阿蒲娘's Profile

是日同大哥, 大嫂, 豬女同皇子, 一行5人去醫肚!!!我地叫左:1. 豪華刺身飯SET $98(唔記得個名, 貴D就改做豪華啦!!!) - 有個大刺身飯+細烏冬+餐前小食(味噌豆)+蒸水蛋, 阿嫂話好好食, D刺身好新鮮好甜!2. 鯖魚炸蝦SET $69 - 有一忽鯖魚+2隻炸蝦+珍珠飯+細烏冬+2件三文魚刺身+餐前小食(味噌豆), 我平時食開這個SET, 今次到皇子食!3. 平價刺身粒飯SET $69 X2 - 有個小刺身粒飯(普通刺身粒)+大烏冬, 個大烏冬真係好好味, 不過食左個烏冬都食唔哂個飯, 最後要皇子KO埋我個飯, 大哥就可以成個SET食哂4. 鐵板吞拿魚粒 $4X- 竟然好好食, D汁配D沙律菜一流呢!5. 天婦羅魷魚絲$29 - 次次都要食, 第一次食就已經上左癮6. 炸蝦餅$43 - 唔多好食, 可以不試:(今次同埋豬女黎食, 豬女唔肯食自己D粥仔, 反而搶住D烏冬食囉~ 估唔到佢歲半女都十分識食呢, 因為D烏冬就係好好食!!!:)上兩次來時, 發現D食物有D參差, 又見唔到老闆出現; 今次老闆回歸了, D野食又真係高水準返喎, 唔知係心理作用呢?…Read More

果日心血來潮好想食咖啡雪糕，米捉王子落九龍城囉，諗住食之前搵間茶記醫下肚先! 王子話早幾日先同D同事黎食過，覺得D侍應好好禮貌喎，咁我地就去啦。入到去見到有幾檯客都食緊豬手同生滚粥，横疊咁凍我都食粥先! 同我地落單係一個勁有禮貌既哥哥仔（後尾先知佢係靚仔老闆囉!)我地叫左：1.秘製豬手 - 好稔好入味D汁撈飯一流，我同王子爭住食!2.生滚豬潤粥 - 我叫多葱，果然比左好多呀；仲要係葱加唐芹…香到不得了，個粥底好甜D豬潤就一般，係好食既!:)3.沙拉骨客飯 - 正常之作，如果佢比多D骨我，我會更加開心囉! 4.蠔油菜心 - 煮得太稔了，如果可以爽口D就好:(5.自製魚皮餃 - (老闆極力推薦）：我本身唔好魚皮餃(我成日覺得魚皮餃好似好易變味咁)，不過見王子唔多飽米加碗淨餃囉; 靚仔老闆話每日人手自製既味道一定不問題, 好就信佢一次先!!! 結果...果然d皮好彈牙d肉好甜仲有肉汁喎!!! 呵呵果然無呃我!!!果日我見到一枱國內客加外籍客入黎食野, 個女侍應竟然曉流利普通話, 仲曉用英文介紹菜單....雖然佢地不斷問野, 個侍應一D唔耐煩都無!! GOOD~我地好奇怪D解成間舖D人都好似好有禮貌同後生既呢?(荼記黎講都真係幾難能可貴喎)...最後埋單果陣同個伯伯吹左幾句, 原來個靚仔哥哥係新接手老闆, 以前在大班飲食公司做經理...習慣成自然, D侍應見佢係咁米有樣學樣囉!!! 明白哂喇!!!我當日係坐門口位, 櫃檯個電話不斷響, 勁多客叫外賣囉!!! 如果怕嘈就一定唔好坐門口位了!!!!睇黎, 我有多個食粥既好地方喇!!!!!!!!…Read More

