naoyi's Profile

朋友從外國返嚟，梗係同佢去食好野啦。第一時間諗到去MOKO 間Greyhound Cafe, 上次食過炸豬手，真係好回味。可惜今次無得食，唯有order 其他食物。真心推介青木瓜沙律，下次來都會繼續order. 今次食左沙爹同魚餅，好好味，朋友都話好食。下次會再encore 呢間餐廳！…Read More

約了朋友去MOKO 食晚飯，立即上OPENRICE 睇下有咩好食啦。睇下睇下就見到呢間Greyhound cafe 食泰式fusion 菜，即刻訂枱。當晚去到果然沒有令我失望，餐廳很大間，裝修唔錯，食飯時很舒服。叫了炸豬手糯米飯，好好味，上菜時比相片更吸引。豬手炸得剛剛好，又唔油膩。肉碎生菜包都超級好食，生菜新鮮，肉碎炒得入味好香。只得2人，不能order 多D dishes, 唯有下次同朋友再來時試其他食物。已約了朋友再來食飯☺️…Read More

放假同朋友去食飯，點知朋友臨時不能來，唯有自己去食。已有一年沒來這餐廳，水準依舊，好味今次點了炸豬柳定食，非常回味。除了炸豬扒/豬柳，我本身都非常欣賞餐廳既生菜，每次來都會不停加菜，夠新鮮，不單止食落「索索聲」，菜還有甜味，加埋酸酸地既醬汁。最後還有西瓜做飯後果去油膩，好滿足。一定會再來！…Read More

和朋友去了食晚飯，完全係有驚喜。首先餐廳外面有很多小攤檔，未夠鐘入內食飯，可以先在外面行下，買東西。因為餐廳不在商場內，要特地坐完港鐵再行上去，所以在餐廳外有攤檔看看買東西，真的有意外驚喜。入到餐廳，裝修不錯，同餐廳名字有反差萌，裡面很西式但名字很中式。在門口等帶位時已聞到香氣四溢，明明未肚餓都會覺得開始肚餓。因為未來過這餐廳，是朋友推介的，所以都只是按自己喜好點餐，最後點了牛油果沙律、乳豬仔同大蝦pasta, 可惜已忘了餐牌上的正確名字。原來乳豬仔係餐廳招牌菜，真係好好味。價錢雖然偏貴，但綜合環境和食物都值得再來。已經約了朋友會再次光顧餐廳。…Read More

第一次來這間酒樓食飯，親戚介紹的，又的確幾好喎。交通方便，在美麗華商場內，容易去得到。入到去酒樓，環境漂亮，有點古典feel, 雖然不是很大，枱與枱之間有足夠空間，傾偈又不至於隔離枱會聽到晒。中午去飲茶要先訂枱，聽講平時都幾滿，所以無預先訂枱可能去到會無枱。午餐點心食材很新鮮，食得出係即點即蒸的，造型漂亮美觀，保留有傳統點心味度，但又加了一些創意，有特色又好味。特別推薦蝦餃皇、焗叉燒酥、陳皮牛肉球、金包銀絲腸粉、蘿蔔糕、小籠包。也推薦甜品「同樂甜蜜盛宴」，好好味又有新意，尤其是2粒荔枝，一定要試。另外還有多款午餐套餐選擇。唯一缺點係比較貴。…Read More

今次係第二次係呢到食自助餐，上次食自助晚餐，今次食自助午餐，2次都非常好味。海鮮好新鮮，尤其係長腳蟹同生蠔。其他熟食如點心、乳豬、芋頭糕同甜品都好正。燒羊架好好味，蟹粥同蝦子麵都係食完再食。第一次同朋友食已經覺得好正，服務又一流，今次同屋企人嚟食食物保持水準同質素無令我失望，服務態度又超好。除左食物質素同服務好，酒店地點又好方便，坐港鐵紅磡站D 出口一出向尖東方向行就有升降機到地面，長者和帶埋小朋友或推bb 車都好容易，又在隧巴站旁，所以去呢間酒店食自助餐係超值，好值得推介。…Read More