eat.play.travel's Profile

餐廳裝潢非常之和風，行木系風格，簡約舒適。好好彩安排到榻榻米位置，中間凹陷可以放腳，唔需要盤腳坐。整個感覺都好似去咗日本咁。叫咗兩個定食，不得不讚食物擺盤真的非常漂亮，打卡一流和牛肉壽喜燒定食 $178牛肉柔軟有牛味，份量都多。壽喜燒汁味道啱啱好唔會好咸好濃味。有埋好多蔬菜、菇、豆腐等。豪華海鮮丼茶漬飯 $178刺身新鮮無腥味，平時食飯我好快食厭，所以可以再加茶漬飯食法幾有新鮮感可以加錢加小食，叫咗海鮮炸物盛合，有蝦和廣島蠔。廣島蠔真係超出色！大隻多汁！即叫即炸，炸皮唔厚又夠脆。炸牛肉薯餅基本上同喺日本食嘅味道差唔多。鎌倉紅葉茶屋抹茶提拉米蘇 $58見大家都好似會叫呢個甜品，所以都試吓口感幼滑，抹茶味濃凍抹茶拿鐵抹茶和牛奶的比例啱啱好，兩樣都好濃郁，牛奶又香滑，唔會過甜，抹茶控一定喜歡香橙梳打咖啡可以自己調配咖啡和香橙梳打的比例，咖啡的苦味被橙的酸甜大大柔化，變得極易入口，味道清新，推薦！一口蟹唐楊因為覺得呢度炸嘢非常好食，所以再叫多咗個炸一口蟹。非常脆口，估唔到細細隻，但都有唔少蟹肉，送酒一流…Read More

朋友生日，揀咗呢間食飯環境日式文青風，幾舒服每人至少要叫一杯飲品和一樣食物，價錢偏貴，不過的確是好吃的威士忌名古屋脆雞翼$88雞翼味道就普普通通，我哋都食唔到威士忌嘅味道明太子烤山藥 $58二重奏廣島蠔炊飯$258廣島蠔煎香咗，味道都幾突出吞拿赤身炊飯$248豆乳雞鍋 呢個真係幾好食，一開始要食晒所有蔬菜，先至放雞落去再煲。個湯超好飲，雞都煲得好入味清酒粕味噌燒A4和牛TATAKI（半熟）$348和牛非常柔軟，牛味濃，肥瘦適中，好好味…Read More

慶祝男朋友生日，見屯門開咗御滿屋日式放題，所以就係試吓平日19:00來到已經超多人排隊！全場滿座，超人氣！環境好新好大好靚，行高級日系風格。掃QR code落單，飲品甜品都係出邊自己拎，另外都有多款小食可以自己拎。甜品可以任食Häagen-Dazs,Movenpick!飲品都有超多選擇，連日本果汁酒都有！唔知係咪因為新開嘅關係，我覺得全部食物嘅質素以放題黎講都幾好，食物選擇又多，算係CP值高！見到店員都非常忙碌，但依然保持笑容，非常專業。上菜等待時間不算長，間中亦會有人主動收碟，沒有漏單情況刺身拼盤，全部刺身都非常新鮮，冇腥味見到都有啲好特別嘅食物，例如魚子醬煙三文魚龍蝦沙律酥皮，紅酒鵝肝士多啤梨撻，味道都OK！值得一試燒菠蘿超好食，又甜又多汁，唔會燒到乾爭爭蒜蓉焗生蠔都係必食！非常大隻，鮮甜多汁，幾creamy，我係Encore再Encore!鐵板香煎比目魚，煎得啱啱好，魚肉好滑好香杞子花鵰醉鮑魚，都係唔錯，幾入味，鮑魚唔韌…Read More

