Kidkid_kid's Profile

一直都想試下，咁啱返灣仔，lunch就去買個外賣試下先～一入門口已經有好多人企响度，排咗5至6個人左右買飛，都等咗8分鐘左右先有得攞。全店企位，雖然係立食店，但都唔少人堂食，可能係午飯時間。返到公司，打開外賣包，嘩～～～陣陣香味送內鼻子。我只點了一客6件招牌生煎包，附送兩小盒醋同一盒豆瓣醬。我已經好小口咬開生煎包，仍然爆汁，6隻如是雖然係外帶食用，但個皮依然香脆，肉同汁都非常配搭，而且經過5分鐘路程，仍然温暖。除咗好味，好好味，同勁好味，真係唔識形容。…Read More

等咗個幾月，終於都開返🎉🎉轉咗高速線之後，座位多咗好多，卡位亦多過以前。新開張，食材都偏向新鮮，唯一海膽略有唔新鮮嘅味道。轉咗高速線，送餐快咗，翻枱又快咗，即輪候時間短過以前。而家又轉埋手機落單，可以响手機睇到成張單嘅價錢（以前無），感覺先進好多😄…Read More

今日五個人都早放工, 想食泰國菜, 但又想食平D, 粗粗地走上九龍城街市食平DD~!我都好耐無上過黎, 由於是日星期一6點半, 又早咗食dinner, 所以完全唔洗等位。雖然早咗, 但成班好似餓鬼咁係咁叫嘢, 搞到一枱都係食物, 真係好似好大食咁。首先前菜, 生蝦刺身, 同泰式鳳爪。酸味味, 好開胃~!跟住我至愛, 馬拉盞通菜, 好難輸。只要足料就夠香~!接住就豬頸肉, 味道麻麻, 好在個醬汁搭夠。仲有半隻海南雞, 隻雞淡而無味, 有d失望。好彩, 熱氣嘢無得輸, 泰式春卷, 沙嗲串燒, 同蒜蓉包都ok，但略嫌沙嗲醬唔夠花生味。仲有呢個炸蝦餅, 係呀! 炸蝦餅, 但個樣明明係炸蝦球黎! 哈哈~ 唔理咁多, 熱辣辣香口嘢, 叫做唔錯啦。個個飲啤酒, 係得兩個人飲特飲, 青檸梳打無咩特別, 但菠蘿沙冰真係幾得喎~!最後埋單, 每人都係100蚊有找, 以咁嘅價錢黎講, 算係物超所值啦~!到走果陣已差不多8點, 開始人多了, 早食真係舒爽!…Read More

今日同同事一行四人走咗入沙田, 吃個午餐。由於沙田度度都鬼咁多人, 最後有人提議去麗豪酒店飲茶, 又幾好喎~好彩我地book咗位, 唔洗點等。一去到就坐低劃點心, 點心紙選擇都唔少, 密麻麻, 睇落好多都啱食。首先上枱嘅係熱氣嘢, 海皇蜂巢荔芋角同蘿蔔絲酥餅。荔芋角個香脆蜂巢真係炸得幾好, 啱晒我D愛熱氣嘢嘅人~!跟住就係北京菜蕊同和風脆豆腐, 豆腐係用七味粉煎嘅玉子豆腐, 配上日本鼓油加WASABI, 睇落好古怪, 但咁嘅配搭又真係幾得意, 幾好喎~接住就係金銀蒜蒸鮮魷, 咖喱鮮竹巻, 黃沙豬潤腸。個鮮魷有粉絲墊底, 仲好有蒜味, 正~!個咖喱鮮竹巻就真係好特別, 用日式咖喱汁整, 唔識形容係點, 但喜愛重口味可能會喜愛的。至於個黃沙豬潤腸真係無得頂, 腸粉夠滑, 豬潤多香, 淋度適中, 推介~!最後, 就係點品。只點了香滑芝蔴巻, 傳統酒樓甜點, 沒令人失望; 香濃芝蔴味, 仲熱辣辣, 好好味呀~!而同事係熟客, 所以有糖水送, 海帶綠豆沙, 真足料! 完滿的一餐。…Read More

今日一個人出咗深水埗食Lunch, 行行下有間四正日本嘢，就貢咗入去試下。餐廳格局明亮乾淨，深水埗區食肆黎講，環境真係唔錯。佢個lunch menu亦好抵，有定食套餐，$49一個定食，可配湯或冷熱特飲，不錯的選擇。叫了一套餐，滑蛋吉列豚肉飯餐，豚肉很美味~!跟餐的野菜豚肉湯亦非常足料。下次去深水埗又多個選擇。:)…Read More