kyshek6's Profile

終於有機會試到呢間又創意又用心嘅小店，一入到鋪見到個裝修就知道店主係好有個人風格，因為第一次幫襯，店主都會親自解釋點樣落單同佢哋嘅理念同街頭文化入到黎店主都會問你需唔需要要飲咖啡，因為飲咖啡個Menu會唔同😂湯底一共有三款-<天>·<地>·<海>🍜咁今次就揀咗<地>(豚骨湯）<海>（海蝦湯）<地>(豚骨湯） $95湯底係用上大量豚筒骨同肉熬成，仲配合魚介及大量蔬果，飲一啖真係好濃郁豚肉鮮甜味，望到好似好油咁但飲落油膩感好低，而拉麵好掛湯，個口腔充滿濃郁豚骨香🤤<海>（海蝦湯）$95湯底用上不同種類嘅蝦膏蝦殼熬成，仲配合魚介及大量蔬果，飲一啖好濃郁嘅蝦香鮮味湧出來，真係嘩一聲，濃郁而不油膩，個拉麵仲掛晒湯，蝦味極度濃郁，十分推介🤤惡套餐 （冷萃咖啡+昭和風硬布丁） $70先飲一啖咖啡，再飲一啖湯底同飲一啖咖啡，令到個咖啡更有層次同味道鮮明，淡淡嘅果香，真係好神奇嘅體驗☕️個布丁同出邊好唔同，蛋香味好濃郁，原來因為佢係模仿昭和時代嘅全蛋布丁，店主用日本蛋加cream cheese，識落好似蛋糕但又好creamy，加上微微焦苦既焦糖中和返甜度，香滑配合一流🍮總括嚟講，今次嘅crossover體驗10分有驚喜，又體驗到店主嘅用心，同日本既街頭文化，食嘢之餘又學到野…Read More

荃新天地二期，最近開咗間迴轉壽司，見佢有午餐供應就一於試吓豐盛什錦刺身定食 $64刺身有三文魚，赤蝦同北寄貝，厚切好肥美鮮甜仲有個鰻魚壽司都好好食套餐仲有沙律麵豉湯同烏冬，烏冬都好彈呀，食得出係日本烏冬👍🏻五色海鮮丼定食 $62海鮮丼有赤蝦帶子鯛魚北寄貝蟹籽，樣樣刺身都好新鮮鮮甜，仲要係厚切，食完好滿足套餐仲有沙律麵豉湯同蟹籽壽司，個湯都好足料有三文魚同蜆唔會好鹹幾好飲…Read More

Thai-in火焰燒春雞 $228見到好多台都有叫一於叫一隻試下，一上枱就係原隻燒春雞，店員俾我哋影個全相之後就現場加火特效，變成火焰燒春雞，相當全程矚目，燒完之後個皮好卜卜脆，一撕落嚟啲肉汁不斷流出，識落鮮嫩多汁亦醃得好入味👍🏻推薦之一泰北冬陰功 $128嚟到泰式店，當然要飲過冬陰功，飲落酸酸辣辣10分開胃，仲用個小火爐熱住暖笠笠，入邊仲有幾隻蝦同菇好足料肉碎生菜包 $98去泰國店都會叫呢個生菜包，每間個肉碎調味都唔一樣，今次就好驚喜啱我口味，因為係比較辣，包埋生菜一齊食十分惹味Pha-tail 泰式金邊粉 $128金邊粉炒得乾身，仲有幾隻原條炸蝦，連埋蝦頭嚇一嚇😂食落幾彈牙，但個粉食落較甜蓋過個酸味，旁邊仲有砂糖及花生，唔洗點已經比較甜…Read More

嚟到西環梗係要試吓歷史悠久嘅潮州美食，環境類似舊式菜館冇乜特別裝修，但都坐得舒服滷水鵝肉片$128嚟到潮州菜，梗係要試吓啲打冷啦，就叫咗個滷水鵝肉片，入面有骨又有肉，肉質好嫩，而且滷水味都濃郁，入晒味👍🏻下邊仲有啲炸豆腐墊底幾好味馳名蠔仔餅 $118潮州菜另一個經典小食—蠔仔餅，呢個炸得外酥內軟，入邊嘅蠔仔鮮嫩多汁好肥美，配埋鬆軟嘅餅底，仲卜卜脆，加埋個醬汁更惹味蠔仔肉碎粥 $158/窩一鍋大約有10碗，入邊蠔仔好大粒脹卜卜好鮮味，仲有配埋傳統嘅大地魚，令到個粥好香潮式糖醋伊麵 $98呢個係傳統潮式菜梗係要試吓，個面底先得香脆唔會好油，不過另一邊煎得唔夠火候，點些醋同糖一齊食酸酸甜甜好開胃…Read More

