yummyfood888's Profile

呢間嘢我唔會再幫襯！！！叫個鯇魚餐，同佢講要魚腩。好啦！有2碟出嚟啦，女侍應先俾咗個男食客揀！好，熟客揀先，我無奈但接受，然後俾剩下嗰碟我！好啦！碟嘢可能魚腩太細，上碟太難睇，則邊就搭咗2舊魚頭物體，問個女侍應佢大大聲話中間咪魚腩囉，送多2舊俾你食啦！嘩！你咁大聲，又講到送俾我呀！即係要我收聲啦！無計啦！鬼叫我犯賤入咗呢間茶餐廳！應該一一接受佢，俾乜啃乜！態度又夠代表性！不過我諗算魚頭係我唔識食，人哋當寳，我自己試吓食啦！點知一反轉先見到原來係魚頭切半，但只有頭骨位俾咗我！喂！最憎人講到幫咗你為咗你好啦已經！…Read More

想寫好耐，不過太忙唔記得咗，今日清一清電話啲相片，先醒起唔記得咗讚吓佢哋啲嘢真係幾好食。小店又好味嘅真係要鼓勵吓㗎！而且之前食過佢個牛骨湯🥘都好鬼正，但係啲相已經唔見咗🤣…Read More

我草根去大家樂為飽肚㗎姐！我唔會要求蔗渣價錢，燒鵝味道！但佢塊牛扒張廣告相就厚一厚，現實就一半都無！我都明現實與理想嘅分別，但你都唔好咁過份呀！早2日仲喺新聞見佢哋話有加價嘅空間，哼！我張相影到好似2塊咁，唔係㗎！塊嘢自己形狀不規則凸起咋！下面中空㗎！見到咁我寧願1)食2餸飯，平靚正；2)俾貴少少去花x餐廳好過！橫店都嬲嬲地，唔差在評埋食物喇！1)跟餐嗰串炸乜薯🥔，切太薄，炸到又燶又乾！我去換過條，仍然好薄，不過唔儂就算，點知食落就一口油！老麥hea做都好過佢？:(2)個湯🍵D粉開到膠水咁！3)牛扒🐂由於太薄，經鐵板一上之後令塊扒乾到到乜咁4)無論係件扒，湯，定串乜鬼薯都係一個味~~~咸呀！…Read More

我點嘅係喇沙！🍲你俾pad咖哩醬我喺面扮喇沙做咩！請各位指教，有冇D喇沙係咁㗎！？係咪我孤陋寡聞？！我宜家真係非常之黑人問號喎！我問waitress「呢碗係乜嘢? 咁多咖哩汁嘅！係米咖哩米？」佢望吓張單話「喇沙」我問「喇沙用咖哩汁？」佢答「我哋D喇沙係咁！」🍃🍃🍃🍃🍃🍃🍃🍃🍃🍃坐位: 比樓上food court 好，我見樓上多人先入左去！食物: 海鮮喇沙，一定衰過之前我喺food court食嘅喇沙，因為佢根本唔係喇沙！你可以當咖哩米食就無嘢嘅，可惜我無呢個心理準備！如果我知道係咁，我會配🐷扒，乾脆當咖哩🐷扒米算！海鮮……細細粒雪藏就預左，因為$38無乜要求！不過，除雪藏外，想讚吓佢有一隻蝦，唔大隻，不過我認為係新鮮蝦。收費: 有D嘢比food court 平服務: 茶餐廳咁囉，佢都已經無收加一，所以無謂挑喇！…Read More

1)今早買左碟雞扎，我一啖咬落嚿豬肉度，乜得佢識回彈嘅，我回吐出嚟，原來佢仍然擁有嬌嫩嘅粉紅色……OMG佢未熟，再睇吓嚿鷄，同樣外面熟、裡面生嘅2) 試過午市買嘢，人多條好龍長，但無管理好排隊的秩序，原本兩餸飯一條隊(好短)、蒸嘢一條隊(好長)，竟然可以有啲人睇睇下兩餸飯，突然立斬跳左去則邊買蒸點，但店員照樣售賣，無理後面排梗隊嘅人感受🤦‍♀️不過，呢個價錢，味道OK，的確係窮人恩物嚟嘅！希望店舖會注意吓啦！…Read More

星期日晚於荃灣第一次光，食物正常，唔係差，但發生左些少插曲！感覺員工不太老實！由於想問清楚是否第二位半價，所以打去問價錢，服務生(男)清楚表達2位 total $57x (包括任食海鮮的最低消費)，服務生禮貌說如現在訂位有QR code， 確保半價，當時我說要跟同伴確定一下先。1. 我們無再book位，而是直接walk in，服務員(女)禮貌說第二位是半價後入坐，並詢問我們要什麼湯底，但她拿出來的，全是要加$的湯底🤔，我問没有不加$的嗎？！她才拿出來讓我們揀。2. 然後到選肉，我問她是否$3xx的便可任食海鮮，她說是，我便說要這種。3. 結賬時服務生(男)禮貌地希望我們可以用現金，因為公司現金流不足…我說嘗試找找，他便忙別的走開了…可是我望到賬單不是打去問的$5xx(共2張賬單，一張是368加一，另一張是半價後以正價加一，我須要自己加總和，total$6xx)我問服務生(女)，為何跟先前打來問的價錢不一樣，她說因為我們吃的是黑豚肉，貴30@🤣！我說: 可我不知我點的是黑豚肉，而且妳給我看的，只是有4個價錢的餐牌(是我粗心，當時一心諗住3xx的價格是任食海鮮，便不理會直接order，無諗過會有第二個餐牌 ;共8個價錢)她說: 是呀！我有問你們食唔食黑豚，你哋話食呀！所以加30@🙄(老實說，我無印象她有問)就這樣，我埋單算了，反正我真係食左，而且只是相差不過$100……但感覺被騙其實食物正常ok，但這個價錢，本人覺得不算優惠，可以有其他選擇，除非食最平的級數，及自己睇&問清楚價錢才order………Read More