openrice十大人氣榜榜上有名, 米一心試下囉, 我已經一早book左位啦去到到等, 米去行去先囉, 10分鐘左右個服務員叫我5分鐘內要到, 我地米飛返黎囉, 到左又話未埋好單, 又要等多10分鐘...咁做咩要限人5分鐘要出現喎, 得人趕餐死, 不過門口個服務員都好有禮貌...算啦~1. 海鮮濃湯烏冬 - 湯好咸無海鮮味, 海鮮除左隻蝦係莓既之外都算足料, 不過唔好食就幣囉~2. 豬手豬骨湯烏冬 - d湯都係好咸, 隻豬手竟然出奇地好食3. 鯖魚燒 - 無特別, 同超級市場買果d差唔多...即係一般貨色4. 七味粉雞翼 - 全靠七味粉吊味, 咁即係一支七味粉就可以有咁既效果, 自己整試下都得~5. 芝士玉子燒 - 芝士少唔夠味, 玉子老, 兩者配埋一齊係幾差既效果~如果佢既"烏冬"同"海鮮濃湯"係鎮店名菜, 咁我就覺得不值一試囉~…Read More

之前有一日睇過openrice見到這間舖頭既食評, 睇完好想去試...終於同皇子有空過黎試下喇:我之前一直都無食過印度菜, 所以我每樣野都問得好清楚; 老闆好細心咁解答我今日既小食係4粒印度薯球, 幾好食(不過我仲以為係脆餅添)1. baby ribs : 應該真係唔係燒出黎, 係煲林左再放入焗爐加熱再淋汁既煮法; 所以d肉真係太林無哂筋位一d都唔無咬口, 不過個味道都幾好食既。如果d份量都可以好似pizza有得揀大,細就好喇...2個人食實在係太多。2. four seson pizza : 好食到不得了, 剛剛焗好即時放入口就食; 忍唔住講左句 "mamma mia" fantastic, 已經好幾年都無食過咁好食既pizza喇。3. 馬莎拉雞 : d汁好濃郁, d雞好嫩口; 不過果刻我實在太飽根本食唔落, 結果take away第二日回公司做lunch, 駛估唔到隔左一日又叮過都無影響d肉質同味道, 所以都要比個遲來的讚美先。正到爆呀~4. 香蒜naan : 唔太覺有香蒜味, 應該食原味白餅會好食d。老闆同老闆娘好細心, 可能因為唔係太多人既關係, 佢地可以成日換碟同加水, 仲可以同d客人傾計, 老闆留意到我一開始就食哂baby ribs既伴碟白色沙律, 佢好主動問我係米好鍾意食?仲即刻走入廚房refill一碗仔比我食(真係覺得好好食架), 老闆真係做到細心、主動、問好...係一處值得光顧既店鋪。值得注意既係: 間舖d人唔係好識講廣東話, 除左老闆好似係識少少之外...都係最好用英文同佢溝通方便d。…Read More

成日睇到d食評好似好勁咁, 所以米心思思想去試一次先~咁啱是日路過, 宵夜時段有位米走上去食下囉~原來只不過係名過於實, d野唔係真係咁好食。1. 刺身唔新鮮, 刀功差, 切到一粒粒好似正方形咁, 吞拿魚同劍魚好似莓莓地...馬刀貝切到碎上咁...order左1次就無叫過d刺身。(皇子係魚生王, 佢都竟然唔想放入口食...)2. 串燒唔夠熟, 牛脷同芝麻雞翼竟然可以生既...又係太多人點解要咁趕呢?有彈亦有讚先...1. 員工d動作好快, 面帶微笑.2. 無漏單既情況, 叫埋都黎齊不過一間叫得自己做日本料既店舖, d刺身竟然咁差同咁少種類, 完全無刀法既...會唔會枉稱日本料理?只此一次, 絕無下次~…Read More

時日同小心兩個人一齊吃lunch, 佢話好耐無吃燒味飯...所以入左太興。我叫左個八寶飯, 佢叫左燒味雙拼; 兩個都跟中湯。八寶飯$50(其實都幾貴): 薰蹄唔好食之外, 其他餸都好正常。燒味雙拼$42(都算幾貴架): 燒鵝油雞, 小心話好正常。我地叫例湯前無問人地是日例湯係咩, 黎到先要估估下...又唔似老黃瓜, 又唔似合手掌瓜, 又唔似冬瓜; 飲落酸酸地又甜甜地, 有一嚿好似豬腦同合桃既物體, 又唔似猴頭菇, 咬落又唔知係咩...結果飲哂成碗湯都唔知自己飲咩, 下次去到邊都係問清楚是日例湯係咩先叫喇。…Read More

