今次同女朋友生日去試吓食呢間有得任食生蠔本身我對呢啲有得任食嘅嘢，都係冇乜期望，但係真心覺得佢嘅生蠔係超常發揮，起碼唔係攞啲好渣嘅貨俾我哋，我諗出街買可能都要$10多啲一隻咁個頭盤冇乜特別評價個生蠔係幾好食嘅個甲羅燒真心覺得幾好食，起碼佢個多士熱辣辣又脆有啲牛油香夾埋係幾好食嘅個飯我就麻麻哋嘅，不過我女朋友好鍾意因為係打卡嘢😂可能唔怪得佢哋嘅我食得比較鹹個串燒真係冇得輸犀飛利啊，嗰日嘅串燒個粟米我覺得非常出色，真心燒得好香同埋本身碌粟米都好甜，同埋本身就冇諗過一間任食生蠔嘅嘢竟然係有炭爐嘅串燒，佢仲有啲特別有雞頸幾好食，出邊唔係周圍都有得食咁個和牛就一定冇得輸㗎啦，啲牛肉靚正常發揮啦，個菜我就唔評價啦，因為我唔食嘅😂最後真係要讚多次個生蠔，我覺得直程高分過酒店啲自助餐添，我嗰日好似食咗20幾隻生蠔，10分起碼有8分以上最後仲要免費送個蛋糕俾少少儀式感我女朋友重點係唔使錢呀嘛😂呢間嘢真心可以再嚟…Read More
Wild Oyster
2025-10-15
The above review is the personal opinion of a user which does not represent OpenRice's point of view.
Like
Dining Method
Dine In