「茶記」係一間名副其實的茶記，門口只放了幾個價錢牌，沒有招牌，不起眼，見到價錢幾相宜，同幾多選擇，就一於試吓雙拼蕃茄薯仔湯通粉 $34個蕃茄薯仔湯好濃郁，入邊仲有蕃茄肉同薯仔粒，通粉係舊式冇坑紋嘅通粉，湯汁吸晒喺通粉入邊淡淡都食到蕃茄湯底雙拼就揀咗煎蛋同餐肉，個太陽蛋撈埋蕃茄湯汁好惹味，餐肉仲係好厚身，仲有好多粒早餐仲配咗個蒜蓉包，可以點落個蕃茄湯到食，幾好味餐飲仲叫咗個茶走，幾香滑，個茶底都幾濃郁…Read More

餐廳以木系和白色為主調，10分舒服，岩哂Happy Friday Chill Dinner用OpenRice訂位，二人套餐會有七折，不過兩個女仔食唔晒都係單叫意式辣肉腸薄餅一入去見到台台都有叫薄餅，而且好香炭燒味就一於叫一份，佢真係即叫即燒，所以都等得有啲耐薄餅底喺較厚少少，不過食落好鬆軟，餡料有辣肉腸醬、辣沙樂美腸、聖馬札諾蕃茄、馬蘇里拉芝士，食落好有層次，最重點就係個辣肉腸醬，記得要搽哂個pizza會更惹味燒大蝦三文魚籽龍蝦汁扁意粉一上枱見到個蝦好驚喜，係珍寶虎蝦size，蝦肉好彈牙同鮮味，加埋卜卜脆嘅三文魚子更提鮮，龍蝦汁好濃郁，完全掛晒喺每條意粉入邊，而且意粉做得煙靭唔會太硬，每條意粉都吸晒汁好惹味🫶🏻好有驚喜冇得彈…Read More

葵廣出名多嘢食，就求其搵咗間食餃子嘅舖頭，點知餃子都幾有驚喜雙拼韭菜x椰菜豬肉餃子 $50/12粒一上枱大大粒就俾佢嚇親咗，成粒乒乓波咁大粒，食落皮薄仲要入邊好多餡，肉同菜嘅比例平均，好豐滿👍🏻味道唔會太濃味，點少少辣油更惹味辛辣骨湯豬軟骨拉麵 $50呢個就較普通，湯地唔係好辣，不過唔會好油，豬軟骨滷得好入味，拉麵就普普通通，但真係好大碗，一個女仔就食唔晒如果想食得飽要求唔高嘅話呢間可以滿足到你👍🏻…Read More

屋企樓下開咗間一人燒肉店梗係去試吓啦，套餐價錢幾抵食有分100-200 g嘅套餐，套餐有湯、飯及沙律，一個女仔既100g都已經好飽，大約有6-8塊，仲有推出個300g牛盛合，岩哂大胃之人👍🏻同埋餐廳用無煙烤爐，無咩油煙唔使怕燒到成陣味蔥花薑漬牛五花肉質好嫩滑，又帶油香，加埋葱花真係十分惹味，配飯一流，最推介必叫之一牛舌x 牛胸腹牛舌切到好薄，好快就燒熟，食落好嫩口再配埋帶油花牛香嘅牛胸腹就岩哂牛小排牛肉較厚身，冇牛胸腹咁油膩，食落有口質同濃郁牛香牛胸腹 100g $10去到夜晚九點會有黑夜時段，叫一份餐可以加$10有100g肉，可選雞肉、豚腩肉及牛腹肉，今次就選了牛腹肉牛肉唔太薄，燒完油光閃閃又香，食落肉味濃郁帶油香…Read More

店舖古色古香，西式cafe配上中式裝修，餐牌食物以武功小說為名，好特別💕赤煉神掌lunch set午餐有好幾款選擇，素食可以選大啡菇，而我就揀咗呢個肉醬意粉加溫泉蛋，肉醬係自家製撈埋芝士酸酸甜甜，好開胃，店主仲唔客氣有好多肉醬同芝士，肉醬掛哂係每一條意粉，香濃而不膩😋大力金剛指 set+0一陽指 set+15咖啡可揀Nutty或Fruity，個人就比較中意Nutty大力金剛指就係Americano,一上枱好香咖啡味，飲落幾甘香，好濃郁一陽指就係Latte，加入埋奶更香滑咖啡仲係用中國茶杯盛裝，同店名一樣好有特式👍🏻…Read More

