<拉麵食評>大勝軒這個名字，相信對麵有一點興趣的人也會曾經聽聞過。由山岸一雄先生所創立的拉麵店，其後已成為一個華而不實的品牌。.山岸一雄先生因創造沾麵被後世人稱為拉麵之神。而他本人則在2015年與世長辭，享年80歲。.有人會話你寫食評就寫啦。講乜春野歷史，我要知你食既野好唔好食咋麻，打咁多唔關事既野做乜姐？而我想講既係，你連食落口既野都唔知係乜野黎，你好意思去評人地好唔好食咩？.又有朋友會話我d食評文字形容到好好味，但去到之後試完覺得好伏。我只可以講因我而中伏既朋友我要深表抱歉，因為我既食評唔單單用味覺出發，而係用我所有觀感，我既感受而行先。.好！講返正題。黃埔大勝軒丸一 一間老牌子店鋪中有著不少的客人樓面則只有一位年紀輕輕眼大大的小妹妹廚房中有兩男一女不停地討論著信用卡今個月用左幾多錢一入到店中只感到一個字：嘈！因為我就是坐在bar枱的正中央，可謂一覽無遺。廚師對待每一碗麵的感覺是厭倦的。就像是機械人一樣。湯頭是日本空運來的。瀝水過程其求是但，連切京蔥這簡單步驟也是用機械代努。我心想:這也是廚師嗎？我知道大品牌是有標準的，但是我真的看不過眼。過多三分鐘左右麵終於在我的面前，剛好兄弟致電，我忘了影相就大口大口吃起上來。第一啖入口都不以為意。但當我把電話掛掉後，再吃上一口怎麼會怪怪的。.相!當!之!咸!我知人家是做沾麵的口味會偏濃，但我真的除了咸和魚介之外，什麼味道也嚐不出。但好笑的是，它的湯一點也不掛湯。麵是粗身的太麵，真的頗彈牙。不知為何叉燒中會有薑的味道，肥瘦分明，瘦的地方也真的是頗難咬的。最值得讚的是溏心蛋，流心做得不錯，但沒有蛋味。一碗有形而無魂的拉麵。.說真的，如果山岸一雄先生知道這拉麵的存在，我相信他會彈起把自己的弟子殺死好讓他不要再敗壞自己辛苦所創立大勝軒的牌子。.到最後其實我都唔理有幾多人睇，重點係希望睇既人會明我所講既係乜野，同埋最後想講一句，唔好睇咁多果種收錢賣廣告既content farm.…Read More
