Janiceching's Profile

終於有少少時間去試「黃金雞」，本身老闆同同事食緊飯，但因為我專登行去，所以問「真係無啦，我專登行過嚟！」「您等10分鐘啦，見你專登行過嚟！」「邊樣方便食邊樣！」秘制牛腩飯跟雞湯蒜香雞翼老闆同員工好友善，好似去咗朋友屋企食飯咁！$40唔使有牛腩飯，覺得好抵！下次買例牌加餸先！原來下午佢哋會落一落場，安排晚餐既食材；想食緊要留意返時間。另外，老闆提我，休息或賣晒不定時，去到無開，唔好唔開心，下次再幫襯過，小店一腳踢，無辦法！…Read More

去雅蘭中心新開幕既「夫妻沸片-台式麻辣火鍋」，試一試台灣最地道的麻辣火鍋🍲。最近仲做緊優惠，火煱配料6折。如果大班人去就好抵！我哋揀咗牛小排，因為得兩個人，所以點咗份細，好鮮同麻辣一流！帶子同鮑魚，試咗兩種海鮮，都ok，新鮮不過不失。麻辣湯底內有鴨血同豆腐，好入味，全因分別慢煮了24小時及48小時。另一邊湯底清d，最夾海鮮。打邊爐又點可以唔叫可樂，都只係$12/罐。可惜今日人小，試唔到太多款，下次人多先可以多d。…Read More

星期日難得有時間快閃銅鑼灣食lunch，原本諗住去brunch club食all day breakfast。上嚟呢度搵吓到有新cafe，於是就同老公去試吓。12點幾上到去已有幾檯客，但好彩仲有last一張窗口位！望一望個lunch menu，$80-$100有飯/意粉選擇，仲包咗自家制麵包，沙律同咖啡！相對All Day Breakfast，差唔多價錢，仲要唔包咖啡，只係細細杯既果汁。唔使諗，梗係揀set lunch! 我揀咗漢堡汁飯，老公食黑松露蝴蝶粉！前菜手制麵包+沙律麵包好味，粉量太少。沙律菜新鮮，配上青檸汁清新，連唔愛沙律既老公都俾個like佢。主菜漢堡扒汁飯-讚，因為我鍾意有汁既飯，又夠濃味，成個飯食晒！漢堡扒正常～黑松露蝴蝶粉-好香松露味，老公好buy，但我食完個飯就覺得太淡！咖啡正常，感覺唔錯，無complaint。地方環境食物及店員都幾好，想係銅鑼灣樓上搵間cafe舒服食嘢，可考慮！…Read More

今晚係灣仔附近聽完講座，諗起之前同朋友食過既炭燒豬扒飯，問返朋友地址，即刻去開餐! 網上投訴店員態度唔好，其實都係小店經常遇到既情況，9點去到就話last order。但係，我老公仲未到，點算? 好在後尾姨姨都俾我叫埋! 炭燒豬扒飯 + 春卷 + 特飲 - $54 豬扒飯真係有炭燒既風味，仲可以自己落豉油，正! 對於我哋呢d食汁唔食飯既人，簡直係無得頂! 我都食到大半碟飯，始終都有點漏既感覺!上湯浸菜心 - $15 出奇地好味，可能用湯底既關係! 晚餐又唔想食茶仔，又想平平地，可考慮呢個選擇!…Read More