Owens終於喺屯門開分店了，位置喺V city非常方便屯門店比太子店大好多，但12:30來到已經差不多full，坐低無耐出邊已經排緊長龍裝潢走簡約輕奢風，環境舒適。店員足夠，上菜非常快。午餐價錢$62起，已配餐湯/沙律及飲品，CP值高。每樣食物嘅擺盤都非常漂亮，打卡一流我哋叫咗法式蟹肉龍蝦湯+$38和一客沙律龍蝦湯味道非常濃郁，鮮甜帶有少少辣味，味道算係幾豐富，入面亦有足夠蟹肉小食加咗酥炸吉列生蠔（4隻）+$28即叫即炸，非常酥脆，啖啖蠔肉。呢個價錢有四隻炸蠔真係非常抵食。蒜蓉焗扇貝（2隻）+$38扇貝比想像中大隻，都係啖啖肉，好鮮甜蜜糖柚子雞翼（4隻）+$38醬汁甜甜酸酸好開胃，就算加了醬汁，雞翼外皮都keep到脆口主菜點了紐西蘭頂級肉眼牛扒薯菜五成熟五成熟啱啱好，肉質柔軟有肉汁，牛味濃郁烤雞扒全日早餐分量比想像中多，食得好飽。入面有烤雞扒、烤啡菇、法蘭克福腸、蕃茄、炒蛋、酸種麵包、田園沙律等等雞扒烤得剛剛好，不會太乾，調味亦適中伯爵茶麻糬提拉米蘇我覺得提拉米蘇是來Owens必吃的！非常好吃，甜度適中，入面仲有麻糬提高口感。伯爵茶香味濃郁，配提拉米蘇味道一流榛子朱古力朱古力咖啡 飲品味道都好濃郁足夠，外貌亦非常漂亮，非常適合打卡…Read More

餐廳環境好大，私隱度高，行簡約木系風格午市放題CP值高，$163起。我哋揀咗食level2的美國Prime Grade 牛肩胛肉，加$40升級海鮮配料有多款火鍋湯底選擇，我哋揀咗花膠雞煲花膠雞煲非常足料，有好多花膠，湯底味道鮮甜，唔會好濃味。所有火鍋材料都是用QR code落單的，乾淨衛生，又唔洗自己行來行去拎野食火鍋配料，亦都好多選擇，例如手打的墨魚丸三色丸等，蔬菜菇類麵類一應俱全好值得加$40升級海鮮配料，有蝦、蜆、墨魚仔、花膠、白鱔片、脆肉鯇等等，全部都非常鮮甜又新鮮！多款飲品選擇每人亦有一款雪糕送，有Häagen-Dazs,Movenpick, Dreyers 等選擇…Read More

餐廳比想像中大，木系清新感，環境好靚好舒服。六月有做Ian陳卓賢生日應援，餐廳內有好多banner同畫作可以打卡叫咗兩個一人餐餐湯係椰菜花湯，之前都未聽過椰菜花可以做湯，估唔到味道都唔錯，好香嘅椰菜花味，濃稠度適中餐包係蒜蓉包，非常香脆，蒜蓉味亦啱啱好。Risotto with Half Lobster and Crabmeat in Tomato Sauce忌廉茄茸蟹肉龍蝦意大利飯原本係得半隻龍蝦嘅，我見加+$68有多半隻所以就加咗。龍蝦味道不錯，幾鮮甜，肉質亦都爽口彈牙，份量亦足。意大利飯幾creamy, 酸酸地好開胃，每一啖都有蟹肉。Char-Grilled Pork Loin with Rasberry Gravy炭燒法式豬鞍架 伴紅桑子汁豬鞍非常軟腍，應該係用慢煮方法煮熟，外皮再用炭燒方法煎香。肉汁足夠，肥瘦適中。紅桑子汁簡直將成個豬鞍味道昇華，酸酸甜甜真係豬鞍好夾跟餐嘅飲品叫咗檸檬茶同埋咖啡賣相都唔錯，味道正正常常…Read More

上網見到熊本牛鍋做緊快閃優惠，二人同行一人半價，仲要打卡送蒸海鮮咁抵！即刻同朋友訂位試吓！今次揀咗$308澳洲和牛套餐，一開始會送一個雞煲，食完就加水打邊爐。雞煲都好惹味，雞肉嫩滑。之後就上咗蒸海鮮，只需要讚好專頁like and share以及留言即可領取。估唔到送嘅海鮮份量都有咁多，有蠔，蟶子，帶子、鮑魚和蝦，仲要好新鮮好好食！本身以為鮑魚會好韌，點知都超柔軟，非常驚喜之後就開始打邊爐，呢個套餐包咗任食澳洲M4 M5和牛,牛白肉,頂級牛肉,生肩胛,保濕豬豚肉一上菜已經覺得肉好靚，全部質素都好高，非常有牛味，肉質柔軟。其他任食嘅火鍋配料都好多選擇，甜品有我鐘意嘅豆腐花同木糠布甸職員都非常友善，會清晰教導你點樣去食雞煲蒸海鮮等等…Read More