同皇子心血來潮想入去釣魚, 所以一早就出發前往蒲苔島。搭完一輪船到左啦, 不過是日大風有微雨...所以即時入妹記食d熱野先。我同皇熱都叫左餐蛋麵, 餐肉係肥豬仔牌, 麵就係出前一丁, 加埋隻太陽蛋...暖返好多喇~老闆娘見我仲係凍凍地, 即時舀左碗蕃薯薑湯我飲...薑汁濃郁, 即時暖哂喇個人。即刻覺得此舖好有人情味呀~~此店星期六及星期日才開舖, 薏米紅豆沙一早就賣清, 想食就趁早喇~$20一碗餐蛋麵, 仲有其他選擇; 來一個溫暖早餐, 人都舒服哂~…Read More

今日同小心兩個去左大角咀睇中醫, 睇完之後都8點幾; 又好肚餓喎。因為唔想行咁遠, 小心行到這間舖話d咖哩好香, 所以我地就入左去食。我地兩個都叫左1. 咖哩吉列豬軟骨扒飯 - 豬軟骨竟然係用豬耳仔, 雖然無規定用邊忽軟骨位, 不過出面無見過任何一間舖頭用豬耳仔做餡囉...即時覺得超失望色(因為d燒味舖賣豬耳仔勁平$20超大袋), 食落好唔夾喎, 飯太軟身, 配料勁寒酸, 一嚿薯仔同一嚿蘿蔔, 咖哩味唔夠出, 可能揀吉列豬扒會好食d, $35在大角咀區黎講算貴得黎唔抵食囉。2. 炸雞軟骨 - 粉厚左少少, 不過都幾好食; 但唔明點解唔比任何sauce去食, 問佢攞沙律醬先比得少少, 真係好少果隻。3. 八爪魚同螺肉 - 應該係攞街貨, 咸左少少, 不過都抵食既。今日我地又有問題出現喇, 入到去個男仔問我地幾多位啦, 個女仔唔知點解會黑哂面; 唔問我地食咩, 唔理我地。之後我地叫野食, 個女仔話個餐有野飲；問佢有咩啦, 佢話綠茶同汽水, 無其他野揀, 我問佢有否凍綠茶呢? 佢話無只有熱綠茶因為即時沖, 咁我米要熱綠荼囉; 不過見到佢唔係即沖, 只不過在茶壺倒下來, 飲落只屬微暖又無綠茶味...老實講一間餐廳人客一入黎就應該比杯或水, 但此店把茶計算在餐飲內, 好像有點那個。個女仔一直都黑起塊面, 直至我同小心吃完, 我諗住在手袋攞紙月巾時, 個女仔竟然9秒9走去攞張單比我地...下...我地都未叫埋單, 唔通佢真係咁想我地走咩? 成餐既感覺勁奇怪, 以後都不來好了, 因為唔知個女仔幾時又黑面。…Read More

