superhero's Profile

啱啱喺中環睇完醫生，頭痛緊食咩，諗住周圍行一圈睇吓有咩啱食就入去。經過見到呢間餐廳入面人頭湧湧，所有店員都有聖誕頭飾仲播緊聖誕歌，好有聖誕氣氛，所以決定俾個機會佢。一入到去枱面已經擺晒八小碟，由於好肚餓嘅關係，一坐低已經喪食前菜，未點餐已經食晒，店員亦好主動refill，值得一讚。打開Menu見到好多選擇掙扎緊食牛定豬嘅時候，店員好熱情推介食物俾我哋，由於好想食豬腩肉，所以叫咗個豬套餐，有店員專人服務燒肉，就唔怕燒燶啦，燒得啱啱好，食物質素唔錯，下次會嚟再試埋個牛套餐。…Read More

朋友生日想食西餐据下扒，就見到有人推介Moo Moo’s，薯條任食好吸引。平日夜晚唔算多人，環境都幾有情調。一坐低就俾把刀吸引咗，係一把迷你既菜刀，好有特色。由於同朋友都諗住傾下計先，所以叫咗支酒，飲到咁上下，職員就問我地想order food未，諗住叫佢俾個menu睇下，點知原來張餐紙就係menu，因為只有一個set，$298既steak set，結果就同朋友order 咗2個set。個set色括餐包，沙律，steak，fries。餐包可以揀cinnamon 或者butter,由於我地都麻麻地cinnamon，所以揀左butter,估唔到都有驚喜，佢有烘底，脆得黎入面又好鬆軟，好好食。而steak揀左medium，8oz份量啱啱好，配埋red pepper source，都幾特別。最後個薯條雖然係任食，但食完1 round 都已經好飽，完全係抱住個肚走。總括而言，有機會都值得去試下，性價比都算高。…Read More

疫情下無得去旅行唯有留係香港捐窿捐罅食好西。咁啱星期日經過馬鞍山就search 下有咩好食喇，第一眼就俾佢個牛油果軟殼蟹burger 吸引😍決定食佢。成間鋪頭有4-5個位，都唔預係坐得耐既所以都無咩所謂。我同朋友2個人就唔算好肚餓，share咗一個牛油果軟殼蟹burger 再加多隻糯米釀雞翼都夠飽。牛油果軟殼蟹burger 係好值得食，店主完全唔吝嗇啲醬，軟殼蟹亦都炸到好脆，性價比都算高。而糯米釀雞翼，味道正常，但覺得有少少貴，$20 一隻。總括而言，小店都係值得支持既。…Read More

星期六一點鐘出到銅鑼灣，周圍都係人，要搵一間有位嘅餐廳都有啲難度。入咗希慎見到Green Waffle, 以前係JP已經有幫襯開，二話不說就決定左拎飛，等咗大概15分鐘就有位。一打開Menu 見到好多野都想食，但得兩個人都叫唔到咁多野食。選擇困難症底下揀咗一份三文治同埋一個All Day Breakfast加杯野飲。咸牛肉三文治，加左10蚊轉蕃薯條。開頭食個陣覺得好吸引，但食食下之後發現都幾咸，要2個人share 先ok，蕃薯條好值得加錢轉，因為真係好好食，係真蕃薯，又有甜味。All Day Breakfast 就一般般，首先個多士係唔脆既，第二，個蜜瓜係唔甜既，接近無味。不過值得讚個waffle ，係外面脆入面鬆軟既。總結，價錢比JP個陣貴左，但味道都算過得去，偶爾食一次係ok的。…Read More

星期五約左2個閨蜜👭一齊睌飯，所以打算搵間傾到計嘅餐廳，挑選左一輪就揀咗香港郵意喇。環境都算好開揚，自己搵位坐，可以選擇坐凳或者坐地下，咁我哋決定坐地下。我哋三個人叫咗一個All Day Breakfast,一個Pizza同一個沙律。All Day Breakfast 冇乜驚喜，同平時食到既差唔多，不過不失。Pizza 我地叫左Parma Ham Pizza, 蕃茄味好濃，係我鍾意食嘅口味。然後我哋仲叫咗個煙三文魚沙律，餐廳一啲都唔吝嗇，鋪滿咗個沙律。甜品方面，我地就食左經openrice 訂枱送既心太軟，真係好流心，3個人食岩岩岩。總結，係值得再encore 既一間餐廳😋😋😋…Read More

約咗朋友出旺角食飯，每次都係即興先決定食咩，行完信和，邊行邊諗既時候抬頭就見到大勝丼，之前食過覺得ok 所以決定再食。點知今次水平急降了，其實個丼既賣相都正常，用料不吝嗇，魚生新鮮而且厚切，敗筆係魚生下面既飯，D飯真係比較濕，食落口既時候係一pat pat既，破壞哂成個丼既味道，今次只係食哂上面d魚生就算。如果能改善的話都有機會再黎光顧，始終都算係抵食既丼飯。P.s 飯同麵豉湯係可以refill既，每個丼送一罐飲品…Read More

係附近返工，日日都經過No Milkshake No Life,每次都覺得好邪惡所以冇入去食。有一日lunch同d同事決定去挑戰試一試佢，食左「黐線芝士黐住麻辣雞冶」同「西冷牛扒炸薯條」佢啲三文治啲芝士完全係處於半溶嘅狀態，好流心。而和牛薯條都不負所望，好好食，店主完全冇吝嗇啲芝士，每食一條都好有罪惡感。而黎到No Milkshake No Life當然要試吓佢嘅Milkshake 喇,試左好邪惡既banana chocolate milkshake,叫左細杯驚好漏，結果後悔了，好好飲，鍾意香蕉嘅朋友一定要嗌。…Read More

最近聽到好多朋友同埋Facebook好多介紹烏龍。魚男，所以趁朋友生日決定去試一試。Book位都唔算好困難，星期三book星期五都有位。一入到去個環境都算OK，已經好肚餓啦，即刻揭開本Menu睇吓有咩食，見到樣樣野都好想試。最後揀咗一個壽司set同埋一個刺身set。分量唔算好多，九件壽司加個烏冬要298 ，性價比唔算好高。味道中規中矩，唔係好對得住個價錢。另外都叫咗啲小食，雞泡魚于算係幾好食。總括而言，性價比一般，可以一試，唔會番轉頭。…Read More