食食貓仔的個人專頁

同兩個好友係旺角相聚, 整完指甲就去附近搵下野食. 旺角一帶實在太多野食, 花多眼亂, 最後兜咗一陣, 決定去呢間新開的烏龍燒試下! 呢間雖然係串燒餐廳, 放佢會咗埋個爐係枱面, 可以有得自己整野食, 包括串燒, 鐵板同埋煲仔. 都係迷你迷你款咁樣都幾得意:)門面 - 開放式設計, 坐得幾舒服, 唔會焗住d煙先來一杯冰凍沙冰 - 用腐竹糖水打成好搞鬼, 而且真係有好重的腐竹味, 飲落甜度調中, 好味!餐蛋串串 - 首先叫D小朋友食物熱下身, 就係玉子同餐肉粒, 非常容易燒, 燒到面頭燶燶地, 食得!跟住來一客燒三色雞翼 - 蒜蓉, 黑椒, 蜜汁. 雞翼醃得好入味, 而且跟鐵板上, 唔會燒到一陣煙, 又可以煎香去, 唔錯的配搭燒原隻魷魚 - 有係日本爐端燒的感覺, 魷魚夠大隻新鮮, 咬落彈牙. 加埋免費提供的燒汁, 更加鮮甜惹味!窩蛋菜甫玉子燒 - 呢個以為佢平平凡凡的菜色有驚喜 本身佢會有一份玉子放係鐵板上面, 跟住燒到咁上下就倒入佢配埋的窩蛋同埋菜甫, 食落帶有玉子的甜, 又會有脆卜卜的菜甫同蛋香, 好好味!薑蒽煲仔廣島蠔 - 迷你煲仔放上個爐度唔會阻掟, 煲仔個頂有透氣口, 裏面薑蒽廣島蠔上枱時已經調好味, 我地乖乖等咗一陣已經有得食, 味道甚有港式薑蒽煀蠔風味!冬菇咸蛋黃臘腸竹筒飯 / 黑白糯米紫薯椰漿甜竹筒飯- 呢個竹筒飯係是晚第二個驚喜, 本身見到竹筒幾得意, 就叫來試下. 燒好後一打開好香, 飯粒分明唔會痴立立. 冬菇咸蛋黃臘腸個款, 咸蛋同埋竹筒香味滲晒落去D飯粒度, 加埋冬菇臘腸呢D香口野, 無得輸. 黑白糯米紫薯椰漿甜竹筒飯呢個都做得好好, 熱食紫薯椰漿飯夠甘香, 黑白糯又煙煙韌韌, 不能錯過!每枱都會有幾款基本調味料免費提供, 如想試多d口味就加$5, 我個人特別鍾意香菇粉, 芝麻醬同埋沙嗲醬  蜜糖汁都好好味!埋單一人都係二百零蚊, 食物唔錯又有得玩, 成功打入我地姊妹團聚腳點名單!…查看更多

一早Book 好位同班朋友黎食BBQ, 打風落雨都無阻我地食安安燒的決心! 去到街頭已經聞到陣陣香味, 我地幾個為食乒團已經急急腳想快D走去食. 估唔到星期一, 打風落雨都咁多人, 好彩我地早咗訂位!今日除咗食平時食開的美味燒物, 仲有兩款新野, 就係燒水魷同埋燒魚皮餃!我地仲叫咗好多款包括有海鮮- 燒鮑魚同埋芝士燒生蠔! 鮑魚好鮮味, 燒到啱啱, 軟硬度適中! 芝士燒生蠔就充滿芝士香! 仲有叫咗燒茄子 - 茄子肉一絲絲好軟稔好香; 燒娃娃菜 - 沾滿晒孜然粉同川式辣粉的娃娃菜好惹味!  燒物配啤酒真係好正, 我地咁啱見到呢度有手工啤酒賣, 仲一人叫咗一支黎試, 味道比平日我地飲開的Draugh Beer 濃郁, 配濃味食物就啱晒…查看更多