係灣仔返工，最好就係多嘢食選擇，中西日意韓，諗得出都食得到。之前實在太忙，只可以成為朋友們的open rice。泰菜，係香港人食飯既選擇中，不可或缺。特別是炎炎夏日，胃口麻麻，酸辣可令您胃口都好D。如果唔係朋友帶我去，我自己一定唔會去呢度試。位置比較隱蔽，樓上二樓，樓下又係Night Club。不過，當悠試過之後，悠可能會改觀。特別係午飯時間，有訂位服務，10-12 人檯都可安排到，但係無Set Lunch order。講咁耐，都係入正題。前菜 Starter 醃牛肉 Thai Beef Salad - $105食咗咁多次，第一次試呢個，平時多數會揀炸蝦餅，例排嘢。作為牛魔王的我，佢已經成為我既新寵。酸酸地再加少少Basil既香味。 燒豬頸肉 Charcoal Grilled Pork – $62食泰菜既指定動作，最鍾意有Grill既味道，唔知會以為自己BBQ緊。主菜Main Course 清蒸鮮爐魚Steamed Fish on Strove Tray, with Plum and Ginger – $155我本身對魚魚無咩偏愛，係一大班人，先有機會食到。爐魚本身多肉，適合唔識食魚既我。加上魚湯同香草既配合，肉味鮮並Juicy，當然唔少得魚露調味。 時菜炒蒜蓉 Vegetables with Garlic – $52 香葉辣肉碎 Fried Minced Beef with Hot Basil Leaf, Garlic & Chili – $72 綠咖哩雞 Chicken with Green Curry Paste, Eggplant and Coconut Milk – $80平常係街多數會點青咖哩，感覺好似係屋企整唔到。味道中規中舉，不太特出。 黃咖哩牛 Ox brisket with Yellow Curry, Paste & Potatoes – $80相反，黃咖哩有驚喜。對於不太嗜辣的我，剛好配合白飯，正。將青咖哩立刻比下去。順帶一提，白飯有大碗和小碗，我們人多，當然order碗大既share先，唔夠就再加碗細既。 泰式炒米粉 Phad Thai – $68味道ok，略嫌份量唔夠分享。飲品Drinks 椰青Coconut Juice – 始終無布吉既地道椰青咁清甜 橙汁Orange Juice – 呢個故事教訓我哋，都係飲泰式飲品好d。細細杯…   …Read More

又有朋友派炸彈既時間，定咗係旺角揾飯開，真係巧起。誌起早排見到雞煲宣傳旺角有分店，都係上嚟望下大家寫咩先。見大家評論痳痳，唯有繼續睇吓有無第二間。見呢間大家都她似幾讚，價錢又唔貴，咪叫大家一齊去試吓。本來想打去訂位，點知無得留言。後尾問姐姐，原來佢哋3點先開工，所以最好早一兩日訂位。等位都等咗大半個鐘，不過有電視同最正既係姐姐會叫您去雪櫃拎罐飲品。您知啦，創興廣場個位就真係唔就腳，係中間，點都行半個站。行,到上去熱辣辣，仲聞到鬼咁香既雞煲，真係好想即刻有位坐低，又見好多人等，轉唔轉地點好呢。就係嗰陣阿姐叫我哋去拎罐汽水休息吓，感覺好好。好老實，汽水邊值錢，入去都係任飲。不過，呢個老板好聰明，照顧客人需要，無計較嗰幾蚊。環境方面，一般酒樓格局，好多人，茶記檯，好在有卡位。六個人坐滿佢，又面對面，傾計好方便。一坐低記得即刻耍叫咗個煲先，因為要等20分鐘。我哋叫咗個小辣，咪看少，一條條紅椒滾起都唔講少。個大煲一上，好似幾得，好香又有配菜。份量都幾多，六個人有中隻啦。但係小心有雞頭，我食咗舊唔知係咪pat pat。不過，唔好太期望係好好食，但係以百幾，有啤酒汽水任飲，我就覺得好抵。食到咁上吓差唔多食晒就誚姐姐加湯打邊爐。款式大概有三十款左右，炸魚皮: 必點，加埋湯，好好味，又夠脆。 各款丸都唔錯，推介墨魚丸同白魚蛋，滾起漲卜卜，正。 即包餃，皮薄，有屋企包既感覺，當然無咁重料。最搞笑姐姐會定時開咪sell 乳酪，好在無太hard sell，都仲可以接受。大家今晚食得開心，會再encore。係有話明兩個鐘，會嚟埋咗單先，但係無催我哋走。而且，定時會清吓碟，伙計都OK，追佢單無黑面。漏單都有，以咁爆嚟講，我覺得可接受。希望質數保持，唔好人多咗，又加價，保留四送一優惠就好啦。…Read More

