ebony_thk's Profile

 是日午餐，同媽咪&一群auntie去提前慶祝母親節，其中一位提議到尖東馥苑，話嘢食唔錯，小妹喜歡食點心，又係第一次去食，所以有點期待...差唔多11點半去到，未到lunch時間，有3-4枱人係度。我哋無叫小菜，除左兩碟炒粉麵外，清一色全部點心。呢度0既點心雖然唔算好多選擇，但有d都幾特別，同埋呢度同好多酒樓都係，一種點心可以選擇叫一籠或者1-2件，好適合獨自嚟歎茶0既食客由於我哋有6個人，都叫左頗多點心，加上又有老人家，小妹免得被說"又係相機食先"，所以無逐個逐個點心影相。蛋撻仔(中點)係叫完即上，好明顯係整定先0既，所以唔熱，不過味道都OK，個皮幾酥，唔散。其他點心都好普通，唯獨呢個清酒上湯魚肚水餃(特點)，由於有酒，我無食，由媽媽評分，話個魚肚吸曬D味，正個鳳爪都有點特別，雖然叫嗰時只係寫"豉味蒸鳳爪"(大點)但原來有碌柚皮墊底，吸曬D汁又稔，好啱D媽媽級食客。除左以上幾款點心，其他的性價比也頗低。因為呢度細點都要$24，比起很多其他酒樓如八月居或鴻星等貴，加上食物略嫌過油。其中腐皮卷油得放棄了一件，而個菠蘿粒雙蚌炒飯($98)同豉椒味菜排骨炒河($118)更加唔使講...服務是不錯的，人手很夠，不過$18一位茶錢，小妹真心覺得太貴，走過對面帝苑軒食還好。…Read More

近期M記經常重推番D受食客歡迎0既包，繼將軍漢堡同蝦堡後，又一作---"黑白漢堡"。小妹唔食牛，所以今次就食左白漢堡。套餐價無記錯係$28.5，睇盒面個包幾靚仔。同期仲有D黑白椰子批同黑芝麻雪糕推出，但由於呢兩者都唔啱食，所以今次淨係諗白漢堡。打開盒裏面，正面同相都幾似，但側面就，wakaka...佢個設計係包+一塊薯蓉+生菜+煙肉同一片炸雞，但側面睇d菜已經跌曬出嚟，塊煙肉同雞根本就唔係疊埋一齊。最搞笑係初時以為真係有塊薯蓉係裏面，點解D薯蓉少到好似平時包裏面D醬汁，仲要熔曬0既。味道都OK的，包面幾特別，但由於個薯蓉變左汁，雞又好似同煙肉分開食咁，所以小妹覺得同食麥香雞包無分別。既然麥香雞都係賣$10一個包，咁我唔會再想食呢個性價比低D0既包包...…Read More

好耐之前已經經過一間叫諾亞半熟蛋糕，但嗰時覺得蛋糕個賣相唔係太吸引，所以一直都無試。不過之後睇食評，發覺都多人買嚟食，所以小妹今日經過，都買左個伯爵茶味嚟試下。初初真係唔知咩為指半熟，原來係中間心係稔稔0地，但又未至於流心。店內有好多款選擇，除左半熟，仲有D係蛋糕卷。不過試完今次，未必會再幫襯啦。雖然佢個包裝，服務幾好，有乾冰提供之餘仲附設叉同紙碟，但味道真係唔係我杯茶。加上中間濕濕哋0既質地，好似一個spongy cake濕左水咁，個口感好差。…Read More