秋風起, 選擇同朋友座露天位置嘆BBQ. 係香港, 除咗入到新界, 元朗呢D地方, 露天茶座/餐廳真係非常罕有. 難得港島都可以搵到有露天餐廳, 又乾淨企理. 一等到天氣涼涼地就同朋友訂咗位去食.上次黎呢度我地一人叫咗杯1664 Blanc, 今次見佢地有手工啤酒賣, 而且只係$36/支, 當然要試一試. 我地一人試咗一隻味, PUNK IPA個隻感覺清新, 仲帶有少少花香味道, COEDO個隻就係一隻黑啤, 啤黑味濃郁, 各有各特色, 各有各口味. 如果女仕的話應該會比較喜歡PUNK IPA, 而男仕就係後者!食物方面, 質素依然保持得很好. 今次試咗一d上次未叫過的. 而以下幾款係我地的心水推介:1) 燒雞泡魚乾 ($44) - 雞泡魚乾厚身, 咬落好有口感, 而且燒得夠香又唔會乾身, 沾上沙律醬作為前茶非常適合!2) 燒蟶子 - 蟶子厚肉, 燒到啱啱離殼, 加埋少許蒜頭辣椒吊味, 正!3) 雙拼台灣腸 ($36)- 係墨汁墨魚腸同埋櫻花蝦芥末腸, 台灣腸的特色係比較粗身, 而且肉汁豐富同較甜. 呢兩款台湯腸一樣有以上特色, 而且呢兩款腸你食落去仲有一粒粒肉粒係裏面, 而且不會肥膩, 推介! 4) 蜜糖燒栗米 ($18/一條)- 外層燒到香香, 裏面充滿甜甜栗米汁, 燒完仲保持到裏面應有的水份, 外層有蜜糖, 再將少少辣粉酒上面, 口味很獨特5) 燒牛舌 ($34), 燒鴨舌($27/2串) - 牛舌保留原有陣陣So味, 而且外層燒到香脆, 裏面軟心. 而鴨舌加上辣粉感覺越食越想食, $27/2串實在抵食總括而言, 環境舒適, 價錢大眾化, 步入秋季坐露天位就更舒服!…查看更多

朋友話旺角開咗間新Tapas Bar, 今日放工想鬆一鬆, 就同朋友去試一試呢間舖頭裝修係開放式, 門口設有少量企位可以比人飲下啤酒傾下計, 我地諗住食Dinner, 所以選擇了較室內的位置. 相比起食物, 飲品選擇真係多好多, 淨係睇手工啤都有幾十款. Coaktail D款色都好多, 而且Cocktail 名好有趣, 玩味十足手工啤我自已好少飲, 印象中只係去中環試過一次, 印象不深刻, 而家手工啤好似又興返, 我又叫咗支"青瓜味" 啤酒黎試下. 飲落好清涼, 而且真係有青瓜味, 比平時飲開D啤酒無咁苦, 好啱女仔飲朋友唔飲酒, 叫咗杯Mocktail: LOL Mango , 我試咗一口, 係薄荷味+芒果味, 而且將佢整成半沙冰狀, 好似雪糕咁有個小山丘係個杯上面, 賣相&味道都好好!!頭盤我地叫咗個"西班牙伊比利亞60個月黑毛豬火腿" 相信係因為佢係即切, 而且60個月, 味道比起一般係超市買到的Ham 香好多, 而且食落去仲會有香味留係個口度, 唔似平時個D香味走得好快, 之前食過包裝好的48個月已經覺得唔錯, 60個月果然味道更上一層樓, 好豐富的層次感Main 就叫咗個"腐乳芝士火鍋", 芝士火鍋我同朋友都食唔少, 但腐乳味又真係未食過, 難得我同朋友都鍾意食濃味, 膽粗粗試一試! 味道香濃, 腐乳同芝士呢個Mix and Match 唔錯, 腐乳的味道唔會蓋過芝士香味, 反而兩種味道有互相帶動的效果. 喜歡香濃味道的朋友最啱!最後以一道甜品作結尾 - 脆焗棉花糖朱古力夾心批個賣相已經好吸引, 女仔睇到實會鍾意, 外層焗/燒到啱啱好, 脆脆地, 裏面包住的係暖暖流心朱古力!!!!非常有驚喜. 我地雖然已經飽飽地, 但都無阻我地完成呢道甜品! 食呢道甜品一定要快手, 因為一凍左就會變硬, 幸好我地兩個好快就清晒枱面d野食 ^^ …查看更多

