StephanieTsui1484's Profile

攻打四方城-雖然唔知呢間舖既名同d野食有乜關連，奇怪在係鰂魚涌想搵間平民車仔麵都幾難下，係咁既大前題下想快快食個quick lunch 上open rice睇好快就搵到佢，試左個每日限量既慢煮牛舌粒（只可以話好軟冧），雞翼同豬紅加中辣辣汁，um..怕辣既朋友試下小辣就好喇，但個隻辣又幾野味wor（非常加分既醬汁），不其然要加番個$10凍飲唔知係唔係策略之一呢？其他款汁料要另加錢架，唔知係咪秘製醬汁，如果揀埋揀埋可能要成$5x先落得樓，食個車仔麵我又覺得太貴，唯有下次再試。…Read More

黎得利園除左買包包外，其實仲有其他野好做既，weekdays放假黎左呢度飲杯coffee hea一陣，原來有咁大地方同好坐又唔駛同人係Starxxxxs/Pacixxx 等位爭位坐，$3x 意式cappacino再送粒70% cocoa朱古力俾你，prime location+價錢+質素，忙裡偷閒/等人/吹水，10分推介呢個地方，見其他網友推介三文治，希望下次多d時間再黎試下…Read More

放假流流見屋企附近呢間新茶記未試過，出於好奇點解成日都咁多人，裝修見幾新派，就入去食個快趣早餐，點左沙嗲牛包+凍奶茶，出奇地係香港地已經好難食到咁香花生醬味既沙嗲鮮牛包，多汁加鮮味好抵讚+香濃茶記奶茶，好一個滿足既早餐…Read More

黎得呢間店必定會點佢既mussels pot+啤酒，果然打開個drink list真係多到“唔識揀”，點知揀左款fruity d 既佢又無，最後。。唔想阻大家吹水時間又咪係叫左Stella。mussels就揀左佢既class cream sauce味道係好但會覺得油膩加埋佢既fries+一塊勁牛油toast on the side，食少少已經覺得飽，再加埋叫左burger同caesar salad 一行三人都要好努力先食得完。講埋個burger先，medium rare既牛牛覺得有d乾，入面仲有蛋/菜/cheese，總體感覺一般啦，個caesar salad反而有驚喜喎，可能點既野比較油，食番d salad refresh番味蕾，加上入面有粒粒蕃茄乾同煙肉好match同fresh。我諗呢度最大問題係音響同周圍都太嘈，當大家鬥大聲講野又食咁多炸野啤酒之後，發覺係會喉嚨痛的。…Read More

黎開將軍澳次次都食聰嫂，今次就試下其他甜品店，見附近呢間叫小方既就試下先。三人行叫左榴戀天使/熱蛋白鮮奶同埋即撞豆腐花，榴戀天使入面有一球榴槤肉+vanilla雪糕+水晶珠（不過不失啦，始終聰嫂都係優勝好多）蛋白鮮奶真心地覺得唔掂（燉得過老），最抵讚既只得即撞豆腐花，老人家就非常like喇，上枱既時候仲有個timer計時兩分鐘，好有豆味好滑連糖水/黃糖都唔駛落。正…Read More

星期五最好梗係同姐妹吹下水食下野啦，見openrice好評都唔少，呢度環境暗暗地，想飲幾杯乜野開心唔開心都可以講哂出黎。諗住幾個女仔唔食得多野既情況下，傾下食下飲下，叫左刺身，串燒（芝士雞翼/明太子雞翼/厚燒牛舌/雞軟骨/蛋/三文角飯糰/燒蠔/多春魚/鱔。。。。）唔知點解叫下叫下食下食下。。。真係叫左好多hahaha .最後有叫個蕃茄豆腐沙律先無咁油膩。。串燒質量真得不錯，我地仲encore左個厚牛吞，大學一致認為最好味 到左埋單，的確比想像中貴既，咁睇開comment都要有少少呢個心理準備喇，不過野食quality同佢個巨型sashimi蝦又真係幾真心抵讚，俾個like佢…Read More

