Eatdayday's Profile

自己一直都鍾意去打邊爐，太子呢一間邊爐，之前疫情前一路都好想打，但係無奈停業14日，而家終於有機會可以去，梗係冇放過呢個機會。我哋坐咗喺近住大窗口嘅位置，零瀉通風。餐廳亦都非常注重衛生，碗碟都非常乾淨。一坐低嘅時候，由於天氣太熱，我哋都叫咗竹蓆茅根去飲。竹蓆茅根唔算太甜，清熱潤肺，非常足料。去打邊爐，就梗係要食啲頭盤，我哋叫咗呢一個刺身叫松，裏面有好多唔同款式嘅魚生，包括三文魚、象拔蚌等等。之後我哋叫咗個石旁魚刺身，石旁魚刺身可以兩食，刺身以外的其他地方可以炸，成為一碟小菜。這條小菜熱辣辣，而且加上左調味料，非常好食。另外佢個牛肉刺身都好正，配埋佢哋自家秘製嘅酸汁，牛肉刺身點落酸汁一齊食，零舍開胃。之後到打邊爐嘅環節，我哋特登點咗椰汁雞湯底，非常清熱下火，亦都透心涼。喺配料方面，我哋特登叫咗個牛魔王三層塔，一次過滿足晒三款願望，佢啲牛肉真係非常新鮮，牛味濃。佢啲黑毛豬亦都非常好食。最後我哋叫咗個雪糕作為這一餐飯的完結。這一個雪糕是菠蘿雪葩，是由日本運過來的，在製作的時候會先把菠蘿攪成汁，然後再製成雪葩，所以非常甜。…Read More

附近睇完舞台劇就響度搵野食醫肚見到餐牌幾吸引 就入左來試下我叫左麻辣豬紅雞肉米線朋友就叫左花雕酒雞肉米線我都有試到佢果個個人覺得花雕酒湯底幾正香得來唔會苦但麻辣湯就真係麻麻好辣但唔夠咸米線都算幾滑整體來講算ok我地另外叫左5隻黑金雞翼其實即係黑蒜雞翼呢個真係有驚喜香口得來又唔會太濃味啖啖蒜香味叫左一杯凍阿華田 一杯凍好立克兩人埋單$158…Read More

天氣開始凍 個人就想食熱辣辣嘅嘢呢個天氣打邊爐就真係一流朋友話想食粥底邊爐於是就去左呢間聽聞幾抵食既中餐廳我哋兩個人都叫咗龍蝦餐（每位$288再加一）一開始就會有人送上開胃涼菜，之後就會嚟一盅燉湯。當日既湯係燉雞湯來既，好鮮甜同埋足料。個餐包左既海鮮有（半隻）龍蝦、鮑魚、聖子、多寶魚、黃金蜆、海蝦及帶子。另外有安格斯牛肩肉，同埋可以再額外揀8款火鍋配料。火鍋配料我哋揀咗日本黑豚肉、美國肥牛、巨根蟹柳、娃娃菜、蜂巢豆腐、響鈴、花膠，以及自家製蝦滑。除咗海鮮之外，啲肉嘅份量都俾幾多，抵食！重點係啲牛肉質素高，除咗牛肩肉之外，我哋重點左一盤肥牛，同樣都係好新鮮，好香牛味，仲有陣新鮮肉先有既甜味。另外海鮮都好新鮮呢，特別係龍蝦、鮑魚、蟶子同埋帶子。我就勁鍾意食個鮑魚，上碟時仲郁緊架！擺入鍋4分鐘就食得，爽滑得來唔會韌😋平時食豉椒炒聖子就食得多，白烚真係好少，但咁先食到個鮮味，食材新鮮，就咁點少少豉油已經好正。8款自選嘢入面，我覺得最抵嘅就係可以揀花膠！平時自己出去買都唔平㗎，個份量仲要俾左幾多下！佢哋本身已經幫客人整熟左，只需要放落鍋幾十秒就食得架啦😋個蝦滑都好正，爽滑彈牙，值得推薦！食到咁上下，都已經好飽啦，因為真係好足料～但個粥底先係精華！所以死都要食埋個粥底🤤唔使再加啲咩，已經好鮮甜，個粥又綿，好好味啊😋…Read More

最鐘意食呢度既布拉腸粉叉燒腸同牛肉腸都好好味就算係最簡單既蝦米腸都無得輸因為真係好滑 平時經過會食粥加腸粉最鐘意食佢地既雞粥啲雞好滑 個粥又香除咗粥之外呢度既煲仔飯都好好味有好多選擇 呢排天氣凍凍地食煲仔飯就最啱…Read More

