肥熊's Profile

間唔中我都鍾意食吓西餐，不過食西餐一定要配合環境，如果唔係感覺就有可能變咗食快餐，咁啱有間餐廳邀請我去試菜，去之前上網睇過個環境都唔錯，本住一試無妨嘅心理應邀去食呢一次嘅比利時菜，同大家一齊睇吓有無驚喜先........干邑龍蝦湯：賣相同味道都一流，龍蝦肉約有方糖咁大粒度啦，而且都幾足料，配埋麵包食，恰到好處!巴麻火腿伴蜜瓜：如果就咁食巴麻火腿會有ｄ咸，不過夾住蜜瓜黎食，當然可以將甜同咸混埋一齊，感覺都唔錯!當然要講吓個環境啦．．．．有鮮花同蠟燭，如果情侶黎食，再開支酒摸吓酒杯底，聽吓英文經典情歌，傾吓偈都幾Romantic!不過如果趕時間就唔好揀食西餐喇，因為上菜唔算快，一度菜食完先會上一道菜，所以聚會傾偈就最啱!暖美國帶子沙律：呢個賣相就唔錯，不過份量好似太少!黑松露菌露筍天使麵：Angle Hair配黑松露嘅味道就好好味，如果ｄ麵可以軟番少少就更Perfect！焗龍脷蝦慕士卷配魚籽醬忌廉汁：用龍脷魚包住蝦膠黎做卷物，配搭算新穎，個底仲有ｄ薯蓉托住，食到呢一味我已經飽咗九成喇!甜品有彩色啫喱同檸檬慕士蛋糕，我比較欣賞啫喱，因為佢一層層唔同嘅顏色，令人覺得好開心，而檸檬慕士蛋糕就有ｄ酸，我一向對酸嘢麻麻，好彩佢加埋朱古力蜂巢，咁食落都無咁酸......焦糖燉蛋賣相好吸引，仲幾好食添!細細杯就唔會咁膩!二人晚餐有齊以上咁多樣嘢都係$398，講真真係幾抵!計環境同質素，我有機會都會再黎!…Read More

呢度最好食就係牛筋同牛肚,就算食咩都要order加腩汁,因為夠晒濃味,不過呢度既牛腩麻麻地...…Read More

每次黎親呢度都好有家庭既感覺,因為老闆好Nice,而小菜都做得好有心機,絕不馬虎!我地每次都會order胡椒坑腩同風沙鵎,仲有炸大腸,食過呢度既大腸就唔會再食街邊果d,因為完全無肥膏,炸得好香!…Read More

我地一行十二人總共叫左１３個餸同１個沙鍋雲吞鷄湯，每一道菜式都相當有水準，真係令人再三回味!素鵎:同一般嘅素鷄唔同之處係佢加入左青瓜同木耳，爽口得黎又煙煙靭靭咁，口感唔錯!涼拌鷄絲粉皮:呢個粉皮又薄又滑，同ｄ麻醬簡直係Perfect Match。素鵝:相當香口嘅菜式，腐皮卷入面夾著好多雜菇，事實証明好好味架，因為個轉盆轉左一個圈就掃晒!咕嚕肉:我嘅「飛佛」咕嚕肉，ｄ肉唔會太肥，個汁又好惹味，「依之棒」架呢!小籠包:一般啦，都算屬於好味果Type，ｄ皮都好薄!上海粗炒:出奇地好味!一個咁普通嘅粗炒能夠炒到咁煙靭，一個字講晒「正」!雪菜肉絲炒年糕:較為清淡嘅一道菜式，味道屬一般啦!唔係太特別~煎餃:外皮脆脆地而裡面ｄ肉汁又相當鮮味，超水準之作!松子黃花魚:呢味又係我地嘅Encore菜式，連唔食魚嘅都鍾意食呢味餸!干扁四季豆:唯一一碟菜類，保持水準!豆沙窩餅:外皮鬆脆，超多豆沙，好似甜多少少!高力豆沙:可能分得太多份，我果舊食唔到豆沙，好可憐!不過呢個我上次食過，都唔錯架!炸湯圓:頂級之選!真係好好味，外面嘅芝麻脆面有ｄ似剛剛炸好嘅煎堆，而裡面嘅黑芝麻餡又好滑，Size又剛剛好，一粒一啖!…Read More

呢度有兩種豉油以配合不同嘅壽司種類,紅色果樽倒出黎比較淺色同淡味,係用黎點貝類類既,而倒出黎深色既果樽身係綠色,用黎點魚類既...又食我嘅至愛吞拿魚腩壽司,平平地兩個都係$40,都幾新鮮架!另外鮑魚仔壽司,好有趙口,都幾得意既!總括黎講都幾好味,下次都會再幫襯既....當然等佢唔洗排隊果日先好去食啦...…Read More