是日同阿W補祝生日,佢話打邊爐喎...佢話這間不錯...咁去囉。我地叫左1. 鴛鴦底: 無咩味:(2. 手切肥牛: 這個幾好食, 有牛味3. 肥牛: 唔好食...好瘦又老4. 桂花蚌: 都好食, 又幾甜, 不過好少:)5. 芝士賜: 好難食, 雖然係粗身D, 不過個味道好差6. 油麥菜: 好新鮮同嫩...食落仲甜既...正7. 水餃拼雲吞: 雲吞唔好食實崩崩既, 水餃好食D, D餡算多同新鮮:)8. 手打墨魚滑: 無墨魚味, 仲要奇奇怪怪咁加左D蟹柳絲上去, 份量超少, 底下塊椰菜卻勁 大。9. 蝦丸: 好食, 好新鮮10. 生根: 超正常:)11. 鯇魚片: 唔新鮮, 唔爽, 肉唔實, 滾兩下碎哂當晚人客好少...D服務員好得閒...成日好大聲咁叫, 由我張枱叫過去前後4,5張枱; 好討厭好嘈。唔知係米得閒呢, 個服務員自己企響處睇電視; 叫佢加水無反應。吃吃下, 後面枱突然大叫...枱底出煙呀, 好濃呀...跟住有歌兩個服務員走去睇, 佢話個電磁爐可能有D事...再睇真D...哈, 原來係本身張枱已經有個電磁爐在下面,但佢地無用到仲用枱布蓋住然後再在上面加個電磁爐...結果枱下果個爐受熱又散唔到氣...所以出煙。嘩...好危險呀, 幾無常識...我諗為左自己安危...少來這裡為妙。…Read More

約左爸媽同皇子吃飯, 其實一直都未決定好食啦...見時間尚早就自己行下...見到總廚話$1一隻BB鴨, 地方又好似好舒適; 所以就確定在此開飯喇。我見餐牌D餸既價錢平均都係$38-$48...咁就開始叫餸喇~1. 西檸雞 : 炸得幾脆口, 不過唔夠味同粉多肉少2. 海浙手撕雞 : 無諗過咁細碟, 不過幾開胃同好食:)3. 燒腩仔 : 份量幾多, 有兩排; 一排皮好脆肥瘦均衡, 另一排皮好化同肥左d...都好食既:)4. 沙嗲韭菜豬紅 : 份量少左d, 沙嗲唔夠味:(5. 半隻BB鴨 : 好香好嫩, D汁好正; $0.5 半邊勁抵囉~6. 荷葉飯 : 好大份...飯身超香同淋, 美大不足係竟然用瘦肉做餡...好鞋:)7. 麻婆豆腐燴白菜仔 : 都OK好食:)8. 又係半隻BB鴨 : 阿媽話好食, 要叫多一次...經理仲送埋糖水比我地吃, 食左咁多野; 埋單連茶芥加一, 竟然要係$292...好平呀服務員同個經理既態度好好, 地方唔算大不過好舒適, 唔嘈雜...絕對係晚飯既好去處。餐牌仲寫, 九時後碟碟$18...搵日同皇子睇完戲就過黎食先...睇下係米真係咁平。…Read More

14/2/09 皇子行完街街, 經過此店發現片皮鴨一隻$38 ??唔係卦? 米走入去問下知客姐姐囉, 原來一定要四位先可以叫(因為無半隻叫), 我地諗住無得吃既時候, 個知客姐姐話如果我地唔介意加多兩個茶位都可以吃架喎, $10一個茶位, 即係加$20...計落$58一隻都好似好抵食喎, 所以我地就決定情人節在此慶祝。因為我地吃小菜, 所以在2樓小菜廳; 好清靜一d都唔嘈(因為之前睇食評話好嘈)。我地叫左:1. 片皮鴨一隻一食( 兩食加$30; 可以揀涼瓜炆鴨件或炒鴨絲), 雖然個主任刀工好差片漏好多皮, 不過隻鴨好好食唔太肥又暖暖地, d薄餅皮都熱騰騰既, d青瓜就老左d, 最美中不足係無上蔥段...所以唔夠香味。2. $108 孖寶(茄汁中蝦及豉汁蒸倉魚), 條魚真係一流, 都幾大條又啱啱熟, 熱騰騰咁超好食, 成條魚比我地狂風掃落葉咁清哂。中蝦我地吃左一隻, 蝦好新鮮, 不過d汁就唔夠濃同味道, 其他就無吃到, 實在太飽打包左回家。3. $19.8 一隻頂角羔蟹, 我地叫左2隻, 只係吃左一隻。都幾好味, 肉實又多羔不過就都幾細隻囉。d服務員態度幾好呀, 除左個男經理有d怪怪地(佢勁似d大龍鳳酒樓做開咁); 不過我地比佢地漏左單, 等左30分鐘先有第一樣食; 唔知係米肚餓關係呢, 覺得真係好好食囉~~埋單加埋一, 都係$268…Read More

