Kwokshanshan's Profile

想試”響”好耐喇，所以朋友特登請我黎哩度補祝生日。一坐低，就黎個刺身拼盤同海鮮拼盤。刺身拼盤既海膽非常鮮甜，其他刺身質素同一般放題差唔多。除左海膽外，其他刺身都可以再叫。至於海鮮拼盤就普通喇，D蠔燒完變到好細隻，亦唔太新鮮。第一round既燒肉，估唔到d牛都幾有牛香，唔錯👍🏻除左燒肉，重有甜品任食。有我最愛既Movenpick雪糕😋除左汽水同花茶之外，竟然有酒類任飲。有紅酒，白酒，梅酒，清酒，柚子酒。無論食物質素同種類都唔錯，係價錢偏貴小小，油煙亦有d大，同落單有小許混亂。突然嚟咗碟大燒肉我地冇點亦食唔晒。同其中一個侍應講就叫我地照食先，之後再幫我地處理。但真係太多食唔晒，好浪費。…Read More

做完野諗住食過late lunch，但食到一肚氣。下午茶時段大概有六成客人，侍應大概有五到六個，但係有兩至三個永遠係門口，係樓面既侍應，客D舉極手係面前行過都扮睇唔到。答左你等陣，就完全冇咗回事。好唔容易終於有個講廣東話唔係好正嘅男士應過嚟幫我落單，我唔係好明餐牌上面” 正價咖啡及湯減$8”點解，因為其他全部係寫加幾錢。咁就問個男士應係咩意思，佢就不斷同我重複正價咖啡及湯減$8，不斷照讀。其實我都系想加個龍蝦湯所以先問佢，最後就問佢，淨係加龍蝦湯幾錢。佢就答我”加$8”！咁我就叫咗個意粉加龍蝦湯，等左都幾耐下d野食先黎，我見倒個龍蝦湯就奇怪點解會加$8咁抵，到埋單果時就見倒梗係唔係加$8係加左$40。就問返嗰個男士應，佢就話自己無講過，我懷疑佢自己講過咩唔記得，唔食都食咗，只有焗住比錢喇。…Read More

屋企人食過藍田果間覺得唔錯，黎到第一城見有就試下。但質素真係麻麻，食物偏油，個口水雞根本就係醉雞加D 辣椒油上去，一D都唔香唔麻。個炒飯個樣好似唔錯但食落油淋淋，同藍田果間差好遠。…Read More

好耐冇嚟過第一城喇，以前朋友住喺度嘅時候成日都食呢度啲小食，今日經過第一城就特登嚟幫襯下。叫咗個朱古力流心雞蛋仔，雖然無流心但有軟心亦有粒粒朱古力，都叫外脆內軟，食落有朱古力味。…Read More

突然想食鮮奶燉蛋白，所以就哩左金滿堂。我地點左芒果糯米糍，紫霞仙子同椰汁湯圓燉蛋白。紫霞仙子同芒果糯米糍味道正常。但個椰汁蛋白湯丸，個燉蛋白得好少，大部份係椰汁，個湯丸有怪味，最後都食唔倒。…Read More

見好多人都推哩間餐廳，所以特登黎試下。所有裝修擺設都好有心思，連碗碟枱燉都係以前既大排檔一樣。杏汁豬肺湯，有杏汁香，但偏咸同d豬肺有d腥味。黑椒薯仔牛柳粒，幾香口，應該用左蜜糖打沟，甜甜地，不過都係偏咸左d。哩個魚好香，好肥美，但都係偏咸。咸魚炒介蘭，好有鑊氣，但都係偏咸。哩度食物都幾有鑊氣，環境唔錯幾有特色，係味道有D偏咸，配啤酒應該會好D。好適合一大班朋友嚟飲啤酒食飯。…Read More

同同事預祝聖誕，就揀左公司附近的餐廳食lunch。個lunch set有包，沙律或湯，主菜，飲品，同一件小蛋糕。價錢就80幾到150幾左右，食物質素都幾好。但唔好既係，溝通有點混亂，一位侍應話蛋糕送晒，轉頭另一位又拎蛋糕過黎。個蛋糕雖然係送，但質素都唔差，係伯爵茶慕絲蛋糕，好香茶味。…Read More

