dororex's Profile

太差喇個蛋糕一朝早去買 返到屋企就變咗咁佢哋話冇問題 全部都係客人問題..... 唔怪得知google多間分店評分都比較低1 個盒大個蛋糕好多 容易造成搖晃2 也許蛋糕牌放得太邊令到蛋糕向下墜落3 向客戶反映時問題 只是說我的問題 他們完全沒有考慮過其設計或者擺放問題4 蛋糕買過很多個蛋糕 這是第一次發生 所以才覺得是雪得不夠凍 或是cream太軟軟？餅店員工ok嘅 但營運經理同客服都係互推 投訴無門 唔會有人理 營運經理話公司決定 cs又話營運經理決定 仲要話會回覆電話又唔覆 講大話話我電話無人聽 電話有call waiting又點會打唔入 ..... 今時今日咁嘅服務態度真係無奈…Read More

其實想嚟好多次 自己是waffle愛好者 店舖就喺街口 開放式格局坐得舒服 附近亦有停車場泊車方便今朝去係去食個早餐 👍🏻👍🏻 pretty good男女staff態度好好 嘢食不錯 當然嚟到係食waffle 我試咗 香蕉waffle 香蕉上面有有脆口焦糖早餐包熱飲 試咗熱朱古力同行家人試咗latte 凍飲over$40加錢便可兩杯飲品都係小甜(冇另外request) 感覺健康啲waffle新鮮 飲品不太甜 好食一定會再來…Read More

今日訂咗位晏晝去homeland食lunch 價錢以lunch嚟講中價 可以加錢叫不同飲品 加$8有salad同湯 salad同湯中規中舉至於主菜 試咗安格斯牛扒+ 北京填鴨pizza+ 鱸魚焗飯 安格斯牛扒七成肉質嫩滑 北京填鴨 pizza 醬汁唔錯 鱸魚焗飯沒有驚喜 座位尚算舒適 格局一般般 餐具好似茶餐廳咁企高放喺盒入面 如果可以用有蓋嘅盒放平好似好啲至於服務 我哋落完單好快都上菜 但係因為主菜都已經到啦 叫咗個戴口罩嘅女仔幫手check一check 點解仲有salad同湯未到 佢就敷衍話有落就到齊啦 (都冇同我哋check:(:(:()等咗五分鐘再叫第二個女仔 轉頭就到 呢度真係扣曬分 …Read More

用openrice訂座，去到時安排坐戶外，因為比較熱，有點猶疑跟住同服務員講，我哋食完即刻走，唔會用好多時間，結果安排坐咗入面:)叫咗一碗檬粉，一碗河粉，同埋一個蟹肉炒飯。檬粉同河粉都叫人滿意， 佢個豬頸肉燒得香又入味， 我最鍾意食湯河，佢嘅湯底都做得唔錯， 食到尾都忍唔住潷咗少少嚟飲唯獨蟹肉炒飯差咗啲啲.........唔知係唔係六點半開始人多, 炒飯最後先到。炒飯出嚟嘅時候有啲黏住一舊舊並唔係一粒粒米，而且蟹肉比較少， 我哋好用心搵咗三粒 相比起河粉較為失色。不過下次會嚟再試其他…Read More

佢有青魚早餐,都幾抵食,同埋之前屋企人響樂富食過,我試咗一啖味道唔錯呢！所以今日特登陪家人嚟食過早餐。今次叫咗牛肉青魚餐,開頭先用味噌湯加飯嚟食，試下牛肉（ 比吉野家還要肥） 最後試青魚。竟然我件青魚好鹹，跟住我家人再試我嗰件青魚，同佢件味道有出入。。。。。 唔知點解我嗰件咁喊。另外呢個係牛肉青魚早餐，上漏咗牛肉，通知職員就好快畀返我哋。 可能新開冇耐， 偶然有錯誤呢個可以理解，但係青魚一件偏鹹就有啲古怪，期待有進步空間會再嚟嘗試。補充一句，餐具油冧冧， 希望可以提供熱水浸一浸…Read More

