CMF_CMF's Profile

試下新餐廳。訂左室外，出𨋢再行樓梯上一層天台。可能係冬天，整左啲帳篷，仲有啲掛燈圍住，幾好Feel。朋友未到齊，坐低想先叫杯野飲🥂🍷，職員話要落番樓下order同即場俾埋錢。咁得意？問佢點解，係咪分開兩間公司黎？佢話唔係，係公司規定、系統問題blablabla…🤷🏻咁唯有等齊人先一次過落單啦。野食叫左Deep Sea Tacos、紙米卷、軟殼蟹意粉、三文魚同燒雞，餐牌選擇唔多，但每樣野都幾好食。飲品叫左紅、白酒各一杯，認真麻麻地，似超巿貨，Cocktail同Mocktail唔錯，果汁味岩晒女仔口味。最後叫左兩個甜品 – BOOM! KABOOM! 同埋 Coconut Bavarois Cake，又係有啲驚喜！70%黑朱古力mousse真係幾好食，唔膩又滿足到甜品癮。平日晚7:00pm入座要9:00pm交枱，離開時真係有人等緊位，利害！🤣總括而言，環境、食物質素唔錯，價錢唔算平，但可以接受，唯獨係飲品要獨立落單同埋限時有啲扣分，同朋友靜靜地飲杯野傾計的確係幾好既選擇。😊…Read More

已經黎過好多次，lunch / tea time / dinner 都試過，今日黎開銅鑼灣，又係時候黎探下佢！本來諗住book位，因為上次夜晚黎爆左...一search原來銅鑼灣渣甸街都開左分店！諗住試下新舖啦，喺門口望左一陣，唔見佢有啤酒menu，可能未有酒牌卦，冇計啦，返番黎呢間囉！黎到唔駛等位喎，正！(因為7pm都未夠)入正題。其實今次黎係因為掛住個「Sausage Platter德國腸拼盤」！次次黎都會食既！個拼盤有5款（定6款？）香腸，全部都不同口味，其中有款豬肉味腸尤其喜歡！配埋D酸瓜食，唔會咁易滯。「Kidney Bean Salad紅腰豆沙律」- 入面有紅腰豆、幾款菜、車厘茄、紅洋蔥等等，幾清新醒胃。「New York Benedict」- 豐富蛋汁+煙肉咁啦，不過不失。啤酒今次就試左「 Dragon King」，清新得黎有少少苦澀味，但若以$68/支黎講，性價比就麻麻喇。另一杯飲品「A Flower is Not A Flower Smoothies - 花非花沙冰」- 入面有接骨木花、熱情果同蘋果，一聽就知係酸酸味味咁啦！但係又幾好飲喎，有D熱情果香，唔似個d濃縮果汁整出黎，又唔會好似平時食沙冰咁膩。食飽埋單！**唯一出路**…Read More

食過晚飯知道唔錯，今次經過試下食晏先。原來set lunch都幾多選擇，而且幾抵，試左：雜會 - 即係雜錦麵啦有魚蛋，豬紅，魚皮，豆卜，蝦餅等等，配料幾充足，好似車仔麵，而且份量十足，男仔食都夠飽！麻辣金邊粉配炸豬扒未試過佢個麻辣，都幾香幾辣。配料包埋幾舊豬紅，驚喜既係個豬扒，係香茅豬扒再酥炸，幾正幾特別！另外就係個泰式奶茶啦，大大杯又好飲，雖然唔係好識，但感覺幾正宗跟餐好似唔駛加錢，淨飲都係$20，正…Read More

近排多數都係食外賣或者茶記，上次行過咁岩見到呢間新野，一於搵個weekend 黎試下好少晨早流流食拉麵（其實都中午），但冇計啦，夜晚又冇得堂食一黎見到個餐牌都覺得幾吸引，有牛舌又有松葉蟹。。揀左一輪，我地就揀左：波士頓龍蝦拉麵好重龍蝦味，湯底鮮甜濃郁，麵都係我喜歡既幼少少既麵質厚燒化皮叉燒拉麵個叉燒厚切到好肥美，湯底有濃濃既蒜蓉味，店員仲特別登叫我地整爛隻溏心蛋一齊食，不過我地唔係好知要整到幾爛同埋有幾大分別，下次要問清楚先。食食下到尾段就覺得d湯好鹹，飲唔晒喇...價錢一般唔算特別平，但應該有機會再黎，再試下其他野既…Read More

