Eva b's Profile

今日約左個好耐無見ge朋友係觀塘食lunch, 諗住食好d揾間西餐, 見到食評唔錯, 決定試下, 點知中伏‼️首先, 間餐廳唔知開左幾耐, 仲係好大陣裝修味, 我地餐飯keep住索左成粒中😰跟住, 朋友點左牛扒, 完全無問幾成熟, fine. 上菜個時簡直呆左, 因為除左塊扒, side dish 完全空白一片, 後尾發現有一大堆薯蓉加一塊南瓜同一塊茄子放係牛扒底, 賣相非常唔掂 🍽點知食入口, d汁咸到暈, 塊扒完全無牛味, 根本唔值$138🚫而我叫左比目魚配白飯, 條魚餣咸到狂吞白飯都攪唔掂, 好嗱喉, 完全唔值$128 ❌本來諗住食好d, 點知好失望, 真係好難再encore😑…Read More

今日lunch叫左個 ‘香辣豆腐海鮮湯飯 - $80’，簡直不知所謂🔥🔥🔥首先，落左單等成半個中⏱先有得食，黎到真係嚇親你 😱 成個餐，所有蝦仔🦐細細粒得d蝦皮，甩頭甩骨，真係用埋放大鏡都睇唔到邊度有肉食🧐，非常唔新鮮。D蜆得堆殼。有肉得個幾隻細細粒。又灰又黑。又係超級唔新鮮 配菜？得幾塊Ultra Slim翠肉瓜，一夾即溶，都唔知浸隔夜左幾多日 🥶基本上，成個餐未食都巳經一堆垃圾，夾走埋得返d豆腐同一隻青口 🤬投訴完，俾返同一碗野我，純粹加返二隻大少少既蝦，但d蝦頭都係黑晒，又係唔新鮮。想點❓於是再投訴💢，先俾我轉其他野食，叫做正常少少，食得入口，但都搞左一大輪遲左返工 🔥作為食市，係咪要俾返少少良心，$80蚊俾堆垃圾人，真係唔會有下次 ❌‼️…Read More

今日係銅鑼灣行左成日。行到Times Square巳經頂唔順。枱頭見到 Moment Cafe。於是即刻上樓醫左肚先。講真。大廈入口確係有d難揾。原來係優之良品旁邊。上到去。等左一陣巳經有位。個一刻真係好感動。因為全日巳經行到無晒力。平時行街。都唔覺有呢間野。須然裝修比較簡單。但係鬧市之中。反而有種優閒感覺。可以舒舒服服好relax咁食個晚飯。尤其星期六。唔洗俾人chur住交枱。限時限刻未坐夠就要走。呢樣野真係要俾個贊佢 👍🏼👍🏼👍🏼呢餐食左個牛扒同黑松露白汁青口意粉。味道都唔錯。整體黎講。比想像中有意外驚喜😍😍😍同埋個度d員工都好好人。我朋友唔小心漏底左部電話。佢地即刻跑出去俾返我地。真係好多謝佢地 🙇🏼‍♀️ 🙏🏼 如果唔見左部機。真係心痛死😭😭😭下次都要再一次encore 🤩🤩🤩…Read More