原本諗住上樓上買芒果糯米飯，但係懶行上去，就喺樓下試下呢一間。開咗見到都唔錯嘅但係到倒椰汁嘅時候，椰汁好稀，倒到一半見到個椰汁底下係水( 圖中嗰啲係水， 至少有三分一），應該係加咗水落去溝稀， 成本問題定係唔夠椰汁？？？結果原本令到有七分嘅芒果糯米飯得返合格:(:(講返個芒果糯米飯，芒果甜嘅，份量亦都唔少， 而有三個顏色嘅糯米飯， 綠色帶少少椰香味，我覺得最好食綠色。至於白色呢，就冇乜味啦，而 紫糯米不過不失啦， 唔似泰國食開嘅芒果糯米飯。因為兜椰汁下次唔會再買喇 .............. 倒咗啲椰子水落去影響咗…Read More

朋友介紹, 話呢度芝麻糊好食, 不過天氣太熱想食雪糕, 所以即場買咗杯芝麻軟雪糕, 然後再買芝麻糊加芝麻豆漿返屋企飲。响無期望嘅底下，我覺得軟雪糕唔錯， 不過夏天熱要食快少少，因為我企喺門口食都溶得好快。 芝麻味香， 雪糕軟滑又夠凍， 我見大部分嚟買嘅人都係買雪糕。 至於芝麻糊同埋豆漿， 星期日人太多雪唔切， 買咗暖嘅返屋企， 一半雪凍嚟食， 另一半暖食。 芝麻糊冇太大驚喜。另外黑芝麻豆漿雪凍嚟飲， 我覺得小甜剛剛好，又冇掩蓋到黑芝麻嘅味道 路過下次會再買雪糕嚟食…Read More

原先想影多啲相，但係食完個餐包就唔記得咗，唔知點解個餐包底係濕嘅，影響曬成個包， 籃內有兩個包，另一個冇問題叫咗蘇格蘭扒，加配咗沙律( 好似20蚊)， 有一大一細塊， 細嗰塊比較濃味，大嗰塊牛肉味差啲。 整體還可以， 有少少薯條同埋蔬菜响底。羅宋湯不過不失，出面飲嗰啲通常微辣，呢一個唔係好覺有辣味， 適合唔想飲辣嘅人( 但我覺得有啲辣好飲啲)。整體感覺，坐得舒舒服服。七點鐘(星期六)到都安排到卡位， 服務亦不錯。牛扒冇乜驚喜，但係個餐包可以做好啲， 最起碼個底唔應該係濕嘅！…Read More

見到呢間備受好平，特登嚟試一次，但係食完之後都幾失望.......... 從飲品到食物都係首先我哋係叫自家製雪梨茶，佢冇就上咗第二杯畀我哋，上枱時先同我哋講。 如果落order嘅嘢冇, 應該問一問我哋, 可以飲第二啲吖:(另外叫咗一個湯麵， 鍾意健康嘅就幾好，因為同日本湯麵比起上嚟比較淡味。至於個吉列炸蠔同吉利豬扒飯真係不得了， 日本炸物最重要係個炸粉，但係佢個炸粉係炸唔起，竟然入面係濕嘅， 口感甚差皮肉分離基本上呢十年都好少食到咁樣嘅炸物 2/5分 成餐飯 畀到盡…Read More

星期日晚原本諗住外賣 ，但係服務員知道我哋有難處，佢安排咗入面座位畀我哋，我望一望名牌，應該係冰姐（有個冰喺名最後）， 佢嘅服務值得表揚一下。同行三個人有兩個叫咗四寶飯，一個叫咗瑞士雞翼福麵。四寶飯 4/5分呢個四寶飯並唔係平時食開嗰啲佢有煎腸(其實似炸）， 餐肉、煎蛋同埋叉燒(bbq feel)佢唔係普通嘅叉燒， 有豬頸肉feel。瑞士雞翼撈麵 4/5雞翼入味, 撈福麵軟硬度剛好, 夏天冇乜胃口, 呢兩個都係唔錯選擇!佢仲有跟多士跟炒蛋， 好鍾意食呢度嘅多士， 之前多數喺長沙灣食。最後要提, 每次必飲凍檸茶,好鍾意佢嘅碎檸檬謝謝冰姐安排, 令到我哋有一個唔使麻煩又平安嘅晚上 希望其他員工可以仿效一下, 咁就唔收到咁投訴( 因為就早一個禮拜, 朋友電話落單一肚氣）…Read More

