希先生's Profile

預早超過一星期book檯，打算去酒店既茶樓慢慢嘆茶，點知到了該天前一天突然改話用餐時間得90分鐘，一係就book檯時講，分明夾硬來。到了該天，出貨又慢，又漏單，三催四請先來齊，第一張單d貨都未齊就已經問加唔加單，又經常催埋單，一說埋單d伙計就迫埋黎收晒你些杯杯碟碟，方死你留多一秒，咁做生意法，完全唔掂，你今日做多一單生意，但又得失左個客，最後損失都是酒樓。其實食物真是好普通，只係價錢突出，可不用再光顧。…Read More

某天上OPENRICE見到這間樓上CAFE都有不少笑臉，心諗一定不會差，怎知一試都是不外如是。收得這個價錢，又不是比外面便宜，點都應該有服務，但服務竟是自助的，無論餐前餐具是自取的，用餐後也要幫他清理及分類，我諗每個顧客都是來享受食物及服務的，無諗過要做這些，M記都不用做這些，是嗎？說回食物Tomato Spaghetti with Shrimps 是好食的，但本人嫌酸了少少All Day Breakfast 炒蛋鹹了少少，其他普通，無咩特別OREO Smoothill 賣相OK, 飲落都OK, 有 Pacific 既質數Tsugaru Apple Juice總捨來說，應該唔會再有下次，食物普通，完全無服務，咁既價錢，番卓指數係 0.…Read More

唔知係咪我要求高，第一次見到隻碗污穢叫佢換過隻，見佢係碗櫃不停擦十幾秒，心知不妙，拎來時也不敢用。我自己去隔離檯是但拎一隻，又是污穢的，總是有上手食剩既物資（見圖）。後來店員見我側面放了兩隻碗問我係咪污穢，我答係。之後他去了碗櫃看了幾隻碗也無拎比我，最後去了廚房拎比我，不過我怕了，不敢用。其實連隻碟（見圖）都污穢的，見不用就算了。食物質素其實一般，不值再來。京醬肉絲配薄餅的肉絲無咩肉味。…Read More

18 Aug 2008 (一) 7:00pm今晚來了此處食海鮮，是因為這裡價錢比較相宜，故來了此店。今次叫了五碟小菜。蠔餅就沒有想像中好食，無咩特別。而蝦醬炒通菜是朋友特別要求叫的，唔太鹹，炒得都唔錯既。另外白灼東風螺，配上海鮮醬帶出螺的鮮味，正。還有椒鹽鮮魷，食落調味都唔覺太重，岩岩好，正。豉汁炒中蟶，唔係太大條，不過$50價錢想要咩貨式丫，d汁都幾好味，仲飲左少少添。另外還叫了兩支可樂。這餐食了幾多海鮮，而且又平，值得再來。…Read More

31 July 2008 (四) 1:00pm平時看見這間漢堡包店一直要排好長隊的，所以一直無光顧，今日去到又係要排到出門口，真是誇張呀！我叫了薯條、可樂、芝士牛肉包回公司食，但芝士唔知係咪溶了或比錯我，回到公司不見了。個芝士牛肉包雖然凍了，但食落去味道都唔錯，牛肉好淋，個汁又唔太多。而薯條就稍為差少少，唔知係咪我由細到大都係食M記，所以食唔慣佢果D呢？是次消費 $47.00…Read More

28/7/2008(一) 2:30pm今日行左落去中環區，突然發現有間魚米家，價錢又不是太貴，故上去試一試。我叫了香矛豬扒米線、甜脆雞翼及凍檸檬茶。香矛豬扒好似炸了很久，咬落去淋的，無彈牙的感覺，不過湯底飲落都幾淡，好似無味精。而甜脆雞翼就像普通炸雞翼，面頭加上糖醬，無太大驚喜。如果用$28元的價錢就尚可接受，若用正價的話，就不值了。…Read More

2008年7月22日(二) 12:30pm在金鐘區一個人叫外賣，其實選擇不多，但本人又懶落街買飯，所以在無咩選擇下叫了好煮意 。本來我叫了蒜蓉什扒意及凍檸檬茶，但卻送了蒜蓉什扒飯給我，送錯其實並不是太大問題，最大問題是快餐越來越難食，下次我一定不會再叫快餐，會散叫的。另外，個外賣仔真係好有問題，竟然打來叫我落去取外賣，我當然采佢都傻喇，我估佢費時要登記上來喇。*散叫真係好d架…Read More

