JerJeron99's Profile

見網上啲人話幾好食就專門過黎黃埔食。下午黎到都幾多人，要兩個兩個咁撘檯。兩個人嗌左一個豬頸肉湯刀削面，一個熱拌，一杯涷奶茶，一杯熱檸水，$113都唔算平，又未到網上啲人講到咁扺食。落左單幾分鐘，有一個面到左，個侍應咩都冇講過，由於我地都係撘檯，都唔知個面係邊個，咁我遲啲黎既，所以就比左隔離先，但後來發現個面都係上錯左（我地檯冇嗌過冷面）。然後等多10分鐘多啲先上左我同我朋友既食物，但係又上左兩個熱拌刀削面，又冇走到青。其中一個熱拌都冇要求佢換翻，但嗌了湯刀削面，來的卻是熱拌。後來又等多5分鐘才有我們應有的食物。等食物途中多次有侍應誤將其他桌的食物拎過黎，可見侍應對餐廳位置完全不熟悉。食到一半，醒起兩杯飲品仲未到，然後就問一問侍應，回覆道：「等一等，水吧嗰邊仲未有野飲出，有野飲出我地見到會拎比你。」我心諗其他比我地遲黎既客都一早有野飲，我面都就黎食完，水都冇杯。然後過多5分鐘，完全冇任何野飲過黎，頭先回應我既侍應都已經落左場食飯。我再問一問先知漏左單。侍應完全冇到廚房問過就叫我等，一係你等一等我下年先翻黎埋單好冇？就算食物質素不錯太差（涷奶茶完全冇茶味），咁既服務已經令到我唔會再過黎食。奉獻睇左啲foodie而過黎食既人打消念頭，比錢買難受！…Read More