平安夜朋友仔話想去打邊爐，見哩度有椰子雞煲咁特別就黎試下。我地點左半隻椰子雞煲🥥個湯底真係好清甜，好正👍🏻店員重會幫手落雞同計時，所以d雞係岩岩好，好滑。其他既火鍋配料都係正常野，個手切手脊肉幾淋有牛香，d菜都新鮮20幾蚊碟，價錢算合理。我地重叫左個麻辣鴨舌，幾麻幾香口，唔食得辣幾我都食倒。本來想叫椰子凍，但咁岩無，哩度除左打邊爐，重有小菜食，下次黎試下先。不過唯一唔好就係食食下好大煙味。…Read More

以前好鐘意同老公食峰壽司，但自從有次係銅鑼灣食過好失望就好耐無食過了。今日去荃灣廣場行街，見有峰壽司就再試下。壽司既質素ok la，魚生唔算好新鮮但壽司飯飯同醋既比例幾好，無過酸。應該可以再黎既。…Read More

知道又一城開左間新pancake店即刻同朋友去試下，等候既時間比預計少，半個鐘左右就到。而且等既期間店員會派氣球，幸運曲奇同水。J.S Foodies可以試晒兩款人氣pancake😍有梳乎厘pancake又有多層pancake，有咸有甜。唔係好慣食喊既pancake，所以我地點左一個栗子疏乎厘pancake同法式焦糖pancake。飲品就點左Green tea Latte同Mint Mocha。栗子疏乎厘pancake好有蛋香👍🏻，好飽肚，唔會話好似空氣咁一啖就無。法式焦糖pancake，有焦糖香，雖然比疏乎厘pancake遜色少少，但都好好食。Green Tea Latte有綠茶香，唔太甜。Mint Mocha 咖啡味太濃，蓋過咗朱古力味同薄荷味。又有得影相呃like，又好食，如果只係排半個鐘，我覺得好值得去! 但應該好快變成長龍店🙈…Read More

係樂富UNY裡面有唔太顯眼既food court，裡面都有幾多選擇。今日就食左御廚舫，點左個回窩肉套餐，有個酸辣湯，豆漿，回窩肉，一碗白飯，都係$44。雖然個回窩肉唔算係好正宗但都幾好食，咁既價錢有湯有野飲算係咁喇。…Read More

海安就係公司樓下，朝早返工都會買個蛋撻或者麵包做早餐。成日都想試下佢既lunch，但成日都大堆人係門口等無機會試。咁岩今日經過等既人唔多終於可以試下。我點左個叉燒葱油撈麵，熱奶茶。其實真係無乜特別，個撈麵重有d偏喊tim，而且上菜速度都真係幾慢，試過就算了。…Read More

黑糖珠鮮奶茶近期大熱開到成行成市，但原來想揾杯熱既鮮奶茶並唔係咁容易。揾左好多間，終於有間有熱既鮮奶茶。我點左杯珍珠鮮奶茶，珍珠係幾有咬口既，但奶茶就係得奶味好似奶水一樣，完全無茶香，真係好失望😞…Read More

之前同事帶過我黎le間係電腦商場內的餐廳，如果唔係真係唔知電腦商場裡面會有間好似cafe既餐廳。哩度午市套餐價錢介乎$60幾至$70幾，亦有全日供應既套餐，價錢就貴dd$80幾至$90。午餐係包湯，麵包，主菜同飲品。今日湯有羅宋湯同周打蜆湯揀，我就要左羅宋湯。主菜就揀左蕃茄咸牛脷意粉，味度幾好，意粉唔會太冧，同事就揀左青咖哩豬頸肉飯，個咖哩汁係另上的，幾香唔太辣。而飲品有幾款算係特飲選擇，我就揀左珍珠奶茶。整體唔錯會再黎。…Read More

上次黎試過西洋菜水餃不錯，今日黎就試下其他。今次點左回窩肉飯，味道好岩我口味甜甜地辣辣地，有足夠既汁幾好送飯，亦可以選擇辣度。值得加許既係，果度既侍應姨姨雖然好忙，但服務態度都好好，好有親切感👍🏻👍🏻…Read More