EvpaCYCheung's Profile

lunch time專程試吓三三肉骨，本身我對薯仔排骨煲更有興趣，不過得自己一個人食，就轉戰佢哋嘅set lunch 去到嗰陣時差唔多係1點鐘放飯時間，不過舖頭唔算好多人，場地大得嚟好企理，環境幾舒服估唔到前菜係份量頗大嘅泡菜加切件蘿蔔，另外有一杯好似醋嘅東西(俾泡菜震撼咗唔記得侍應嘅介紹)，啱晒我口味main course叫咗辣味脊骨刀削麵，因為無預期過脊骨份量係咁大(其中一條骨連好大塊肉，仲多肉過排骨)，有啲驚喜，又好有滿足感，刀削麵夠煙韌，就算浸咗湯好耐都保持到韌度，湯唔算好辣(仲可能唔及10小辣嘅程度)，食落唔會太重口味，而且好似有少少藥膳湯嘅味道個set配咗一隻炸餃子，攤凍咗都仲係好食，餡料豐富，食完成個set好滿足…Read More

第一次幫襯大門，聽講炸雞同其作食物性格值高所以專程行入麗港城試吓。今次幫襯咗午餐韓式便當B，炸雞真心正，熱辣辣又脆卜卜，又唔會太油淋淋。雖然因為係便當得3塊雞，不過份量啱啱好(太多就會好膩)。我幾鐘意涼拌嘅醃蘿蔔片同無骨雞腳(我平時好少食韓式雞腳所以印象好深刻同新鮮)，紫菜包飯亦好到位，便當整體上我幾滿意。真係比起去上校炸雞好得多。👍👏…Read More