今日難得入元朗, 朋友帶我黎呢間旦王花, 是一個半露天泰式茶座環境很好感覺很舒服我地叫咗個椰青雞湯, 個湯煲得好滑好香, 酸酸甜甜咁好開胃然後黎咗個頭盤 - 南瓜粟米餅, 可惜同我預其中的南瓜餅有出入. 呢間南瓜餅只係用南瓜切條, 沾上炸粉落油炸, 而且只搵到少量粟米痴住個南瓜邊. 而且外層唔脆亦較厚身, 有點失望咸魚炒芥蘭 - 芥蘭炒得唔錯, 可惜未能沾上咸魚香味. 只能算係不過不失之選燒荀殼魚 - 即燒海鮮, 我地叫咗大大條荀殼魚. 魚皮燒得好脆, 魚肉亦很滑. 建議可加多點調味會更好, 因鹽只沾在魚皮上, 咸味未能入到魚肉, 未能帶出魚肉鮮味. 另外仲叫咗個芋頭飯, 芋頭好香好好味, 但用椰漿焗的飯略嫌太"傑", 芋頭香味亦未能與飯融合, 算係普通的焗飯 如果假日去呢度食係一個很好的選擇, 因為環境一流, 好relax! 不過如果野食方面再好味D就更好!…查看更多

聽朋友講呢間店好出名, 所以一早訂咗位, 諗住同朋友慶祝生日. 接訂座電話的小姐態度已經麻麻地, 不過都無乜所謂. 即管去試下. 當日我地搵咗一段時間都搵唔到個入口, 又無指示. 結果要打返電話去問路, 點知又係個位小姐, 態度仍然很差. 原來係後巷個度入去, 唔問的話其實都幾難搵. 首先講下好味的:1) 牛脷串燒 ($58) - 厚切, 而且很多肉汁, 不會太淋亦不會太硬, 算是整晚比較出色的食物2) 燒栗米 ($35) - 粟米夠甜, 而且沒有燒焦和不會乾3) 燒雞心 ($30) - 份量比較少, 但燒得很香而以下呢幾款卻是令人失望的1) 燒蒜香黑豚配蘋果醬(鹽燒)($108) - 滿有期待. 但上碟的豚肉卻太肥, 油份太多, 其中有幾件更是一有半以上是肥肉, 蘋果醬本身可中和膩的感覺, 可惜實在太油. 即使有蘋果醬亦感覺太油. 另外肉質太淋, 沒有豚肉應有的口感2) 燒磨菇 ($23)用鍚紙包好的磨菇, 很普通而且沒有香味 3) 岩塩燒喜知次 ($98)其實是一味橙紅色皮的魚. 肉質算是不錯, 可惜沒有魚類應有的鮮味, 如配附上的醬汁還是不錯的, 可惜卻不是預期中魚的鮮味4) 燒雞軟骨 ($30)燒得比較乾身, 份量和賣相和在超級市場買到的急凍雞軟骨是差不多的, $30一串實在不值不過不失1) 鵝肝雙蛋飯 ($180)雖說是招牌菜, 卻沒有驚喜. 個人比較喜歡鵝肝配以清新一點的配料. 這裏卻用以伴飯, 未能突出鵝肝獨有的口感和味道. 雖說仍能吃得出鵝肝的味道, 但與雞蛋一起伴飯卻是浪費了. 可惜由於收費偏貴, 個人來說以這個價錢可以有更佳的選擇. 而且此店的服務員質素比較差 (女服務員語氣更為惡劣), 整餐晚飯也沒有人主動加茶, 整體來說有點失望 …查看更多

有個老朋友住係觀塘, 星期六搵佢tea 一tea, 走到宜安街見到呢度有間新點心舖就入去試下啦!門面光猛新淨, 佢賣咖啡 + 點心, 但因為我唔飲咖啡, 所以淨係叫咗點心同鐵觀音.有幾款點心我覺得好得意好好味, 有一款叫"真心愛梨", 個皮煙煙unun (唔識打), 裏面係暖暖地, 甜甜地的梨, 口感好有趣亦好好味  另外仲叫咗個"蜜瓜脆脆", 外層好脆, 裏面係軟Q的蜜瓜味夾心 , 如無估錯應該係新鮮炸的因為好脆, 個夾心仲係熱辣辣 (條脷有少少燙親, 所以最好攤凍先食)上面係兩款甜點我最愛的 (可能女仔都鍾意食甜野:balloon :) 其餘仲叫咗D傳統點心(蝦蛟燒賣個D), 同埋叫咗碟尖椒魚肉水準都唔錯! 坐咗一個鐘因為有人等位唔好意思再坐, 埋單一人幾十蚊算抵食, 下次會再幫襯~!…查看更多

