annmylau's Profile

叫了牛筋腩伊麵，70幾蚊，覺得一D都不值。九龍城金豪比佢好食太多了……牛腩太柴，而且腩同筋比例，2對6，牛腩太少（不過都好，因為真的不好食）。伊麵亦無特別，完全唔值呢個價錢。地方太窄，坐得不舒適。伙記亦表現得十分不耐煩，不像澳牛，澳牛伙記不是沒有禮貌，是講效率，有時還會說說笑。九記不同，是真的無禮貌。無影相因為地方實在太迫而伙記面口太黑……只是行過有位，不是麻木慕名而來，一定不會有下次。…Read More

咁嘅價錢，但咁嘅質素，一定唔會再去。叫左鴨鬆燒餅，呢個非常熱門嘅餸，就算人人都叫，已做定，都比返一D矜持吖，2分鐘起就菜，簡直有食兩餸飯嘅感覺。味道正常，呢個餸好難做得難食。但份量少得可憐。半只片皮鴨，得10幾片，皮得7，8片，其他全肉，鴨就完全無味，出奇個薄餅皮就幾好食。炒菜苗，唉……仲有一個餸，直情唔記得係咩，咁唔駛講都係行貨。好彩個甜品有驚喜，唔記得叫咩名，係反沙芋嘅做法，但用左蕃薯。幾好食。咁3個人，咁就1千大元，一定唔會有下次。…Read More

行過銅鑼灣，但時間不多，見到門面ok,又被“池記”吸引，入泥食個快早餐，但幾失望。因為無準備，又趕時間，只好直接睇早餐餐牌，40～50蚊 A,B,C餐，不像其他茶餐廳，餐都不包括煎蛋多士同一碗熱食，覺得有D貴，揀左最平C餐，一碗义燒湯意，凍奶茶走甜，40蚊+3蚊凍飲。湯意個湯就白雪雪，好似好好味，但其實一D味都無，而上面有4片薄薄嘅乾义燒，枱上無鹽，只有胡椒粉同辣椒油，只好用呢兩樣，加入去食埋佢。奶茶好一般，無咩茶味，完全唔似港式茶餐廳嘅產品。立即打開，睇吓open rice嘅評語，可能無叫到佢嘅巧手嘢，但連义燒湯意都唔得，茶餐廳靈魂奶茶亦…… 不會有下次😅…Read More

朋友介紹前，經過時已常常見到人龍，終於約到一班人去，可以試多幾樣餸。烤海鱸魚，魚烤得剛好，酸菜湯底非常之惹味，十分之好食，288一條，好抵食。因為人多，差不多點了餐牌上所涼菜，每一樣都有水準，特別係蒿筍絲。另一味熗炒土豆絲，簡單先見功夫。胡椒豬肚雞煲，胡椒十分之香，湯啖啖都甜。擔擔麵花生味十分濃，有點辣，但食得過癮。總括食物好ok，而且份量夠，十分抵食。美中不足係服務同衛生，人手嚴重不足，幾乎可以話無招呼，無人加茶，侍應生一上菜就立即走，又唔執枱換碟，叫到叫唔著。碗碟看上去比較不衛生，雖然有提供熱水過，但基本功要做得好先可以。生意咁好，老板多請一，兩個人都應該吖😅又可以推動經濟，又可以提升（達標）水準。基於衛生理由…… 下次想食都只會外賣😆…Read More

因為係酒店喺糸列，本來諗住會好貴，但出乎意料地抵食😁4個人，點左前菜 ： crab cake and mussel,份量啱啱好4個人share ，個mussel 就一般，但個crab cake 好香，好好味。跟著點左 Cream chowder 同 lobster bisque，如果每個都叫main course，咁湯最好share，因為會太飽兩個湯都好好飲，龍蝦湯 好多地方都做得好，要讚吓個chowder，超多料，而且十分creamy 跟著叫左lobster，lamb rack，US ribeye 同 Australia sirloin 。lobster 同 lamb 合格，個兩個steak 要 medium，控制得相當好，但不得不講，ribeye比較好食。而配牛扒嘅sauce有6種，我地揀左 mushroom 同 greenpepper，都十分好味實在太飽，甜品就只叫了1個 black forest sundaes 🍨，只食了一口，無咩特別，就係sundaes 一杯整體食物，服務同埋環境都十分滿意，最後埋單$4100，比想像中便宜。…Read More

平日九龍城街市，一定去x園，今次因為過年，佢收左爐，就試吓旁邊嘅泰菜啦。真係覺得委屈左佢，喺x園個大招牌隔離，其實以佢既水準絕對可以獨當一面。特別係個青咖哩飯，即叫即做，50蚊連飲品，實在物超所值。午餐選擇多，一律50蚊。晚市小菜選擇亦多，而且比一般泰菜館平。今次3個人，點了 蝦醬炒金邊粉， 青咖哩牛肉飯 ，蝦餅魚餅雙拼，火車頭炒飯， 三拼沙嗲1/2打，埋單都係270蚊，簡直超值。蝦醬好香，青咖啡椰汁味好濃，虾餅魚餅夠鬆化，沙嗲串串厚肉，炒飯就不過不失。以呢個價錢，已經十分唔錯，絕對會再幫襯。…Read More

本來唔想寫食評，怕多人讚賞，餐廳就會多人去，餐廳不接受訂位，一多人就要排隊（疫情之前，排隊就排到不得了）。但係都忍唔住要讚呢間餐廳，不單止食物水準十分之高，服務員亦相當之有禮貌，餐廳更不收加一，自己隨心比小費。講返食物，佢地餐牌選擇不多，但每一樣都做得非常用心。今次想講佢地嘅千層麵，可以講係我食過最好的千層麵。午餐嘅價錢亦相當合理午餐有3個組合，分別喺兩道菜，三道菜，稍為高級三道菜。但最貴都是148一位，十分之抵。唯一有改善空間就是餐飲，但加15元可改咖啡，都可以啦…Read More

通常食日本嘢都會去比較正中的日本料理，今次因為有8折，所以去試一吓。食物質素還可以，但咁嘅價錢(貴)，亦不可以差呀！問題是8折並不是真正8折，只是餐牌上很少部份的食品有8折，有些8折食品，更跟本不在 原來的餐牌中，咁點可以確定係8折呢？以呢個價錢，去正宗日本料理食好了，不會有下一次了。…Read More

睇左食評先去，完全兩回事。好失望。所謂signature 嘅吉列牛，一D點兒牛肉味都無，吉列外皮唔crispy， 唔香，個飯凍嘅，完全唔熱，咁嘅水準，仲要收148蚊set lunch。單骨雞翅更加唔得，只有味精。最離譜係個香予芋 latte, 凍奶水加 cream，咩味都無，收 48蚊。職員態度超級差，掟底個QR code，一句自己點餐就行左去。叫佢比個碗，就哂眉頭。一定唔會再去，無下次。…Read More

由環境，價錢，服務至食物，無一可取。入座後，不叫服務員，沒有餐牌，而餐廳亦無註明中午任食只限星期一至三，而很多廣告中出現嘅食品只係任食時段先有。餐牌選擇甚少 。而且上菜超慢，只點了一碟意大利麵，等了20分鐘有多，而餐廳只是50%入座。但上餐時菜只是暖。…Read More