艾莉o'.'o的个人专页

朋友聽說呢間店就拉埋我去食，到咗跟住指示排隊，心諗呢間店一定成日要排隊要會貼咁大張指示，見到前面大約排10個人左右已經覺得算幸運。大約等咗15分鐘左右就可以入座，一坐低朋友強調要食佢既豬頸肉，咁我就梗係跟機架啦，唔洗諗呀嘛，其實我本身望到餐牌上面既豆腐花米線咁又一場黎到就叫埋小食試下啦，份蝦多士一食認真超級驚喜，豬頸肉米線就OK啦，唔算好驚歎但係OK好食既，仲有一份八味豆腐，食食米線上枱所以冇影低，外皮香口裡面粒豆腐白白滑滑，不過都幾熱氣。…查看更多

朋友仔說要試新東西，但這家店對我來說也不算新啦，可是有幾年沒來了，還記得當年要在人堆中等候位子挺長的時間，因為小店的位子始終不多嘛，而食物亦沒有令我失望，這次來了是一個平日的晚上，沒有需要等位子，其實也沒有滿座，本來還倒抽一口涼氣擔心著說。結果食物來到還是一如以往的好吃，選的同樣是窩夫，當年吃的是甜點，這次吃的是鹹點，也好像是挺熱門的餐點 - - - 慢煮手撕豬腩窩夫三文治肉肉很多令到滿足度再提商，非常推薦…查看更多

這是一間舊舊小區內的小店，充滿時代痕跡既店面和有溫度有效率的店員聲音，好幸運坐了最後一個空位子上，我order了一碗豬扒湯拉麵和一支豆漿，豆漿是膠樽裝的那種沒什麼特別，看著目測只有一般水吧大小的位置內，傳出一陣陣滾油炸物的聲音，隱約看到有位廚師哥哥手起刀落，一碗熱騰騰的湯麵就上枱了，塊豬扒超級驚喜地好食，Juicy非常呢～～～可恨當時只有自己一個人，胃部空間有限所以沒能點更多的東西呢，所以必定會mark起在 encore 的 list 內…查看更多

夜媽媽收工就打算喺附近醫埋肚先返屋企，求其走入間茶餐廳諗住食碗粉填個肚就算，侍應叔叔好友善，一望個餐牌原來係以陳皮燒鵝作為名號就當然要叫返個燒鵝啦，一場黎到就拼多個燒肉，感覺好似可以試多少少野咁，雖然已經都有啲夜，但係燒肉嘅皮仲係帶點脆脆的，至於肉嘅部份係淋淋的，但又唔會成層肥膏喺度，燒鵝肉汁味濃，肉質都唔錯，以$67既一份燒鵝燒味雙拼，價錢應該都算係唔貴的，因為我印象平時出面拼燒鵝通常都係貴啲的。…查看更多

呢間上海菜由細食到大，價錢非常的平民，光速的上菜，當你好肚餓嘅時候，勁快就上咗成枱野食係咪超開心先，而且味道完全合格，話說最近帶返爸爸黎到 (佢勁多年冇黎過，好意外仲喺度)，平時外出食飯大多數時間都有彈冇讚嘅佢冇阿支阿左，仲講明要再嚟，可能老人家都係鍾意啲老味道吧。…查看更多

呢日係星期日嘅下晝，啱啱過咗午餐時間，嚟到門口都有啲意外，因為仲有一條人龍喺光天化日等緊位，我一場嚟到當然唔會就咁走咗去，行埋去排隊，發現店員姐姐同緊前面排隊嘅人落單，即刻好驚，好驚姐姐好快就嚟到我面前，我完全冇idea係應該叫咩食，即刻就望去餐牌方向，直覺想食乜，姐姐嚟到我就叫咗乜，係腩肉雲吞，更加令我意外嘅係好似10至15分鐘就已經入得去，坐低大約5分鐘碗米線，就嚟到我眼前，見識過唔同嘅人龍店嘅Logistics，每間方法都唔太一樣，每個方法都令我好驚嘆。講返碗米線，我想話我從來未試過碗麵入邊可以有咁多腩肉，而且係好味嘅，雲吞有種人手包嘅時代感，湯底確實係偏油嘅，本身都聽過朋友話好鍾意食呢間店嘅米線，好鍾意佢嘅味道，但係腸胃頂唔順佢嘅油，確實唔敢太常食，好彩我頂得順佢嘅辣同油，完全冇問題，特登再嚟朝聖又未必會，如果喺附近都可以再食嘅。…查看更多

