kiuxx's Profile

唔明點解會有咁多好評😅可能我食午市，同晚市嘅質素有分别午餐定食叫左個角切魚生飯$148+1一上枱個賣相已經令人好失望啲魚生粒係少量三文魚，立魚，八爪魚，魷魚同大量蟹籽，最靚嘅係隻大蝦成個飯叫做不過不失 啲麵豉湯味道淡淡地但都有兩隻蜆仔個茶碗蒸係幾好食嘅同枱友人叫了豚肉烏冬，等左起碼二十分鐘先嚟好細碗，個樣同屋企煮嘅無分別友人等到太肚餓所以冇影相😵不過要讚店員好落力 不停幫全場客人斟水咁嘅食物質素真係失望建議大家都係揀返夜晚先嚟食😂…Read More

見到網上被瘋狂打咭的梳乎厘班戟慕名而去點知好後悔，因為食到一肚氣！！話說我地下午二點到達，當時只有三枱客(仲要一枱已食完撩緊牙)我地極速點左兩杯飲品同一個伯爵茶碟豆疏乎厘班戟亦同店員表示我地有啲趕時間，可否盡快上菜佢話疏乎厘製作要30分鐘，我地表示明白但心諗ok la, 依家都係2:05pm, 等30分鐘無問題等到2:25pm, 兩杯飲品嚟左, 分別係:番石榴桃香烏龍海鹽伯爵茶拿鐵真心$48幾細杯，而且明明唔多客，唔明點解要等咁耐嗰日有三個店員，一個煮野食，一個洗碗?! 一個行行企企唔知做緊乜都唔緊要，係2:20pm我先見到佢施施然咁fill緊咖啡豆入部機入面！因為佢用左15分鐘去掐兩舊飯團去俾遲過我地點餐的一枱客！係兩舊一啖就食左既飯團.... 想點？出餐慢到浪費緊客人時間！Anyway, 重點嚟啦！個梳乎厘pancake話2:35pm會整完當時2:30pm出左兩碟pancake,但係俾仲食緊正餐既兩枱客人....都唔緊要，咁好正路問過店員我地嗰碟仲有幾耐佢話「整緊中」但由於係開放式廚房，佢啱啱只係mix緊個蛋漿擺明呃個客！佢得兩個爐頭，整疏乎厘已經佔咗一個爐仲要係好old school 整法，兩個大pan come住一齊焗😒結果係我地嬲到要企係度望住佢整（因為佢地三個仲企係度chit chat)2:55pm, 終於整好, 唯有外賣攞走我已經分辨唔到好唔好食，因為已經無奈到一肚火！因為我哋等得太耐，就埋左單先，諗住一整好食完就走得，點知佢呃我地！我明白整疏乎厘要等，但明明啲蛋漿都未整，就唔好呃我哋話已經整緊！好明顯係個態度問題！！佢哋整嘢食出嚟咁慢我見有一台order左意粉，佢20分鐘後先施施然陸熟啲意粉！除非你真係有好多時間浪費，如果唔係真係唔好黎！…Read More

位於黃埔百寶坊區內的米線店主打以新鮮原材料經8小時反覆熬製的養生湯底😻店內裝潢簡潔舒服，燈光暖和，有點像現代cafe的感覺價錢適中，味道不錯，值得一試～蟲草花膠雞湯米線 🍜賣相吸引，雞湯濃郁不會過咸～而且物超所值，有三塊多又大又厚的花膠😻不但滋補，而有雞件肉質嫩滑 骨肉比例適中！一啖米線一啖雞湯，很滿足🍲原隻紅蝦龍王湯泡飯 招牌龍王湯以新鮮蝦、花蛤、龍蝦等熬製而成😻泡飯內有澳洲脆米，挺特別！可惜已被湯浸淋了😿如果可另上就更能保持香脆的口感～泡飯材料也很豐富：有紅蝦、蜆、帶子同扇貝啱晒鍾意食海鮮同泡飯的我😻😻桂花蜜糖雞翼 🍗呢個我十分推介！！這個配搭很特別～雞翼煎得剛剛好，外脆內嫩再配上清甜嘅桂花蜜糖，有點像吃西多士嘅感覺😻油醋海蜇花💦 份量都幾多，辣辣哋帶點酸，幾開胃😽☕️熱薑母茶 - 幾重薑味，很暖胃🍹凍金桔檸檬 - 一定要攪勻術飲，甜甜嘅很清新…Read More

這次來到奧海城的穴餐廳是高級日式風格，坐得幾舒服服務姐姐招呼周到，仲提議我地可能叫得太多怕我地食唔哂🙈特上壽司拼盤- 魚新鮮，好味，雖有點貴吉列日本黑豚柳配黑松露醬- 雖冇特別驚喜，但炸得剛好，點黑松露醬一齊好食😋三文魚茶漬飯- 都幾大碗，清清淡淡👍🏼👍🏼蔥吞拿魚腩薄脆🍣 這個真心好有驚喜！凍又大大pat的呑拿魚蓉加上脆脆口感十足，食完好滿足！冷蕎麥麵- 不錯👍🏼 飲品是荔枝和葡萄梳打- 三十幾蚊杯唔太值因為只是普通梳打汽水😂…Read More