星期六約咗去朋友屋企夜晚食Sukiyaki，大家未上去前約係太古城等，都唔知食咩好? 去Simply Life又見到鬼咁長隊。左諗右諗，不如去冰場附近睇吓開咗咩新嘢。原來開咗Deli and Wine，上一次係文化中心試過，感覺唔錯，所以亳不猶疑入去搵位﹗好在未到一點，好快就揾到一張六人檯。但係檯同登唔係好fit食嘢，飲咖啡就得。室內環境適合星期六休閒食吓嘢，傾吓計。好快我就揀到我既 海鮮喇沙事先聲明，我唔係好食得辣，個湯底就好適合我。濃白湯底加少少辣，蝦好夠新鮮同大隻，比預期中好。其他配料都唔錯，對於無飯隱既我就perfect。豬肉牛肉腸仔意粉有蒜蓉包配住就好好，意粉一般啦，無咩特別，唔太差又唔太好。以太古城嚟講，以呢個價錢，算不錯。點都平過其他咖啡室，而又可以食個晏仔!…Read More

筲箕灣東大街已經漸漸成為一條食街，無論係平價小食抑或貴價刺身，都可以享用。住係附近，真係非常方便。糖水甜品依然係我既No 1，一見到有新舖開，即刻去試吓。未入去已經俾門外既相片吸引，有Baileys 梳乎厘。就試新嘢啦﹗等咗十分鐘左右就有位啦，位置略逼少少，不過，嚟開東大街都知道同習慣，都唔會介意。應該係屋企一家人小本生意，最鍾意支持。裝修簡單，但感覺舒服，最緊要係有本有相既MENU。我本身都係甜嫂既FANS，但係無一本有相既MENU，到而家我都只可以繼續支持「水晶世界」，無辦法。Baileys 梳乎厘蛋香撲鼻而來，脹卜卜，一見到就好想食。但係個面就有少少難用匙羹分開。Baileys 味未夠濃，重d會好味好多，我自己諗，如果加埋杯espresso就perfect啦！梳乎厘有個好處，食完好似無食嘢咁！YUMMY！比列時朱古力冰露冰露??即係咩呀...刨冰D Friend，夏天食，絕配。朱古力味夠濃，又有少少棉花糖同大王最唔鍾意既彩紅針糖。益晒我，幫佢食咗先。大王就喜愛佢個朱古力曲奇條，點雪糕一齊食。朱古力lover值得一試！得閒又去試吓其他嘢食先! …Read More

星期日悶悶地想去郊遊，原本想去東龍島，又唔係好夠時間，最後選擇赤柱行個圈!! 下午茶時間諗唔到食咩，都係上嚟參考吓大家既意見隱陣d，上次小天使都係咁搵到。見到大家都推舉泗益，我都去試吓!好好彩唔使等好耐位，地方較逼，大家唔好諗住以為係好”四” 正茶餐廳，其實係懷舊大排檔!! 天氣凍，又著得多衫，小小"論盡"。好在杯奶茶同央好快到，而且好夠熱!! ~~ 奶茶專員老公俾85分，好香滑…正宗大牌檔味道!! 我就支持央啦，都係好香濃滑溜!! 因為得一個爐頭，仲諗住叫住個公仔麵唔使呆等...好在兩個都係等咗廿分鐘左右!! 西多嚟啦~~平時我一定要落糖漿，但係呢個就算唔落，都ok!! 咖央味剛剛好，只係唔夠熱，唔知係咪一煮完食會太熱氣?! 公仔麵都不錯，哈哈，大半個俾我食晒! 原本想食肉丁蛋，星期日太好生意，買晒! 伙計好勁，唔使寫單，所以有少少亂!! 不過，佢哋都nice，會問吓我哋有無嘢未嚟!!大致上都值得一試同支持一吓現在緊有既大牌檔風味小食~~…Read More