母親節同媽媽去食飯，揀咗wetland season park的小茶角餐廳環境美觀，行木系小清新風格，感覺幾舒服二人餐都幾抵食，$358起，有沙律、湯、前菜、兩個主菜同飲品。蘑菇湯入邊有好多買蘑菇碎碎，幾有口感，味道都唔錯飲品叫咗mocha同matcha latte, 兩杯都幾好，味道濃郁前菜揀咗白酒忌廉煮藍青口，估唔到份量都幾多，都有2-30隻，味道鮮甜，忌廉都好足。紐西蘭牛肉眼扒8oz 配炸薯角及田園沙律牛排煎到五成熟啱啱好，肉質柔軟，有肉汁炸薯角都非常之脆牛角包漢堡 牛魔王呢個非常推薦，喺呢度嘅招牌菜。非常特別用牛角包來做漢堡。包皮輕盈鬆脆，入面有手打牛肉漢堡、蛋、蘑菇、芝士、蕃茄。手打牛肉漢堡非常多肉汁。…Read More

餐廳裝潢高級優雅有氣質侍應的服務殷勤有禮，主動每道菜之後都會收碟再本身嘅餐具同碟叫了二人餐$538，份量非常豐富，吃得超級飽！選擇亦很多，令我有興趣再食一次，試吓其他食物。一開始會有餐包和餐湯，時日餐湯是薯仔忌廉湯Canapés Platter +$30
法式點心拼盤拼盤有不同法式小食。芝士迷你蛋撻，蛋味香濃，微焦芝士味亦好香。Parma ham 味道鹹香炸蘑菇薯仔球外酥內軟，菌香與薯泥交融唔道驚喜。三文魚蟹肉他他鮮甜細緻Berkshire Pork Loin Steak +$45
黑豚帶骨豬鞍一開始侍應問我哋想要七成熟或是全熟，我哋揀咗全熟。我覺得應該揀七成熟會有更豐富嘅肉汁，不過全熟肉質都柔嫩唔會鞋，富油脂香，南瓜蓉打得好綿密，甘甜味令豬鞍味道升華。Argentinian Angus Ribeye +$50
阿根廷安格斯肉眼牛扒牛扒十分出色，做到完美五成熟，肉質柔軟肉汁豐富。外皮煎得剛剛好，有微微焦香。Apple-Cinnamon Crêpe蘋果肉桂可麗餅分量都算大，適合二人share。上面有海量蘋果，非常足料，再加埋雲呢拿雪糕，味道都好夾。酒叫左兩杯sparkling,Sassy Apple Cider, Normandie IGP $60Sparkling Brut, Cellier Léonard de Vinci, Méthode Traditionelle, Touraine AOC $80入口輕盈清新，有果香，容易入口，適合女仔品嚐…Read More

朋友生日約咗黎食lunch, 餐廳環境不大，睇落不算太美觀，亦有好少量蚊蟲飛來飛去。不過味道都不錯。係外國人員工所以要用英文落單，員工服務態度都不錯。食物攞盤美觀，份量亦算大。…Read More

餐廳環境都幾大，座位舒適。豬頸肉米紙卷 $58擺盤擺得好靚。上菜嘅時候覺得有啲奇怪，點解見唔到有豬頸肉嘅呢？原來豬頸肉切得好薄，用嚟包住外圍，非常特別！豬頸肉非常柔軟，有炭燒的香氣，配米紙卷感覺都幾清新。沙爹串燒3串 （雞，牛，豬）$68一次過可以試晒三種唔同嘅肉類，每款嘅味道都不錯，肉質都ok唔會好柴海鮮炒檬 $93加埋蛋所以炒得勁香勁好食！好有鑊氣。海鮮份量好夠，蝦肉新鮮彈牙。越式吊龍湯河 $82係全港首創的小黃牛越南pho, 湯底使用南薑、香茅、桂皮、人參薑、羅望子、草果等26款香料，每天用20斤牛骨中火熬製6小時，再加入骨髓、牛筋、坑腩，增添牛湯香味，所以湯底好有層次超濃郁！牛味勁香！幾乎飲晒全碗湯。牛肉非常柔軟，有牛香，而且做到半生熟。蘆薈柑桔檸檬 $36酸酸甜甜好開胃，係綠茶底，所以好清新，唔會過甜。入面仲有清爽蘆薈粒粒，最鍾意呢啲有咬口嘅飲品。紅豆冰 $32椰香味好濃郁，係好飲嘅紅豆冰…Read More