工廠區入邊都有好多隱世美食，今次就嚟到呢間隱世嘅高質日本料理，有傳統和食又有揚物串燒鍋物一品料理，種類非常多▫️魷魚圈 $58炸得好香脆，又唔會太油，入邊個魷魚好足料同嫩口▫️芝士明太子蛋卷 $42個蛋捲煎得好嫩滑，配埋鹹香嘅明太子同邪惡嘅芝士，一舊已經好滿足▫️鹽燒牛舌 $38牛舌好厚身，食落口感好有咬口，入邊有好嫩滑▫️燒羊架 $58羊架即叫即燒入口熱辣辣，而且用炭火燒香，油脂啱啱咇出嚟，好嫩口，推介之選▫️松葉蟹甲羅燒 $148甲羅燒次次都會想叫😍入邊有超多蟹肉同蟹膏，上面會有蟹子，食落會脆口，仲配有鵪鶉蛋黃，記得要撈埋，食落會更滑，會跟2塊蒜蓉多士放上去比你一齊食，夾埋中和返啲鹹味，又食到蟹蟹肉同蟹膏嘅鮮味，口感豐富▫️清酒煮蜆 $88一嚟到已經聞到好大陣清酒味，飲個湯底好香酒味但好易入口，應該將酒精都揮發咗，加埋鰹魚湯好好飲，個蜆好好鮮甜同冇沙▫️富士山特飲 $35/杯嚟到梗係叫打卡必備嘅富士山特飲，其實就係雪糕梳打，飲落好解渴，加埋雪糕好creamy鳥棲日本料理📌觀塘開源道60號駱駝漆大廈第三座5樓S室🍳🍴味道: 8.5/10👩👨服務: 8/10🏠💺環境: 8.5/10💰💸抵食: 8.5/10…Read More

平時食肉食得多，間唔中都去食下素食都幾好，呢間係西灣河屹立咗好耐，份量多且好有創意🟢金膳滷味拼盤 $75佢既拼盤當然冇得輸，有甜酸、咖哩、齋雞粒，堪稱鹵味三寶個菜好香口同入味，仲有蠔油齋、素叉燒、素扎肉、素腐皮卷，好脆口🟢酥炸荔卷 $75芋頭係我自愛，當然要叫呢個，炸得好香脆，入邊芋泥好香滑，皮脆內嫩🟢椒鹽淮山 $88個椒鹽調得啱啱好，加埋淮山炸得好香脆，唔會有滑潺潺嘅感覺，好爽口🟢素楊州炒飯 $62個飯炒得好乾身一粒粒，仲有好多豆類，又大碟🟢腰果露 $55呢個最有意外驚喜，腰果味好香濃同好滑，食得出係即磨合桃而唔係用粉沖，每一啖都食得出好濃郁嘅腰果香…Read More

作為一個雞子控，上次推出雞子小食，今次又有新搞作-雞子火鍋🍲趁住冬天梗係去試吓啦☃️半個火鍋已經有20幾粒雞子，所以兩個人建議可以選鴛鴦鍋👍🏻另一邊選咗傳統嘅蕃茄湯底，同平時食麵一樣咁濃郁，配埋個面就Perfect🍜麻油雞子拼蕃茄湯底火鍋 $268🔸本地騸牯手切肥牛 $128呢個要提早預訂，口感好嫩口，牛肉味香濃又唔會好油，記得10秒就好啦，個人覺得配麻油鍋再香啲🥢🔸無骨黑魚片 $48魚片好滑嫩，配埋蕃茄湯底好夾🔸本地新鮮墨魚滑 $48食落好新鮮，爽口彈牙🔸厚午餐肉 $28嘩真的好厚的，食落好有咬口，因為已炸左，所以皮脆肉厚🔸腐皮墨丸蝦條 $28食落有啲似南記春卷😂但好彈牙同吸哂湯底🔸炸雞皮卷 $48外層鬆脆香口，內裏既雞肉好嫩滑多汁，口感豐富…Read More

