estellawoong's Profile

呢間潮汕菜，有驚喜！平時牛丸就食嘅多，今次試下佢哋嘅招牌—滷水拼盤，平靚正～我最鍾意嘅滷水拼盤，嗰日有幾樣嘢賣晒。我哋嗌咗五花肉、鵝掌、豬耳。真心夠味，入口即化；鵝掌軟糯又唔會太爛，啖啖膠質，豬耳爽脆夠味，抵讚。食完都諗住打包一份攞返屋企普寧炒麵線，乾身、唔油膩，鹹香惹味，簡簡單單。河粉雙拼，豬大腸同牛丸，湯底清甜，豬大腸淋身入味，潮州牛丸唔多講啦，彈牙、有肉汁，下午茶價錢抵食！熱奶茶都好飲，餐廳嘅服務都幾好，街坊價錢，功夫菜質素。特別鍾意滷水拼盤下午茶套餐三十零蚊飽到捧住個肚行出嚟…Read More

咖喱软壳蟹真系必点！炸到金黄，连壳食超方便。个咖喱汁系精髓，唔会太辣抢味，用个汁捞白饭都可以。虾入口先系冰凉爽脆，跟住个种鲜甜同微微辣劲先涌上嚟，虾肉弹牙。炒饭粒粒分明，味道层次好丰富，辣得嚟又唔会抢晒其他餸嘅风头。仲叫咗份甜品 椰皇三重奏，朋友都覺得好好食😋成个甜品由清甜食到浓香，由冰凉食到温暖，真系由头到尾都冇闷场。食完辣辣哋嘅咖喱之后嚟个椰皇三重奏，简直系完美配搭！虽然价钱唔算平，但一个甜品有三种享受，真系有惊喜！绝对值得特登试下～…Read More

之前冇見到西多士，今次來見到餐單上有西多士，所以嚟試下。呢個麵包真係好鬆軟，夾住勁多花生醬，炸到金黃脆口，淋埋糖漿同牛油，一啖咬落去，外脆內軟，花生醬香濃，甜中帶鹹，邪惡但抵食。…Read More

火山排骨賣晒，嗌咗個泰式酸辣去骨凤爪，好好食😋酸辣醒胃，爽脆弹牙，辣度啱啱好，食到停唔到口，配菜都幾多，撈飯一流❤️炒饭镬气十足，份量够大碟！將鳳爪同埋炒飯撈埋一齊食，超級爽！烧鸡翼同烧鱿鱼都烧得啱啱好，鸡皮香脆、肉嫩滑，鱿鱼爽口唔韧，蘸埋醬汁更惹味！ 油菜嗌咗個蒜蓉炒西蘭花，OK嘅。從粉嶺行过去好近，次次上深圳、都忍唔住先來呢度食嘢。上一次食到個甜品，椰汁西米糕，幾好味！街坊價錢，食到高水准泰国菜，一定会返兜！👍服務都好嘅💕…Read More

見到呢間餐廳嘅雙餸飯出咗新品，豉椒炒鯇魚，啤酒紫蘇炆鴨，兩個餸一個飯$78，包埋一杯熱飲，即叫即炒，非常之有鑊氣。紫蘇炆鵝，我幾鍾意，炒鯇魚我覺得有少少甜，不過可能香港人鍾意甜甜地，呢兩個餸，我見到係話廚師推介，不錯嘅。飲品就揀咗熱薑檸蜜，酸酸地甜甜地。其實雙送飯其他嘅餸，我都比較鍾意炒A菜，菜脯煎蛋，炒四季豆，炒雜菜，呢間都炒嘅幾好，即係你而家叫，依家幫你炒嘅。仲送一個好細好迷你嘅蛋撻，好得意。…Read More

我朋友介紹來呢度打邊爐，120分鐘牛肉放題，無限量食到飽，牛肉係冇激素 純天然，大塊有牛味。我鍾意海蝦，個個大隻。港式點心係當日自製，蝦餃同燒賣彈牙多汁，夜晚可以食到點心，好少見到。湯底揀咗鴛鴦，台式麻辣同菌湯湯底，唔會幾辣。自助投影機可以放視頻，好有feel，如果喺呢度過生日，一定好有氣氛。甜品試咗芒果布丁，仲有哈根達斯雪糕唔同口味。服務熱情，兩個人可以85折，商場下邊就係屯門巴士站，返屋企都好方便。…Read More

兩個人嗌咗份牛油果雞肉沙律，同牛肉漢堡，太大份量，不過都好好食😋 沙律特別多青菜，牛油果新鮮，清清爽爽，食咗冇咩負擔。兩個人都算太多。 漢堡🍔好味😋餐前麵包無限量供應，兩種口味，俾咗牛油，口感係比較硬啲嘅。最後嗌咗兩杯嘢飲，士多啤梨奶油同埋青檸梳打，影相就特別靚。喺呢間餐廳食嘢，好放鬆，暖色燈光下 聽音樂，同埋食嘢，同朋友傾偈都好relax位置都好好搵到，商場一樓，我哋到咗唔使等位，工作日收工之後，呢度基本都係附近返工嘅人，服務細心，嘢食有質素，不錯…Read More

呢間店好似啱啱開嘅，見到餐牌好多嘢食，粉麵、海鮮鮑魚，滷水，潮汕小食。我哋嗌咗個牛丸豬肉丸河粉，川椒雞，蠔仔煎餅，炸豆腐。牛丸彈牙多汁，河粉家底兩個人都食唔晒，份量大。蠔仔煎餅切開四份，入邊蠔仔滿晒，配魚露 幾好味。不過同其他蠔仔餅唔同，呢個係用炸嘅，應該唔係紅薯粉，第一次食呢個味道。川椒雞唔算辣，炸豆腐係店員介紹，係佢啲嘅特色，外皮卜卜脆，入邊嫩滑，唔錯。下午茶5:30之前，差唔多$50可以食一餐，銅鑼灣呢個地方就已經好抵食…Read More