小食店係香港買少見少, 難得黎到慈雲山, 就同朋友走入咗呢間好有懷舊味道的小店對於係屋村長大的香港平民, 細個一定幫襯過呢D小店. 食客話我知, 呢間店由佢小學已經存在, 裝修都一直無變 (食客望落都有四十 ) , 即係話已經有三十幾年歷史!!!望住個餐牌好多選擇, 兩個人好似前世未食過野咁, 乜都叫. 三溝碗仔翅: 魚肉彈牙, 碗仔翅足料! 仲有大碗細碗分, 想食多D其它野可以叫細碗 :), 我見對面個位食客點了一客碗仔翅加公仔面, 第一次見人咁樣食, 下次我都要試下炸蛋 (炸魚蛋): 呢隻炸魚蛋同一般食的煎釀三寶唔同, 細細粒, 個皮炸到皺皺地 (應該係發大咗再縮返水), 加埋特製豉油, 好正!!炸魚片&炸腸仔: 小朋友最愛的食物, 香口美味炒面: 好夠鑊氣! 牙菜比好多唔故寒, 正!!魷魚鬚: 呢個好好味! 精髓在於個醬料, 甜甜地咸咸地. 係魷魚鬚先會配呢種懷舊醬料 (以前南山村出面個魷魚鬚伯伯, 就係買魷魚鬚會變魔術個個伯伯, 都係用呢隻醬料). 同炸蛋一樣, 一定要試天氣熱我叫咗杯雜果冰, 裏面除咗雜果, 仲加入咗啫喱粒粒, 好用心的一杯飲料, 都係$13乍!!最後黎多客大菜糕多奶, (呢度多奶係唔洗加錢嫁!)呢間小店只有幾位大媽主持, 但唔會漏單, 招呼週到, 上菜快又唔會黑面. 中午時段座無虛席, 天氣極熱客人都唔介意坐門口, 可見街坊都十分支持!吃了一餐豐富的人情味, 滿足感100分!…查看更多

同朋友尖沙咀行完街就落咗山林道搵食,行過見到有間新開ge雞煲咪諗住試下囉, 八點幾, 預咗等位, 好彩等咗廿分鐘已經有位,正!因為太肚餓, 其實等緊位個時已經tick 好晒野食. 我同一個friend食辣, 另外兩位就唔食. 所以點咗個孖鍋(一邊辣一邊唔辣), 我地四個仲一致揀全雞脾 (竟然有得比我地揀, 哈哈!)D雞好滑(可能係雞脾所以特別滑), 同埋都幾入味, 我叫咗中辣, 初時好過隱...點知越食越辣...下次都係叫小辣算喇>.<食完揀咗龍蝦湯底同蕃茄湯底打邊撈, D湯夠濃, 就咁飲都好正, 生料方面, 蟶子, 響鈴, 牛頸脊, 羊肉都好好味, 後尾一人點咗一杯牛奶布丁, 間野仲送咗杯冰凍果醋比我地飲, 大滿足的一天!PS 我地當日坐正係風口位, 吹到正一正有D凍 ==" 希望佢地可以改善下冷氣位啦…查看更多

星期六會係炮台山上堂，同學仔放break就會去大家樂食tea, 我就行遠少少去左太平燒味食其實已經黎過幾次，每次都會食燒鴨瀨粉，今次都唔例外燒鴨皮薄而且好脆好香，只有少少肥膏，肉質嫩口，食落爽口而且好入味瀨粉都夠大碗，而且個湯都幾好味，鴨同粉分開上，唔會將啲鴨浸爛晒唔怕肥膩的朋友可以將鴨放落湯度浸一浸，個湯有啲鴨油非常香！$26 有野飲唔洗加一，已經好超值，星期六都仲有下午茶去到六點半，抵俾個like!…查看更多

第一次寫食評, 多多指教!放咗工係銅鑼灣行下街, 行到肚餓一個人的選擇不多, 就決定食譚仔了一個人唔洗等位, 迫迫地坐埋一張坐咗4個人的圓枱, 開始冬天大家著衫比較多, 張枱變得更加迫叫咗碗墨丸麻辣米線, 好快就有得食首先講一下湯底: 我叫咗三小辣 (對我黎講啱啱好), 湯底少少奶白色, 唔會太咸, 而且好香, 如果喜歡辣但又怕辣的入門新手, 可以試三小辣配料: 配料唔會姑寒, 米線絕配的腐皮同"九"菜都加足, 值得一讚!墨丸: 大大粒總共有六粒, 食落有墨丸味, 唔錯!米線: 我食得唔快, 但食到最尾都唔會發大, 而且都幾彈牙最後食完都唔會太口渴, 所以味精應該唔多; 唯一唔好處就係D位太迫, 好多時都要5-6個人座一張細枱, 如果係坐位方面可以改善一下就好好了!!…查看更多