開你個飯's Profile

前排朋友介紹咗呢間法國餐廳，呢日同老婆去撐下枱腳！五月係法國藝術月，所以餐廳推出咗個French GourMay menu～用咗啲法國入口嘅特別食材（乳鴿同田雞），同埋特色馬賽魚湯齋睇menu覺得幾特別～我哋唔太飲酒，所以嗌咗個蘋果汁，飲落香甜又天然！個粟米湯味道清甜，質地濃稠，好有層次。田雞腿係呢個menu嘅一大重點！因為田雞呢個食材本身喺香港都比較少見，我記得以前細個食過，印象中係好味嘅，但係都好多年冇食，因為好似成日聽到話有寄生蟲定點咁，都有啲擔心所以喺餐廳send menu嚟confirm booking同埋問有冇咩唔食／敏感嘅時候（要讚一讚呢個貼心服務先），都有專登問下呢個田雞腿嘅來源店員都表示明白客人可能會有呢個憂慮，所以呢個食材係由法國直送，品質有保證！但如果真係唔鍾意呢個菜式嘅話，可以換成雞肉，我哋最後決定照試！食完發現呢個果然係一個明智嘅決定！因為個田雞腿比起記憶中嘅味道更好，肉質嫩滑，非常juicy魷魚配椰菜花調味接近沙律，好好味喎，一試難忘！主食有個變奏版西班牙海鮮炒飯賣相比起正常嘅paella靚本身見每個菜都細細份咁，驚唔夠飽，但食到呢度，就已經覺得飽法式慢食先至係王道！慢慢食，更健康餐廳安排坐嘅位對正個open kitchen，可以睇住Chef煮嘢同擺盤，超級專業！我哋仲加錢嗌埋個湯，因為想試下咩係馬賽魚湯馬賽魚湯來頭好勁咁！睇番Wikipedia，佢係法國美食嘅至尊料理之一，又譽為世界三個湯頭之一（另外兩個係粵菜嘅上湯同埋泰菜嘅冬陰公）店員介紹湯上面嘅魚由Chef每日新鮮採購，呢日用咗red snapper，即係鯛魚肉質腍滑，帶有海水嘅天然鹹味～個湯飲落果然名不虛傳，非常濃郁，而且帶有鹹香，鮮味十足！另外擺喺碟邊嘅脆片都好好味，用咗cayenne pepper調味，少少辣，多多脆，有啲似食薯片第三個French GourMay期間限定菜式就係法國乳鴿～呢個菜式令我對乳鴿改觀！因為我本身唔係特別鍾意食乳鴿嘅，但係呢個煮得好好睇落好似好生咁，但其實唔會，切開唔會血淋淋咁，肉質鮮嫩！而最大驚喜係隻髀！隻髀外皮酥香，內裏軟滑，食完齒頰留香～配菜亦好出色，白蘿蔔用cream煮過，食落帶奶香～仲有面嗰啲個樣好似豆苗咁嘅菜竟然有啲wasabi味，最後食埋好refreshing甜品係老婆最愛，呢個夏天食咗唔少台灣鳳梨呢個鳳梨甜品又幾特別！真係食到有八角味，但又好夾，唔覺得怪，好味餐飯食咗兩個幾鐘，老婆好滿意！期待下次慶祝周年紀念再嚟過！…Read More

銅鑼灣嘅餐廳更替速度都幾快～舊CEO（而家嘅Cinema City）樓下新開咗間牛牛燒專門店個名叫牛極，全港有多間分店～同日本同類型石頭燒餐廳形式相似，都係喺售賣機先撳飛揀好食咩再搵位等送餐～餐廳嘅裝修係摩登和風風格，近大街，夠晒光猛！等餐期間可以先食下沙律一開始冇搞清楚啲碗碟，攞錯咗個醬汁兜嚟裝沙律兩啖就食晒。。。除咗沙律，仲有白飯、湯，仲有蒜蓉、紫菜自助提供～白飯係珍珠米！口感軟糯，飯味香濃，好味過屋企啲泰國米多多聲！揀咗個牛柳嚟試下，上枱見到咁厚切都幾有驚喜！但又驚咁厚塊石頭燒唔熟啲牛肉喎但係呢個擔心完全係多餘嘅～石頭嘅熱力同餘溫可以煮到嚿牛肉啱啱好！鮮嫩多汁，肉質好軟熟，好好味呀！牛極值得大力推薦！！…Read More