今日同媽咪阿姨出九龍城做嘢，午飯時間係九龍城住左多年0既阿姨就推介到西貢勝記旗下的桂寶米線食嘢。去到先知原來佢係米之蓮推介由於已經過左中午食飯時間，所以無咩人唔使等位。今日係平日，有午市快餐，亦有自選米線，不過自選好似唔選抵食，所以我哋叫左兩個亞洲風味米線餐同一個快餐，全部都跟冷熱飲品。喇沙，好足料，都幾多雞同魚片，湯底都頗辣，唔使之前食新加坡餐廳那些，因為呢個無咩椰味。米線唔算好稔，都係小妹喜歡0既質感。冬陰公:可能都因為收取$68，所以都有兩隻大蝦同幾隻連殻上0既蜆，仲有d魷魚同蟹柳。由於係海鮮我無咩點食，媽咪佢0地就話唔辣，偏酸，但隻蝦就好明顯見到d便便，蜆肉就已經脫離左個殼沉左落底，味道幾正宗。個飯，唔怪得叫快餐，飯都未熟就已經拎俾客人食，硬到呢...個汁係ok的，雞就乾左d，整體嚟講嘛嘛下次如果再嚟一定唔會叫飯，雖然米線係唔錯，但其實都唔算平，只係較有特色，有唔同選擇。…Read More

數年前第一次食美麗華酒店餅房COCO 的紅莓蛋糕，一直留住一個好好的印象。今天，剛好有屋企人生日，又出開尖沙咀，加上滙豐信用咭而加做promotion，係度買蛋糕可以有85折，所以就再次惠顧，今次買左藍莓紐約芝士蛋糕。(85折後$263，原價$310)酒店餅房0既蠟蠋通常都係咁樣長長的，好得意又可以燒耐D。蛋糕成個圍住都係紫色已經好靚，加上一排藍莓，賣相好吸引。由於有小朋友一齊切蛋糕，都是心急的，切開後未及影張餡裏的相已經被分開一份份了。蛋糕係NEW YORK CHEESECAKE，所以質地係硬身的，中間部份有藍莓醬，但唔會太甜亦唔酸。蛋糕底部仲係由朱古力造成，啱曬小朋友。雖然小妹而加只可以淺嚐芝士蛋糕，因為好怕有細菌，但見到家中大人細佬都讚不絶口，ENCORE完一件又一件，就算我只係食少少都好開心呢…Read More

是日出尖沙咀做檢查，閒閒哋都要等1-2個鐘，所以就同老公去左八月居飲茶。我倆都喜歡食點心，但小妹總覺得平時0既酒樓真係超嘈，你要靜0既，就要有番咁上下價錢，所以，小妹喜歡到八月x呢類酒樓。八月居係美心集團旗下餐廳，價錢相對地大眾化，食物有水準，而且唔會話超多人，唔會有好嘈0既感覺，係度靜靜哋食嘢嘆茶就最perfect。位於海洋中心0既佢，仲有室外選擇，可以對住個海景食。但小妹而加越嚟越怕熱，所以都係留係戶內涼冷氣,飲啖茶。由於去年先裝修完，所以新淨同光猛左好多，餐具都特別D。由於老公今日勁咳，所以全部叫D清淡嘢，完全無煎炸物。魚湯菜肉餃: 外皮厚度適中，好滑，魚湯好清甜，餡料個味係淡左D，但好0既地方係唔會搶左魚湯0既味道。當然，個魚湯唔係話勁重魚味嗰D，但一D都唔味精，食完餃再飲曬成碗都無問題。娥姐素粉果: 皮超薄，餡係蔬菜粒，好清新，唔會好似平時D粉果咁好重胡椒味，好似老公今日咁咳法，食多多都無問題。蒸鯪魚球: 唔咸，亦唔會好重胡椒味，加上有D娃娃菜墊，所以唔會好重味。幾個點心中個擔擔麵係最失望，本來見好多人都點個類似籠仔飯0既點心，但小妹諗住試下D無咩人叫0既嘢，發掘下…唉，但試新嘢有時係要付出代價0既…個麵超少不在話下，湯底好稀，完全無花生味，仲要無料係裏面，搵少少花生粒仔，都要食完個麵係咁搵個湯底先搵到幾粒，下次一定唔會再叫呢個!!!喜歡這裏0既靜，同樣喜歡這裏點心要清淡的有清淡，要味濃的有味濃!…Read More

