Mon Pang's Profile

一出石門站就聞到香香的烤肉味，餐廳播住KPOP 氣氛好好。有專人幫手燒肉，服務好好，雞蛋碗非常IGable, 豬五花好香，好好味， 仲叫咗牛小排，牛五花，牛油炒飯！推薦👍🏻…Read More

之前睇到有篇blog 文大讚呢間新開放題，裝修好令，位置闊落，等位時仲可以寫木板解下悶，餐紙教小朋友摺紙，當然食物都好啦，刺身新鮮，帆立貝厚切etc. 見佢圖文並茂寫到咁好，彷彿都感受到店家的誠意。於是決定上去試下佢我地星期四上去，見到個裝修都真係好落本，而且坐得好鬆動，仲有大約一半的位置都係卡位，完全唔係平時果啲放題格局，係值得加分嘅。不過對一個吃貨黎講，食物先係最重要！一坐得緊係瘋狂落單啦，第一輪刺身，明明叫左三文魚同三文魚腩，但佢一塊腩都冇比過我地，但平心而論，三文魚係高質的。帆立貝真係好厚切，但質素唔掂呢，零鮮味，另外個口感林得有啲怪，好似糊糊地咁，唔新鮮囉，另外，甜蝦ok, 油甘魚就薄切。突別要講的係盤冰，溶得極快，好快啲魚生就比水浸住:(之後就係壽司，放題中算高質，幾好個海膽都ok la. 我接受到之後就係一輪熟食喇，冇影好多相，都逐一講下啦一口牛：串燒樣，但好un 我咬左好耐，而且肉入面係冇味的天富羅：好普通的質素，另外個汁比得勁勁勁少，跟本點唔到榴連波波：都係入貨嫁啦，所以正常炸物：炸粉都過厚餃子鍋：都係好普通，可以唔食爐端燒：燒蝦好食，bb蕃薯好食，波羅都ok清酒帆立貝：唔明點解啲人話係推介，明顯煮過火啦，唔掂另外仲有好味推介：焗蠔焗虎蝦，可惜太漏，想食多幾個都唔得另外不得不題：漏單情況極嚴重！份量亦比唔足！而且第二輪刺身差左好多，連三文魚都變埋薄切最後，如果店家睇到我呢個食評，我有少少建議，如果唔同的菜式配唔同的器皿，效果會賞心悅目啲，你地全部統一同一種碟，有一種大鍋飯再分比每一枱的感覺，感覺唔似即煮。另外真係要改善漏單情況…Read More

呢間cafe 一早on list 好耐喇～ 今日終於同男朋友黎試下～ 作為路痴嘅我地真係搵左好耐呀，最終喺個轉角搵到呢間cafe, 同店名好貼切我地去到時見到全店已full, 但好好彩地有一張吉枱喺外面，見今日天氣都唔太凍，坐出面都ok~ 仲好似relax d Tim~ 好快侍應姐姐就比左個menu 我地， 睇左陣就叫左個alpinc burger , fish n chips , green tea latte ，汽水點知落單冇幾耐就有另一個侍應姐姐衝出黎話原來商場內有人龍等緊位我地真係完全唔知，但佢見我地單都落埋就算所以我地之後都食得好快，快啲比反張枱人地，真係so sorry 首先黎左杯green tea latte 先～花都拉得好令～但就真係好普通，完全打動唔到我呢個抹茶怪之後再上的fish n chips 就好好食喇～ 炸魚外脆內juicy 仲要有魚味！一食就知唔係cheap 魚薯條係粗的，口感非常好，完全係我杯茶，加上呢個價錢喎，真係冇得輸！不過如果可以再加啲味粉就完美喇最後就係burger 喇，塊牛煎得好juicy 但牛味唔夠強烈，同埋如果係一舊大啡菇而唔係罐頭磨菇就好喇⋯我願為比多啲錢嫁XD 另外個包都烘得熱辣脆口，加反分最後我地極速食完還枱，呢間絕對會再黎呀不過就唔會叫green tea latte 嚕～…Read More

