paypay123's Profile

跨年的時候跟家人補祝，爸爸媽媽對這裡的菜挺滿意的，其實我推介公司聚餐可以來這裡吃，總體上看，色澤什麼的都很不錯，看起來很有食慾。水煮牛肉吃起來很正宗，肉也很嫩，螃蟹，蝦和鮑魚很新鮮，蒜子焗蟹，略微有點美中不足的是蒜味稍稍重了一點。東星斑炸的老了那麼一點點，但是味道和肉質並沒有太大的影響，還是很美味的。鮑魚口感很好，很彈牙，就是荷包有點兒痛。最值得一提的是龍蝦，這種做法是我最喜歡的一種做法，而這裡做的確實是挺不錯。大家都說這個龍蝦做的特別好吃。總的來說吃的非常滿意，所以特別來給店家一個好評，希望下次也能這麼好吃。…Read More

約半年前去過觀塘御膳之後,對私房菜印象大為改觀,原來工厦內－樣可以食好西.前晚朋友聚會，又有機會再到御膳,當晚我地点左多款令人難忘菜式:白胡椒爆炒南非鲍魚......鮑魚好入味煙煙韌韌，相當弹牙,而白胡椒可以除左鮑魚海水味,更加味美蒜子蟹，蒜味爆得好香，蟹亦好足秤，蟹肉新鲜，肉質唔會霉,鲜甜味美麻辣鹵水併盤,少少麻辣好野味，其中金錢肚有爽囗入味;牛舌亦唔错,而且份量亦唔少,抵食這次再光臨御膳,佢地繼續保持水準,值得－讚…Read More

因為經常要工作關係，所以好耐無去尖沙咀嘅"石牆道"嘆下佢地嘅韓菜,上星期就抽空同Ｄ好友去拜會—下.我最鍾意食佢地嘅海鮮葱餅,裡面有多款海鮮做餡,如蝦,墨魚仔,蜆肉等,相當新鮮，香囗,且富有囗感.水冷麵也不錯，凉浸浸十分爽囗彈牙,韓燒後食就－流.韓式生牛肉亦係另－賣點，如果係第－次食確實係有點嚇人,但試過後卻－試難忘,生牛肉包梨絲非常清新怡人.石牆道嘅韓菜繼續保持水準,大家不妨－試…Read More

平日收工最鍾意约埋三五知己邊閒聊邊品嚐美食，人生一樂也。所以上星期我地就去左謝斐道嘅“昭和食堂”嘆下居酒屋美食。店面唔係好大，但樓底都幾高，座位挺寬敞，我地order左以下幾款：野菜沙律伴龍蝦味噌醬…………有蕃茄仔，芹菜，好新鮮爽甜，再配以龍蝦味噌醬，真係一道挺開胃前菜。炸櫻花蝦豆腐………………炸得外脆內軟，豆腐仲好滑，蝦肉亦鮮甜弹牙，幾好食。鹿兒島黑䐁…………………一片一片切得薄薄，肉質幾好，軟腍，唔韌。凡立貝牛油燒………………新鮮，好香牛油味，啖啖口感。當晚大家都食得相當開心，非常滿意的一餐噢……………Read More

上星期公司請食飯，由於我地公司係觀塘，而觀塘嘅樓上餐廳特別多，所以老闆就選擇左係敬運工業大厦嘅，“御膳”。我地早幾日就已經用WS確認左菜單，有龍蝦，蟹，非常豐富1)大蜆湯。。。。非常鮮甜，蜆肉提鮮不少，再配以豆腐2)蒜子蟹。。。用好多蒜瓣烹調，蟹肉相當清甜，但蒜頭數量多左D，少番D就好一點貼3)香煎花龍。。。香氣撲鼻，肉質爽甜，啖啖口感4)川式水煮牛肉.。。。。一睇就知道超辣，但牛肉非常有牛味且軟腍，牛味十足。“御膳”整體非法有水準，菜式特別且新穎，坊間少見，值得一試。…Read More

早兩日去左荃灣大鴻輝嘅大井町，試下佢地嘅日式放題。我至愛當然係佢地嘅刺身，有三文魚刺身非常厚切，而且新鮮；蝦則细左D，D肉有D霉；帶子都算大隻，味鲜，整體都叫唔錯啦，尚算抵食…Read More

上星期同女朋友去左佐敦文英街嘅“私房御约”，佢地嘅蒸氣海鲜都幾出名，因為佢地嘅Seafood都非常新鮮，我地當晚成左有中蝦，都幾大隻，蒸熟後蝦肉非常彈牙，幾有口感，不錯…Read More

噚日同女朋友去太子行街，攰攰地就去左廣東燒味食個飯，我叫左份西蘭花炒肉片，西兰花炒得好爽，肉片又好腍，好入味，但D飯就唔係好夠熱，凍左D，但整體都算ok啦，不妨一試。…Read More

早幾日就去左天文台道嘅椰林春天嘆左佢地嘅椰子雞煲。雞肉由海南島直送，所以肉質非常鮮嫩，而椰子亦非常鮮甜，整體配合非常yummy.另外，火鍋料有安格斯肥牛，肉質軟腍，牛味十足…Read More

過完農曆新年後，食得太滞，所以都想食下素，噚日就去左佐敦大中華素食。環境一般，試左佢地個白汁焗麵包飯，D麵包好硬，D飯就仲未熟透，半生熟咁，白汁又太多，濕淋淋，都幾失望下，想食下素都咁樣…Read More

今日放假去左慈雲山裕滿人家飲茶，佢地D點心款式多，好似有:豬手好軟腍入味；鳳爪好大隻但鹹左D；沙律春卷，面沙律醬好多，好好食yummy yummy,另有款企鵝包就真係唔捨得食…Read More

上星期收完工就去左太子relax下，之後就去左豪仔記試左佢地嘅干炒牛河，好夠火喉，味亦吳錯，牛肉好軟腍，唔會韌，幾有水準，但price就貴左D，要成六十幾蚊，就…………要考慮下先…Read More

噚日放假，所以到處走走，食完lunch後就去左鳳德村麥當勞試左佢地嘅香芋雪糕，都幾香滑，香芋味濃，不過就甜左少少，而且要$6就真係比較expensive,以前先$3.5，所以唔係好抵食…Read More

噚晚一個人食完晚飯，無無聊聊行下街，之後就入左海皇粥店試左碗綠豆芝麻糊，$18/碗價錢合理，味道唔會太甜，芝麻糊好有口感，唔會有磨唔均勻嘅情況，整體都幾好食，大家不妨一試。…Read More

噚日同表弟去左麥當勞嘆過下午茶Tea Set,我同佢叫左個開心樂園餐，有漢堡burger,牛肉好香，無燶，茄瓜就最正，酸酸甜甜，而D薯條亦好脆，加埋盒利賓纳，仲有玩具，確實超值…Read More