 係小妹心目中食親日式烤肉都唔平，所以平日無咩慶祝都唔會走去食。但今次，盛八做團購，$69就可以買到$100現金券，所以今日就去日式烤肉店開飯啦BOOK左6點，準時去到但未開門，要係門口等左陣，到入得去嗰時都係得3枱人，即刻諗其實呢間咁出名0既食店，係咪唔好食呢...枱面上已經放左點肉0既醬汁，本來食極都食唔出係咩汁，後尾大鄉理發覺原來餐牌裏面係有介紹ga...點左4樣要燒0既食品，蝦都幾新鮮，燒完唔覺梅，唔需要點醬食。d雞話係香草汁，其實食落去唔覺，只係見燒緊嗰時都仲係綠綠哋色，好搞笑，但味道無咩特別。豚肉腩望落去雖然好多肥肉，但燒完後都已經無左脂肪，仲可以好完整咁咬左條白色糕出嚟，好味仲叫左個雜菜，繼續大鄉理0既我哋，將d菜就咁放上個網度燒，後尾有職員行埋嚟，教我哋話咁樣會燒乾曬，其實應該放入佢哋提供0既牛油錫紙盆裏面，再將錫紙盆放上網燒...hahahaha用牛油燒，真係無得輸，係就係肥左d，但d菜好香好好味!由於唔想燒得太熱氣，所以另外叫左個雙色蟹籽海之幸炒飯$79，同埋個十勝豆乳野菜湯烏冬$65，咁就balance番飽d同多d菜食，減少肥膩。個豆乳湯好清甜，食完烏冬飲多幾啖都得，一d都唔味精。炒飯都乾身，唔油，值得一試不過唔知係咪嗰三款醬汁有d過咸，所以食完餐飯之後係咁飲水，但整體嚟講係好食0既!…Read More

 是日行街行到倦，係食晚飯前搵個地方休息下，知道美麗華商場裝修後有間京都抹茶屋進駐，咁就行去坐坐。小妹其實幾喜歡抹茶嘢，雖然未至於叫抹茶控，但要從幾樣包括抹茶在內0既選擇中選其一，一定選抹茶。搵個位坐位先，枱面有個蛋型燈，不過由於附近燈光好猛，所以就算盞燈有無開都唔係好覺...睇睇menu，大部份甜品都包左雪糕係裏面，我又唔食得，所以就選嘢飲。睇圖d嘢飲都好靚，叫左個柚子宇治抹茶。點知，到上枱...雖然隻杯幾典雅，但點解同張圖差咁遠ga??????????凍飲同熱飲0既分別真係咁大...我倆都O曬嘴...算，試下味...唉...只係一杯用抹茶粉開水再加D柚子入杯裏面0既飲品，兩種味一D都唔match...簡單嚟講都幾難飲，仲要超甜....好失望...嚟呢度真係唔應該選熱飲...…Read More

自己係尖東食完Lunch，就約左老公過尖咀食tea，由於佢未食中午飯，所以我就帶佢去係厚福街0既台式食店101，幾飽肚。由於前公司係附近，加上佢呢度0既tea好抵食又好味，所以我已經食過十隻手指都數唔曬0既次數每次一到tea time就勁多人，坐滿曬，咁啱老公2:30pm嚟到，所以等左一陣就入得。老公叫左個雞扒肉燥飯($26)，要加$3先有嘢飲，我叫左個雪菜肉燥新竹米粉+花生醬厚多士送埋嘢飲($25)，就係咁我倆share一個熱珍珠奶茶，都係嗰句，我唔飲多飯係我未影相之際老公已經好肚餓咁食左，其實份量唔算多，以下午茶嚟講ok。係我印象中，飯同肉燥比例好啱，撈埋一齊食超好食。但老公就話肉燥少左d，加多dd更好^.^個雪菜肉燥米粉雖然有好多肥肉，但唔會好油好咸，加上相信佢真係用新竹米粉，所以米粉有少少透明，好0趙口，又唔硬，真係超好食個厚多士就無咩特別，好夠花生醬。珍珠奶茶個珍珠好足夠，唔會好硬，亦唔太稔，奶茶當然唔會好似港式餐廳咁濃，係台式淡味，即使有送上砂糖都唔使落，啱曬而加0既我。無食左幾個月，依然覺得好超值。當然唔係話咩驚為天人美食，但好抵。…Read More