呢間放題已經食第三次，因為真係覺得性價比好高，雖然埋單計埋加一差不多要$300，但佢質素真係好高，你絕對回到本。依家放題真係要向高質素路線發展，因為貪平而比$150食劣食放題，不如比$150去散叫的餐廳好過，起碼食都食得開心啲！所以真心大推呢間高質放題比大家講下點解佢咁吸引我啦～因爲佢有海膽放題海膽份量足，質素高，仲要有多款菜式比你揀，真係有限金錢，比你冇限狂食刺身款式多，壽司細細粒，可以叫多好多款其他熟食，炸物都好好味仲要甜品都好味，問你死未每人仲有一杯哈根大師…Read More

終於⋯終於⋯終於食到呢間餐廳！已經黎第三次喇～呢到的鰻魚飯熱潮相信已退了點，但門外仍有長長的人龍，星期五晚上，仲需要在門外吹風45分鐘先入到去。小店裝潢以木為主，相當有居酒居風味，不過人實在係太太多了，坐得非常迫，座位本身已經細小，仲要「搭枱」形式同其他人坐一張4人枱，所以我地食完就快快離開了。今日，我地點左名物：鰻魚飯外，仲叫左燒芝士魚餅同炸雞～燒芝士魚餅最快上枱，燒得不錯，魚餅一啲都唔乾。味道似獅子狗，咬落有豐富的芝士湧出，芝士迷表示滿意之前就到其待已久久久的鰻魚飯佢個外型真係勁似一舊巨型鰻魚壽司 鰻魚厚身，本來質素已經好好，用上先蒸後烤的方式，令魚身表面脆口，內裡的魚肉軟霖，最底的魚皮彈牙口感真係好豐富而且呢個價錢，有呢種質素，真係好抵食，絕對會回頭呀冇幾耐，連炸雞都黎埋，不過呢樣就真係唔洗叫，十分十分普通，可能太細粒，好快就炸過龍，而且口感亦唔夠。上次因為等唔到呢間而食左對面的居酒屋，大家可以去搵我另一篇食評睇睇～我覺得以鰻魚飯作招徠的味道樂，鰻魚飯當然完勝啦，但店內裝潢，入座舒適度都係對面較好，而且對面的拉麵才是主打，如果只以鰻魚飯作比較，就對佢不公平喇～因爲佢的拉麵，煎餃子，炸物都不錯的睇你如果一心一意想食鰻魚飯就味道樂啦，如果係想去居酒屋，對面的都係好選擇…Read More

趁著lunch time 同朋友黎個短聚～朋友話想食小龍包，好自然就黎左I square 的上海婆婆。兩個人都比到卡位，坐得好舒服午餐menu 都算多選擇，小菜配白飯又得，麵食配小食又得同朋友一致都選左擔擔麵配小龍包，盛惠$78，唔算抵食，再加$10 叫左個酒釀丸子。甜品係飯後先上，應該好多餐廳都唔洗提，會自動波，但佢就落單半分鐘就上左，搞到我要奇怪的先食甜品:(味道方便就普普通通，真係冇咩特別。之後就上小龍包～ 每粒都有豐富的湯汁，而且有超薄白蘿蔔片在底，以防包皮爛左，貼心又好味作為一間上海菜館，小龍包係基本的評分準則，所以質素一定要有保證，而上海婆婆就做得不錯喇最後送上擔擔麵，配上少少的辣度，我覺得十分適中。麵條亦不錯，只是有點長，侍應應用剪刀剪一下就好喇。總結，食物質素不錯，但睇埋價錢就唔係話抵食囉。不過勝在坐得舒服，但服務就唔夠貼心喇～…Read More

