澳門朋友介紹位於黑沙環區嘅café，主打自家烘焙咖啡豆及手工麵包，平時都係手工麵包同咖啡Fans，所以就來試試。餐廳以木色為主，樓底高，感覺舒服。佢哋嘅All day breakfast都係配自己做嘅手工麵包，今次點咗英式早餐，本身好喜歡英式早餐，食材豐富、份量足，麵包焗過好好食，蛋係炒蛋、蛋味濃。原來佢哋仲有天然酵母歐包早餐，下次要試吓。咖啡點左杯Mocha，都唔錯，朱古力味同啡味濃，加$5，仲可以轉精選單品豆。門口有個麵包櫃，入面放咗多款手工麵包，真心吸引，店員話平常都好多人來買。有下次，因為仲有好多嘢未試。…Read More
