KawanLau's Profile

上網見話係酒店咁大廚自己出黎開餐廳仲要山旮旯到一個點但都成日full booking所以去挑機下佢一晚做兩輪得6:00pm 同8:00pm諗住食晏少少費事趕頭趕命一去到門口有人安排位俾我地泊車（超好！）7:45pm 到已經可以入座Book 嗰時已經留咗個白酒煮蜆同茅台cheese cake去到可以叫一個人嘅dinner set 再另加一個main同一個dessert ，兩個人食都好夠total一千蚊鬆啲黃油雞都算ok鵝肝同蘋果夾行得好唔錯其他嘅就不過不失，叫做試過最後大廚有出黎吹兩句水服務係好嘅埋單一千蚊鬆啲都算係咁叫做試過…Read More

聖誕節男朋友早早book 定呢間餐廳，俾咗$1000 訂咗佢最出名嘅黃油雞。去到咁啱係平安夜，佢有個Xmas set menu. 我地想食但又怕加埋隻雞食唔哂，最後個廚師俾我地每人加$280，把xmas set menu 中的venison 轉做黃油雞。隻雞係好好食嘅，佢係皮同肉之間好似釀咗啲野，但最後都係食唔哂要拎走半隻,因為佢一齊黎嗰個potato mash 都好好食，所以我食哂嗰樣先😂其他菜色都不過不失，服務都ok, 可以改善嘅比如係兩個客人兩個waiter, 應該一齊放低或者一齊拎走個碟，而唔係一個放底完既走，另一個先再放低同講解菜式。 仲有就係枱面嘅面包碎冇人主動黎清一清佢。但Xmas eve 佢都冇特別加價，都算ok. 最攪笑係我地成程都好似聞到啲煙味，咁啱又坐係個員工入口出面，以後m為係有人成日走入去食支煙先出黎。點知原來甜品有道係唔知煙燻啲乜😂心裡面屈咗人地成餐飯Tim，sorry …Read More

同幾個露開營嘅朋友去食個晚飯，五個人食四人餐再加多杯野飲，基本上都夠飽，可能係啲嘢太「溜」。一開始諗住可以坐圓枱好啲，但原來圓枱係比一般枱矮啲，細細粒嘅屈埋都可以，腿長嗰啲真係食食吓要企一企。然後個餐一嚟就嚟咗唔同嘅燒肉，我哋開心燒之餘，都完全唔記得咗佢係有頭盤海鮮杯。之後有個waiter 過嚟問我哋係咪頭盤未到，先再補返俾我哋。嗰餐仲包咗兩舊飯團，同埋有一個魚蓉飯，反而兩個飯都好有驚喜。 肉都OK，其中有一舊肉個waitress會走埋嚟幫我哋燒。甲羅燒四人餐都係得一嚿，同埋係冇任何餅乾或者麵包一齊。最後有個荔枝刨冰，甜到我哋五個人食一碗都食唔晒。Overall啲嘢食係OK嘅，不過啲service就麻麻地，每次要換網/拎碗/換過另一支倒到出黎嘅醬汁，都至少要問兩至三次。Btw 我地成枱人冇人收過餐廳嘅任何優惠offer, discount 都冇。但OpenRice 要我post 2次，話因為呢間餐廳有俾優惠其他人。…Read More

Book 咗聖誕節夜晚睇完戲去食，遲咗少少坐唔到窗邊位有啲可惜。五色湯底都幾特別，中間係木瓜加酒加三隻蝦，倒落去嗰下都IG able 。一格麻辣冇乜特別，一格羅白牛腩啲胡椒味都ok 重，肉骨茶喺格一黎就好飲碗，因為之後加湯係每一格都加同樣嘅清湯。蕃茄龍蝦都ok, 細細地但都新鮮。加外加嘅牛小排都幾好，不過唔知點解七點就冇哂貴妃蚌，咁轉咗做珊蝴蚌都ok 嘅。響鈴嗰浸油味都幾勁，不過黃金魚皮即炸係幾好食。鮮蝦雲吞冇一隻完整嘅蝦係入面，手打墨丸不過不失。同埋可能聖誕節full house, 漏單嘅情況都幾嚴重，不過好彩我地有啲眼寬肚窄咗，所以有啲野冇落到單仲好。drink menu 要問先有。同埋最後最surprise 嘅係一開頭要咗杯暖水，埋單先知竟然要收$16. 叫嗰時冇講過，menu 都唔係好覺有。兩個人total 食咗$1500 左右，聖誕節黎講都ok 嘅…Read More

聖誕節正日下午三點即時上網搵餐廳食all day breakfast. 冇booking 嘅情況下就咁walk in, 好彩都即時有位。兩個人都叫咗all day breakfast, 一黎嗰時肉眼睇有啲細，但結果我食唔晒😝 我加咗杯玫瑰抹茶🍵latte, 隔離嗰個叫咗expresso 加tonic water. 食物質素不過不失，份量係幾夠嘅，兩個人加埋一差唔多$500。望到隔離食鴨同pasta 好似都幾大份。雖然坐得有少少逼，當時full house 其實有啲嘈，但勝在食完可以就咁行過隔離times square 睇戲👍🏻location location location …Read More

我都唔識講...$178 蟹肉意大利飯expected 會有真蟹肉係咪天真咗？ $88 八隻嘅青口預期會大少少好過份？服務唔好同個所謂嘅草地污糟已經唔想再提，仲有嘅大家自己睇相...would never visit if this is not a yellow store. We arrive at restaurant at 8:00pm and they try to clear the table around 9:45, let us go at 9:50...…Read More

約咗客人在D2見面，本來想求其搵個地方坐得舒服就算。行過見到呢間人少少，就入咗黎。求其叫個烏冬加杯茶，估唔到會有驚喜。味道唔錯之餘，仲有勁多菜。所有野睇落好乾淨，員工都超有禮貌。見到我用電腦唔單止同我講有得义電，仲拉多張枱埋黎俾我用👍🏻👍🏻聽隔離枱話特登在將軍澳過黎食，先知原來OpenRice 啲評價都幾好。…Read More

星期三晚上約埋幾個朋友諗住提早慶祝聖誕節，一早係eatigo book 咗位。八點去到叫咗餐後就一直傾計，聖誕Set 同另外叫咗兩個dish, 叫之前同waitress 姐姐confirm 咗除咗Xmas set, 另外叫的dishes 可以有50%off, 落單時同另一位waitress 再confirm 一次有50%off ,所以就5個choice 裡面選咗兩個。由八點幾落單等到九點半都只係黎咗個沙律同麵包, 催咗好多次先黎到多杯水，又要催幾廿次先黎埋個湯，跟住話搵咗經理幫我地跟。問佢咁啫係咪漏咗單佢轉身走咗。係嘅，全場差唔多爆哂嘅情況下得嗰三個waitresses 同一個經理，實在好難俾到service 我地，明嘅。咁你人手方面應該要分配得好啲，而唔係放咗客入黎由得人地等（隔離幾枱人都一直係度催）。結果十點先黎齊啲食物，水準一般但食完好口渴，大家拿拿聲食完叫佢上埋甜品就急不及待要埋單。到埋單嗰下先講，原來經eatigo book 有discount 所以另外兩個dishes 不會有50%Off la ！嘩！！但係....！早知係咁我地嘅選擇就唔會一樣囉！臨走時個經理送咗$100 coupon 表示歉意，但已經十點半有多我地嗰刻都只係好想走.... 都係嗰句，嗰晚其實大部分人都係book 咗枱，你明知咁多客就搵多少少人幫手啦！辛苦嗰員工時又要客人等咁耐...…Read More