之前已經聽過呢間疏乎厘pancake好出名，一直都想試吓，終於搵到friend同我一齊試啦。芒果吉士窩夫 $70比想像中大份，兩個人share會比較好。外觀非常漂亮，打卡一流。窩夫外皮鬆脆，內裏煙靭。芒果份量都多，而且好甜唔會酸。Tiramisu 班戟 $87本身以為班戟應該要整好耐，點知比想像中快。份量好夠，有蛋香，空氣感都不錯。Tiramisu醬汁超級豐富，味道濃郁。豆腐佬“文太" $46又喺非常抵食，好多料，有豆花、八寶豆、桃膠、雪燕。豆花有豆香，味道清甜。桃膠雪燕有口感，女士美容一流。椰汁味亦都非常香濃。Homie拼盤 $51食得甜野多，想食少少咸食。拼盤有好多野食，價錢都算幾抵有炸燒賣，雞翼，薯格等即叫即炸，非常香脆。雞翼少少辣，非常惹味。…Read More

之前食lunch嘅時候經過見到新開咗間pizza店，見係即叫即拉幾好食咁，所以就黎試吓。叫Meat Lovers 招牌食肉獸手工薄餅 $125即叫即拉，仲要直接睇到成個製作程序。大約等15分鐘就可以拎得材料有意大利辣香腸、肉丸、雞肉丁、香腸、紅辣椒泡菜、墨西哥辣椒等。材料非常豐富，CP值高。少少辣，味道超香。Wagyu Burger 經典和牛漢堡 $82份量好大，材料新鮮，和牛有濃郁嘅牛味，仲有超多嘅肉汁蒜香脆雞翼 $45炸得非常香脆，少少辣，非常惹味西班牙朱古力吉拿棒 $42去西班牙食完之後就迷上咗churros, 見到呢間有得食，當然叫來試吓炸得香脆，而且鬆化。入面已經有朱古力醬，唔使自己再點醬好方便…Read More

呢間餐廳喺我公司附近，我同同事成日都叫外賣食，覺得都唔唔錯。今次同男朋友嚟堂食試吓餐廳環境舒適，座位寬敞招牌三寶牛肉麵 ＄82我鍾意食小胖台灣麵嘅原因係因為份量好夠，如果細食嘅話我覺得可以兩個人share添！三寶牛肉麵有2大條牛腩，牛腩炆得非常之腍，基本上完全唔需要努力咬，牛味都非常之濃郁。牛肚都好腍好好食麵條係粗嘅麵條，彈牙又掛湯仲有台灣特有嘅黃牛油可以加，加完之後牛味更加重，超好食小胖孖寶便當 $52呢個係我最常食的，因為一次過可以食到雞扒同豬扒！雞扒堂食係啱啱炸起，非常脆，仲有好多肉汁。豬扒柔軟又入味。另外仲有滷肉，滷水蛋，蘿蔔，豬肉丸等等，超多嘢食，仲要價錢唔貴，好抵食！跟餐本身免費有烏龍茶/冬瓜茶，亦可加錢加其他飲品鴨屎香手打檸檬茶+＄15白桃珍珠烏龍茶 +＄13這些台式飲品的質素都非常高，跟餐加少少錢都算幾抵！白桃珍珠烏龍茶白桃非常香，烏龍茶茶味醇厚，珍珠亦非常彈牙鴨屎香手打檸檬茶，茶味非常香濃，雖然冇得揀甜度，唔會過甜，澀味都啱啱好香蔥豬油伴豬耳 $32辣辣地非常之惹味！豬耳好爽如果想再抵啲，可以download埋小胖會員app，會有迎新優惠券，亦都可以儲分，食得越多就可以儲得越多分。…Read More

午市12:00-17:00，店員說16:50前入座便可以$98 /90分鐘 。我在openrice訂座竟然還可以免加一！這個價錢肉質當然不算是很高級，但我覺得已經很不錯，大約是燒肉Like/RUD 那種平價燒肉的質素。而且選擇都幾多，有豬肉牛肉雞肉、蔬菜、沙品、飲品等環境舒適，空間感私隱度十足店員態度良好，上菜和收碟嘅速度都好快。…Read More