相信近期最熱爆的鰻魚飯，大家都會話係好似巨型鰻魚壽司的原條鰻魚飯。今日已經係我放工後第二次黎，都仲係長長的人龍，訂位booking 去到兩星期後⋯由於太肚餓，放工又攰，所以就過左黎呢間食，結果有驚喜喎首先，佢個裝修都幾有日本居酒屋風格，坐得舒服，好relax~ 原來老闆仲係日本人，仲比左張送3隻餃子的coupon 我地， 真係失覺曬由於好想食鰻魚飯，所以都係照order 鰻魚飯鰻魚飯份量ok, 飯粒都幾好食，食得出係日本米不過比對面的原條鰻魚飯，鰻魚的份量當然令我地失望啦，但味道真的不錯送的3隻餃子都煎得脆口，內涵多汁，比錢都抵叫另外仲點左個炸雞配迷利拉麵，炸雞外脆內多汁，睇黎呢間店炸物做得不錯拉麵的賣相較平實，上枱時真有點失望但原來拉麵彈牙，湯底又好味，可惜冇加大，好快就食曬呢間居酒屋，絕對會再黎呀…Read More

係喇～又係邪惡的漢堡今日黎到土瓜灣呢間No.9 美式裝修配上一眾美式英雄，如果在menu 上加上英雄們的推介，相信會更有趣講反主角先～menu 上的選擇都不少，魚堡、蝦堡，牛堡等等，而我地就選左邪惡度爆錶的鵝肝漢堡，同黑板上先有的飛驒日牛漢堡！首先上場的係飛驒日牛漢堡，可以選芝士同大啡菇，我地就選左芝士喇～點了五成熟，但好似生了點。由於仲係生生地的關係，冇太乾或者充滿肉汁的問題，牛味係幾香，加上兩片芝士，實在係經典配搭。接住就到鵝肝漢堡上場～ 塊鵝肝真係滴住油嫁，不過冇外脆內軟的口感，而漢堡明顯冇飛驒牛的來得牛味濃郁。同樣地係五成熟，呢次就煎得合我其望喇～咁先食到肉汁加嘛另外我地仲點左朱古力奶昔，中上啦～係泡泡較多姐～總括黎講，平均$100一個漢堡餐，咁嘅質素算唔錯喇，如果係呢頭街方係絕對值得推薦的，不過就唔洗專燈入黎食嘅…Read More

男朋友秘密為我的生日籌備了一個月，仲講明晚餐係重頭戲。身為吃貨的我當然滿心期待啦拍左一日拖，真心感謝佢為我準備左咁多，晚餐時間，佢就帶左我過k11。以前k11開果時覺得果邊附近都冇咩野行，個商場又冇咩野行，所以跟本就冇咩點去過k11。不過呢一兩年見到k11發展得越來越好，餐廳都質素不錯（吃貨的重點）所以當男朋友話去k11晚餐，我都幾有期待上到一樓，轉左個圈就搵到，餐廳裝修非常有藝術感，而且座位唔會set 到好迫，兩口子可以慢慢傾下計我注意到有啲角落燈光會較暗，枱上放置蠟蠋燈，較有情調，如果係拍拖去，可以訂位時要求下落左order 後，首先上左個烘面包先，小多士烘得脆身，配上海鹽牛油，好味之後黎左兩杯mocktail粉紅色的係士多啤梨加西柚 4/5: 入口清新，完全冇西柚常遇到的苦澀味黃色的係香茅菠蘿ginger ale 4/5: 加入香茅，即刻帶有少少泰色風情，菠蘿配上ginger ale 味道亦好好之後就係signature 嘅海鮮拼盤，上枱果刻係係令人驚艷上枱後，侍應仲細心向我地解說各款食材，唔洗一路食一路估，真係貼心而我地都由淡到濃味食起蟹肉塔 4/5：青瓜片上堆上高高的鮮拆蟹肉，鮮味十足，仲要唔洗自己動手象拔蚌 & 聖子 3/5: 平時buffet 的凍海鮮質素，肉質不錯，唔un香檳柚子jelly 配生蠔 2.5/5: 我對呢個生蠔係幾有期待，因為好似我係塔斯曼尼亞食過的賣相一樣，不過⋯隻蠔有點腥，所以真係不得已扣分帶子刺身 3.5/5: 肥美肉厚紅菜頭醃三文魚 4/5: 第一次試呢個組合，原來又幾好味而且份量亦好多海膽 4.5/5: 近日香港海膽熱，周圍都有得食，但直正令嘅海膽又點可能咁平比你食到呢個併盤比足四大瓣你，配上墨汁脆片，試過你就知咩叫滿足黑魚子配鵝肝 5/5: 鵝肝的濃郁配上黑魚子的咸香，陣香味會一直停留喺口腔內，令人回味無窮開頭仲驚唔夠飽，但其實海鮮拼盤份量都唔少，好彩我地只加左一個risotto 比起risotto 其實我覺得更似湯飯。雖然個樣同我想象的有出入，但味道依然係好好蟹膏蟹肉木魚湯risotto 4/5: 蟹肉依然係生拆的，好鮮甜，不過偶然會食到蟹殻。木魚湯亦令整個飯提鮮不少不過點呢個飯其實想食啲重口味嘅菜式，所以我地只加入少許湯伴勻，之後先飲湯跟著就到甜品時間大大隻碟，以朱古力醬寫上祝福字句，旁邊的兩道甜品亦賣相精美紅桑子雪芭併竹炭朱古力 3/5: 酸咪咪的紅桑子雪芭配上濃郁的朱古力，不過不失蘋果脆餅配伯爵茶雪芭 2.5/5: 果粒黃色jelly 唔知係咩，總之就唔好食，蘋果係煮過的，都ok，伯爵茶雪芭正常其實佢啲甜品一樣都係好令，好藝術品咁，但味道一般，呢到的熱食我更推薦呢餐真係為我的生日畫上完美的句號，呢到裝修令，食物質素高，睇得又食得，侍應的服務又好，推薦比大家生日飯局，閨蜜小聚，情侶約會都好適合…Read More