行旺角最煩惱就係諗食咩！餐廳種類多籮籮，各國美食都有～然後醒起好耐冇食韓燒，驚熱氣都照食喇～搵到附近有呢間，第一次食，估唔到又幾有驚喜喎！食咗2樣嘢：精選牛肉拼盤同埋高麗人蔘雞湯拼盤有牛肉、牛肋骨同牛肋骨肉每次韓燒最鍾意就係牛肋骨肉最滑最多汁呢個牛肋骨都唔例外，而且醃得好入味，唔錯！至於個高麗人蔘雞湯呢，本身以為好少但食落又覺得呢個份量2個人食啱啱好！湯汁唔會好濃味，但鮮味十足雞肉嫩滑，似係浸熟嘅，一啲都唔嚡口見到仲落咗唔少藥材，感覺好補身～…Read More

限聚令放寬，第一時間緊係要食下雞煲，又或者打下邊爐！旺角呢間二鍋頭，就令我有雞煲、火鍋雙重享受～坐低揀好食雞煲定鴨煲，雖然鴨煲少見，但呢日心情想食雞煲鴨煲留番下次先！雞煲惹味，雞件數量又多，四個人食都唔一定食得晒店員仲會幫手搞下個雞煲，等佢唔會燶兩個人食下食下，半個鐘左右就差唔多食晒，但都半飽，真係好足料！然後再可以嗌邊爐本來以為會好似出面一啲雞煲邊爐咁直接倒湯底落嚟，但原來邊爐個湯底又有得再揀有辣有唔辣，任君選擇！跟手再落埋點餸紙，趁點嘅配料未到之際出去望下自助區有咩食除咗丸同菜嗰啲，仲有年糕、公仔麵嗰啲飽肚嘢飲品有成3個雪櫃，中式涼茶又有，鬼佬涼茶又有食到咁上下仲有雪糕、雪條！任飲任食2個半鐘都係$200幾，抵食喎！…Read More

置身大坑呢個文青聚集地每間餐廳都睇落高級又高質呢日我就決定食呢間先門面用咗好多木元素，洋溢住日本風情餐牌有兩本，飲品同食物選擇都多慢慢揀，慢慢食食物未到之際，店員先幫手倒咗醬先有三款，燒汁、麵豉醬同柚子醋各有特色，個人最鍾意麵豉醬，因為佢厚身啲，啲肉會沾到多啲叫咗個燒肉拼盤，和牛嘅7個不同部位每個部位2件，本身以為都會唔夠飽，但原來唔會！份量啱啱好！第一個擺落去燒嘅部位係牛舌，平時唔多鍾意食嘅朋友都大讚好味！調味夠晒入味！用料新鮮，肉質爽脆！好味到極點嘅係最厚肉嘅和牛西冷油脂分布均勻，燒到中間仲係粉紅色就好上碟咬落去嘅感覺有啲似棉花糖，非常嫩滑！入口即化味蕾至高嘅享受！…Read More

好耐無食牛肉飯，自從凶野家被Black list 之後。江湖間傳來有一間聞名四海的餐廳亦有牛肉飯食。於是決定會一會，價錢唔算特別抵食，但下午茶好似幾抵。飲翻杯雪碧順一順條氣，夠氣，無溝水，果然有良心。牛肉飯加大版，真係好大份，差d食唔晒。但唔可以做大嘥鬼，好味必定食得晒。珍珠米大大粒又飽滿，食落香軟，有口應，無得頂。另外，可以追加一個小食，可以出多一分力肯定不遺餘力，只係10蚊。呢兩隻蝦非常好食，香脆可口，正到痹。最後大合照。快靚正。…Read More

