kokonattsu的個人專頁

以為好幸運訂到檯食飯，一行4人。首先訂左都要坐門口位，都唔緊要，坐低左一陣話有張安排到一張入少少既位，諗住都唔錯啦。但原來係惡夢開始。我地叫左兩個前菜，三個主菜 。但竟然係由落單到上第一個餐前包已經相隔20分鐘。上第一，二樣前菜相隔45分鐘，上第一，二樣主菜共用了60分鐘。第三樣主菜已經過了1小時10分。以為落漏單，問個女侍應，佢話落單唔係佢，要check下。隔左一陣，冇反應，再問。女侍應都係話未知，再隔左一陣。有位淺藍色衫男經理問咩事，我同佢講已經等左個幾鐘，如果冇落單就算。我都未講完就已經走左，真係離譜。唔好意思都冇句，個樣仲好似係我地問題。好話等左個幾鐘係我問題 。見到附近都冇咩客，見住入左一行6人的外國人，由叫野食都食完。而我地就咩都冇得食，仲好似係我地問題。難聽講句，侍應服務仲好過淺藍色衫經理。食物方面，要5成熟俾7成熟，食物唔算熱，全部都變得細碟晒。而最後上個碟主菜要5成熟俾3成熟。好明顯係漏左單即做但又未整到5成，得3成都照出，我都費時再同經理講，食左就算數。如果係要做一塊3成熟既扒，我諗唔使要等超過1小時，食物應熱唔熱，應凍唔凍，全都都係暖。食物質數比未裝修差左好多好多同好多，冇咩值得讚賞。***我終於明點解臨時臨急都會訂到位,因為之前未裝修之前早一日都已經話full 晒要walk in。因為無論係食物定服務都差晒，真係好好好好失望。本身都唔想寫出黎，但真係太差。***我冇期望呢間餐廳會改善，只係希望其他人如果真心想食呢間要諗清楚，唔好食到唔開心都同食到嬲。…查看更多

行到jp附近，見到呢間係下午茶時間唔使等位，亦知佢開左多年就試下，入到去，見到餐牌，下午茶價錢大約50至65，都算預計之內。最後叫左個炒貴刁同公司三文治。等左陣，個貴刁快過飲品到，但份量少得可憐，1個女仔食都嫌唔夠，賣相只係有幾條靚少少的豆苗做裝飾。個公治的大細可以用一隻女仔手掌遮蓋，可想像呢份公治真係細份，服務態度唔算太好，杯奶茶俾糖唔俾匙羹。有D 就俾俾匙羹唔俾糖。唔通想SHARE黎用?最後叫埋單，叫左有人應但冇埋，再叫先有人應。俾呢個價錢，食又食唔好，服務又一D 都冇。都唔知值咩??  …查看更多

前幾日去炮台山個邊見客，見完之後傾開計話城市花園酒店側旁開左間烏冬專門店，個客話同同事食過都話好味，而且都食過幾次，咁我既然黎到就即管試下。入到去地方都舒服，有個男職員好有禮貌話我知有咩好食。佢叫我試下個蟹黃油烏冬，不過我得一個人我驚食唔晒，所以只係叫左一個石斑魚烏冬，大約等左五分鐘個烏冬就到。個湯係白色，可以飲，飲完冇口渴感覺，個湯味道唔錯，烏冬好煙韌，個魚係冇骨魚塊，好爽，基本上整體好好。我食到一半，坐我隔離檯個2個人叫左虎蝦烏冬同蟹黃油烏冬，見佢地個烏冬好靚好吸引，隻蝦大隻架，下次真係要試下。…查看更多