見到其他人食物嘅照片覺得幾吸引，平時都係嗌外賣，今次特登落嚟試下佢嘅四送車仔麵同埋鐵板西冷， 食物質素還算可以，但性價比不高，至於嗰兩杯嘢飲，合格都冇。。。。四送車仔麵（豬手、牛肚、豬腸 、墨魚卷) 豬手入味，牛肚入味夠淋，但有點鹹 豬大腸肥膏太多， 墨魚卷中規中矩全部加兩蚊到九蚊不等鐵板西冷加脆麵西冷味道可以，唯獨有牛筋太大條邊太硬羅宋湯味道不錯， 脆麵不見出色至於兩杯嘢飲真係扣曬分， 差過普通茶餐廳添， 加錢加配嘅飲品， 可以做得好少少嗰杯涼粉冰，就係將罐頭涼粉加咗少許糖水嘅味道，至於杯抹茶紅豆呢，同我睇相完全係兩回事，味道就........唔講喇:( 睇相啦…Read More

朋友聚餐， 石燒與網燒之間的選擇, 結果選擇了網燒, 之前還擔心會否很容易燒燶, 但是溫度控制得很好, 不用擔心有燒焦的問題員工告知二人前的燒肉餐可以轉三人前, 到枱時份量也不少， 牛肉、豬肉、雞件、帶子和蔬菜也新鮮😃牛肉有封門柳、牛肩、牛小排和西冷豬肉有豬梅柳和豬五花各款牛肉就算燒過了時間也不會覺得硬， 肉質鮮嫩而且充滿肉汁。 至於豬肉五花腩燒過後肥膏減少了， 這款燒耐一點變得脆口更好食其實雞肉都唔差，冇多餘嘅肥膏， 唔用醬料都有 味。 帶子鮮甜肉嫩，同樣燒耐咗都唔怕 👍燒肉上前會先上羅宋湯同沙律菜，羅宋湯令到呢一餐 錦上添花，鍾意佢有啲微辣味道， 都幾開胃 與三五知己嚟食晚飯不錯嘅選擇，員工即使到十點都冇趕我哋走❤️…Read More

Duffy & Friends afternoon tea set經渣打開戶做指定定期就送呢個下午茶， 沿途環境優美， 覺得呢度嘅環境比食物更吸引輕食有以下三款:三文魚子蟹肉班戟配龍蟹牛油汁水波蛋配荷蘭汁炸羊肉球迷迭香番茄汁佢嘅輕食味道唔錯, 蟹肉班戟做得精緻又食， 羊肉球食唔到羊嘅騷味，係水波蛋普通咗少少至於甜品有以下六款：青蘋果牛奶朱古力慕缘蓝莓杯子蛋糕朱古力冬甩棉花糖配葡撻朱古力脆脆蛋糕士多啤梨綠茶慕絲蛋糕較為喜歡士多啤梨綠茶慕絲蛋糕， 酸酸甜甜，感覺不錯 chocolate mousse 比較甜但朱古力味濃， donut比較失色。喜歡鹹點多於甜點，若果可以增加輕食定必更加吸引，總括來說是賞心悅目的一個下午茶。…Read More

10月8號晚，8號風球時（630pm）嚟過，結果要等枱， 就轉去第二間。 因家人好想食壽司，10月9號 1030am再嚟， 已安排入座，難得八號風球加上還是黑雨也能準時開門。 值得一讚當天早上的員工，真的十分值得嘉許，除了能準時上班，我不小心將盛載筷子的盒推到地上，員工發現後立即上前為我處理, 還叫我不用擔心, 可以繼續進食。早前一天不佳的天氣， 加上今天早上還掛著 8號的風球；但食物的質素一點也沒有影響， 難怪一直多人排隊呢…Read More

其實我係唔係特別愛貓之人, 鍾意狗多於貓，但係見到佢地遊走又幾可愛入去前要著鞋套，亦有少許規則，唔可以強硬抱起貓。值得一讚嘅， 好多貓cafe只係提供飲品，而佢又有食物 。overall食物都有不錯水準煙三文魚薄餅 🍕 新鮮熱辣上枱, 足料，底又夠脆炸魚漢堡 都係新鮮熱辣，炸魚配上薯條， 可以 share食煙三文魚沙律沙律菜新鮮, 煙三文魚唔會太鹹炸魚薯條兩大片魚柳, 無雪味炸得香口如果繁忙時段只可以用餐 1hr30mims但冇人等位就無限制…Read More