觀塘樓上樓下coffee shop眾多，今次就揀咗去近牛頭角附近嘅一間coffee shop-啡奴，自命係一位咖啡嘅奴隸，當然要去會一會☕️全間嘅coffee shop都係以木系嘅工業風裝修，入邊仲有個上咖啡堂嘅地方Cream cheese bagel $40+ smoke salmon $20個bagel火烘得外脆內軟，加上濃郁嘅cream cheese，但佢用既呢款cream cheese唔會好膩，所以加埋smoke salmon岩岩好，好惹味Long black $20 (Set price)咖啡味偏fruity，好香濃，口感順滑呢度嘅手沖咖啡仲有好多款選擇，下次時間充裕真係要嚟試吓…Read More

傳統港式冰室喺香港愈來愈少，依間係由我上一輩都有幫襯開到而家，餐廳嘅佈置同裝修都維持以前咁，不過錯嘅位置就較迫依間冰室懷舊之餘，食物品質都中上，而價錢仲好實惠雖然係舊式茶餐廳，但店員都好Nice又好客特餐-餐肉通粉+火腿奄列+餐包+熱茶走$39一食個通粉就好有驚喜，因為個湯底係用咗好濃厚嘅忌廉湯好夠味道同足料，而唔係唔好通嘅雞湯hea你，加埋啲湯又係通粉入邊，吸晒味，真係好有誠意嘅茶記通粉，餐肉仲係兩塊厚後煎香嘅餐肉火腿奄列煎得火候啱啱好，切落去仲有少少單流出嚟，加埋落餐包食就好滿足，不過略嫌油咗少少黎到茶記當然要叫杯茶走，叫咗少甜真係有少甜到，茶底夠晒香醇，加埋煉奶好香滑，飲落一啲都唔澀…Read More

近排天氣凍凍地，有太陽又有風就好想去露營，近近地就去咗銅鑼灣一間以露營為主嘅餐廳烤肉，感受吓露營嘅氣氛🎄露營生活套餐 $988近住聖誕節，餐廳就推出咗聖誕套餐，套餐有晒前菜烤肉煮食甜品，啱晒啲唔想煩又想試好多嘢食嘅人🎉前菜前菜有海蜇青瓜絲，秋葵同番薯，全部都酸酸甜甜好開胃🎊小菜之後就沙律同刺身，沙律係黑椒燒和牛火箭菜沙律，和牛輕輕燒過，肉質仲好嫩滑，加埋黑椒好惹味，配返個火箭菜沙律就啱啱好刺身包咗新鮮運到嘅日本池魚，魚油甘香細嫩入口質感爽脆，仲包咗三款指定嘅刺身-帶子北寄貝劍魚，尤其帶子最出色，十分肥美同鮮甜，仲可以自選兩款刺身，叫咗個拖羅同吞拿魚赤身，拖羅帶點油脂非常甘香，加埋油脂少但肉質有咬口既赤身，唔會食到出邊成日有既雪櫃味，好新鮮⛄️之後就重頭戲-燒肉☃️宮崎和牛6點盛合餐廳好窩心，每款牛都有個標誌，由大眾化到稀有部份的牛肉也有提供，牛肉味都好濃郁，果然係新鮮日本直送龜之子：即和尚頭中心外側，油花如龜紋，口感極為細緻柔嫩牛小排：即胸腔左右兩側，肉質較結實牛肉味濃厚沙巴當：即牛肩胛近肋骨嘅位置，油脂較多識落嫩滑後腰背：油花較少，肉味較突出和尚頭：即牛後腿肉內側，稀有部份之一，油脂豐厚，燒燒下就已經聞到濃濃嘅和牛香味，食落好嫩滑有入口即溶嘅感覺友三角：即牛腿肉嘅三角部份，帶霜降紋，牛肉香味都係好濃郁，同和尚頭都入口漬花嘅感覺西冷：即牛腰脊部份，肉質彈性，肉味最濃郁☃️香辣美國野雞仔半隻雞肉猛火燒到肉汁超Juicy，而且預先調味好惹味，完全唔使點醬汁🦌創意料理-海鮮上湯帶子煮嘩海鮮湯十分鮮甜濃郁，令到帶子嘅鮮味更突出，加上輕輕煎個帶子帶灸燒香，加埋濃郁嘅海膽，十分鮮味回甜🎀甜品-朱古力火鍋朱古力醬出到嚟係暖暖嘅，仲有日本士多啤梨棉花糖手指餅去點朱古力醬，朱古力醬唔會太甜，作為完美既句號，如果朱古力可以有個爐輕輕煲住就更完美了…Read More