太興出咗名係食燒味個人最鍾意食佢嘅乳豬、燒腩同燒鵝但係最近鍾意咗食佢嘅小菜個咕嚕肉真係幾高質做到外脆內爽層皮好脆但係唔會話用好多炸粉至於入邊嗰啲肉 食落好爽口 唔會好韌同出邊其他地方食到嘅咕嚕肉好唔同加埋個冰鎮奶茶 真係不得了…Read More

最鍾意食呢度嘅鹹肉糭、蘿蔔糕、雞粥同埋菜乾豬骨粥，基本上每次來都係食呢幾樣。味道好，價錢親民。去得多連鎖大型嘅食肆，偶爾去下呢啲小店 份外感覺到嗰陣人情味。啲阿姨得閒嗰陣會同你吹下水架…Read More

朋友話想食得健康啲所以揀咗一間有沙律食嘅餐廳我地三個人想食沙律個friend自己點左一份沙律我同另一個朋友就share一個小食同埋一碟意粉個小食係牛油果雞肉蛋卷味道本身已經好豐富 外皮好脆又唔厚粉加埋隔離個醬汁 幾好味呢個係大蝦扁意粉個汁有啲黑椒味 辣辣地 好香口意粉質地唔錯 唔會好淋啲蝦都幾新鮮整體感覺唔錯另一個朋友就自己點左個沙律全部材料都好新鮮我覺得個醬汁調得好好胡麻柚子味 食落好開胃總括嚟講呢間餐廳質素唔錯價錢都唔算好貴值得推介…Read More

三人行去左呢間之前有食過既餐廳同樣都係無失望食到好滿足咁走我地叫左三個主菜share有一個係餐來另外兩個都可以各加$30轉餐包餐湯同野飲1）鐵板烤羊架由於本人唔食羊既關係 評論唔到但友人話好好味 好嫩滑鐵板上 燒到好香我就食附近既配菜 個薯條真係好正真係薯仔炸出來 2）呢個係焗鴛鴦炒飯同傳統喺茶樓入邊食嘅鴛鴦炒飯做法唔同都幾有新鮮感味道不錯但未稱得上係十分之出色3） 壓軸出場嘅係呢一個「火冒三丈」其實就係鐵板上嘅烤豬手上菜時 侍應會喺上面淋上白酒再點火燒好有睇頭味道十分之好 層皮非常之脆肉嘅部份亦都十分之香口 如果隔離有杯啤酒就真係一流呢間餐廳嘅菜式份量真係都幾大份其實係大件夾抵食 味道亦都好好我哋最尾食到好飽 仲有啲食唔晒想去試嘅人要留意一下份量…Read More

約左朋友食tea佢地話有間tea time無咩人 好好坐既韓國餐廳就去左試叫左三樣野1）柚子燒酒呢個唔記得影相個人覺得唔太好飲又甜又澀咁2）芝士飛魚子雞蛋捲都幾好味 芝士味幾濃 蛋都好滑但要趁熱食仲有叫左3）一盤兩味既烤雞包括有果味蒜香同埋蜜糖味3個人食 每人大概3-4件皮超級脆 汁又香一d都唔會油膩 一試愛上超推薦！個人鐘意蜜糖味多少少不過有點貴叫左兩樣野食 一榨野飲每人都差唔多要俾$200…Read More

約左朋友在朗豪坊見佢話想食西餐 就求其入左呢間都幾當眼既店我點左呢個set$118包一份沙律，一份主菜 同一罐汽水沙律賣相有點頹 但食落味道不錯 菜都算新鮮主菜我揀左牛肉肉醬扁意粉呢個就真係唔太好食雖然個賣相呃得吓人個醬好稀 質地呈水狀 味道又淡做唔到肉醬意粉嘅精髓唔推篤…Read More