2008年7月1日 (二) 7:30pm由於唔係太肚餓及加上在這附近又好似無什麼特別想食，故來此試一試這店。芝麻手撕雞味道好普通，不值得一試。魚腐湯麵的魚腐好lum，不太好食，如果能夠實少少就比較好，不過d湯底幾好。埸內冷氣經常滴水，差。總結: 個人覺得是無下一次的。…Read More

19 June 2008 (四) 3:00pm今日去了探病，到下午3:00pm才去食下午茶，附近只有此餐廳及另一西餐廳，但是昨晚已試了西餐廳，故今次去了六合小館 一試。牛根腩米肉唔un，牛根也很爽口，味道都不差，好好味，亦可能我太餓的關係了，所以才覺得正。另外，凍檸檬茶唔甜，無茶味，唔掂。…Read More

16 June 2008 (一) 2:30pm今日行去灣仔，唔知食咩好，因為就快夠鐘番公司，所以就是但找間餐廳來試，亂打亂撞下就入了此店。原本打算叫個炸脾公仔麵，打已賣晒，可能真係好好食喇，不用半小時就無得賣(下午茶2點開始)，所以我最後叫了叉燒腸仔螺絲粉及凍檸茶。叉燒腸仔螺絲粉味道唔錯，螺絲粉都幾爽口，唔淋，奈何叉燒都幾黑，賣相好差，好似放了很久。而凍檸茶的檸檬係即切，無雪藏都硬硬的感覺。總體上都ok架，值得一試。…Read More

2 June 2008 (一) 2:35pm今天去到上環食下午茶，怎知許多地方都坐滿人，唯有得大快活有位，所以迫於無奈在大快活食茶餐。眼見menu其實選擇不多，只有這圖片中的茶餐比較好的，故一試。豉油雞翼及珍寶腸其實好普通，而所謂的 "上海幼麵" 同 "雪菜麵" 無分別，加上有皂水味，唔好食的，非常失望。…Read More

26 May 2008 (一) 2:30pm今日原本想去筷子基一試的，但看見已坐無虛席，突然發現這裡有位，故入來一試。是次叫了下午茶餐。包括：沒有蜜糖味的 "蜜餞雞全翼"，但卻有鹹味囉。另外還有無麻醬味的"擔擔面"，這也算是擔擔面嗎？最後杯豆漿就幾好飲，可能我口渴的關係喇。不過$18元價錢黎講，係咪唔好要求咁多呢？…Read More

22 May 2008 (四) 8:00pm今天突然好想食素菜，所以去了這裡。今次叫了二人自選套餐(有糖醋魚柳、紅燒菜膽翅、西芹花枝蝦片、香酥蔗蝦) 及三文魚壽司，食物已經足夠我們飽了。糖醋魚柳： 唔多似有魚味，味道又麻麻地，差。紅燒菜膽翅： 很淡味，唔落醋唔得，唔知係咪因為素菜整成關係，故味道淡。西芹花枝蝦片： 味道唔差，花枝雖然唔似味，但都好好味，蝦片就似，唔錯。香酥蔗蝦： 好有蝦味，比得上真的蔗蝦，極正。三文魚壽司： 極似三文魚味，唔講我知係素菜，我仲以為真係食緊三文魚。如果再食素菜的話，我會再來食的，加上送了張折頭卡(九五折)給我，怎可以不用呢？…Read More

19 May 2008(一) 2.15pm今日下午又是我late lunch的日子，早前同事介紹我去這食餃子，並說味道不差。去到的時並不多人，一來就可以坐下。今次食了鮮肉津菜餃麵及低糖豆漿。鮮肉津菜餃麵：是用熱水弄熟的，故湯就是水，原本沒有味，但落了此店特製的辣椒醬，整個面就唔同晒，非常好味，餃子又很鮮味。不過麵的份量頗少，如果未食午餐的人應該不夠飽了。低糖豆漿：飲下只有豆味，沒有甜味，果然係低糖豆漿。希望貴店能夠增加麵的份量喇！我下次一定會再來試其他款式的。…Read More

18 May 2008 7.15PM終於今晚有機會一試這泰國菜館，是次叫了的食物如下：蝦片： 是免費的，味道不差，但是味精很重生蝦刺身： 辣了一點點，如果無咁辣就好好味，食完無肚痛，應該都幾衛生，蝦頭炸 過，所以都可以食。泰式拼盤： 總體都不差，尤其是蝦餅，真是好好味，故食了兩舊。蝦羔炒時菜： 非常普通，食不出有蝦羔味，下次不會再揀。總體來說，價錢都可以接受，味道又不差，怪不之得這泰館雖然地方細細, 但都可以生存到現在，有機會會再來吃多次。…Read More