chanm68's Profile

lunch menu點左金邊粉同牛肉船河加雞串燒串燒正常 雞肉唔鞋但兩個主食唔好食 同平時基本水平既金邊粉同船麵都差好遠 金邊粉大份但得個辣味 船河湯底淡同啲炸豬皮唔脆 有少量牛同幾粒肉丸 無咩事唔會再去食晏open rice見到好多好評 打算一試 好似晚餐食西班牙野但午市食泰菜 上到去環境唔錯 光線充足 同埋都整齊企理 裝潢簡單 有個水吧位 可能餐廳唔係專門泰菜 出黎效果強差人意 唔明點解咁多好評 所以決定寫返個評價講返如果真心想食好食泰國菜就唔好揀呢一間…Read More

疫情影響食肆生意 有機會買外賣我都會揀啲非集團式既餐廳試 今日突然好想食魚香茄子炆米 就試附近呢間祥勝茄子同米粉有買開餸既都知成本幾多 明白有其他成本開支 賣$68（外賣9折$62+$2）我果下唔知外賣要加$2 問左句係咪外賣9折 果位戴耳環短髮中年既男性員工態度好差咁話：折左啦 無解釋都算 當時落緊雨 有個客人黎拎外賣 開住把遮唔想入鋪 但個外賣放左係鋪入面多枱 佢伸手示意想個員工拎比佢 咁耳環男好唔情願地拎比佢之後 佢擰面講咗句：殘廢！ 雖然唔係話緊我或者對住我講 但我覺得好難聽 依家社會氣氛已經夠差 但當人與人互動時都係咁 真係好sad 呢類型既員工唔會幫餐廳留住客人之餘亦都唔會促進到社會氣氛 有得再揀我唔會再幫襯P.S. 香茄子炆米味道偏咸 但無咸魚既咸香…Read More

第一次試萬興 見有人好評就試下 本身自己預備開食物跟開餐單 但太耐無食過街外邪惡野 有個想食乾炒牛河既衝動 平時都無咩機會黎跑馬地食野 所以決定一試 等外賣既時候見到店員同客人有講有笑 好有人情味 有個西裝男黎拎外賣 個員工話：無炸菜轉左雪菜比你 個客人答：你整咩我都食架啦 一聽就知係熟客 果下聽到都會心微笑野食無失望 乾炒牛河好有鑊氣 係出色既P.S. 無打算寫食評所以無影相 但係另一間茶餐廳經歷過唔好既感受之後覺得好人好事要分享…Read More

朋友約食飯見open rice評價唔錯諗住一試，點知伏到爆...老老實實我個人對食無咩要求，食完就算，都無興趣寫評。但今次忍唔住，覺得要有人講返下真實既情況出黎..我無研究馬拉白咖啡，唔知咩叫好飲/正宗，但呢度杯咖啡除左個顏色，完全稱唔上係咖啡...咖啡冇咖啡香，味道好似水咁淡，我唔知我飲咗啲咩個喇沙睇落湯底杰撻撻咁諗住佢sell濃湯湯底，點知一入口咸到爆，頂唔順完全食唔到。本身想要杯水溝返淡個湯，但個侍應好人，比我轉另一樣野。改叫左個海南雞飯，非常普通得雞同飯，菜都無一條。朋友食怡保芽菜海南雞飯，佢都話完全唔掂。性價比黎講完全唔值，未食過既唔需要試，完。（無興趣打卡無影相，係差到食完諗忍唔住要寫個劣評）…Read More