charlottewakaka's Profile

天陰陰 公司個vibe又差差哋 咁啱早放就整杯咖啡chill下 唔想飲hea啡就醒起有炮台山嘅smoko🥰去到0頭緒想飲咩，就請咖啡師omakase比我🤣，於是就得到一杯black coffee做底，再加檸檬同蘋果味syrup嘅咖啡☕️ 一入落口絕無咖啡澀味，個口仲會有一浸輕微的朱古力回甘🤎 而且好似施咗magic✨咁即刻有返好心情💕💕今期嘅咖啡sleeves 係最近好興嘅nintendo系列❤️ 都係老闆自己設計的❣️ 咁啱又係我最愛嘅粉紅色❤️‍🔥所以就算佢喺炮台山我都特登make a trip去探訪Smoko🫶🏼🫶🏼已經好期待下次再去have a chill coffee break! …Read More

1. 兩日兩夜羅宋湯：難飲至極，洗碗水咁2. 黑椒牛柳粒意粉：無感覺，啲牛比梳打粉乸過的。3. 焗豬扒飯：豬扒係香茅豬扒，因為想用香茅浸味蓋過浸雪藏味，啲飯乾到一粒粒好硬，啲蕃茄汁得個甜字，好明顯係加工製品4. 宇宙神級難飲奶茶5. 世界第一難飲咖啡男朋友表示啲嘢食居然可以難食過大學canteen❌ 餐廳仲要好多遊客喺度食緊，真係對香港嘅食物文化產生負面影響❌ 雖然食物都係冇味精嘅，但係整體嚟講真係好垃圾！！！…Read More

呢間真係我食過最難食嘅米線手機scan QR code 落單，界面都user friendly 幾方便，今日第一次嚟就試咗大家都讚嘅魚肉春卷，另外仲加咗個炸醬～湯底揀雲南酸辣3小米線嚟到後見到個湯底好稀已經覺得怪怪地，再飲一啖，一入口就酸到好似個廚師係咪錯手倒多咗啲醋🤔好啦下一啖試米線，都無乜特別，唔會淥到太生食唔到。再下一啖食啲餸，我個頭附近即刻出現好多直升機！！！伏伏伏伏伏！！！！！！魚肉春卷啲皮好硬，似係翻炸再翻炸，浸多陣啲湯都食唔到炸醬啲肉好梅，一patpat咁，勁重茄汁味，食落口感同味道都好怪隨碗奉上嘅腐皮更加係未淥熟，好乾好硬，好難𡁻凍奶茶方面，茶底唔香，似係一杯加咗色素同糖水嘅奶，我都無乜期待會好飲了。原本諗住頂硬上食埋佢，點知越食越口渴，好多味精，飲極水都勁口渴，真係好失望，嗱嗱臨食埋啲春卷同腐皮就走人，寧願餓住個肚都唔想再食…Read More

同男朋友專程嚟食沾仔記雲吞麵呢間亦係我由細食到大，但由於搬離港島就好少再食。10月7日下晝2:00左右嚟到，居然要排隊，望入餐廳入面有9成都係遊客，內心亦心感不妙，所謂人怕出名豬怕肥。排咗10分鐘左右終於有得坐低，我哋叫咗一碗招牌雲吞麵、一碗至尊三寶麵、2枝豆漿。等咗少於5分鐘2碗麵就嚟到，第一啖飲啲湯，淡而無味，一啲大地魚香都無食食下仲好想落豉油落啲湯到；第二啖食啖麵，又硬又乾，好似未煮熟咁款，浸住湯嗰啲先叫勉強食得落口；第3啖食雲吞，係大隻但無蝦味嘅雲吞，真係食到暈，成碗嘢完全無靈魂，難食到極點男朋友食嗰碗至尊三寶麵仲食到面都黑晒難怪9成食客都係遊客，本地人都知訂唔好再幫襯最後埋單$108，真係食到一肚氣！NO NEXT TIME!!!!…Read More

第二次食鴨大哥，第一次食原本都覺得可以有下次，但點知經過今日後，就再無下次了！！！（1）食物方面今晚食咗：和牛叉燒，半份片皮鴨，蜆蚧釀唐生菜膽，五柳鴨絲炆米粉，椒鹽鮮魷和牛叉燒：件件都有筋，無牛味片皮鴨：不過不失唐生菜膽：清清地，可以中和下濃味嘅食物炆米粉：本身酸酸地，好開胃，鴨肉絲粉量都足椒鹽鮮魷：啲椒鹽可能有無有翼識飛，離開咗鮮魷嘅懷抱（2）態度方面好差明白星期日好忙，同事們亦忙於安排食客入座。我本身都訂咗枱，而餐廳都有提早打嚟reconfirm 同埋交代7:45要還枱，我亦同意。點知喺我坐低嗰陣，有位同事同我講7:30要還枱，咁由於同我初頭聽嘅時間唔同，所以我就問一句「咦？唔係7:45還枱咩🤣」，點知嗰位同事居然回答我「咁你食完咪比返張枱我囉😑，€|¥+kej^]*{+？」（後面我聽唔清楚），而嗰位同事嘅語氣係嫌棄+有點offensive。另外，7:00已有同事催我埋單，而我根本未食完，每樣都仲有一半未食哂。我明白到飲食業嘅同事們都好大壓力，我亦appreciate 鴨大哥其他好盡責嘅同事。或許呢位較大壓力嘅同事如果當時轉一轉態度，都會令食客下次再嚟幫襯。…Read More