大隱，隱於市。原來鰂魚涌有一間咁獨特嘅潮州菜館。唔好睇個門面好似咁舊，入面好多後生仔嚟食。可能潮流興食潮州菜。當年食宵夜，例必去潮州打冷，食個凍蟹加一鍋潮州粥，例牌係咁無得走雞。未點菜，食個小食先，咸酸辣嘅魚仔，幾開胃惹味潮州菜必食鹵味拼盤加鵝片，無得輸。炒個蕃薯苗，平時好少食，都幾好味生炒骨，勁正酥脆，夠味。潮州蠔仔粥，食潮州菜唔係唔食潮州粥掛？尤其係蠔仔粥，蠔仔香甜嫩滑呢個特色菜，咸檸檬蒸烏頭，香味一陣陣，戴口罩都擋唔住反沙芋，甜甜地，當做甜品一絕…Read More

很久沒有去食火鍋。今日朋友約我去食火鍋。火鍋一定會有好多選擇。落好單，先調好個醬汁，乜都有隨便落餐廳地方寬闊，枱與枱之間唔會太逼，相當好。環境亦好有格調大大個銅煲係美顏湯底。烏雞，好似仲有花膠滑牛肉仲正過食肥牛，更有口感，更加正菇菌拼盤，用料十足，相當抵玩。牛栢葉，次次打邊爐都必定要點綜合肉丸，好吸引，有牛丸，有墨丸食火鍋，除咗丸，牛肉，蔬菜菇菌，更加重要嘅係海鮮，呢個貝殼，烚完超級肥美，又好鮮甜呢間餐廳打邊爐，真係一流，遲下再嚟食，遲下其他野食…Read More

香港人外遊熱點日本的料理是很多人的喜愛。我尤其喜愛烏冬。在銅鑼灣鬧市中有一間低調又味的十足的日式餐廳，散發著香濃的美味吸引我去到品嚐它的味道。日本料理選擇眾多。店內裝潢別緻。水杯亦印有餐廳名字。波子汽水，日本人的最愛。巨峰特飲，一流。招牌忌廉烏冬，有海鮮同黑松露。海鮮有三文魚，帶子，非常美味，與黑松露搭配得天衣無縫。烏冬亦相當出眾，嫩滑彈牙，一試難忘。雙重芝士豬扒飯，同樣有招牌忌廉汁，淡淡的，不會太膩。最後還有一個串燒雞軟骨，風味十足。…Read More

店舖位於太古坊附近，都有唔少顧客。地方光猛，又多位置，風格帶日本風情。海鮮配搭鯛魚湯/烏冬，相當吸引。我地最後叫咗一個鯛魚濃湯蟹烏冬，另外一個係鮑魚魚肚花膠湯飯。無過一陣就送嚟跟餐飲品先。先係水蜜桃梳打，無記錯嘅話，內有蘆薈，蜜桃味香甜清新，蘆薈增添口感，了不起。呢杯個名當更厲害，蒸餾哈拉竹炭咖啡，味道香醇濃郁，入口滑溜。到我個湯飯嚟到啦，跟火鍋上，好多料。鮑魚有兩隻。起初誤以為會滾起，後面先知，個火應該係用作保溫。魚湯飯一定要襯熱食，味道更佳。呢個真係不得了，一整隻蟹，非常足料。蟹嘅精華配合鯛魚湯嘅鮮美，無與倫比，蟹肉甜，肉質又實。用料十足，又好味。計埋先300蚊，超值。…Read More

