲, 鴨絲卷餅同埋餃子, 因為係OPENRICE多人推介。唔… 真係麻麻地… 味精味有點重..... 有d咸左少少..... 可能佢太”正宗”，師承偉大祖國所以唔太習慣啦 -__-幫親小店係重要既… 試新野都重要.... 但係呢間就只限一次, 所以我同個同事講, 有時網上既食評真係唔可以盡信, 自己舌頭既味覺最重要。所以我好少寫食評, 今次破例, 因為對呢間店好”深刻”至於有牌無牌, 衛生唔衛生, 我都無再去諗。其實附近仲有好多其他食肆既~…Read More