今日老公中午出旺角有嘢做，之後約佢係尖沙咀行街&食tea，而我，由於太肚餓，等唔到tea time，就自己一個走出尖東食個lunch先。之前經過港晶中心，見到有間食新加玻嘢0既餐廳叫吉利尼，向來好喜歡食叻沙0既小妹，就自己一個人去歎下啦。去到約1點半，都差唔多full曬，不過我一個人容易zip位，所以唔使等已經有位。吉利尼係快餐形式，自己出去買0野食，俾個牌你放係枱，再由店員送食物，餐具都係自己去自助餐具枱拎0既，但店員見到我呢個大肚準媽媽，就叫我坐係度，佢幫我落單就ok，仲送上餐具俾我，讚叫左個叻沙麵，跟埋嘢飲要$60，但而加小妹盡量唔飲有咖啡因0既飲品，呢新加玻餐廳出名0既都係奶茶,鴛鴦同咖啡，所以我索性唔跟嘢飲，就$50。呢度有樣嘢唔太好0既係佢餐牌唔係寫得好清楚，只係寫左麵加飲品$60，但我要問店員先知可以散叫麵，價錢都係佢講，餐牌上完全都講。有個好似台灣肉躁腸粉0既嘢食，我搵左好耐餐牌上都好似無...真係唔知我眼大睇過龍定點...叻沙麵，湯底椰味好重，唔算好辣，油左少少，本身我想再減辣，但店員話唔可以，最多幫我寫走辣醬，如果可以走辣就更perfect，咁我就可以成日食餸都係一般叻沙餸，有蝦,蛋,魚片,芽菜同豆卜，不過個蝦完全無味，好似連少少調味料都無落過，隻蛋仲有味過佢。而麵就係米線，小妹都係喜歡平時叻沙嗰種有少少透明狀較米線有咬口0既嗰隻麵。$50一碗唔算大碗，但味道都ok，可以一試。…Read More

每次夜晚經過呢間so thai so good 都勁多人，咁啱今日同中同食飯，佢其中一個suggestion係食呢度，所以就試左佢。本身約8:30pm，但小妹諗住早d過大中行下，順便知佢多人就拎左飛先，所以未夠8點就到左。中同突然要OT，大概9點先到，點知佢0黎到都仲等緊位，結果佢嚟到都仲要等多10分鐘先入得。呢度其實唔算多位，仲幾多係一家大細4,5個人嚟食，可能因為呢個原因長期要等。佈置一D都唔泰菜FEEL，仲有D食客留低0既即影即有相。食物方面主打泰菜，但都有D西式主菜同甜品。我哋叫左2個頭盤，1個飯同1個青菜，而中同就另外叫左個青檸梳打飲。豬頸肉: 唔肥，好淋，好入味，但下面D飯即使併埋豬頸肉一齊食都覺得完全無味，即使加埋醬汁都無咩味，如果呢個菜係淨燒豬頸肉，小妹覺得反而仲好...蝦餅: 唔好食，原因係D蝦唔新鮮，係呢D餐廳當然我唔係expect去食海鮮咁，但都唔好俾d有梅梅哋味0既蝦去整丫...芥蘭: 最好食，5粒星，唔油，唔會太硬，亦唔太稔，有少少爽口，!最後個燒雞飯，雞係可以，唔鞋，味道唔錯但個飯太多提子乾，反而無咩菠蘿，搞到個飯太甜，成件事好唔match，所以嘛嘛哋好食。總括0黎講價錢唔算平，但又唔係特別好食，小妹真係唔明點解成日咁多人等位。隔離同集團0既中菜，可能地方大，好食d之餘仲少人等位好多，所以小妹應該未必會再幫襯呢間lu!…Read More