我係個點心愛好者久唔久就會想去飲茶有日同朋友響街諗食咩好嘅時候就見到呢間「中心點」決定入去試吓我地點左1）黑金鴛鴦蝦餃王一籠有四粒其中有兩粒個蝦餃皮係黑色嘅睇落幾得意 但其實食落又好似同透明皮無咩分別不過係質素幾高蝦餃皮好軟熟至於隻蝦就幾新鮮彈牙2）牛油果蒜香蝦春卷呢個都做得幾出色蒜香味好惹味 蝦又爽口不過個牛油果喺呢度就被忽略左因為蒜香蓋過咗佢既味道但整體而言係好食嘅3）蜜汁叉燒腸粉呢個就有啲失望啦個腸粉皮做得超級厚食完第一啖已經唔係好想再繼續食4）本來叫咗個臘腸走地雞籠仔蒸飯後尾突然見到餐牌上有個新店開張優惠可用$64優惠價食到「生猛開邊龍蝦蒸飯」所以我哋即刻問侍應可唔可以加錢轉廚師本來已經蒸好個雞飯但是侍應話冇問題 即刻幫我地轉 超級好阿！用呢個價錢食到半隻龍蝦都算幾抵只不過食完之後個人覺得龍蝦同蒸飯嘅配搭唔係好襯下次都係會揀返最傳統嘅嗰啲蒸飯…Read More

呢間韓國餐廳無做set menu全部都係散叫既純粹同朋友咁岩路經此地又肚餓 想食熱湯飯就入左呢間試下我地叫左兩樣野1）牛肋骨湯（跟一個白飯）2）傳統紫菜卷因為無跟餐飲料關係朋友再叫左一罐可樂我就飲佢地免費提供嘅熱茶個牛肋骨湯賣相真係好麻麻飲落牛骨味唔算好香濃有點失望 因為覺得個湯先係重點但連住牛肋骨既肉食落就都幾香牛味雖然份量唔算好多 得5-6件細細件既食完有啲唔係好夠喉至於個傳統紫菜卷就平平無奇 無咩韓式紫菜卷應有既麻油香但如果純粹想過下紫菜卷癮都可以點既…Read More

揀哩間餐廳，係因為聽朋友推介過，咁啱幾個舊同學聚會，就揀哩間試試。整體來講，餐廳既裝修風格係小清新，好適合影相。食物既質素屬於中等，款式亦不多。不過飲品比較出色，睇上去都好靚啊，睇得出佢地都係主打飲品既。至於性價比亦還好，主食+飲品都普遍超過160，唔算特別抵食。另外，鋪頭係自助形式，安排位置後，要到櫃檯order食物+俾錢，之後店員會送餐。大蝦龍蝦汁意大利飯（$128）我地人多，點左四款，我覺得哩個係最好食！（我點既，哈哈）龍蝦汁真係好香好吸引，同埋係可以自己一個食曬既，唔會怕太“漏”。水牛芝士牛肝菌汁意大利飯（$128）牛肝菌味幾濃，不過同黑松露卡邦尼擺埋一齊食就輸左 XD黑松露三六魚籽卡邦尼（$108）黑松露味幾香幾濃郁，不過食多兩啖真係會“漏”鮮鮑魚竹炭汁意粉（$118）哩個意粉我覺得好一般，純粹係睇上去顏色吸引，其實味道比較淡。紫薯髒髒鮮奶（$43）賣相好靚，非常適合影相，味道都唔錯既…Read More

成日經過老馮都好想入去試下但奈何每次都大排長龍尤其係食飯時間今日碰巧5點鐘左右去食野見無咩人排就即刻去試！同朋友二人一坐低店員就即刻招呼 問我地飲咩茶茶既質素就同其他茶樓差唔多 都係咁麻麻畢竟收$5一位茶芥都唔可以抱咁大期望我地一共叫左4樣野1. 頂級灌湯餃2.招牌混醬腸粉3.片香馬拉糕4.蝦醬蒸腩仔飯灌湯餃響呢度好出名，聽聞好快會賣哂所以一坐低就問仲有無😆好彩試到！個上湯用咗金華火腿熬製鮮甜得來好清唔會油膩皮好薄，呢點我好欣賞因為好多茶樓既個皮都好厚餃既餡料有菇、元貝、蝦外附一條竹笙係我食過最好味既灌湯餃唔怪得成日咁快賣晒招牌混醬腸粉又係另一道俾到驚喜我嘅點心醬係由XO醬溝特製醬而成十分惹味腸粉非常之滑 厚薄適中食落仲有少少「咬口」可見拉腸粉師傅功架十足絕對推介至於片香馬拉糕無咩驚喜對比其他點心稍為遜色但味道同質感都唔錯最後個蝦醬蒸腩仔飯個人都幾滿意蝦醬唔會太咸 腩片肥瘦適中 配埋一齊味道都幾夾呢間茶居真係幾唔錯傳統點心同特式野都整得幾好不過價錢會較其他茶樓或者茶居貴一點畢竟一分錢一分貨有機會還會再來的…Read More