油酥餅,點埋咖喱汁真係好味到暈啦!我地叫左咖喱牛腩同牛筋,汁裡面充滿左洋蔥粒粒同香濃嘅咖喱味,好快就可以食完一碟飯!…Read More

鮑魚扒椰菜苗: d鮑魚都幾腍架,而d菜苗又相當清新,好夾好好味!叫串燒牛肉同鷄肉黎第一次全豬肉唔要,再黎一次都錯,變左豬肉加鷄肉...雖然味道唔錯,不過扣左少少分!柚子沙律:清清地都幾好味嘅,最好係餐前食或餐後食啦!咖喱蟹+焗豬仔飽:簡直係精華所在,個豬仔飽熱辣辣,配埋d咖喱汁,只能用一個字黎形容,正!!不過個蟹嘅質感就一般.....泰式紅燒翅:味道都唔錯,兩人份量真係剛剛好!炸蝦餅:不論蝦餅同d蝦片都係好香口,而且味道一流,有水準!香芒糯米糍+椰汁糕:椰汁糕都係一般啦,不過個糯米糍就好好食,我冒住皮膚敏感嘅危險都將佢食埋,就知佢有幾咁好食啦,因為咬左一啖,就會見到好Juice嘅杧果喺入面,仲鬼死咁香甜添!…Read More

茶餐（叉燒意粉+兩件厚多+火腿煎雙蛋）湯底濃郁，好有舊派茶餐廳嘅風味，本來都想食個燉蛋存嘅，但當個侍應放低碟煎蛋果陣，就即刻打消左個念頭，實在太豐富啦．．．…Read More

之前睇左openrice既網友介紹呢間梨花園,我地就去試下,叫左牛肋骨同烤豬排骨,侍應生喺我地面前剪開塊肉,因為咁樣淹入味好多!記住係呢間梨花園,唔好去錯梨花苑呀!我去過上環果間同加拿分道呢間,兩間都OK!…Read More

我地叫左好多餸,包括左生牛肉河、香茅鵎翼同炸蝦餅。著名咖喔牛腩,味道好正而且牛腩亦好腍,不過佢既最佳拍擋蒜蓉包就唔太得啦...越式炒粉皮,有鷄絲、扎肉絲同蝦做餡,粉皮好有咬口,好味!…Read More

牛肉餅:雖然size好似細左,但係味道依然好正,最正就係咬落去嘅肉汁四淺,有非常香濃嘅牛肉汁味!我地叫左個四人餐,食食下先記得要影番張相做紀錄,好彩都仲有好多,果個豆腐粉絲湯味道都唔錯,而個咖喱牛腩配落個薄餅度簡直一絕,雖然佢仲有碟招牌菜叫鹵水三拼(牛肚、牛展同牛筋),不過我就覺得麻麻地好食,可能呢個冷盆真係幾冷啦....味道又無乜特別!…Read More

唔知從幾時開始,我地已經係利苑酒家嘅常客,而呢碟網網千斤更是飛佛添,但係唔係你想食就有得食架,因為就算訂有時都係無,我去左咁多次都係第二次有得食咋...…Read More

喺旺角食完飯就去左黑布街石磨坊食甜品,香芒糯米芝麻卷,一咬落去有一種完全意想不到嘅感覺,因為竟然係熱嘅,不過都幾好味架!好滑嘅外皮,裡面仲有d鮮芒果同黑糯米,不過建議之前果餐唔好食咁飽!…Read More

估唔到竟然多人到要等位,不過無耐就有位喇,一坐低就周圍望下人地食ｄ咩先…炸蝦餅: 好味但係好熱氣!牛鷄串燒: 都幾入味，Yummy!…Read More

今日放左工行左一陣街,正心大心細唔知食乜既時候,經過尖沙咀新港中心附近,見到有人派傳單,走埋去攞番張,原來係間壽司店千兩,睇到佢話有註場日籍師傅主理,以我同燒肉飯祟日嘅心態,當然第一時間去試下啦!入到去有如入左日本既壽司店一樣,不停有好熱情既歡迎聲,日本師傅會同食客傾計,整左D新野又會問下客人食唔食.....果種氣氛簡直Wonderful!!呢度嘅WASABI都寧捨唔同,好明顯係自已磨果種,新鮮到暈!呢款Toro真係超新鮮,我地一共食左3碟,肥美到不得了,又無筋,隔左一陣個口都依然有魚油嘅甘香!只係$48一碟咋,仲有兩舊,平時去板前、峰壽司果d度食,起碼都要$35一舊,真係抵!…Read More