曾經曾經覺得去Felix係一件好型既事，其實最出名都係佢個toilet，居高臨下無敵靚景toilet，女廁係洗手盤側邊“望”到靚景only..但veevee望靚景就只係優待男仕喇:(。尋日終於去左Felix試左佢個Early Dinner 限時6：00-8：00 價錢的確優惠$468+10% 多得有 人誠意推介加book枱，長假期可以好好enjoy呢個靚景3 courses 晚餐，最後Starter揀左Scallops，Main 牛牛，甜品係Bean curd cheese mousse and Mango sauce honey icecream and berry pancake。 首先食西餐當然有麵包，對於我呢d麵包控，呢度既麵包同牛油真心覺得超好味，法式牛油+外脆内軟包，我好快就KO左兩個，到Scallops煎得幾香入面仲係Q軟，medium rare牛牛分別用上唔同部位既牛牛同煮法，一款係外脆，另一款我估係慢煮牛牛Q軟，最想講既係甜品部份，好似好多野夾埋一齊，bean curd cheese mousse + mango sauce 整到好似煎荷包蛋咁，賣相幾好但食落佢同pancake都有d失望呀，抵讚既反而係佢既coffee+甜品既甜品platter(半島朱古力/瑚碟酥/cookies)，真心覺得呢餐early dinner 太飽飽要食完早早去行下減肥。大滿足…Read More

好神心咁早由港島區黎到呢度，終於試到端記川龍茶樓，人流明顯比另一間彩龍多，可能前面已經有個大停車場架車一家大細比較就腳方便。講番食物先，其實好有舊式屋村酒樓feel，以自助形式自己拎點心沖茶，懷舊款式點心比較多，大包/糯米卷/鳳爪/菜肉包/燒味/粥品/腸粉/炸物，仲有最馳名山水豆花同西洋菜，好可惜黎既時候已經太晏，假期人多無機會試西洋菜，食下食下都試左唔少點心，質素都唔錯加埋咁自然既環境，果然值得加分，拎野食既時候聽到附近人講端記比彩龍點心多款式，希望下次可以早起的話到去試下…Read More

無意間係openrice 見呢間新開海鮮店，見評語有$9即開蠔，對幫襯開Ocean Txxxx買開$2x既朋友，唔幫襯好似對唔住自己喎。咁既價錢真係可以唔駛睇價錢豪（蠔）食一餐。唔駛自己開又有咁既quality 真係好happy但係最可惜8：45pm $9指定生蠔(Irish Rock No.4)就已經無哂喇，再叫左set 買五送一（$18）個款Yellow Stone (美國蠔），typical 爽口中等size海水味唔太重，食埋拼盤（一陣再介紹），我地再enchor蠔人（今次係法國KRY同SCALLAR NO.1-同樣都係$29隻)，Scarllar No.1 好有海鮮咸味爽口鮮甜，另一款都係爽口清爽類 ，配上西班牙sparkling extra dry wine 提升左生蠔既鮮甜味又唔會咁膩口，確實一流。蠔食左一輪，海鮮拼盤（$198）同芝士焗龍蝦配黑松露薯條（$99），兩樣野要比較既話個人覺得焗龍蝦好味d喎新鮮熱辣辣上碟，再加份海膽多士，海膽其實都係生食既好。再黎多個芝士焗元貝，今晚食左咁多生蠔都已經飽飽lu. 滋味行又完結喇。註：冷氣比較大同toilet比較細又無標記（真的有待改善）。希望$9蠔可以長做長有啦…Read More

睇戲前醫醫肚，school food已進據不少香港大商場，今日就去左又一城商場食個快餐，試左辣味卡邦尼年糕+炸雞翼拼盤+柚子橙味沙冰+薄荷檸蜜。之前已經試過佢個卡邦尼年糕，呢個醬汁的確唔錯配年糕creamy有咬口。今次試左加辣版，係好野味但又好似辣左d再勁飲水呀。講埋個小吃拼盤，炸到比較乾有d失望呀，尤其係個排骨，就算點佢個cheese醬都無乜大幫助。反而兩杯飲品有d驚喜，配辣野同濃味野的確唔錯，refresh下口腔又可以食多d。總括來講都係普普通通啦。hea下坐下都幾好既。:)…Read More