2019.8.23 the happinesssss way當日香港人創出偉大嘅壯舉，於是嚟到呢間餐廳慶祝一下。空間感好足夠，門外睇入去有多少工業風。好多野食選擇，非常吸引，野飲都唔少。先嚟個大蝦沙律，有陣椰香，蝦肉爽脆，非常大份。有個好大嘅壁畫係北角邨，我就未去過。草莓🍓奶昔，非常唔錯。士多啤梨沙冰，冰涼，清心除煩。呢個招牌菜，聽聞好耐，咸蛋黃意粉，好特別，味道好香濃。海鮮飯，好多材料，食落好滑嫩，飯嘅味道好豐富。牛油果醬雞翼，非常惹味缺點全無，一絲不苟，不可思議，可一可再。…Read More

今日去到大角咀食扒，朋友介紹有間野叫石頭屋，以石頭板上煎塊牛扒。餐廳最大力推介嘅就係特大牛肩扒，只需138。圖片睇落都相當吸引。除此以外，仲有其他不同嘅牛肉。唔食扒有意粉，焗飯。我就叫咗兩份牛扒餐。呢個係餐湯，忌廉湯，細滑可口，非常不錯。蒜香焗包，香脆，味道香濃。嚟啦！先係上肉眼扒，分量十足，建議在石頭上正反各煎1分鐘。有張厚紙巾用嚟保護自己。跟餐係一大堆配菜，薯仔，番茄，秋葵。超大牛肩扒。由於部位同份量難避免有少少筋，味道好原始，只有鹽同黑椒，食到肉味。由於石頭嘅熱會慢慢令個肉熟，可以自己控制熟嘅程度。了不起。五花八門，大件夾抵，訴說細節，求得支持。…Read More

呢日係8月11日，香港人唔會忘記的一日。當日我到了season plus 食晚餐。店內甚有格調，氣氛極佳。呢度嘅菜式選擇亦好多元化，好多選擇。而season plus 最聞名的一定是蠔，鮮甜，肉嫩，極品。一口牛肉粒，香濃嘅牛肉味，油脂豐富，水準一流。牛排配薯塊，牛排係難以形容嘅，肉質一流，烹調嘅技巧一流，味道一流。炸物拼盤，雞翼，薯條，墨魚圈，蠔，每一樣都係獨當一面。烚蜆，好鮮甜，又肥美，食到大海嘅感覺。最後仲有一個雜菌意粉，醬汁與意粉結合，味道出色，非常好味。黑夜到臨，警惕小心，還加注意，眼光堅定。…Read More

香港，廣東燒味斬料文化普及。今日嚟到一間食燒味嘅餐廳今日嚟到一間食燒味嘅餐廳，店名以燒鵝命名。而燒鵝在燒味中有着尊貴的地位。菜牌有一人餐，二人餐，價格公道。另外亦有散叫。今次總共嘗試四種燒味，燒鵝，油雞，叉燒，燒腩仔。叉燒肥中有瘦，又滑又香。燒鵝，甘香皮脆多肉。燒腩仔，外皮酥脆，脂肪軟滑，瘦肉入味。跟一人套餐有一大碟青菜，確保有足夠纖維攝取。有益健康。柚子蜜，冰涼，係熱天嘅清泉。但又唔會成杯冰。店內裝飾有街頭風味，與傳統燒味文化互相碰撞，令人耳目一新。有兩隻金牌燒鵝毛公仔非常有趣。…Read More

韓國野，好耐無食，經朋友嘅介紹嚟到呢間出晒名嘅韓珍。地方夠晒大，可以一大班朋友嚟聚會食大餐。呢度仲有韓牛，佢牛味香濃，唔會一陣油膩。同日本和牛有得比。韓國料理必定會有一碟碟嘅餐前小菜，呢度一樣有好多款式，而且味道好好。煎焗蛋餅，水準一流。韓式炒雜菜粉絲，粉絲入晒味。韓式海鮮餅，好好味，啖啖鮮。海帶海藻湯，入面仲有d年糕，勁正。韓牛嚟啦，西冷韓年，好夠厚。無得頂，流晒口水。仲會有人幫手烤個牛肉，再剪成細粒，肉嫩又味道又濃郁仲有可以燒大蝦。大醬湯，仲會配個飯，飽飽好滿足。…Read More