雖然一直都知道佢係出名奶茶，而且我亦係為咗咁而嚟，但係一入去舖頭聞到嗰種強烈嘅茶香，依然都係非常驚嘆。建議一下大家，入舖頭之前要望吓門口塊黑板，咁就可以提醒大家拳頭推介。就唔會好似我咁落雨天趕住收遮衝入舖頭，只係記得一定要嗌奶茶，出門口時發現塊黑板覺得自己蝕咗，話晒一場嚟到朝聖，係咪應該叫返佢哋嘅推介先。我叫咗一份咖喱牛筋腩意粉，咖喱汁嘅味道ok嘅，但係牛筋腩嘅部份麻麻哋，好彩杯奶茶冇令我失望，我估我應該會再嚟食埋其他拳頭推介，正！…查看更多

呢日嚟到德福food court諗住求其買啲野食填肚，意外見到開咗檔越南野，望多兩望個名熟口熟面，再望到頭頂電視播既片，呀，終於諗起係之前食過旺角好食嗰間呀，梗係二話不說就企定定揀野食啦。揀咗份combo lunch，有碗檬粉加沙律加紙卷加飲品，超豐富又好味既午餐都只係$89，但係我為食妹性格升級咗杯飲品做水果茶，好似加咗$20左右 (唔太記得了)，總之每樣都覺得好好味，非常推介大家喺九龍灣附近覓食時選擇佢唷。…查看更多

黎到餐廳坐低準備點餐，店員行埋黎主動詢問是否第一次訪店並清晰地介紹餐牌，其實各款肉類既選擇都有，但係黎到牛霸王就係要點和牛漢堡啦，話晒都係signature item嘛。order咗招牌手打和牛漢堡蘭王蛋飯，追加咗份一人份既小食同汽水，$150左右既價錢喺觀塘區上樓餐廳晚餐黎講叫做算平呱，賣相都尚算打卡able，味道唔錯架，係一間用心做食物既小店。…查看更多

睇到唔少既介紹推介呢間店，而本人都係非常喜歡食牛舌，講到好似專門食牛舌既地方，梗係黎試試佢啦。其實一入座既體驗都真係麻麻地，帶位哥哥比較忙所以好惡，枱椅都好細，枱與枱之間亦好近，雖然未至全店滿座，但係當店已經接近9成滿，而且有唔少人食緊鐵板既時候，真係幾焗促，好在個袋都仲可以放喺椅下個筒入面。Order咗鐵板系列，因為係鐵板既關係，確實係有機會會overcook咗，味道食落還好，質感欠缺牛舌應有既爽口，然後有望到人地order丼飯系列望落好似okay好多咁，真係後悔咗，haha…查看更多

夜媽媽喺isquare睇完戲落到樓，隔離嗰個話肚餓想食野，諗住喺樂道求其搵間野食就好了，經過呢間叫阿四既快餐店，隔離嗰個又話好想入去回味下，佢話會諗起細時讀書既快樂回憶，啲咖哩好好食架。入到餐廳果然係舊時既感覺，對於好似係初次入呢類餐廳既我覺得好新奇又好懷舊，好似係睇舊式港產片見過既畫面咁。侍應叔叔聲大大但其實都幾友善嗰種，見我行到入去一舊雲咁就指引一個位置俾我地坐 (當時店內接近90%滿)，如果佢唔指引我，可能我又會自轉幾個圈阻頭阻勢然後俾人鬧 XD我自己就叫咗個咖哩牛腩飯，仲跟咗碗羅宋湯同飲品，份量非常大，咖喱係辣口嗰種，惹味~ 可惜碗湯對我黎講太濃味了，可能因為已經滾咗全日到咗尾水，六十幾蚊既餐，在尖沙咀，絕對係抵食夾大件既。…查看更多