 之前屋企人講過，話覺得而加太興0既乳豬比起新斗記更好食，小妹其實一直都未試過新斗記，只係知道佢好出名食乳豬，所以好奇心下今日係荃灣行街，就順便去荃灣廣場分店試試。大概6點多d去到，仲未係好多人，安排我同老公兩個坐左一間房仔裏面0既2人枱。酒樓0既格局好新，但d餐具就好懷舊咁有隻雞係度。食物選擇小妹覺得唔算多，有二人套餐，但因為一定有海鮮係裏面，所以無叫，變左散叫。叫左個生炒上肉排，係推介0既，當然有乳豬，由於得我哋兩個，所以叫左例牌，另外加左個啫啫通菜煲同白飯。通菜煲最快送到，熱辣辣，一d都唔咸，有時出面就算好出名0既酒樓食呢個餸，無白飯就咁食會覺得超咸，但呢個就算齋食都可以。肉排其實即係咕嚕肉，唔肥唔瘦，唔會淨係得粉面，舊舊都有肉，正(走嗰時行出去差唔多枱枱都有叫呢個)可能係即燒關係，乳豬最遲上菜，每塊都好脆，皮下面無咩脂肪連住。但另外配住的乳豬肉就咸左少少同唔夠嫩。如果你話同太興比，我會覺得表皮係佢勝出，但肉就真係太興嗰面好食d。同埋好明顯價錢方面佢貴過太興。呢度嘢食好ok，但每碟份量就真係少左D!…Read More

今日約左空姐媽媽食tea，佢sugeest話去八號餐廳，食左幾次都唔錯。去到由於啱啱開始下午茶，所以見好多食客仲食緊lunch0既嘢，睇落去係ok wor。我叫左個熱狗餐，而空姐媽媽就叫個豬扒包。原來個餐係配埋薯皇同沙律菜，賣相好吸引，好似人哋高級餐廳0既tea咁熱狗腸唔咸，d source酸酸甜甜，無論熱狗裏面0既菜定係出面伴碟0既沙律菜都好新鮮而我見空姐媽媽個包都好軟，豬扒都好juicy。個伴碟薯皇都係即炸，唔會稔，少少脆。嘢飲方面除左一杯普通熱飲外，出面有個drink bar，可以任添一d水果茶，例如有蕃石榴水果茶，又有檸汁橙茶，味道唔甜好清，值得一讚$30一個餐又有任飲，平日下午茶傾計好地方。…Read More

 幾次食飯都經過呢間係八號花園下面0既燒扒屋，見到門口個menu都真係好平，咁啱今日想食嗰間韓燒至少話要等個半鐘，唔餓得0既我，就suggest老公過嚟呢度試下。呢度最平0既餐都係$53，同快餐店差唔多，我叫左雞扒配薯菜，老公就叫左和牛配飯，每碟都配埋司華力腸，仲可以選飯，意粉，沙律或者薯菜。上碟睇落去唔差，但味道真係嘛嘛。雞同汁都好普通，個著條好硬，好難食，司華力腸勁咸:(老公話個牛好韌，完全feel唔到係和牛其實雖然係平，但我覺得大x樂嗰d仲好食...下次應該唔會再嚟lu…Read More

復活節假第二天，原本計劃去長洲逛逛，但去到碼頭見到條人龍，為安全計，改左去坪洲。等了差不多大半小時船加船程約30分鐘，去到就即刻搵嘢食啦。去到離島，通常都搵D比較舊式0既點心店，有風味嘛。途經勝興茶室，見裏面都坐滿曬，所以就入去試試。見好多人都叫左粉果同魚蛋，當有出爐時我0地都即刻拎嚟試。聽同枱食客講呢度D魚蛋用鮫魚整，食落好彈牙，而加好大粒，抵食又好味!個粉果我自己就覺得同平時小食店0個D差唔多，無咩特別。豬手: 好入味，好明顯係炆得好稔，唔會好似有D點心店咁搵化學嘢整稔佢0既粥: 可以自由選擇材料放，例如鯪魚，牛肉，生菜，豬肉丸。     今次我哋選左鯪魚加生菜，粥唔算好綿嗰D，     比較稀，我本人喜歡食糊D0既粥，所以唔係我杯茶，但OK。仲叫左馬拉糕同糯米雞:馬拉糕比十個讚佢，好鬆軟，有超勁蛋黃味，好香好食。糯米雞表面好食，但裏面D料差D，好水，一pat嘢，有d失望。呢店仲有好傳統0既糯米包，不過由於叫左糯米雞先出現，所以無叫，下次再嚟，一定會叫嚟試番^.^…Read More