芝士控既朋友必試，跟左instruction card 試左即日食/雪凍食/叮熱食（$25 分三次同用唔同方法食共實係抵既。個人觀感雪凍黎食真係好有食芝士蛋糕feel，芝士控就唔好錯過喇。…Read More

香港人既集體回憶，係呢幾年地價越黎越貴之後，一間又一間既老舖賣得就賣要搵間又平又好味既已經越黎越難。今日再次黎到珍香園，每次行開附近都走唔甩買下小食，豆腐花/豆漿/鹵水豆腐/煎釀三寶/生煎飽/窩貼，雖然選擇黎黎去去都係個d，但係有水準既小吃尤其是平靚正豆製品，係依然百物騰貴既香港真無買少見少。今日去做運動前食左邪惡野打底（炸豆腐/炸靑椒/生煎牛肉飽/豆漿/鍋貼）。 豆腐製品類美味依然，唯獨是牛肉包有d 失望，包皮其實幾厚，想食煎物就比較推介“鍋貼”。下次去開太安樓掃街之餘既另一選擇。…Read More

係北角區住左咁耐，呢間小店都算係光顧得最多既西餐小館，只因無論食物質素/食店環境/店員服務/都是比較優質。特別是知道groupon長期有呢間店既生蠔+白酒優惠（$198有十二隻蠔+兩隻藍鮑魚套餐），俾多左借口我地一次又一次黎呢度歎蠔。其實唔駛自己開就有即開生蠔食係幾咁幸福食左個呢個蠔餐+加個一人前炭燒5 stars 頂級肉眼扒6oz晚餐+美國啤酒味薯條配自家製黑松露醬+Hawaii Pizza已經頂住個肚出去。咁多年黎，黎左咁多次都仍然keep到呢個水準，真心抵讚。…Read More

近來好似幾興“磯燒海鮮x任食放題”，即刻俾個借口自己約定屋企人黎試下呢間open rice有唔少好評既放題先。話就話要係facebook like先有既海鮮拼盤，店員都無特別黎睇就預備左俾我地，而個龍蝦好似話要預早booking 先有，我地當然好期待咁早成三星期就book。係等緊最期待既“海鮮拼盤”之前，梗係揀定唔同燒物先啦，雞翼牛牛海鮮應有盡有，最appreciate係無限“燒蠔”，好surprise，quality仲要唔錯同大隻。全程落order係用ipad （扮到幾high tech)，為左減省人手，又真係。。店員人影都唔多隻唔知係咪叫得唔多刺身，無左隻刺身船放刺身影靚相但係甜蝦的確係水準之作，新鮮大隻+甜。其他種類中規中矩，基本上放題店有的都有，值得一讚係有movenpick雪糕（每人一個），但係要兼顧咁多唔同野食而只得兩小時真係好唔夠架幸好店員無特別急急叫我地走，大大話話都過左成15分鐘先走人，服務都算係咁喇。…Read More

店内主打依家好流行既厚pancake，帶埋狗狗去左outdoor area坐，weekdays流流都坐滿哂人，配襯悠閒環境，同朋友飲杯野食pancake 既話都係唔錯既選擇。試左all day breakfast $158，當然都係個d腸仔旦三文魚，沙律之類，主菜中既主菜係加埋佢地既招牌pancake. 其實。。。pancake本身係甜既而佢係會跟埋蜜糖，會有d又咸又甜既感覺，所以最後都係食完咸再食甜。 另外叫左Cocoa & Hershey Pancake $76，呢個朱古力味好濃加埋雪糕仲有香蕉片，食落覺得幾唔錯同好飽。好似好味過原味個塊。野飲只簡單叫左cappuccino同pineapple soda。無乜特別亦無拉花，味道亦幾普通，而pineapple soda俾既粒粒係最硬既菠蘿心，收$46黎講我覺得係過份左既。…Read More