約咗舊同事開飯，梗係想搵個坐得舒服，嘢食又ok既地方!! 中環選擇多，但係比較貴! 睇到最近Suzuki出咗個冬日二人晚餐，餐湯小食、主菜加甜品，當然唔少得佢哋自家烘焙既咖啡!! 我哋兩個女仔最緊要甜品加咖啡! 我哋好隱陣，打咗去訂位! 佢哋好窩心，預留咗窗邊檯俾我哋，感覺好好! Order咗個餐就開始是非時間~~先上健康之選南瓜湯，天氣凍飲湯做頭盤真係very nice。之後到小食，雞翼入味，日式餃子都好味道! 菜式一個一個上，唔會凍晒!! 四選二既主菜揀咗沖繩溫泉蛋蒜香豚肉飯鍋同松露野菌櫻花蝦比薩，比薩夠脆，配埋松露野菌櫻花做toppings，好特別~~溫泉蛋又滑又可以為鍋飯添汁! 囡囡們致愛—北海道3.6牧場牛乳焦糖燉蛋配上招牌自家烘焙咖啡，為我們呢餐晝上完美句號!! 順帶一提，店內聖誕裝飾都配合餐廳主調自然同木色，用上蜜瓜柔和綠色既佈置彩帶。加上特色的紙鶴，別具心思!! 開開心心傾計食飽飽仲有甜品，加埋一每人都係$140，正!!…Read More

雖然天氣唔夠凍,但係我哋都為咗芝士火鍋而嚟！上一次去中上環嗰間食Parma ham都ok，但係嗰間唔俾訂檯，唯有去中環呢間~中環呢間D侍應並不是太nice! 芝士火鍋到咗，但係又唔拎叉嚟!! 得個望字!? 其實都唔係好多人，反應都有點兒慢!!講番主角芝士火鍋，芝士味剛好，配麵包同薯仔好夾但係我個人就唔鍾意青蘋果，好似麻麻地!伴隨火鍋烘過既麵包比較硬，反而後加side order 既麵包仲軟綿綿多D，好似海棉寶寶咁索晒d芝士。再加多個黑松露波蛋意大利飯都過得去，無驚喜，侍應們冷冰冰既反應！好在之後有唯一一個有返笑容，感覺都好d！遲d凍d同老公再食先！…Read More

平時成日跟完食評去食正嘢!! 次次都話要Commend 翻，轉頭無咗回事!! 難得新年前無咩做，即刻開始試吓寫先!星期六返娘家前去新城市行個圈，口痕想食少少嘢同嘆杯咖啡，以為都係星巴克，點知見到開咗間新既Bene Italian，同老公膽粗粗去試吓!! 唔敢食太多驚返去食唔到飯，俾媽媽話~~佢有沙律餐，Pizza餐，蛋糕餐及甜品餐!! 本來想叫個餐就算，見價錢都幾抵! 但見Menu有個薯團幾特別，一於試吓!!! 當然唔少得兩杯咖啡，wow wow, Lavazza 正!!! 1) 貪心仔想試多D要咗個 - 四式芝士忌廉汁薯團，最初驚"漏"，兩個叫一個share食!! 買相幾吸引，一食落口，無"漏"既感覺，芝士好香軟~~~ 應該係用咗D靚靚芝士先有呢個效果~~平時食意大利餐廳多數係Pizza同意粉，第一次食薯團，好得意!! 有d似年糕，煙煙韌韌!!2) 嚟多個甜品 - 香草焦糖燉蛋 - 唔係太甜，好滑，我又鍾意食焦糖，但老公又唔食咁甜!!! 好想試佢個Tiramisu ... 要等下次啦!!待應都好細心，問我哋係咪Share，俾兩份碟同餐具我哋!! 環景裝修幾特別!! 價錢ok ~~ 下次可以試晚餐!!…Read More