食過幾次，都覺得唔錯。今晚行完街又黎食，點知要排隊喎。排左差唔多廿分鐘，終於到我地。黎呢度都係沾麵好食d, 叫左個黑蒜油沾麵，一個咖喱乜乜沾麵。黑蒜油沾麵基本上係我必選既，湯幾濃幾好味，但係肉係一粒粒喺d湯度，唔係一塊塊，就麻麻地囉。咖喱沾麵就一般般，出前一丁咖喱粉，少少辣。今次叫左個小食，雞骨腸（好似係），細條左少少，味道ok似台灣腸，一般啦。天氣已經熱，坐到入去原來仲熱，可能係坐得近個廚房啦，食完行番出黎仲涼爽左…Read More

其實經過呢間餐廳好幾次，但walk-in次次都話要等，仲要唔知等幾耐。令次都唔例外，成夜晚9點幾都話要留電話，留完其實我地已經走左，不過行到路口佢就打黎話有位。 。咁佢一早話等一陣咪得囉。。。首先叫餐湯，因為賣晒磨菇湯，要左個菜湯。個湯好稀，味道可以啦。個包唔錯喎，亦有柑欖油同醋。試左佢既豬扒同燒魚，幾ok喎個豬扒幾唸身，又唔瘦。唔會食到痴晒牙。個 魚就普普通通，唔嚡亦唔特別滑，個汁幾濃，okok啦。。。…Read More

台灣養生鍋最吸引都係個湯底，可以先飲碗足料老火養生湯，然後先開始烚野食。。。第一次黎呢間分店，因為新開，地點亦算就腳。揀左個美人鍋湯底，佢有桃膠，烏雞，金華火腿杞子等等，聽落幾吸引。滿心期待飲個湯，點知。。。一飲落去冇乜味既，d材料好似岩岩放落去咁。。有d麻油味，仲有d似味精湯。。。😩 咁諗住烚下野食先再飲囉，但後來d湯越滾越鹹，完全唔係嗰回事。。。唉，講番d野食，其實都冇乜特別期望既，個聲稱霜降肥牛既牛肉。。食落係正過普通肥手少少囉 。但係都$188得10塊。。因為家人喜歡食魚，叫左個龍躉斑，都幾滑，但唔算大碟。另外鮮蝦雲吞同麻辣牛肉餃每樣半份，雲吞大部分係肉，只有細細粒蝦，牛肉餃係山竹牛肉既味，真係估佢唔到。。。其餘都係菜，米粉呢d普通野。埋單人頭$250多d，唔算十分貴，但完全冇滿足既感覺:(…Read More

黎西灣河搵食，唔一定要去太安樓既!今次就去左太安樓…後街嗰間馬六。睇個名都知佢食馬拉野，晚飯時段都有d人排隊，等左十幾分鐘就入得，都OK。食得星馬野梗係要食海南雞同肉骨茶啦，佢有雙拼既，每樣細份d，可以食多d👍所以仲有quota叫多個喇沙同咖央個雞幾滑，肉骨茶有藥材味但唔算好勁，係我鍾意既口味。喇沙係摻摻，有少少辣既，冇得走辣，唔食得辣就唔好叫喇最後最後，而又係最好食既，就係個咖央多士喇！！！塊多士脆口又香口，牛油大大塊，個醬又唔太甜，perfect池！件咖央為呢一餐畫上完美既句號…Read More

想食漢堡，塊肉又太heavy, 所以想搵素漢堡食。呢間舖門面唔大，得十零個位，已經坐到出門口。叫左個素漢堡餐同黑松露雜菌意粉，仲有沙津，磨菇湯，同蕃石榴+紅菜頭+蘋果汁。個磨菇湯真係好磨菇，哈哈好濃，因為冇cream, 感覺幾清。素漢堡黎到，以為係似Green Cxxxx嗰d 素漢堡扒，點知...佢入面係夾住 豆腐，菇菇，蕃茄，素芝士等等。。好特別，真係未試過咁樣既配搭。個黑松露意粉都幾香口，黑松露味唔算濃，但感覺幾清新，唔錯 。驚喜係旁邊既薯蓉，有咬口又香，好味道！最喜歡佢既果汁，紅菜頭有助抗氧化同排便，係好有益既蔬果，亦都好鮮甜，唯一既係呢杯比較重蕃石榴味，可能有d人未必太接受，我就OK既健康一餐，下次再食！…Read More