呢日黎Airside行下市集行下商場咁，原本打算喺foodcourt 嗰邊搵下野食，但真係比較多人同又真係幾肚餓，就轉攻地下同地庫搵下野食，黎到Chatterbox Café門口，望一望個menu，雖然價錢唔算好平，但係望入去環境好似幾舒服同都想食海南雞既原故，就入座啦。坐低侍應再俾埋個2人餐既menu我地睇，$338 有1份小食2份主菜1份蔬菜2杯飲品，咁抵食即叫啦。想特別一提，覺得呢間餐廳上菜既侍應都好好，擺野上枱仲會幫我地安排一下擺位，唔似得出面好多時遇到都係求其見位就掉上枱，呢個價錢有種服務真心超好，原本想喺服務俾5粒星，但又因為叫埋單叫咗超多次等咗超過10分鐘先有張單仲要牛頭唔搭馬咀，所以扣咗啲啲分。野食都幾好食，唯獨個XO醬炒蘿蔔糕太碎，口感不夠好。…查看更多

一踏入門口，姐姐就叫住我問幾多位，好幸運剛好還有一個位置，坐低睇餐牌大約半分鐘，姐姐就行埋黎問食咩。有啲啲緊張，因為其實我又未睇得晒就唔敢唔叫，其實姐姐唔係好惡，但係逢親喺啲舊式小店都會遇到類似情況，姐姐們當食客們都係街坊熟客，有啲霸氣又有啲親切，哈哈。如是者我叫咗一個碗鮮蝦濃湯薯粉+魚肉春卷+腩肉，碗粉一黎到，湯係聞到香香既蝦味，但係食落就係濃濃有點兒偏咸，魚肉春卷係實的的既質感，呢個腩肉反而似叉燒既感覺，個人認為腩肉要有啲脂肪嗰種，純個人口味唔太喜歡。整體黎講六十幾蚊食碗粉加杯凍飲，唔貴亦唔算平，味道都算中規中矩，保留咗啲舊式小店感覺加咗少少分，畢竟而家周圍都好似得返啲連鎖或者來自唔到地方既過江龍，有時都想傻瓜瓜地回味一下舊區人情味道。…查看更多

呢日陪朋友買野飲，當朋友靜靜企喺度等緊落單既同時，我開咗句聲叫咗句「唔該」，朋友馬上叫住我示意等就OK啦，同時店員應該都聽到我句唔該所以都非常悔氣咁回應好忙要等等，我就醒覺原來朋友應該習慣咗呢間野既店員就係咁，飲咗麻糬牛奶確實好味同口感好得意，我應該會再去第2間分店飲的 …查看更多

很久沒有到旺角中心地庫的餐廳了，這個周末的午餐時段來到，目測餐廳們都不是很滿的樣子，望到很不常吃的台灣麵，就走入去啦。打開menu都覺得有幾多唔同款既選擇，有便當有麵有台式小食，仲竟然有我好喜歡的臭臭鍋，二話不說就點了，雖然呢度都係用我不太欣賞的QR Code自助點菜，但係都叫做有本實體menu睇下，係會覺得食物吸引啲的。台灣小火鍋很快就上枱，主鍋可跟白飯或新竹米粉，亦可加8蚊轉滷肉飯或芝麻海苔飯，一向都唔愛好白飯既我就選擇咗配米粉，熱辣辣既鍋，濃濃既湯，超過十款既配料，就已經係好飽滿既一餐，不過作為臭臭鍋既愛好者，實在覺得香港食既臭臭鍋唔夠台灣食既臭，大慨係因為要迎合地區口味吧。…查看更多