為食雞脾's Profile

有日同朋友睇完戲成9點，聽朋友話佢公司附近開左間酒樓可以打邊爐，就去望望，地理位置真係一般，唔係果邊返工既人應該唔知。值得一提佢有free parking 。見到價錢$268，以任食黎講又唔算好平，不過我係8:30後入有8折，食得過。一入座發現無咩人，裝修好新，有刺身併盤任叫，雞絲燕窩羹，乳鴿，出面仲有小量小食任拎，刺身同乳鴿唔預佢好好味，不過算係唔錯，雞絲燕窩反而個味道幾好，我同朋友都鍾意湯底佢有d比較特別，例如椰子雞，酸菜魚，可惜朋友都唔食，叫左普通湯底咋我地。再黎就係火鍋料，佢送既一盤海鮮都好新鮮，仲有一碟靚d既牛都好大碟，值得一提呢度既魚皮真係幾好食，佢唔係比碎果d你，係好原整一條條同朋友食完都覺得自己下一次會返黎食寫呢個食評係希望呢間酒樓長做長有，因為佢新開真係無咩人去，我都想你地keep住做…Read More

以前日日返學都經過灣仔道,都會見到呢間原汁原味，但從來都無試過, 只知道係食中式野唔知係咪因為出左黎做野愈來愈少係屋企食, 好想食返d住家野企左係門口企左好耐,都未諗到食咩,有個職員行過黎, 以為佢叫我行埋一邊諗,原來唔係, 佢睇得出我唔知食咩好,走黎話俾我聽咩野出名好食幾好人~話晒都係食晏時間12點幾, busy hour~~哥哥仔話比我聽,荷葉飯同滑蛋蝦仁最出名,但荷葉飯一早賣晒最後我點了一個滑蛋蝦仁飯, 無記錯係50蚊左右是日例湯係西洋菜湯,飲完竟然唔口渴,我再望望menu先知呢間野係無味精做主打@@蝦仁來了, 好多野蝦,同埋都幾大隻, 滑蛋是即炒,熱辣辣不過都係果句,食左先講 第一啖無點豉油, 想試下原味先@0@ 好香的蛋汁~~很好吃~~~而且蝦仁也很爽口!!!!!!!!!!!!!!!!!!本人真的好鍾意食蛋料理喔~~~ (覺得很有媽媽的味道=3=)再點下個豉油, 我覺得個豉油幾好味,好鮮甜~係灣仔區,其實都有好多炒蛋為主打的食店, 但每次都要我等勁....勁....勁...耐位同埋食完佢又好快趕你走,呢間就無呢個情況,又好味,又坐得舒服下次來我一定要試埋個荷葉飯~~ ><…Read More

轉工轉到去灣仔,呢幾日不斷留意灣仔有咩好野食每次經過呢間都會覺得好似好貴既感覺同埋似target OL一格格既menu, 唔知點解我覺得好難睇= ="最後我食左個北海道套餐,即係平時食既常餐來了一杯不熱又不暖既熱奶茶.......叉燒通粉,好鍾意個湯~~炒蛋,火腿配厚多士味道ok la~不過唔係最好食發現蛋殼..........…Read More

住係大埔咁耐,都未有機會試,前排聽朋友講呢間唔錯,今日就來試一試之前呢個鋪位我記得成日轉,係咁開係咁汁,今次呢間開左好耐都未汁,令我更加想知如何....今日係星期日,2點幾來到,打算會有下午茶,點知無,好似連lunch set都無,有點意外....店內所有既設計,都好有連鎖經營既感覺~好多野都係一致既蕃滿門,一聽就知蕃茄是主角,當然試下你既招牌, 蕃茄滑蛋濃湯~香酥雞扒配長通粉,4x蚊雞扒幾好味,食落唔會一啖油,介有少許既香草味蕃茄滑蛋濃湯配長通粉味道唔錯,不過唔係太熱.......滑蛋無咩特別友人問我,食唔食到個湯有蕃茄醬味,定係新鮮蕃茄,我估係前者掛,始終佢都無寫明自己係用原材料做食過有d仲好味過呢間,但以四十幾蚊來說,係差唔多既質素啦蕃茄芝士焗豬排飯 $52,通常食呢個飯,都會不期然同某大連鎖快餐店比較呢個飯夠晒熱,豬排都好林~~佢仲要焗到有少少飯焦敗筆在太咸同太過酸士多啤梨多多特飲 ,要加12蚊原來係有汽的,都幾好飲,pass~整體來說,3.5分啦~見到佢其他小食都好似好吸引希望下次都係咁好味,始終大埔,好味既食店太少了…Read More

之前係佢開張第一曰食，十分讚！於是今次帶朋友來，可惜面目全非，今次一坐低，無啦啦比左個刺身頭盤我地（幾隻有頭甜蝦，幾粒貝柱仔，白色魚生片），我之前食都唔係咁架，唔通無得任食刺身？侍應話有d款無得任叫，我即o 晒咀食放題，就係為左刺身而來，我最愛既甜蝦，以前大大隻，又有頭，而家咩都無，又細又唔鮮貝柱也沒有任食，除左三文魚，其他刺身都食唔到鮮味，再叫一個之前我極力推介既海膽手卷，哇，佢d海膽少到呢....似輕微幫手卷染上一處顏色就算，我之前食都唔係咁既我好相信佢其他野都唔會好得去邊，果然....炸物唔熱，卷物好似隻隻一樣味，其他的都不評了....我仲特登帶朋友黎食，無晒面子了，佢新開張到而家，開左兩三個月就唔同到咁...不會再回來吃…Read More