之前睇蘋果動，見到話成功邀請左文華總廚加盟，仲創作左個新burger芸芸，真係想即刻就去試下不過為左就反個行程，今日就去左蘭桂芳分店，見到似係新開咁，食評都較少上到去，裝修都幾令，星期四的晚上，walkin 都有位，個場都冇full.同男朋友揀左坐露台，因為好似私人空間多啲，配上昏暗的燈光亦都浪漫啲不過就熱左少少今期limited edition 係 lambo 佢並唔係一塊羊肉漢堡扒，而係一撕撕的羊肩肉，肉質較瘦但唔係乾，非常好食至於手撕豬肉burger 就配上濃味的醬汁，食落似BBQ source mix 茄汁咁，其實都好好食，不過我個人略嫌濃味左啲，重口味人士應該大愛喇配菜方面，我地叫左薯條同蕃薯條，蕃薯條炸得香脆，而且味道甜甜的，比成日食的薯條多左一份新鮮感。薯條係粗薯條，一定好食，但我要講嘅係個茄汁每張枱都有一樽茄汁，但唔係平時見開果啲牌子，其實一倒出黎已經知係令野，因為質地比平時啲茄汁杰好多，而且冇打到好幼滑，所以食落口感較好，味道濃郁偏甜，我不嬲都係茄汁怪，我真係好想買支茄汁反屋企食burger 橫點都邪惡嫁喇，所以我多數都放縱到底，叫埋杯milkshakes 呢到嘅milkshake 要70幾蚊，索價算高，但寫明係用3勺Xtc gelato , 呢隻gelato 我本身都好鐘意食，而且gelato 感覺上冇雪糕咁肥，所以就叫左杯chocolate mint. 杯野黎到，外觀係較平實的，但飲落真係不得了好香濃的朱古力味，再輕輕帶出天然的薄荷味，並非坊間的落薄荷糖漿，呢杯真係我近排飲過最好味的milkshake …Read More