這間位於銅鑼灣的cafe店內採用水泥工業風格，座位不算多幸好剛有一張近門口的空枱，才不用排隊本來想休閒地一邊看書，一邊享受me time，但等位的客人站在門口看著，我又坐得近門口，keep住有客人出出入入坐得有點不自在⋯⋯Iced latte ☕️ ($42) 下單時會有nutty和fruity的咖啡豆選擇今次選了nutty的～Matcha cheesecake 🍰 ($52)抹茶味特出，甜中帶點苦澀😻別小看這小小的一片，越食越甜膩～幸好有咖啡中和一下味蕾⋯⋯…Read More

唔係講笑, 係我第一個食到谷氣既劣評1. 去到門口排隊, 明明有人排緊, 但佢竟然俾一啲無排隊直接去門口攞位的人入座先。排隊制度混亂😅2. 入門口前店員無講最低消費係每人一食品! 真係好少係咁，通常都係每人一飲品😒 所以如果你行過想齋飲杯咖啡係唔得。而佢既小食係暫停供應，所以焗你要叫個正餐/ 甜品😅3. 好，我地叫左一杯Americano, 一杯朱古力, 2個麻糬班戟, 等左勁耐。催店員，佢竟然答我：''係咁耐㗎啦，飲品全部都係人手做。''？？？？黑人問號，唔係人手整唔通你等雨水沖咖啡定等緊隻牛唧啲奶出嚟？好笑飲品係催完之後好快上左，味道不過不失，OK的~4. 個pancake上左，個賣相一般同好難食！叫左伯爵茶同抹茶味。伯爵茶怪怪的，抹茶好苦，加上海鹽忌廉好咸。之前食過mk間蟲二，都有差唔多既甜品，所以好明顯食得出咩係好食咩係難食！仲要等咁耐，一啲都唔值！5. 埋單嗰陣，我地知道佢牆上面寫唔會處理我地用過嘅紙巾同黐左個透明袋係枱面上。OK, 我以為係叫我地放用過的紙巾入個袋度。點知佢叫我地連埋個膠袋自己拿出街拋！真係好無奈！邊度有垃圾桶？搞到我地拿住個膠袋係街周圍揾垃圾桶！我未試過有餐廳咁樣做！仲要串我地：'寫到明㗎小姐! ''OK FINE 不如我𢲡埋做啲杯碟幫你洗埋啦好冇😅😅😅重點嚟啦, 隔離枱有個女仔係廁所出嚟，俾個店員話佢: ''小姐，我地廁所唔外借''？？？？下，如果我覺得你個廁所壞左，唔借得係正常。但你係餐廳，人地嚟食嘢你唔俾人用廁所，又收人地加一，會唔會太mean? 搞到個女仔係度道歉，咩事，用廁所都要俾你話，而且人地鬼知你咁唔正常唔俾人用廁所咩。最後，黃店都係咁話。食物同service (服務係零，仲要個女店員好串)都唔得。我食完一次影左相打卡，以後都冇下次。…Read More

尋日喺OpenRice訂座，午市定食有七折，於是打算去試下。上到去，餐廳環境幾闊落，坐得幾舒服。我哋叫咗啲午市定食，定食包括時前菜，麵豉湯，茶碗蒸，飲品或雪糕。個定食嘅份量適中，味道又唔錯。服務都幾好。午市仲有優惠，好抵食，下次會再去。…Read More

今日喺附近食咗午餐，心思思咁想搵啲甜品食。喺OpenRice見到呢間啲千層蛋糕好似幾吸引，於是就上咗去。佢一邊係開放式廚房，一邊係啲枱枱凳凳，有少少油煙味同冇咩裝修可言。都唔緊要啦，見到門口啲千層蛋糕都好似幾靚咁，就叫咗伯爵茶蛋糕同抹茶蛋糕。嘢飲我哋本來要Menu上的四季春奶蓋茶同奶蓋奶茶。個女店員落單嘅時候好似好迷惘咁。由於係開放式廚房，我見到個女店員喺裏面行來行去，問啲奶蓋喺邊同杯野點樣整。跟住個男又好似俾唔到指示佢，總之佢哋就喺個廚房度行嚟行去，個女店員仲問奶蓋杯野係用咩茶底，仲要攞個Menu嚟睇。佢哋好似完全唔清楚呢杯野到底係點樣整咁。如果唔識整，好心就唔好寫喺個飲品Menu上面啦。由於杯野都唔平($48)，我對佢哋有冇咩信心，於是直接就話取消杯野就算。講返個千層蛋糕，伯爵茶幾好味。但個抹茶就篇傅$32一件呢個價錢咁嘅質素有啲偏貴。呢啲嘢是一次就算。不過今次我淨係試咗佢個甜品，唔知佢啲正餐嘅質素。如果你係要食裝修同服務態度，呢度就真係比唔到你啦。不過如果你係純粹想搵地方靜靜地傾吓計，呢度都OK嘅。…Read More