12/2 同皇子行金魚街周圍吃小食, 食到咁上下好想去食糖水喎, 眼見大良八記有新野米入去囉...。1. 鐵達尼號 $38 - 3個雪糕、3種生果、3塊格仔餅、1條朱古力條...雪糕無得揀味得綠茶同朱古力味, 生果又係無得揀有蜜瓜、西瓜同芒果。綠茶味雪糕唔好食, 朱古力味幾好食, 蜜瓜好好食, 西瓜一般, 芒果有d苦...格仔餅熱騰騰好好食不過好細塊, 朱古力條係現成黑白配, 整體黎講唔抵食, 中下質素。2. 楊枝金露 $20 - 以為最穩陣既野食, 點知差到震呀。人地既楊枝金露係芒果汁底既, 佢呢係糖水底溝d芒果茸就當係, 食落水還水, 芒果茸還芒果茸, 得個甜字; 芒果粒又係有d苦既, 總之整體黎講係勁差。食物款式好似有好多咁, 不過其實都係差唔多, 只不過唔同名同轉左少少材料。服務員好似全部都係生手咁, 問佢野答唔出要比相薄我地自己睇, 得3枱客; 可以錯4次, 唔記得比湯匙、比錯雪糕、落錯order同比錯生果(隔離枱指定只要綠荼味雪糕同唔要芒果)湯匙好污垢, 換左2次都係咁...太差喇~…Read More

14/1 同皇子行完黃金, 然後過左西九龍搵野食; 見到這間舖坐得幾舒服米入去囉。我地叫左個雜錦海鮮石頭飯, 炸蝦烏冬, 軟殼蟹, 仲有免費柚子蜜梳打(因為佢送$10飲品卷)炸蝦有4隻仲有3件炸物好多餸, 雖然個烏冬係淋左少少; 不過都好好味~:)雜錦海鮮石頭飯, 餸都好多, 不過個石盅就真係細左d喇~ d飯由頭到尾都好熱, 好暖胃~軟殼蟹有兩隻, 新鮮炸起; 都好厚肉又有羔, 唔錯。:)柚子蜜梳打, 唔多夾既味道; 都溝唔埋。不過唔洗錢就無問題囉~下次都會再去, 不過就少野食選擇囉~希望佢地會加多d野食啦!!…Read More

昨日行過見到這裡有間分店, 所以今日就同皇子黎吃下先。我地叫左兩個餐: fish burger同Bacon cheese burger, 一個要洋蔥圈一個要薯條Fish burger 好厚好重, 個包夾佢唔哂; 不過食落就好論盡, 一路食一路有D野趺出黎。最後係個包吃完仲有塊魚柳淨囉~~Bacon cheese burger唔係我食, 不過皇子就話同M記差不多。最失望係個洋蔥圈, 洋蔥無味, D粉又奇怪...好難食。薯條就厚身同好濃, OK~…Read More

12/1 同朋友W食飯, 佢想吃壽司; 咁我見羽做特價又有九折咭, 所以就選擇這裡。眼見帶子壽司$8蚊件, 珍寶蠔壽司$6蚊件; 我地米叫左3客帶子同4客珍寶蠔壽司, 然後仲有其他壽司同小吃。珍寶蠔壽司抵食又吃味, (不過都要睇邊間食; 我早排去新蒲崗果間呢就一D都唔好食仲好淡同水汪汪)帶子壽司就一般好食(唔夠上次新蒲崗果間甜同厚)南瓜三文魚頭湯, 好多骨又唔夠熱; 如果要D應該會好飲D。皇帝蟹柳壽司, 好甜好厚。最喜歡都係佢地既軟殼蟹手卷, 真係好好食又有蟹子...必叫。仲有其他食物均屬正常~~埋單$247, 都好抵呀~~…Read More