同朋友喺尖沙咀行街行到攰攰地就唸住搵個地方坐下傾下計，喺開飯搵到呢間cake shop 啲cake 令仔之餘仲好多人讚，位於the one 亦好方便，真係休息好地方首先間舖都幾令，同姐妹嘆cake 真係好地方，cake 櫃有差不多二十款cake, 真係花多眼亂 來來回回行左幾次，最終揀左用三款桃製作的蛋糕，同因為抵擋唔住抹茶威力而點的抹茶朱古力蛋糕，另外點了士多啤梨奶昔。桃桃桃蛋糕：上方的黃桃糖水味好重，好似罐頭桃咁，個蛋糕就有桃味的清甜，不錯。但不足以回報我的期望。士多啤梨奶昔：其實除了奶昔類，仲有沙冰類的飲品，但我地就係唔想飲沙冰先叫奶昔，結果⋯杯奶昔真心似沙冰囉，而且味道普通，失望抹茶朱古力蛋糕：叫呢個蛋糕純粹係抺茶毒發作，唸住過下口引，點知食到上左引 成個蛋糕有抺茶味又有朱古力味，中間仲有紅豆蓉，層次豐富，真係一食就愛上…Read More

尖沙咀搵食，厚富街一定食搵食熱點！今次揀左呢間黎食吞拿魚丼飯，齋睇開飯食評已經口水流滿一地星期日的晚上，幸運地只係等左十分鐘就入得，喺我地之後已經有長長的人龍店家亦貼心地安排左一排長椅比等位人士坐住慢慢等入到去坐低，翻翻餐牌真係三心兩意，香蔥吞拿魚蓉定食，吞拿魚中腩併魚蓉定食，仲有比你任揀的自選組合，真係好難決擇最後同友人都想叫中腩魚蓉定食，但可惜賣曬好傷心，最後唯有叫魚蓉飯:)魚蓉飯一上，魚蓉份量真不少重點係真係日本的質素真係好正另一亮點係個蒸蛋，鮮味而且好滑溜，滑到好似布甸咁，淨係為左個蒸蛋都值得回頭下次我一定要再黎食個中腩魚蓉飯…Read More

呢間海逸dinner buffet 不嬲都係我地一家嘅最愛，已經食過好多好多次，不過下下六百幾都唔係平。之前睇blogger 介紹，原來lunch buffet 性價比更高！每位三百幾，已經包括大部分dinner buffet 的食物，仲要有生蠔，長腳蟹，翡翠螺等等的回本之選最近趁著公司補假，星期一就同屋企人黎食lunch buffet, 寵一下自己同家人點知⋯!!!!!!!!係我失策了，大意了，原來星期一至四係冇長腳蟹，食唔到我的最愛家人都好失望唯有食多幾隻蠔補數。可能少左海鮮，開蠔師傅真係開足全場，辛苦了:)另外，熱食都相當出色，甜品亦有大約7成的種類，算不錯了仲有大量哈根大師雪糕杯同雪糕批，亦係場內另一亮點…Read More

自從出左黎做野，已經好少去旺角，多數都係尖沙咀食飯，因為較就腳，餐廳質素又高啲之前見到呢間餐廳評語幾好就bookmark 左，今次約旺角食飯就一於去試下首先，佢真係有好多特色啤酒，大約$60-90一支，都唔平，不過一大班朋友食飯，叫啲酒係開心啲嘅而且真係唔係到到都有得飲，值得一試食物方便，質素都幾好，大家都食得好盡慶，我唔逐一評價喇，講下我嘅心水推介啦～芝士薯圈：薯圈炸得好脆口，外脆內軟加上濃濃的芝士汁，冇得輸黑松露濃湯：黑松露味道好出，濃湯唔會太膩，不過有點貴芝山長通粉：芝士怪最愛，香濃芝士配上煙肉脆粒，長勝組合啦…Read More

呢間真心係我飯堂之選不論旺角店，灣仔店都黎過好多次平令正，性價比超高每次必點海南雞飯，雞肉已去骨，嫩滑有雞味，份量適中，飯係油飯，飯粒略軟，整件事一定要挑個缺點只會係略嫌有點油，邪惡左啲，不可常食其他泰式小菜，小炒亦不錯，串燒有點乾…Read More