有一排冇喺東大街搵食，咁岩行過見到呢間拉麵，以為佢係之前嗰間軍隊拉麵。原來已經靜悄悄地轉左手。。(定係我太耐冇黎)睇佢餐牌定價唔貴，最平$58有一碗，佢用平板電腦自助落單既，配菜自己揀，都幾方便。叫左九洲地獄拉麵，魚介醬油拉麵，同兩個小食。d湯好濃，第一眼望落有d少添，食落又ok喎，湯都飲晒，不過多少少湯係好d既。追加小食就一般般啦，啤酒係orion沖繩啤，正既！食完仲有印仔咭，儲夠5個送餃子，10個送拉麵一碗。好易者…Read More

習慣逢初一十五都食素，呢間係其中一間常去既，喜歡佢既傳統齋鹵味之餘，又有其他新派菜式。今次除左食鹵味拼盤之外，仲點左通菜煲，見佢有個蜜汁叉燒(好似係)，就試下佢有幾叉燒！佢既拼盤當然冇得輸啦，甜酸、咖哩、齋燒鵝，堪稱鹵味三寶個菜幾香口，正正常常咁啦。至於個叉燒。。。咬落個口感腍腍地，其實唔係太似，不過不失啦。其實佢地有個葡汁焗雜菜都好正，好濃味，不過今次想試新野，所以冇點。佢有加一既，平日食可以用9折咭，初一十五就唔用得喇！…Read More

咁岩今日喺附近做完野，經過見到間酒吧靜靜地就即管試下。兩條友唔食得多，叫左碟腸腸拼盤Banger &Mash 同 雞夾餅 Chicken Quesidillad 腸細細條真係幾好味，薯蓉唔係開粉嗰d,仲有少少咬口。個chicken quesidilla原來咁大碟，有8件咁多!點食呀？不過最後又食得晒喎，因為真係好味一杯啤酒一杯mocktail,仲係計happy hour，抵!去到大約8：30pm仲有liveband，唱d抒情歌不過我地都差唔多食飽，走既時候間舖都開始多人，我諗夜d仲多人黎飲野，下次試下!…Read More

星期日行到攰攰地，坐下飲杯啤酒。原來有戶外坐既，仲有梳化添，舒服晒!只係叫左兩個小食，秘製雞翼&薯條三兄弟! 啤酒有台式又有港式，自己出bar枱叫既。見到店員介紹既陳皮啤酒，吓，"陳皮"?！ 有冇咁搞笑呀，佢仲要用陳皮梅d包裝紙架，好有心思！真係有陳皮味架喎，少少澀幾特別，good good秘製雞翼係單骨既，似沙拉骨嗰d醬汁，OK啦。薯條三兄弟即係薯仔，蕃薯同紫薯，佐酒之選！喺度坐下真係幾舒服，今日唔係好多人，靜靜地又坐左兩粒鐘，補充體力後繼續shopping…Read More

之前試過呢間海膽沾麵，係正既～今次試下第二d佢係畫紙仔叫野既，我畫左個芝士海膽湯蟹膏沾麵($149)同埋龍蝦湯沾麵($99)，冇追加其他野喇佢放低張單寫"終極龍蝦沾麵"，我都覺得奇怪，以為佢出單係咁啦，就冇理。。。個芝士海膽湯好濃，一食就知道會好滯喇，哈哈，但都OK既，而且好多蟹膏，幾鮮，不過可能有d人會覺得腥。龍蝦湯相對清少少，仲有龍蝦肉，一小撮麵已經可以沾到好多湯，食到尾仲有d唔夠湯添最後埋單走喇，兩位$350，我地諗諗下好似唔係好岩數，加埋茶錢($6@)同加一應該都唔駛$300丫:(，再問佢攞單睇，佢寫住個蟹膏麵$158，終極龍蝦麵$148？！然後又話來貨價貴左每樣加左$9 (冇人講過囉)咁我個龍蝦麵就算劃錯追加都係加$30者。。。點計都唔岩，又費事要佢搵番張剔剔紙啦。。。野係好食，但價錢可以明碼實價d。。。…Read More

原來北角都有德國菜，一家大細黎試下見到二人餐幾多野食，一於試下，再加幾個菜一黎個湯：南瓜粟米湯，好濃，好溶，好味道小朋友飲到唔夠喉再黎鹹豬手，食德國野點少得佢!有驚喜喎，個皮好脆，又唔會好鹹西班牙海鮮飯，份量比想像中少，味道普普通通啦!香腸拼盤，個人幾期待呢個菜，點知。。。款式味道都一般般。。。有少少失望既。。。啤酒都有好幾款，可以問下店員有咩分別，再跟自己喜好試下今次冇試到有多人推介既護心牛，下次要試下。店內環境唔錯既，可以encore!…Read More